ᒐᓂᓯᔅ 2:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᒥᒄ ᐊᑲ ᒋᑭ ᒥᒋᓐ ᐅᔭ ᒥᓂᓴ ᐊᓐᑕ ᒋᔅᒐᔨᑎᒧᐤ ᒥᔅᑎᑯᒡ ᑲ ᐅᒋ ᒋᔅᒐᔨᑕᒂᒡ ᐊ ᒥᔽᒡ ᑭᔭ ᐊ ᒪᔭᑎᒡ, ᐊᓐ ᑲᓯᑲᒡ ᒥᒋᔨᓇ ᒐᔅᑎᓇᔅ ᒋᑭ ᐳᓂᐱᒪᑎᓯᓐ᙮”

ᒐᓂᓯᔅ 2:17 Iomraidhean Croise

ᒐᓂᓯᔅ 2:9

ᑎᐸᔨᒋᒐᓱᐤ ᒋᓴᒪᓂᑐᐤ ᒋ ᐃᑐᑐᐛᐤ ᒐᒋ ᓂᑕᐅᒋᒋ ᒥᓯᐛ ᑕᑐᐎᒡ ᐊᓯᓇᑯᓯᔨᒋ ᒥᓂᓯᐅ-ᒥᔅᑎᒂ, ᓇᔅᒡ ᐊ ᒥᔪᓯᓯᒡ ᐊ ᒋᑕᐱᒪᑭᓄᐅᒡ ᑭᔭ ᒐᒋ ᓂᑕᐅᒋᒋ ᒥᓂᓴ ᐊ ᒥᔽᒋ ᒐᒋ ᒥᒋᓇᓄᔨᒋ᙮ ᒋ ᐃᑐᑎᒻ ᐃᔭᐱᒡ ᐊᓐᑕ ᑕᑕᐅᒡ ᐊ ᒥᔽᔎᔨᒡ ᓂᑕᐅᒋᑕᑭᓂᔪᐤ ᒐᒋ ᓂᑕᐅᒋᒋ ᐱᒪᑎᓯᔪᐤ ᒥᔅᑎᒂ ᑭᔭ ᒋᔅᒐᔨᑎᒧᐤ ᒥᔅᑎᒂ, ᐃᔪᒡ ᒐ ᐅᒋ ᒋᔅᒐᔨᑕᒡ ᐊ ᒥᔽᔨᒡ ᑭᔭ ᐊ ᒪᔭᑎᓂᔨᒡ᙮

ᒐᓂᓯᔅ 20:7

ᑲᐤ ᒐ ᒥᔨᑦ ᐅ ᓇᐸᐤ ᐎᐛ, ᐛᔅ ᐎᔾ ᐅᒋᔅᒋᐛᐃᒐᓱᐤ ᑭᔭ ᒋᑭ ᐃᔨᒥᑥᒄ ᐊᑯ ᒪᒃ ᒐ ᐊᑲ ᐳᓂᐱᒪᑎᓯᓐ᙮ ᒥᒄ ᐊᑲ ᒋᐛᑎᓴᐅᑕ ᓴᕋ, ᑕᐱᔅᑯᓐ ᒋᔾ ᑭᔭ ᒋᑦ ᐃᔨᒥᒡ ᒋᑭ ᐳᓂᐱᒪᑎᓯᓇᐛᐤ᙮”

ᒐᓂᓯᔅ 3:11

ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᑯᒂᒋᒪᑦ ᓇᐸᐛ ᐊᑕᑦ, “ᐊᐛᓐ ᑲ ᐃᑎᔅᒃ ᐊ ᒧᓴᔅᑭᑕᔨᓐ ? ᓇᒪ ᒋ ᐅᒋ ᒥᒋᓇᐛᐤ ᐊ ᒥᓂᓴ ᐊᓐᑕ ᒥᔅᑎᑯᒡ ᐅᒡ ᑲ ᐃᑎᑎᑯᒡ ᒐ ᐊᑲ ᐅᒋ ᒥᒋᔭᒄ ?”

ᒐᓂᓯᔅ 3:17

ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐃᔨᒪᐊᑦ ᓇᐸᐛ ᐊᑕᑦ, “ᐅᓴᒻ ᒋᔾ ᑲ ᓂᑐᑐᐅᑦ ᒋᐅ ᐊ ᐃᑎᔅᒃ ᑭᔭ ᑲ ᒥᒋᔨᓐ ᒥᓂᓴ ᐊᓐᑕ ᒥᔅᑎᑯᒡ ᐅᒡ ᑲ ᐃᑎᑕᓐ ᒐ ᐊᑲ ᒥᒋᔨᓐ, ᒋᔾ ᑭᔭ ᒋᑭ ᐊᓏᔨᒥᑯᐅᓐ᙮ ᐅᓴᒻ ᐊᑲ ᐅᒋ ᓂᑐᑐᐎᔨᓐ, ᐊᓯᑯᒻ ᒋᓯᑲᐛ ᒐ ᐃᔅᐱᔅ ᐱᒪᑎᓯᔨᓐ, ᓇᒪ ᒋᑭ ᒋ ᒥᔅᑲᓐ ᒥᒋᒻ ᒧᔅᑎᔅᑭᒥᒡ ᒧᔭᒻ ᐅᔅᑭᒡ ᑲᒋ ᐃᑎᔨᓐ᙮

ᒐᓂᓯᔅ 3:19

ᒋᒋᐛ ᒋᑭ ᐅᔅᑯᔨᓐ ᐊᑐᔅᒐᔨᓐ ᒐ ᐅᒋ ᑲᔅᑎᓂᒥᓐ ᒥᒋᒻ ᒐ ᒥᒋᔨᓐ ᐃᔅᐱᔅ ᐅᑎᒋᐱᔨᒐ ᒐ ᐳᓂᐱᒪᑎᓯᔨᓐ ᑭᔭ ᒥᓄᐛᒡ ᒧᔅᑎᔅᑭᒥᓇᑯᓯᔨᓇ᙮ ᒐ ᒋᔅᒋᔨᓐ ᐊᓯᔅᒍᒡ ᑲ ᐅᒋ ᐅᓯᐃᑯᔨᓐ, ᒋᔾ ᐅ ᐊᓯᔅᒍᐤ ᒥᒄ, ᑭᔭ ᐳᓂᐱᒪᑎᓯᓇ, ᐊᓯᔅᒍᐤ ᒥᓐ ᑲᐤ ᒐ ᐃᓯᓇᑯᓯᔨᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:32

ᐊᑎ ᐊ ᒋᔅᒐᔨᑕᒡ ᒋᓴᒪᓂᑐᐛ ᐊᒋ ᐃᑕᔨᑎᒥᔨᒋ ᑕᑈ ᐊ ᐃᑕᔨᑕᑯᓂᔨᒡ ᒐᒋ ᓂᐱᔨᒋ ᐊᓂᔭᔪᐛ ᐊᐛᔪᐛ ᐅᔭ ᑲ ᐃᓯ ᒥᒋ ᐱᒪᑎᓯᔨᒋ ᐃᔭᐱᒡ ᐊᑐᐎᔅ ᐃᑐᐅᒡ ᐎᔨᐛᐤ ᑕᓐ ᐛ ᐃᑎᒡ᙮ ᓇᒪ ᒪᒃ ᒥᒄ ᐅᔭ ᐃᑐᐅᒡ, ᓂᓇᐊᔨᑎᒥᐃᑯᐅᒡ ᐊᔪᐤ ᐊᓂᔭᔪᐛ ᐊᐛᔪᐛ ᐅᔭ ᐊ ᐃᓯ ᒥᒋ ᐱᒪᑎᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:16

ᒋ ᓂᑐᐛᔨᒥᑎᓇᐛᐤ ᐅ ᒐᒋ ᒋᔅᒋᔭᒄ᙮ ᐱᔅᑕᔨᒥᑎᓱᔅᑐᐛᒂ ᐊᐛᓐ ᒐᒋ ᐅᒋ ᓇᔅᒡ ᓂᓇᐃᑐᐛᒄ ᒧᔭᒻ ᐊᐱᒋᐊᑭᓐ ᐊ ᐃᓯᓇᑯᓯᑦ ᐊ ᓂᓇᐃᑐᐛᑦ ᐅᒋᒪᒪ, ᑭᑈ ᒐ ᐅᑦ ᐊᐱᒋᐊᑭᓂᑐᑕᑕᒄ ᐊᓐ ᐊᐛᓐ ᑲ ᐃᑕᔨᑎᒪᒄ ᒐᒋ ᓂᓇᐃᑎᐛᒄ᙮ ᒧᔭᒻ ᒪᒃ ᐊ ᐃᓯᓇᑯᓯᑦ ᐊᐱᒋᐊᑭᓐ ᒧᔭᒻ ᐊ ᒪᒋᒂᐱᐧᑲᓱᑦ ᒐᒋ ᓂᓇᐃᑐᐛᑦ ᐅᒋᒪᒪ ᐊᐅᑯᓐ ᒧᔭᒻ ᐊ ᐃᓯᓇᑯᓯᔭᒄ ᑭᔭ ᒋᔨᐛᐤ᙮ ᒪᒃ ᑲ ᐱᔅᑕᔨᒥᑎᓱᔅᑎᒧᐛᒂ ᐊᓐ ᑕᓐ ᐊ ᐃᓯ ᑎᒂᒡ ᐊ ᐎ ᒥᒋᑐᑎᒪᒄ ᒪᒃ ᒋᓴᒪᓂᑐᐤ ᑲ ᐱᔅᑕᔨᒥᑎᓱᔅᑐᐛᒂ᙮ ᒧᔭᒻ ᒪᒃ ᑲ ᐱᔅᑕᔨᒥᑎᓱᔅᑎᒧᐛᒂ ᐊᓐ ᑕᓐ ᐊ ᐃᓯ ᑎᒂᒡ ᐊ ᐎ ᒥᒋᑐᑎᒪᒄ ᑭᑈ ᐊᑯᑕ ᒐ ᐅᒋᐱᔨᒡ ᑲᒋᒡ ᒐ ᓂᐱᔭᒄ᙮ ᒧᔭᒻ ᒪᒃ ᐎᔾ ᒋᓴᒪᓂᑐᐤ ᑲ ᐱᔅᑕᔨᒥᑎᓱᔅᑐᐛᒂ ᐊᑯᑕ ᒐ ᐅᒋᐱᔨᒡ ᒐᒋ ᑯᐃᔅᑯᑕᑎᓯᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:23

ᐛᔅ ᓂᐳᐅᓂᒡ ᐃᑐᑕᐃᑯᐤ ᐊᐛᓐ ᒥᒋᑥᐅᓂᔪᐤ᙮ ᐊᑯ ᐊᓐ ᐊᐛᓐ ᑲ ᐎᒐᐛᑦ ᒋᓴᔅ ᙭ᑕ ᒋᑎᐸᔨᒋᒐᓯᒥᓄᐛ ᒋᓴᒪᓂᑐᐛ ᓴᒐᔾ ᒥᔨᑯᐤ ᑲᒋᒡ ᐱᒪᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:2

ᐛᔅ ᒋᓴᒪᓂᑐᐤ ᐅᑦ ᐊᒐᒂ ᒋᑦ ᐃᑐᑕᑭᓄᐤ ᒐᒋ ᐱᒪᑎᓯᔭᐧᒄ ᙭ ᒋᓴᓴ ᐅᒡ᙮ ᐊᐅᒄ ᑲ ᐊᐱᐧᑯᓂᑦ ᑕᓐ ᑲ ᐃᓯ ᑎᐸᔨᒥᑯᐅᒡ ᒥᒐᑎᓯᐅᓂᔪᐤ ᑭᔭ ᓂᐳᐅᓂᔪᐤ᙮

1 ᑯᕆᓐᑎᔭᓇ 15:22

ᓂᐱᐅᓂᔪᐤ ᔅᒋ ᐸᑥᑯᓄᐤ ᐊᑕᒻ, ᐎᔾ ᒪᒃ ᙭ ᐱᒪᑎᓯᐅᓂᔪᐤ ᔅᒋ ᐸᑥᑯᓄᐤ᙮

1 ᑯᕆᓐᑎᔭᓇ 15:56

ᐛᔅ ᒥᒐᑎᓯᐅᓐ ᐊᐅᒄ ᐊ ᐃᑐᑕᐃᐛᒥᑲᒡ ᓂᐳᐅᓂᒡ᙮ ᐎᓱᐛᐅᓂᔪᐤ ᒪᒃ ᓴᐧᑯᒋᐱᑎᑯᐤ ᐊᐛᓐ ᒐᒋ ᒥᒋᑐᑕᐧᒃ᙮

ᑲᓚᓯᔭᓇ 3:10

ᐊᔪᐛᒡ ᒪᒃ ᐃᔭᒡ ᐃᔅᐱᔪᒡ ᐊᓐᒡ ᑲ ᓂᓇᐃᑕᒡ ᒍᐤ ᐊᔭᒥᐊᐅ ᐎᓱᐛᐅᓇ ᐊ ᐃᑕᔨᑕᒡ ᐊᑯᑕ ᐅᑯᐃᔅᑯᑕᑎᓯᐅᒡ ᒐᒋ ᐅᒋ ᐃᓯ ᑭᓄᐛᐱᒥᑯᒡ ᒋᓴᒪᓂᑐᐛ᙮ ᒋᑭ ᓂᓱᐅᓇᒋᒪᑭᓄᐎᒡ ᐅᒡ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ, ᓂᓱᐅᓇᒋᒪᑭᓄᐤ ᐊᓐ ᐊᐛᓐ ᐊᑲ ᒧᔅ ᑲ ᓂᓇᐃᑕᐧᒃ ᒥᓯᐛ ᑕᓐ ᐊ ᐃᓯ ᐎᔅᑕᔨᒡ ᒍᐤ ᐊᔭᒥᐊᐅ ᐎᓱᐛᐅᓂᒡ᙮

ᐃᐱᓯᔭᓇ 5:14

ᐊᐅᒄ ᒪᒃ ᐛᒋ ᐃᓇᓄᐅᒡ ᒪᓐ, “ᐅᓂᔾ ᒋᔾ ᑲ ᓂᐸᔨᓐ, ᐅᓂᔾ ᐊᓐᑕ ᓂᐳᐅᓂᒡ ᐅᒡ᙮ ᐊᑯ ᒪᒃ ᙭ ᒐ ᒥᔨᔅᒃ ᐛᔅᑕᐅᓂᔪᐤ᙮”

ᑯᓚᓯᔭᓇ 2:13

ᒋᒥᒋᑥᐅᓄᐛᐛ ᔅᒋ ᐃᑐᑕᑯᓇᐛᐤ ᒧᔭᒻ ᐊ ᓂᐱᔭᒄ ᒐᒋ ᐃᓯᓇᑯᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ, ᑭᔭ ᐊᔅᒄ ᓇᒪ ᒋ ᐅᒋ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑐᑕᑕᒄ ᑕᓐ ᑲ ᐃᑐᑎᒪᑕᒄ ᙭ ᐅᒡ᙮ ᐊᓄᒡ ᒪᒃ ᔅᒋ ᒥᔨᑯᐛᐤ ᒋᓴᒪᓂᑐᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᒧᔭᒻ ᑲ ᐃᓯ ᐅᓂᔅᑲᓇᑦ ᙭ᑕ ᓂᐳᐅᓂᒡ ᐅᒡ᙮ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᓴᒪᓂᑐᐤ ᒋᒥᒋᑥᐅᓄᐛ᙮

1 ᑎᒧᑎ 5:6

ᐊᑯ ᐊᓐ ᐃᔎᐤ ᑲ ᐸᐃᑯᓯᑦ ᐱᓯᒄ ᒪᒃ ᒥᒄ ᐎᔾ ᑲ ᐎ ᓂᓇᐊᔨᑎᒥᐃᓱᑦ ᒧᔭᒻ ᐊ ᓂᐱᑦ ᐃᓯᓇᑯᓱᐤ ᐊᑎ ᐊᓂᔭ ᐊᔅᒄ ᐊ ᐱᒪᑎᓯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 1:15

ᐃᔅᐱ ᒪᒃ ᓯᔭᑯᒋᐃᑯᒋ ᐊᑲ ᓂᔅᑯᔅᑕᐧᒃ, ᐊᑯ ᑕᑈ ᐊ ᐊᑎ ᐃᑐᑕᐧᒃ ᐊᓂᔭ᙮ ᐃᔅᐱ ᒪᒃ ᐊ ᐃᑎᑦ ᐊᓂᔭ ᑕᓐ ᑲ ᐃᓯ ᒥᒋᓂᑐᐛᔨᑕᐧᒃ, ᓂᐳᐅᓂᒡ ᐃᑐᑕᐃᑯᐤ᙮

1 ᒠᓐ 5:16

ᐊᐛᓐ ᐛᐱᒪᒐ ᐎᐧᑲᓂᓴ ᐊ ᒥᒋᑐᑎᒥᔨᒋ ᐊᑲ ᒪᒃ ᓂᐳᐅᓂᒡ ᐃᑐᑕᐃᑯᔨᒋ ᐊᓂᔭ ᑲ ᐃᓯ ᒥᒋᑐᑎᒥᔨᒋ, ᒋᐸ ᐊᔭᒥᐊᔅᑎᒧᐛᐤ, ᑭᔭ ᒐ ᒥᔨᑯᔨᒋ ᒋᓴᒪᓂᑐᐛ ᐱᒪᑎᓯᐅᓂᔪᐤ᙮ ᐊᐅᑯᓐ ᒐ ᐃᔅᐱᔨᒋ ᐊᓂᔭᔪᐛ ᐊᑲ ᓂᐳᐅᓂᒡ ᐃᑐᑕᐃᑯᔨᒋ ᐊᓂᔭ ᑲ ᐃᓯ ᐅᓂᑐᑎᒥᔨᒋ᙮ ᒥᒄ ᒪᒃ ᑎᑯᓐ ᒥᒋᑥᐅᓐ ᒐ ᐃᑐᑕᐃᑯᑦ ᐊᐛᓐ ᓂᐳᐅᓂᒡ᙮ ᐅᔭ ᒪᒃ ᐃᓯ ᒥᒋᑐᑕᒐ ᐊᐛᓐ, ᐊᑯᔅ ᐊᑲ ᐊᔭᒥᐊᔅᑎᒧᐤ᙮

ᒋᔅᒐᔨᑕᑯᑕᒐᐅᓐ 2:11

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ᓴᐧᑯᒋᑕᐛᒂ ᑯᒂᒋᐃᐛᐅᓂᔪᐤ, ᓇᒪ ᒋᑭ ᐅᒋ ᐊᐧᑯᐃᑯᒡ ᓂᓱ ᓂᐳᐅᓂᔪᐤ᙮”

ᒋᔅᒐᔨᑕᑯᑕᒐᐅᓐ 20:14

ᓂᐳᐅᓐ ᑭᔭ ᒋᐱᔾ ᐊᔅᒋᔾ ᒥᒋ ᐃᔅᑯᑕᐤ ᓴᑲᐃᑭᓂᒡ ᒋ ᐃᓯ ᐛᐱᓇᑭᓄᐤ᙮ ᐅ ᒥᒋ ᐃᔅᑯᑕᐤ ᓴᑲᐃᑭᓐ, ᐊᐅᒄ ᐅ ᓂᓱ ᓂᐳᐅᓐ᙮

ᒋᔅᒐᔨᑕᑯᑕᒐᐅᓐ 20:6

ᓱᐛᔨᑕᑯᓱᐅᒡ ᑭᔭ ᐊᔪᐛᒡ ᐸᔭᒋᓯᐅᒡ ᐊᓐᒡ ᑲ ᐎᒋᐃᐛᒡ ᐊᓐᑕ ᓂᔅᑎᒻ ᑲ ᐅᓂᔅᑲᓇᑭᓄᔨᒋ ᑲ ᓂᐱᔨᒋ᙮ ᓇᒪ ᒥᒋ ᐃᔅᑯᑕᐤ ᓴᑲᐃᑭᓂᔪᐤ ᒋᑭ ᐅᒋ ᑎᐸᔨᒥᑯᐅᒡ ᐎᔨᐛᐤ᙮ ᒋᑭ ᐊᑐᔅᑯᐛᐅᒡ ᒋᓴᒪᓂᑐᐛ ᑭᔭ ᒋᓴᔅ ᙭ᑕ ᑭᔭ ᒋᑭ ᐎᒋ ᑎᐸᔨᒋᒐᒪᐅᒡ ᒋᓴᔅ ᙭ᑕ ᐸᐃᒂᐤ ᒐᓯᐱᔪᐛ ᐱᐳᓇ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 21:8

ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”