ᒐᓂᓯᔅ 21:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋᓴᒪᓂᑐᐤ ᒋ ᓱᐛᔨᑕᑯᐛᐤ ᓴᕋᔨᒋ ᒧᔭᒻ ᑲ ᐃᔅᒋᔄᑦ ᒐ ᐃᑐᑕᐧᒃ, ᓇᒪ ᐅᒋ ᐅᓂᒋᔅᒍᐤ ᒐᒋ ᑐᑕᐧᒄ ᒐᒂᔪᐤ ᑲ ᐊᓱᑎᒪᒐᑦ᙮

ᒐᓂᓯᔅ 21:1 Iomraidhean Croise

ᒐᓂᓯᔅ 17:16

ᓂᑭ ᓱᐛᔨᑕᑯᐛᐤ ᓴᕋ ᑭᔭ ᒋᑭ ᐅᑯᓱᐤ ᒋᔾ ᐅᒡ᙮ ᓂᑭ ᓱᐛᔨᑕᑯᐛᐅ ᑭᔭ ᐎᔾ ᒋᑭ ᐅᑲᐎᒪᐤ ᒐ ᑕᑐᔅᑲᓇᓯᓇᓄᐎᒡ; ᐱᔅᒐ ᐅᑦ ᐊᓂᔅᑯᑕᐸᓇ ᒋᑭ ᒋᓴᐅᒋᒪᐎᔪᐛ᙮”

ᒐᓂᓯᔅ 17:19

ᐊᑯ ᒋᓴᒪᓂᑐᐤ ᐊᑕᑦ, “ᓂᐦᐃ, ᒥᒄ ᒋᐅ ᓴᕋ ᒋᑭ ᒥᔨᒄ ᐅᑯᓯᒪᐛ ᑭᔭ ᐊᐃᓯᒃ ᒋᑭ ᐃᓯᓂᐧᑲᑕᐤ᙮ ᓂᑭ ᐊᔨᒋᑎᒧᐛᐤ ᓂᓇᔅᑯᒧᐅᓂᔪᐤ, ᐊᐅᒄ ᐅᒪ ᓂᓇᔅᑯᒧᐅᓐ ᒐ ᐊᑲ ᓂᑕ ᐃᔎᐱᔨᒡ, ᐎᔾ ᐅᒡ ᑭᔭ ᐅᑦ ᐊᓂᔅᑯᑕᐸᓇ᙮

ᒐᓂᓯᔅ 17:21

ᒥᒄ ᓂᑭ ᒥᔭᐤ ᓂᓂᔅᑯᒧᐅᓂᔪᐤ ᐊᐃᓯᒃ, ᐊᓂᔭ ᒐ ᓂᑕᐅᒋᔭᑦ ᓴᕋ ᒋ ᐸᐃᑯᐳᓂᔨᒐ᙮”

ᒐᓂᓯᔅ 18:10

ᑎᐸᔨᒋᒐᓱᐤ ᒂ ᐃᑕᑦ ᐊᑉᕋᐊᒪ, “ᒋ ᐸᐃᑯᔅᑕᐤ ᑕᑐᐤ ᐱᓯᒺᔭᒐ, ᑲᐤ ᐅᑕ ᓂᑭ ᑎᑯᓯᓐ ᑭᔭ ᓴᕋ ᒋᑭ ᐅᑯᓱᐤ᙮” ᓴᕋ ᐅᑕᒡ ᒋ ᐅᒋᑲᐳᔅᑐᐛᐤ, ᒋᐱᔎᒡ ᐅᒡ ᐅᐱᒍᐎᔭᓂᒋᐛᐳᐛᒡ ᐛᒋ ᓂᑐᑐᐛᑦ᙮

ᒐᓂᓯᔅ 18:14

ᓇᒪ ᑎᑯᓂᔪᐤ ᒐᒂᓂᔪᐤ ᒐ ᐊᑲ ᒋ ᐃᑐᑕᐧᒃ ᑎᐸᔨᒋᒐᓱᐤ᙮ ᒧᔭᒻ ᑲ ᐃᔅᒋᔄᔭᓐ, ᒋ ᐸᐃᑯᔅᑕᐤ ᑕᑐᐤ ᐱᓯᒺᔭᒐ ᑲᐤ ᐅᑕ ᓂᑭ ᑎᑯᓯᓐ ᑭᔭ ᓴᕋ ᒋᑭ ᐅᑯᓱᐤ᙮”

ᒐᓂᓯᔅ 24:36

ᐃᔅᐱ ᓴᕋ, ᓄᒋᒪᒻ ᐎᐛ, ᐊ ᒋᓴᐃᔎᐅᑦ ᒋ ᓄᑯᓯᔨᐛ ᐅᑯᓴ ᑭᔭ ᓄᒋᒪᒻ ᐊᑉᕋᐊᒻ ᒋ ᒥᔭᐤ ᐅᑯᓴ ᒥᓯᐛ ᐅᐛᔪᑎᓯᐅᓐ᙮

ᒐᓂᓯᔅ 50:24

ᒋ ᐎᓴᒪᐤ ᐎᐧᑲᓂᓴ ᒍᓯᑉ᙮ ᐃᔅᐱ ᒪᒃ ᑕᑯᓯᓂᔨᒋ ᐊᑯ ᐊᑕᑦ, “ᓴᔅ ᐎᐱᒡ ᓂᑭ ᐳᓂᐱᒪᑎᓯᓐ, ᒥᒄ ᒋᓴᒪᓂᑐᐤ ᒋᑭ ᒥᔪ ᑭᓄᐛᔨᒥᑯᐛᐤ ᑭᔭ ᒋᑭ ᒋᔅᒋᓄᑕᐃᑯᐛᐤ ᐃᒋᑉᑦ ᐊᔅᒋᒡ ᐅᒡ ᐊᓐᑕ ᐊᔅᒋᒡ ᒐ ᐃᓯ ᒋᔅᒋᓄᑕᔨᑕᒄ ᑲ ᐊᓱᑎᒧᐛᑦ ᒐᒋ ᒥᔭᑦ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ᙮

ᑎᐱᑦ ᐅᓂᑭᒧᐅᓇ 106:4

ᒋᔅᒋᑐᐎ, ᐅ ᑎᐸᔨᒋᒐᓱᐤ, ᑲ ᐃᓯ ᒋᓴᐛᑐᑐᐅᑥᐤ ᒋᑦ ᐃᔨᒥᒡ: ᐅ ᒧᐅᐱᔅᑐᐎ ᒋᐱᒪᒋᐃᐛᐅᓐ ᐅᒡ;

ᑎᐱᑦ ᐅᓂᑭᒧᐅᓇ 12:6

ᐅᑦ ᐃᔨᒧᐅᓇ ᑎᐸᔨᒋᒐᓱᐤ ᐸᔭᒋ-ᐃᔨᒧᐅᓂᔪᐛ; ᒧᔭᒻ ᓱᓇᔭᐱᔅᒄ ᑲ ᑯᒋᑕᑭᓄᐅᒡ ᐊᔅᒋᐤ ᐃᔅᑯᑕᐅᒋᐛᐱᒡ, ᓂᔄᐅᑕᒡ ᑕᑥᐤ ᑲ ᐸᔭᒋᑕᑭᓄᐅᒡ᙮

ᐊᒃᓱᑕᔅ 20:5

ᐊᑲᐎᔾ ᒋᑭ ᐅᒋᒋᐧᑯᓂᐱᔅᑐᐛᐛᐅᒡ, ᐛᔅ ᓂᔾ ᑎᐸᔨᒋᒐᓱᐤ ᒋᒋᓴᒪᓂᑐᒻ ᓄᒋᐃᐛᐤ ᒋᓴᒪᓂᑐᐅᓐ; ᓂᑦ ᐊᔨᒥᐊᐅᒡ ᒪᒃ ᐊᐛᓯᒡ ᐅᑕᐎᐛᐛ ᐅᒥᒋᑥᐅᓂᔪᐛ ᐅᒡ ᐱᐃᒻ ᓂᔅᑐ ᑭᔭ ᓇᐤ ᒐ ᐊᑎ ᐊᓂᔅᒐ ᐱᒪᑎᓯᒡ ᐊᓐᒡ ᐎᔭᐧᑲᓯᒡ;

ᐊᒃᓱᑕᔅ 3:16

ᒐ ᒪᒧᐅᓂᑥᐤ ᒥᓯᐛ ᐅᒋᒪᐅᒡ ᐊᓐᑕ ᐃᔅᕋᐃᓕᒡ᙮ ᑭᔭ ᒐ ᐃᑎᑥᐤ, ‘ᑎᐸᔨᒋᒐᓱᐤ, ᒍᑕᐎᐛᐅᒡ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ ᐅᒋᓴᒪᓂᑐᒧᐛᐛ ᓂᒋ ᓄᑯᓯᔅᑕᒃ ᑭᔭ ᐃᔅᒋᔄᐤ, “ᓂᒋ ᐛᐸᑕᓐ ᐊᑐᑕᑯᐅᔭᒃ ᐊᓐᑕ ᐃᒋᑉᑎᒡ᙮

ᐊᒃᓱᑕᔅ 4:31

ᐊᑯ ᓄᑎᒻ ᒂ ᑕᑈᑕᒡ᙮ ᐊᑯ ᒐᔅᒐᔨᑕᒡ ᐊᓂᔭ ᑎᐸᔨᒋᒐᓱᐛ ᑲ ᐛᐸᑎᒥᔨᒋ ᑕᓐ ᑲ ᐃᓯ ᓇᐧᑲᒋᐅᒡ, ᒂ ᓄᐛᑲᐳᔅᑐᐛᒡ ᑭᔭ ᒂ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮

ᒪᑎᔪᐤ 24:35

ᒋᒋᒋᓯᒄ ᑭᔭ ᐊᔅᒋᔾ ᒋᑭ ᐃᔎᐱᔪᐛ ᒥᒄ ᒪᒃ ᓂᑦ ᐃᔨᒧᐅᓐ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ᙮”

ᓗᒃ 1:68

“ᒋᑭ ᒥᔽᒋᒪᑭᓄᐤ ᑎᐸᔨᒋᒐᓱᐤ, ᐃᔅᕋᐃᓪ ᐅᒋᓴᒪᓂᑐᒪ, ᐛᔅ ᒋ ᐸᒋ ᓂᑐᐛᐱᒪᐤ ᐅᑦ ᐃᔨᒪ ᑭᔭ ᒋ ᐃᑐᑎᒻ ᒐᒋ ᐱᐧᑯᐅᔨᒋ᙮

ᓗᒃ 19:44

ᒥᓯᐛ ᐊᐛᓐ ᐊᓐᑕ ᒋᐅᑕᓇᒧᐛᒡ ᒋᑭ ᓂᓱᐅᓇᒋᐊᑭᓄᐤ ᑭᔭ ᐊᓐ ᒋᐅᑕᓇᒧᐛᐤ ᒋᑭ ᓂᓱᐅᓇᒋᑕᑭᓄᐤ᙮ ᓇᒪ ᐛᒋ ᐸᐃᒄ ᐊᓯᓂᔾ ᒧᔭᒻ ᒋᑭ ᐅᒋ ᐃᑎᒧᐤ ᐊᓐᑕ ᒋᒋᐛᐛᒡ᙮ ᐛᔅ ᓇᒪ ᒋ ᐅᒋ ᒧᓯᑕᓇᐛᐤ ᐊᓐᑕ ᑲ ᐅᑎᒋᔨᐱᒂ ᒋᓴᒪᓂᑐᐤ ᑲ ᐎ ᐱᒪᒋᐃᑕᒄ᙮”

ᑲᓚᓯᔭᓇ 4:23

ᐃᔅᐱ ᑲ ᐱᒪᑎᓯᔨᒋ ᐅᑦ ᐊᐛᓯᒪ ᐊᓐ ᑯᐸᓇᔎᐤ ᐦᐊᐃᑲᕐ, ᓇᒪ ᒐᒂᓐ ᐅᒋ ᐃᑕᔨᑕᑭᓄᐅᔪᐤ᙮ ᐊᑯ ᐃᔅᐱᔅ ᓴᕋ ᐅᑯᓴ ᐸᒪᑎᓯᔨᒋ ᓇᔅᒡ ᑕᑈ ᒋᒋᐛ ᒋ ᐃᑕᔨᑕᑭᓄᐅᔪᐤ ᐛᔅ ᒋ ᐃᑎᑯᐤ ᒋᓴᒪᓂᑐᐛ ᑕᑈ ᒐ ᐅᑦ ᐊᐛᓯᒥᑦ ᐊᑎ ᐊᒋ ᒋᓴᐃᔎᐅᑦ ᑭᔭ ᐊᑲ ᐅᒋ ᓂᑕᐅᓴᑦ᙮

ᑲᓚᓯᔭᓇ 4:28

ᑭᔭ ᒋᔨᐛᐤ ᒪᒃ ᓂᐧᑲᓂᓯᑐᒄ, ᒋᓴᒪᓂᑐᐤ ᒋ ᐅᑦ ᐊᐛᓯᒥᑐᑕᑯᐛᐤ ᐛᔅ ᐊᐅᑯᓐ ᑲ ᐃᑎᑕᒄ ᒋᓴᒪᓂᑐᐤ ᒐ ᐃᓯᓇᑯᓱᐛᒄ᙮ ᒧᔭᒻ ᓴᕋ ᐅᑯᓴ ᐊᐃᓯᒃ ᑲ ᐃᓯᓂᐧᑲᓱᔨᒋ ᒋᑦ ᐃᓯᓇᑯᓯᓇᐛᐤ, ᐊᓂᔭᔪᐛ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᐱᒪᑎᓯᔨᒋ᙮

ᑕᐃᑕᔅ 1:2

ᐊᓂᔭ ᒪᒃ ᑕᓐ ᐊ ᐃᓯ ᒋᔅᑯᑎᒧᐅᒂᐤ ᐊᑯᑕ ᒐ ᐅᒋ ᒐᔅᑎᓇᑕᔨᑕᒡ ᒐ ᐊᔭᒡ ᑲᒋᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒋᓴᒪᓂᑐᐛ ᐊᓐᑕ ᐸᒋ ᐛᔅᑭᒡ ᒐᔅᑎᓇᔅ ᒐ ᐊᔭᐛᑯᐱᓇ᙮ ᓇᒪ ᒪᒃ ᓂᑕ ᑭᑭᒋᔭᐤ ᒋᓴᒪᓂᑐᐤ᙮