ᒐᓂᓯᔅ 17:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᓂ ᒥᔅᑯᑐᓇᓐ ᒋᑦ ᐃᓯᓂᐧᑲᓱᐅᓐ᙮ ᓇᒪ ᒋᑭ ᒋ ᓴᔅ ᐃᓯᓂᐧᑲᓱᓐ ‘ᐊᑉᕋᒻ’, ᒥᒄ ‘ᐊᑉᕋᐊᒻ’ ᒋᑭ ᐃᓯᓂᐧᑲᑎᑯᐅᓐ᙮

ᒐᓂᓯᔅ 17:5 Iomraidhean Croise

ᒐᓂᓯᔅ 17:15

ᐊᑯ ᒥᓐ ᒋᓴᒪᓂᑐᐤ ᐊᑕᑦ ᐊᑉᕋᐊᒪ, “ᒋᐅ ᓴᕋᐃ, ᒐ ᐊᑲ ᐃᓯᓂᐧᑲᑎᑦ ‘ᓴᕋᐃ’, ᒥᒄ ‘ᓴᕋ’ ᒋᑭ ᐃᓯᓂᐧᑲᓱᐤ᙮

ᒐᓂᓯᔅ 32:28

ᐊᑯ ᓇᐸᐤ ᐊᑕᑦ, “ᓇᒪ ᓴᔅ ᒐᑭᑉ ᒋᑭ ᐃᓯᓂᐧᑲᑎᑯᐅᓐ᙮ ᔅᒋ ᒪᓴᐊᐤ ᒋᓴᒪᓂᑐᐤ ᑭᔭ ᐃᔪᒡ ᑭᔭ ᔅᒋ ᑲᓂᔪᐅᓐ; ᐊᑯ ᐃᔅᕋᐃᓪ ᒋᑭ ᐃᓯᓂᐧᑲᓱᓐ᙮”

ᒐᓂᓯᔅ 32:29

ᐊᑯ ᒐᑭᑉ ᑲ ᑯᒂᒋᒪᑦ, “ᐎᑎᒧᐎ ᒪ ᒋᑦ ᐃᓯᓂᐧᑲᓱᐅᓐ᙮” ᒥᒄ ᒋ ᐃᑎᑯᐤ ᓇᐸᐛ, “ᒐᒂᓐ ᐛᒋ ᐎᔅᒐᔨᑎᒥᓐ ᓂᑦ ᐃᓯᓂᐧᑲᓱᐅᓐ ?” ᐊᑯ ᒂ ᓱᐛᔨᑕᑯᐛᑦ ᒐᑭᐸ᙮

ᒐᓂᓯᔅ 35:10

ᒋᓴᒪᓂᑐᐤ ᒂ ᐃᑕᑦ, “ᒐᑭᑉ ᒋᑦ ᐃᓯᓂᐧᑲᑎᑯᐅᓐ, ᒥᒄ ᐊᓄᒡ ᐃᔅᕋᐃᓪ ᒋᑭ ᐃᓯᓂᐧᑲᑎᑯᐅᓐ᙮” ᐊᑯ ᒋᓴᒪᓂᑐᐤ ᐃᔅᕋᐃᓪ ᒂ ᐃᓯᓂᐧᑲᑕᑦ ᒐᑭᐸ᙮

ᒠᓐ 1:42

ᐊᑯ ᒂ ᐃᑐᑕᐊᑦ ᓴᐃᒥᓇ ᐊᓐᑕ ᒋᓴᓴ ᐊ ᑕᔨᒋ᙮ ᒋᓴᔅ ᒪᒃ ᒋ ᑭᓄᐛᐱᒪᐤ ᐊᓂᔭ ᓴᐃᒥᓇ ᐊᑯ ᒂ ᐃᑕᑦ, “ᒋᔾ ᓴᐃᒥᓐ, ᒠᓐ ᐅᑯᓴ, ᓯᐸᔅ ᒋᑭ ᐃᓯᓂᐧᑲᓱᓐ᙮” ᓯᐸᔅ ᐊ ᐱᔭᑭᔅᒋᑕᑯᓯᓇᓄᐅᒡ ᐱᑕᕐ ᒪᒃ ᐊᓯᓂᔾ ᐃᓇᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:17

ᒧᔭᒻ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑉᕋᐊᒻ ᐊᒋ ᐃᑎᑯᒂ ᒋᓴᒪᓂᑐᐛ, ᔅᒋ ᐃᓯᐃᑎᓐ ᒐᒋ ᐅᑕᐎᒪᐅᑕᔅᒡ ᒥᒐᑦ ᐊ ᐃᑎᔅᑲᓇᓯᒡ ᐊᐛᓐᒋ᙮ ᐊᑉᕋᐊᒻ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᐊᐅᒄ ᐅᔭ ᐊ ᐅᑕᐎᒪᐅᑐᐛᐧᒄ ᐛᒋ ᐃᓯ ᑭᓄᐛᐱᒥᑯᑦ᙮ ᐊᐅᑯᓐ ᒪᒃ ᐅᔭ ᐊᑉᕋᐊᒻ ᑲ ᑕᑈᔭᔨᒪᑦ, ᐊᓂᔭᔪᐛ ᑲ ᐃᑐᑐᐛᔨᒋ ᐊᓂᔭᔪᐛ ᐊᑲ ᐱᒪᑎᓯᔨᒋ ᑲᐤ ᒐᒋ ᐱᒪᑎᓯᔨᒋ ᑭᔭ ᒥᒄ ᐊ ᐃᔅᒋᔄᔨᒋ ᒐᒋ ᑎᑯᓂᔨᒡ ᒐᒂᔪᐤ ᐊᑲ ᓂᑕ ᐅᒋ ᑎᑯᓂᔨᒡ ᑎᐛᒡ ᑎᑯᓂᔪᐤ᙮

ᒋᔅᒐᔨᑕᑯᑕᒐᐅᓐ 2:17

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ, ᓂᑭ ᐊᓯᒪᐅᒡ ᐊᓂᔭ ᒋᒋᒋᓯᒄ ᐸᒂᓯᑭᓇ ᑲ ᑲᔭᑭᓄᔨᒋ᙮ ᓂᑭ ᒥᔭᐅᒡ ᐊᓯᓂᔭ ᐊ ᐛᐸᐱᔅᒋᓯᔨᒋ ᐊᓐᑕ ᒪᓯᓇᑕᔨᒡ ᐊ ᐅᔅᑲᔨᒡ ᐃᓯᓂᐧᑲᓱᐅᓂᔪᐤ᙮ ᓇᒪ ᒪᒃ ᐊᐛᓐ ᒋᔅᒐᔨᑎᒻ ᐅᔭ ᐃᓯᓂᐧᑲᓱᐅᓂᔪᐤ, ᒥᒄ ᐊᓐ ᐊᐛᓐ ᒐ ᒥᔭᑭᓄᐅᒂ, ᐊᐅᑯᓐ ᒐ ᒋᔅᒐᔨᑕᐧᒃ᙮”