ᒐᓂᓯᔅ 19:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐛᔅ ᓂᑭ ᓂᓱᐅᓇᒋᑕᓇᓐ ᐅ ᐅᑕᓇᐤ᙮ ᐛᔅ ᑎᐸᔨᒋᒐᓱᐤ ᒋᔅᒐᔨᒪᐤ ᓱᑕᒻ ᐃᔪᐛ ᑲ ᐃᓯ ᐃᑐᑎᒥᔨᒋ ᒐᒂᔪᐤ ᐊ ᒪᔭᑎᓂᔨᒡ᙮ ᐊᓄᒡ ᑎᐸᔨᒋᒐᓱᐤ ᓂᒋ ᐃᑎᓴᐅᑯᓇᓐ ᒐᒋ ᓂᓱᐅᓇᒋᑕᐅᒋᒡ ᐅᑕᓇᔪᐤ᙮”

ᒐᓂᓯᔅ 19:13 Iomraidhean Croise

ᒐᓂᓯᔅ 13:13

ᐃᔪᒡ ᑲ ᐎᒋᒡ ᐊᓐᑕ ᓱᑕᒻ ᒋᒋᐛ ᒋ ᒥᒋ ᐃᔪᐎᒡ ᑭᔭ ᐊ ᒥᒋᑐᑕᒡ ᐊᑲ ᑕᑈᑐᐛᒡ ᑎᐸᔨᒋᒐᓱᐛ᙮

ᒐᓂᓯᔅ 18:20

ᐊᑯ ᑎᐸᔨᒋᒐᓱᐤ ᐊᑕᑦ ᐊᑉᕋᐊᒪ, “ᓂᒋ ᐸᑎᒺᓐ ᐊ ᑕᑈᓯᒡ ᐊᓐᒡ ᐊ ᐊᑲ ᒥᔪᑐᑕᑯᒡ ᓱᑕᒻ ᑭᔭ ᑯᒧᕋ ᐃᔪᐛ᙮ ᒪᔭᑎᓂᔪᐤ ᐊ ᑐᑕᒡ ᐊᓐᒡ ᐃᔪᒡ᙮

ᒐᓂᓯᔅ 19:12

ᐊ ᓂᓯᒡ ᐊᓐᒋᓐᒡ ᒋ ᑯᒂᒋᒪᐅᒡ ᓗᑕ, “ᒪᑕᐅᒡ ᐅᑕ ᑯᑎᑭᒡ ᒋᐧᑲᓂᓯᒡ, ᒋᓇᐊᒋᒥᒡ, ᒋᑯᓯᒡ, ᒋᑕᓂᓯᒡ ᑭᔭ ᒪᒃ ᑯᑎᑭᒡ ᑕᐱᔨᐛᐅᓯᔨᓐ ᐅᑕ ᐅᑕᓇᒡ ? ᒐ ᐃᑲᑕᐃᑥᐤ ᐅᑕ,

ᐊᑈᔅᑕᓇᒡ 12:23

ᑎᐛᒡ ᒪᒃ ᐅᑎᐸᔨᒋᒐᐛ ᐅᑦ ᐊᓐᒋᓂᒥᔪᐛ ᒋ ᑐᑕᑯᐤ ᐊᕈᑦ ᒐᒋ ᒥᔅᑎ ᐊᐧᑯᓯᑦ, ᐊᑯ ᒥᓐᑐᓴ ᑲ ᐊᑎ ᒧᑯᑦ ᓇᔅᒡ ᐊᒋ ᐊᑎ ᓂᐸᐃᑯᑦ, ᐛᔅ ᑕᐸ ᐅᒋ ᐎ ᒋᔅᑕᔨᑕᑯᐊᐤ ᒋᓴᒪᓂᑐᐛ᙮

ᒋᒥᔅ ᐅᒥᓯᓇᐊᒪᒐᐅᓐ 5:4

ᓇᒪ ᒋ ᐅᒋ ᒋᓯᐧᑯᐛᐛᐅᒡ ᐊᓐᒡ ᐊᐛᓐᒋ ᑲ ᐊᑐᔅᒐᒡ ᒋᓂᑕᐅᒋᑕᑭᓐ ᐊᔅᒋᐛᒡ᙮ ᓂᑐᑐᐛᐧᑯᒡ ᒪ ᐊ ᐎᑎᒪᑕᑯᒡ ᐊᑲ ᒥᔽᔨᑕᒡ᙮ ᐅᑎᐸᔨᒋᒐᐤ ᓇᔅᒡ ᑲ ᓱᐧᑲᑎᓯᑦ ᒋ ᐸᑐᐛᐤ ᑕᓐ ᐊ ᐃᓯ ᑕᑈᔨᒋ ᐅᔭ ᑲ ᒪᒧᓴᒋᓂᒥᔨᒋ ᒋᓂᑕᐅᒋᑕᑭᓄᐛᐛ᙮

ᒍᑦ 1:7

ᒋᔅᒋᓯᑐᐛᐧᑯᒡ ᑭᔭ ᐊᓐᒡ ᐃᔪᒡ ᓱᑕᒻ ᑭᔭ ᑯᒧᕋ ᑭᔭ ᐊᓂᔭᔪᐛ ᑯᑎᑲ ᐅᑕᓇᐛ ᐛᔅᑲ ᑲ ᑎᑯᓂᔨᒋ ᑲ ᐅᒋᒡ᙮ ᒧᔭᒻ ᐊᓂᔭᔪᐛ ᐊᓐᒋᓇ ᑲ ᐃᑎᔨᒋ ᐊᑲ ᐅᒋ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᐅᑯᓐ ᑲ ᐃᑎᒡ᙮ ᑭᔭ ᒥᓯᐛ ᐊᑲ ᒧᔭᒻ ᐃᑕᔨᑕᑯᓂᔨᒡ ᐎᓂᓱᐤ ᐱᒪᑎᓯᐅᓂᔪᐤ ᒋ ᐃᑐᑎᒧᒡ᙮ ᓇᔅᒡ ᒋ ᐃᔎᑕᐛ ᐅᔭ ᐅᑕᓇᐛ ᑭᔭ ᓂᓇᐧᑲᑕᔨᒧᐊᑭᓄᐎᒡ ᐊᓐᒡ ᐃᔪᒡ ᐊᓐᑕ ᒥᒋ ᐃᔅᑯᑕᒡ ᑲᒋᒡ ᐊ ᑎᑯᓂᔨᒡ᙮ ᐊᐅᒄ ᒪᒃ ᐛᒋ ᐃᔭᒂᒥᑯᔭᐧᒄ ᐅᔭ ᒐ ᐃᓯ ᐛᐛᓯᐊᑭᓄᐅᑦ ᐊᐛᓐ ᐊᑲ ᓇᔅᒡ ᐎ ᓂᓇᐃᑐᐛᑦ ᒋᓴᒪᓂᑐᐛ᙮