ᒐᓂᓯᔅ 2:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᑎᐸᔨᒋᒐᓱᐤ ᒋᓴᒪᓂᑐᐤ ᒋ ᐃᑐᑐᐛᐤ ᒐᒋ ᓂᑕᐅᒋᒋ ᒥᓯᐛ ᑕᑐᐎᒡ ᐊᓯᓇᑯᓯᔨᒋ ᒥᓂᓯᐅ-ᒥᔅᑎᒂ, ᓇᔅᒡ ᐊ ᒥᔪᓯᓯᒡ ᐊ ᒋᑕᐱᒪᑭᓄᐅᒡ ᑭᔭ ᒐᒋ ᓂᑕᐅᒋᒋ ᒥᓂᓴ ᐊ ᒥᔽᒋ ᒐᒋ ᒥᒋᓇᓄᔨᒋ᙮ ᒋ ᐃᑐᑎᒻ ᐃᔭᐱᒡ ᐊᓐᑕ ᑕᑕᐅᒡ ᐊ ᒥᔽᔎᔨᒡ ᓂᑕᐅᒋᑕᑭᓂᔪᐤ ᒐᒋ ᓂᑕᐅᒋᒋ ᐱᒪᑎᓯᔪᐤ ᒥᔅᑎᒂ ᑭᔭ ᒋᔅᒐᔨᑎᒧᐤ ᒥᔅᑎᒂ, ᐃᔪᒡ ᒐ ᐅᒋ ᒋᔅᒐᔨᑕᒡ ᐊ ᒥᔽᔨᒡ ᑭᔭ ᐊ ᒪᔭᑎᓂᔨᒡ᙮

ᒐᓂᓯᔅ 2:9 Iomraidhean Croise

ᒐᓂᓯᔅ 2:17

ᒥᒄ ᐊᑲ ᒋᑭ ᒥᒋᓐ ᐅᔭ ᒥᓂᓴ ᐊᓐᑕ ᒋᔅᒐᔨᑎᒧᐤ ᒥᔅᑎᑯᒡ ᑲ ᐅᒋ ᒋᔅᒐᔨᑕᒂᒡ ᐊ ᒥᔽᒡ ᑭᔭ ᐊ ᒪᔭᑎᒡ, ᐊᓐ ᑲᓯᑲᒡ ᒥᒋᔨᓇ ᒐᔅᑎᓇᔅ ᒋᑭ ᐳᓂᐱᒪᑎᓯᓐ᙮”

ᒐᓂᓯᔅ 3:22

ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐃᔅᒋᔄᑦ, “ᐅᓴᒻ ᑲ ᒥᒋᑦ ᐊᓂᔭ ᒥᓂᓴ ᑲ ᐃᑎᒃ ᒐ ᐊᑲ ᒋ ᒥᒋᑦ᙮ ᐃᔪᐤ ᓴᔅ ᒋᔅᒐᔨᑎᒻ ᐊ ᒥᔽᔨᒡ ᑭᔭ ᒪᔭᑎᓯᐅᓂᔪᐤ ᒧᔭᒻ ᒋᔭᓄᐤ᙮ ᓇᒪ ᒋᑭ ᒋ ᑕᑈᑐᐛᓄᐤ ᒐᒋ ᐅᒋ ᐅᑎᓇᐧᒃ ᒥᓂᓴ ᐊᓐᑕ ᐱᒪᑎᓯᐅ-ᒥᔅᑎᑯᒡ ᐅᒡ ᒐ ᒥᒋᑦ ᑭᔭ ᑲᒋᒡ ᒐᒋ ᐱᒪᑎᓯᑦ᙮”

ᒐᓂᓯᔅ 3:24

ᑲᒋ ᐃᒐᑎᓴᐛᑦ ᒋᓴᒪᓂᑐᐤ ᓇᐸᐛ ᐊᓐᑕ ᑲ ᑎᔭᑦ, ᐊᓐᒋᓇ ᒋ ᐱᔅᑎᓇᐤ ᒐᒋ ᒋᐱᑲᐳᐎᔨᒋ ᐛᐱᓄᑕᒡ ᐊᓐᑕ ᐛᒋ ᐱᒐᓄᐎᒡ ᓂᑕᐅᒋᑕᑭᓂᒡ ᒐ ᐊᑲ ᐊᐛᓐ ᒋ ᐅᑎᑕᑦ ᐱᒪᑎᓯᐅᐤ ᒥᔅᑎᒂ᙮ ᐃᔭᐱᒡ ᓂᑐᐱᔪᐅ-ᒧᐧᑯᒪᓂᔪᐤ ᒧᔭᒻ ᐊ ᐃᔅᑯᑕᐎᒡ ᒥᓯᐛ ᐊ ᐃᔅᐱᔨᒡ ᒋ ᑎᑎᒻ ᒐ ᐊᑲ ᒋ ᐃᑐᑕᑦ ᐊᓐᑕ ᐊᐛᓐ ᒐᒋ ᐅᒋ ᐅᑎᑕᑦ ᐱᒪᑎᓯᐅᐤ ᒥᔅᑎᒂ᙮

ᒐᓂᓯᔅ 3:3

ᒥᒄ ᒋᓴᒪᓂᑐᐤ ᒋ ᐃᔅᒋᔄᐤ ᒐ ᐊᑲ ᐅᒋ ᒥᒋᔭᒡ ᒥᓂᓴ ᐊᓐᑕ ᒥᔅᑎᑯᒡ ᑕᑕᐅᒡ ᐊ ᒋᒥᓱᑦ ᓂᑕᐅᒋᑕᑭᓂᒡ, ᒋᓴᒪᓂᑐᐤ ᒋ ᐃᔅᒋᔄᐤ ᒐ ᐊᑲ ᒥᒋᔭᒡ ᐊᓂᔭ ᒥᓂᓴ ᑭᔭ ᒪᒃ ᓇᔅᒡ ᒐ ᐊᑲ ᑕᒋᓂᒪᒡ᙮ ᐃᑐᑎᒪᒐ ᒪᒃ ᐅ, ᓂᑭ ᐳᓂᐱᒪᑎᓯᓇᓐ᙮”

ᒐᓂᓯᔅ 3:5

ᒋᓴᒪᓂᑐᐤ ᒋ ᐃᔅᒋᔄᐤ ᐅᔭ ᐅᓴᒻ ᒋᔅᒐᔨᑎᒻ ᒥᒍᐛᒂ ᐊᓂᔭ ᒥᓂᓴ ᒋᑭ ᑭᒐᑕᐛᔨᑕᑯᓯᓇᐛᐤ, ᒋᑭ ᒋᔅᒐᔨᑕᓇᐛᐤ ᐊ ᒥᔽᒡ ᑭᔭ ᒪᔭᑎᓯᐅᓐ, ᒧᔭᒻ ᒋᓴᒪᓂᑐᐤ᙮”

ᒠᓐ 6:48

ᓂᔾ ᐊᐅᒄ ᐸᒂᓯᑭᓐ ᑲ ᒥᔨᐛᑦ ᐱᒪᑎᓯᐅᓂᔪᐤ᙮

1 ᑯᕆᓐᑎᔭᓇ 8:1

ᐊᑯ ᒪᒃ ᒐ ᐊᔨᒧᑎᒪᑎᑯᒡ ᑕᓐ ᒋᐸ ᐃᓯ ᑭᓄᐛᐸᑕᑭᓄᐤ ᒥᒋᒻ ᒥᓂᑐᐧᑲᓐᒡ ᐊᒋ ᐱᔅᑎᓂᒧᐛᑭᓄᐎᒡ᙮ ᐃᓇᓄᐤ ᒥᓯᐛ ᐊᐛᓐ ᐊ ᐊᔭᑦ ᒋᔅᒐᔨᑎᒧᐅᓂᔪᐤ᙮ ᐃᑐᑕᑯᐤ ᒪᒃ ᐊᐛᓐ ᒋᔅᒐᔨᑎᒧᐅᓂᔪᐤ ᒋᒋᐛ ᒐᒋ ᐃᑕᔨᒥᓱᑦ᙮ ᒥᒄ ᒪᒃ ᐊᐛᓐ ᑲ ᐊᔭᑦ ᓴᒋᐃᐛᐅᓂᔪᐤ ᐃᑐᑐᐛᐤ ᑯᑎᑲ ᐊᐛᔪᐛ ᒐᒋ ᓱᒋᑲᐳᔨᒋ᙮

ᒋᔅᒐᔨᑕᑯᑕᒐᐅᓐ 2:7

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᐊᐛᓐᒋ ᒐ ᓴᐧᑯᒋᑕᒡ ᒥᒐᑎᓯᐅᓂᔪᐤ, ᓂᑭ ᒥᔭᐅᒡ ᒐᒋ ᒥᒋᒡ ᒥᓂᓴ ᐊᓐᑕ ᐅᒋ ᐱᒪᑎᓯᐤ ᒥᔅᑎᑯᒡ᙮ ᐊᐅᒄ ᒥᔅᑎᒄ ᐊ ᑕᑦ ᐊᓐᑕ ᒋᓴᒪᓂᑐᐛ ᐅᓂᑕᐅᒋᑕᑭᓐ ᐊᔅᒋᔨᒡ᙮”

ᒋᔅᒐᔨᑕᑯᑕᒐᐅᓐ 22:14

ᑕᑈ ᒋᑭ ᓱᐛᔨᑕᑯᓱᐅᒡ ᐊᓐᒡ ᑲ ᐸᔭᒋᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᐅᒡ ᒐ ᑕᑈᐅᒐᔨᑕᑯᓯᒡ ᒐᒋ ᐱᒐᒡ ᐊᓂᔭ ᐅᑕᓇᔪᐤ ᑭᔭ ᒐᒋ ᐅᑎᓂᒪᓱᒡ ᒥᓂᓴ ᐊᓐᑕ ᐅᒋ ᐊᓂᔭᔪᐛ ᒥᔅᑎᒂ ᐊᓐᑕ ᐛᒋ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 22:2

ᑕᑕᐅᔅᑭᓄᐤ ᒪᒃ ᐊᓐ ᒥᔅᑎᒪᔅᑭᓄᐤ ᐊᓐᑕ ᐊᓐ ᐅᑕᓇᐤ, ᐊᑯᑕ ᐸᒪᒍᐅᒡ᙮ ᐃᑐᑲᒻ ᒪᒃ ᐊᓐ ᓯᐱᔾ ᒋ ᒋᒥᓱᐅᒡ ᒥᔅᑎᑯᒡ ᐊᓐᑕ ᐛᒋ ᐊᔭᑦ ᐊᐛᓐ ᐱᒪᑎᓯᐅᓂᔪᐤ᙮ ᐊᓯᑯᒻ ᐱᓯᒺ ᒪᒃ ᒋ ᓂᑕᐅᒋᓇ ᒥᓂᓴ ᐊᓐᑕ ᐊᓐᒡ ᒥᔅᑎᑯᒡ, ᓂᓱᓴᑈᐤ ᐸᐃᒄ ᐱᐳᓇ᙮ ᐊᓂᔭ ᒪᒃ ᓂᐱᓯᔭ ᐊᑯᑕ ᐛᒋ ᒥᓏᒋᐃᓱᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ᙮