ᒐᓂᓯᔅ 18:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᑎᐸᔨᒋᒐᓱᐤ ᒥᓐ ᒋ ᓄᑯᓯᔅᑐᐛᐤ ᐊᑉᕋᐊᒪ ᐊᓐᑕ ᒪᒻᕋ ᒥᒋᒪ ᒥᔅᑯᐛᐤ ᒥᔅᑎᒂ ᐊ ᑕᔨᒋ᙮ ᒋᐱᔎᒡ ᒋ ᐊᐳᐤ ᐅᐱᒍᐎᔭᓂᒋᐛᐱᒡ ᒪᒂᒡ ᐊ ᒋᓯᑕᔨᒡ᙮

ᒐᓂᓯᔅ 18:1 Iomraidhean Croise

ᒐᓂᓯᔅ 12:7

ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒂ ᐃᑕᑦ, “ᓂᑭ ᒥᔭᐅᒡ ᒋᑦ ᐊᑐᔅᒐᔭᑭᓐᒡ ᐅᔭ ᑲᐃᓇᓐ ᐊᔅᒋᔪᐤ᙮” ᐊᑯ ᐊᑉᕋᒻ ᒂ ᐃᑐᑎᒧᐛᑦ ᑎᐸᔨᒋᒐᓱᐛ ᐱᔅᑎᓂᒐᐅᓇᐱᔅᑯᔪᐤ ᑲᒋ ᓄᑯᓯᔅᑕᑯᑦ᙮

ᒐᓂᓯᔅ 13:18

ᐊᑯ ᐊᑉᕋᒻ ᒋ ᐊᑐᒐᐤ ᑭᔭ ᒋ ᐎᒍᐤ ᒥᒋᒪ ᒪᒻᕋ ᒥᔅᑎᒂ ᐊ ᑕᔨᒋ ᐊᓐᑕ ᐃᑉᕈᓐ, ᐊᑯᑕ ᑲ ᐃᑐᑕᐧᒃ ᐱᔅᑎᓂᒐᐅᓇᐱᔅᑯᔪᐤ ᒐᒋ ᓂᑐᑎᒧᐛᑦ ᑎᐸᔨᒋᒐᓱᐛ᙮

ᒐᓂᓯᔅ 14:13

ᒥᒄ ᐸᐃᒄ ᓇᐸᐤ ᒋ ᒋᑎᓯᒧᐤ ᑭᔭ ᑲ ᐎᑎᒧᐛᑦ ᐊᑉᕋᒪ, ᐃᑉᕈᐤ ᐃᔪᐛ, ᑲ ᐎᒋᔨᒋ ᐊᓐᑕ ᒥᒋᒪ ᐃᓚᓐ ᒥᔅᑎᒂ, ᒪᒻᕋ ᐊᒧᕆ ᐃᔪᐛ ᑲ ᑎᐸᔨᒪᔨᒋ᙮ ᒪᒻᕋ ᒋ ᓂᓯᔪᐛ ᐎᐧᑲᓂᓴ, ᐃᔅᑯᓪ ᑭᔭ ᐊᓄᕐ, ᐅᒡ ᐊ ᓂᔅᑎᒡ ᓇᐸᐅᒡ, ᒋ ᐃᑐᑎᒧᒡ ᐊᓱᑎᒪᒐᐅᓂᔪᐤ ᒐᒋ ᐎᒋᒪᓯᒐᒪᒡ ᐊᑉᕋᒪ ᓇᑐᐱᓇᓄᔨᒋ᙮

ᒐᓂᓯᔅ 15:1

ᓇᓇᒐ ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒋ ᐃᑕᐤ, “ᐊᑲ ᑯᔅᑕᒋ, ᐊᑉᕋᒻ᙮ ᓂᔾ ᐅ ᒋᑦ ᐊᒂᓇᐅᓱᐛᑭᓐ, ᒋᒋᐛ ᒋᑭ ᒥᓴᐤ ᒋᑎᐸᒪᑯᓯᐅᓐ᙮”

ᒐᓂᓯᔅ 17:22

ᒋᓴᒪᓂᑐᐤ ᒋ ᓂᑭᑕᐤ ᐊᑉᕋᐊᒪ ᐃᔅᐱ ᑲᒋ ᐃᓯ ᐃᔨᒪᐊᑦ᙮

ᒐᓂᓯᔅ 18:22

ᐊᑯ ᓂᓱ ᐊᓐᒋᓐᒡ ᒋ ᓂᑭᑕᐅᒡ ᐊᑉᕋᐊᒪ ᑭᔭ ᒂ ᐃᑐᑕᒡ ᐊᓐᑕ ᓱᑕᒻ ᐅᑕᓇᔪᐤ, ᒥᒄ ᑎᐸᔨᒋᒐᓱᐤ ᒋ ᑕᐤ ᐊ ᐎᒋᑲᐳᔅᑐᐛᑦ ᐊᑉᕋᐊᒪ᙮

ᒐᓂᓯᔅ 20:1

ᐱᓯᒧᑕᒡ ᒋ ᐃᓯ ᐊᑐᒐᐤ ᐊᑉᕋᐊᒻ ᑭᔭ ᑎᔅᑐᐎᒡ ᑲᑎᔅ ᑭᔭ ᓱᕐ ᒂ ᐎᒋᑦ, ᑭᕋᕐ ᐛᐃᐱᔅᒋᔅ ᒋ ᑕᐤ,

ᒐᓂᓯᔅ 26:2

ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᐃᓯᑲ ᑭᔭ ᒂ ᐃᑕᑦ, “ᒐ ᐊᑲ ᐃᑐᑕᔨᓐ ᐊᓐᑕ ᐃᒋᑉᑦ ᐊᔅᒋᒡ ᒐᒋ ᐎᒋᔨᓐ᙮ ᒋᑭ ᐛᐸᑎᔨᑎᓐ ᐊᓐᑕ ᒐ ᐎᒋᔨᓐ᙮

ᒐᓂᓯᔅ 35:27

ᒋ ᓂᑐᐛᐱᒪᐤ ᒐᑭᑉ ᐅᑕᐎᔭ ᐊᐃᓯᑲ ᐊᓐᑕ ᒪᒻᕋ, ᒥᒋᒪ ᐃᑉᕈᓐ, ᐊᓐᑕ ᑲ ᐎᒋᒡ ᐊᑉᕋᐊᒻᐱᓐ ᑭᔭ ᐊᐃᓯᒃ᙮

ᒐᓂᓯᔅ 48:3

ᒋ ᐛᒋᔭᒪᐤ ᒐᑭᑉ ᒍᓯᐸ ᑭᔭ ᒂ ᐃᑕᑦ, “ᓂᒋ ᓄᑯᓯᔅᑕᒄ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ ᐊᓐᑕ ᓗᔅ ᑲᐃᓇᓐ ᐊᔅᒋᒡ, ᑭᔭ ᐊᑯᑕ ᑲ ᒥᔨᑦ ᐅᓱᐛᔨᒋᒐᐅᓐ᙮

ᐊᒃᓱᑕᔅ 4:1

ᒧᓱᔅ ᒂ ᐃᑕᑦ, “ᐊᑲ ᒪᒃ ᐎ ᑕᑈᑐᐅᑥᐛ ᑭᔭ ᐊᑲ ᐎ ᓂᑐᑐᐅᑥᐛ᙮ ᑕᓐ ᒐ ᐃᑎᔭᓐ ᐃᓯᑥᐛ, ‘ᑎᐸᔨᒋᒐᓱᐤ ᓇᒪ ᒋ ᐅᒋ ᓄᑯᓯᔅᑕᒄ᙮’ ”

ᐊᑈᔅᑕᓇᒡ 7:2

ᐊᑯ ᔅᑎᐱᓐ ᒂ ᐃᑕᑦ, “ᓂᐧᑲᓂᓯᑐᒄ ᑭᔭ ᐅᑕᐎᒪᑐᒄ ᐸᒋ ᓂᑐᑐᐅᒄ, ᒋᓴᒪᓂᑐᐤ ᑲ ᒋᔅᑕᔨᑕᑯᓯᑦ ᒋ ᓄᑯᓯᔅᑐᐛᐤ ᐛᔅᑭᒡ ᐊᓂᔭᐧᑲ ᒍᑕᐎᓄᐛ ᐊᑉᕋᐊᒪ ᒪᒂᒡ ᑲ ᐎᒋᔨᒋ ᐊᓐᑕ ᒪᓴᐳᑕᐃᒥᔭ ᐊᔅᒋᒡ, ᐊᔅᒄ ᐊᑲ ᐦᐊᕋᓐ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐅᒋ ᐃᓯ ᐊᑐᒐᔨᒋ᙮

ᐃᑉᕈᐛ 11:9

ᒐᒃ ᒪᒃ ᒋ ᐅᑎᑎᒻ ᐊᓂᔭ ᐊᔅᒋᔪᐤ ᒋᓴᒪᓂᑐᐛ ᑲ ᐊᓱᑎᒪᑯᑦ᙮ ᐊᑯᑕ ᑲ ᑕᑦ ᐊ ᒪᓐᑕᐅᑦ ᑭᔭ ᐊ ᑕᑈᔭᔨᒪᑦ ᒋᓴᒪᓂᑐᐛ᙮ ᒋ ᐱᐸᒪ ᐊᑐᒐᐤ ᒥᒄ ᒥᒋᐛᐱᒡ ᐊ ᑕᑦ᙮ ᐊᓂᔭ ᐅᑯᓴ ᐊᐃᓯᑲ ᑭᔭ ᐊᓂᔭ ᐅᓯᒪ ᒐᑭᐸ ᒋ ᐱᐸᑕᔪᐛ ᐊᓐᑕ ᑲ ᑕᑦ᙮ ᒋ ᐃᔅᒋᔄᑯᐱᓇᓂ ᒋᓴᒪᓂᑐᐛ ᑭᔭ ᐎᔨᐛᐤ ᒐ ᐊᓱᑎᒧᐛᑭᓄᐅᒡ ᐊᓂᔭ ᐊᔅᒋᔪᐤ ᒐ ᒥᔭᑭᓄᔨᒋ ᐊᑉᕋᐊᒪ᙮

ᐃᑉᕈᐛ 13:2

ᒋᔅᒋᓯᒄ, ᒧᔅ ᒐᒋ ᐊᔭᔅᑯᐎᔭᒄ ᒐᒋ ᐱᑎᑲᐊᑯᒡ ᒪᓐᑕᐅᒡ ᒋᒋᐛᐛᒡ᙮ ᐱᔅᒐ ᐊᐛᓐᒋ ᓴᔅ ᒋ ᐱᑎᑲᐊᐅᒡ ᒪᓐᑕᐛ ᐊᓐᑕ ᐊ ᑕᒡ, ᓇᒪ ᒪᒃ ᐅᒋ ᒋᔅᒐᔨᒪᐅᒡ ᐱᔅᒐ ᐊᓂᔭ ᒪᓐᑕᐛ ᑲ ᐱᑎᑲᐊᒡ ᐊᒋ ᐊᓐᒋᓄᐎᑯᐱᓇᓂ᙮