ᒐᓂᓯᔅ 21:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᓴᕋ ᒂ ᐃᔅᒋᔄᑦ, “ᐸᐳᐅᓂᔪᐤ ᑭᔭ ᒥᔽᔨᑎᒧᐅᓂᔪᐤ ᓂᒋ ᒥᔨᒄ ᒋᓴᒪᓂᑐᐤ ᑭᔭ ᒥᓯᐛ ᐊᐛᓐ ᐸᑕᒐ ᑲᒋ ᐛᐱᒪᐅᓱᐅᒡ ᓂᑭ ᐎᒋ ᐸᐱᒥᒄ᙮”

ᒐᓂᓯᔅ 21:6 Iomraidhean Croise

ᒐᓂᓯᔅ 17:17

ᒥᓐ ᒋ ᓂᐱᔅᑯᐱᔅᑐᐛᐤ ᐊᑉᕋᐊᒻ ᒋᓴᒪᓂᑐᐛ ᐊ ᒋᔅᑕᔨᒪᑦ, ᒂ ᐸᐱᑦ ᑭᔭ ᒂ ᐃᑎᓱᑦ, “ᒐᑲᑦ ᓂ ᐸᐃᑯ ᒥᑕᓯᒥᑎᓄᐛᐳᓇᓯᓐ, ᑕᓐᑕ ᓂᐸ ᐅᒋ ᐅᑕᐎᒪᐅᓐ ? ᑭᔭ ᓴᕋ ᐸᐃᑯᔅᑕᐤ ᑕᑐᔪᐛᐳᓇᓱᐤ᙮ ᑕᓐᑕ ᒋᐸ ᐅᒋ ᐅᑦ ᐊᐛᓯᒧᐤ ?”

ᑎᐱᑦ ᐅᓂᑭᒧᐅᓇ 113:9

ᑭᓄᐛᔨᑎᔭᐤ ᐎᒋᔪᐤ ᐊᑲ ᓂᑕᐅᓴᔨᒋ ᐃᔎᐛ, ᑭᔭ ᒐᒋ ᒥᔽᔨᑎᒧ ᐅᑲᐎᒥᑯᔨᒋ ᐊᐛᓴ᙮ ᒪᒥᒋᒥᐧᒄ ᑎᐸᔨᒋᒐᓱᐤ !

ᑎᐱᑦ ᐅᓂᑭᒧᐅᓇ 126:2

ᐊᑯ ᒋᑐᓂᓇᒡ ᓯᔭᑭᔅᒋᓇᒡ ᐸᐳᐅᓐ, ᑭᔭ ᒋᑕᔨᔨᓇᒡ ᓂᑭᒧᐅᓐ: ᐊᑯ ᑲ ᐃᑎᑐᒡ ᐊᑲ ᐊᔭᒥᐊᒡ, “ᑎᐸᔨᒋᒐᓱᐤ ᒥᔅᑎ ᒐᒂᔪᐤ ᒋ ᐃᑐᑎᒧᐛᐤ᙮”

ᓗᒃ 1:14

ᓇᔅᒡ ᒪᒃ ᒋᑭ ᒥᔽᔨᑕᓇᐛᐤ ᑭᔭ ᓇᔅᒡ ᒋᑭ ᓯᒋᔭᔨᑕᓇᐛᐤ᙮ ᒥᒐᑦ ᑭᔭ ᐊᐛᓐᒋ ᒋᑭ ᒥᔽᔨᑎᒧᒡ ᐃᔅᐱ ᐱᒪᑎᓯᔨᒐᓂ᙮

ᓗᒃ 1:58

ᐃᔅᐱ ᒪᒃ ᐱᔭᑎᒥᔨᒋ ᐎᐧᑲᓂᓱᐛᐛ ᑭᔭ ᒥᓯᐛ ᐃᔪᐛ ᐊᓐᑕ ᒥᒋᒪ ᑲ ᑕᔨᒋ, ᓇᔅᒡ ᑕᑈ ᒋ ᒥᔽᔨᑎᒥᔪᐛ ᐊᒋ ᐸᑎᒥᔨᒋ ᑕᓐ ᑲ ᐃᓯ ᒥᔪᑐᑎᒪᑯᑦ ᐅᑎᐸᔨᒋᒐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:15

ᐎᒋ ᒥᔽᔨᑎᒧᒪᐧᑯᒡ ᐊᓐᒡ ᑲ ᒥᔽᔨᑕᒡ᙮ ᐎᒋ ᒥᓯᒪᔨᑎᒧᒪᐧᑯᒡ ᐊᓐᒡ ᑲ ᒥᓯᒪᔨᑕᒡ᙮

ᐃᑉᕈᐛ 11:11

ᑭᔭ ᓴᕋ ᓂᑦ ᐊᔨᒧᒪᐤ᙮ ᐊᑉᕋᐊᒻ ᐎᐛ ᐊᓂᔭ ᓴᕋᔨᒋ᙮ ᑭᔭ ᐎᔾ ᒪᒃ ᓴᕋ ᒋ ᑕᑈᔭᔨᒪᐤ ᒋᓴᒪᓂᑐᐛ᙮ ᓇᒪ ᓂᑕ ᐅᒋ ᐊᔭᐛᐤ ᐊᐛᓴ ᑭᔭ ᓴᔅ ᒋ ᐎᒪᔅᑭᒻ ᐊᓂᔭ ᐊ ᐃᔅᐱᑎᓯᓇᓄᐎᒡ ᒐᒋ ᐊᔭᐛᑭᓄᔨᒋ ᐊᐛᓴ᙮ ᒥᒄ ᒪᒃ ᐃᔭᐱᒡ ᒋ ᐊᔭᐛᐤ ᐊᐛᓴ ᐊᓂᔭ ᐅᒋ ᐊᒋ ᑕᑈᑐᐛᑦ ᒋᓴᒪᓂᑐᐛ ᒐᒋ ᐃᑐᑎᒪᑯᑦ ᑕᓐ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᐃᑐᑎᒪᑯᑦ᙮