21 ᒥᒄ ᓂᑭ ᒥᔭᐤ ᓂᓂᔅᑯᒧᐅᓂᔪᐤ ᐊᐃᓯᒃ, ᐊᓂᔭ ᒐ ᓂᑕᐅᒋᔭᑦ ᓴᕋ ᒋ ᐸᐃᑯᐳᓂᔨᒐ᙮”
ᐊᑯ ᒋᓴᒪᓂᑐᐤ ᐊᑕᑦ, “ᓂᐦᐃ, ᒥᒄ ᒋᐅ ᓴᕋ ᒋᑭ ᒥᔨᒄ ᐅᑯᓯᒪᐛ ᑭᔭ ᐊᐃᓯᒃ ᒋᑭ ᐃᓯᓂᐧᑲᑕᐤ᙮ ᓂᑭ ᐊᔨᒋᑎᒧᐛᐤ ᓂᓇᔅᑯᒧᐅᓂᔪᐤ, ᐊᐅᒄ ᐅᒪ ᓂᓇᔅᑯᒧᐅᓐ ᒐ ᐊᑲ ᓂᑕ ᐃᔎᐱᔨᒡ, ᐎᔾ ᐅᒡ ᑭᔭ ᐅᑦ ᐊᓂᔅᑯᑕᐸᓇ᙮
ᑎᐸᔨᒋᒐᓱᐤ ᒂ ᐃᑕᑦ ᐊᑉᕋᐊᒪ, “ᒋ ᐸᐃᑯᔅᑕᐤ ᑕᑐᐤ ᐱᓯᒺᔭᒐ, ᑲᐤ ᐅᑕ ᓂᑭ ᑎᑯᓯᓐ ᑭᔭ ᓴᕋ ᒋᑭ ᐅᑯᓱᐤ᙮” ᓴᕋ ᐅᑕᒡ ᒋ ᐅᒋᑲᐳᔅᑐᐛᐤ, ᒋᐱᔎᒡ ᐅᒡ ᐅᐱᒍᐎᔭᓂᒋᐛᐳᐛᒡ ᐛᒋ ᓂᑐᑐᐛᑦ᙮
ᓇᒪ ᑎᑯᓂᔪᐤ ᒐᒂᓂᔪᐤ ᒐ ᐊᑲ ᒋ ᐃᑐᑕᐧᒃ ᑎᐸᔨᒋᒐᓱᐤ᙮ ᒧᔭᒻ ᑲ ᐃᔅᒋᔄᔭᓐ, ᒋ ᐸᐃᑯᔅᑕᐤ ᑕᑐᐤ ᐱᓯᒺᔭᒐ ᑲᐤ ᐅᑕ ᓂᑭ ᑎᑯᓯᓐ ᑭᔭ ᓴᕋ ᒋᑭ ᐅᑯᓱᐤ᙮”
ᒋᓴᒪᓂᑐᐤ ᒋ ᓱᐛᔨᑕᑯᐛᐤ ᓴᕋᔨᒋ ᒧᔭᒻ ᑲ ᐃᔅᒋᔄᑦ ᒐ ᐃᑐᑕᐧᒃ, ᓇᒪ ᐅᒋ ᐅᓂᒋᔅᒍᐤ ᒐᒋ ᑐᑕᐧᒄ ᒐᒂᔪᐤ ᑲ ᐊᓱᑎᒪᒐᑦ᙮
ᐊᑯ ᒐᑭᑉ ᑕᒪᒋᓇᐧᒃ ᒥᓯᐛ ᑲ ᑎᐱᔨᐛᐅᓯᑦ ᐃᒋᑉᑎᒡ ᐊᑐᑕᑦ ᑭᔭ ᐃᔅᐱ ᐛᑎᑕᐧᒃ ᐱᕐ-ᓯᐸ ᐊᑯᑕ ᑲ ᒥᑐᔅᑕᐊᒧᒪᑦ ᐅᑕᐎᔭ ᐊᐃᓯᑲ ᐅᒋᓴᒪᓂᑐᒥᔪᐛ᙮
ᐊᑯ ᒂ ᒥᔭᑦ ᐅᓱᐛᔨᒋᒐᐅᓐ ᒐᑭᐸ ᑭᔭ ᐅᑯᓯᔪᐛ ᐊ ᐃᔅᒋᔄᑦ, “ᐅ ᒋᓴᒪᓂᑐᐤ ᒋᔾ ᐅ ᓂᒧᓱᒻ ᐊᑉᕋᐊᒻ ᑭᔭ ᓄᑕᐎᔾ ᐊᐃᓯᒃ ᑲ ᐊᔭᒥᐊᔅᑐᐛᒡ, ᒋᔾ ᐅ ᒋᓴᒪᓂᑐᐤ ᑲ ᐸᒋ ᒥᔪ ᑭᓄᐛᔨᒥᔨᓐ ᒥᓯᐛ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᔭᓐ᙮
ᒂ ᐊᑎ ᒋᔅᒋᑐᐛᑦ ᐊᓂᔭ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᑲ ᐃᑕᑦ ᒐ ᒋᐛᑕᐊᑦ ᐊᓂᔭ ᐅᑦ ᐊᓂᔅᑯᑕᐸᓂᔪᐛ ᓇᑕ ᑲᐃᓇᓐ ᐊᔅᒋᒡ᙮
ᐃᔭᐱᒡ ᒂ ᐃᑎᑯᑦ, “ᓂᔾ ᐅ ᒋᑦ ᐊᓂᔅᑯᑕᐸᓐᒡ ᐅᒋᓴᒪᓂᑐᒧᐛᐛ᙮ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ ᐅᒋᓴᒪᓂᑐᒧᐛᐛ᙮” ᐊᑯ ᐃᔭᑯᐛᓂᑎᓱᑦ ᒧᓱᔅ ᐛᔅ ᒋ ᑯᔅᑕᐤ ᒐᒋ ᒋᑕᐱᒪᑦ ᒋᓴᒪᓂᑐᐛ᙮
ᒋ ᒋᔅᒋᓱᐤ ᑕᓐ ᒐ ᐃᓯ ᑲᒋᒡ ᒋᔅᑎᒪᒐᔨᒪᑦ ᐊᑉᕋᐊᒪ ᑭᔭ ᐊᓂᔅᒐ ᐅᑦ ᐊᐛᓯᒥᔪᐛ᙮”
ᐊ ᒋᓴᐛᑐᑐᐛᑦ ᒍᑕᐎᓄᐛ ᑭᔭ ᐊ ᒋᔅᒋᑦ ᐅᐸᔭᒋ ᓂᔅᑯᒧᐅᓐ᙮
ᒋᓴᔅ ᒪᒃ ᒋ ᐃᑕᐤ, “ᓇᒪ ᒋᔨᐛᐤ ᒋᐸ ᐅᒋ ᓇᓂᑐ ᑭᒐᔅᒐᔨᑕᓇᐛᐤ ᑕᓐ ᒐ ᐃᔅᐱᔨᒡ ᐊᓐᑕ ᓂᔅᑕᒥᒡ᙮ ᐊᓂᔭᔪᐤ ᐊ ᑎᐸᔨᒋᒐᑦ ᓄᑕᐎᔾ ᓴᔅ ᒋ ᐎᔭᔨᑎᒻ ᑕᓐ ᒐ ᐃᔅᐱᔅ ᐅᑎᒋᐱᔨᒡ ᐅᔭ᙮
ᐛᔅ ᒋ ᐃᑕᐤ ᒋᓴᒪᓂᑐᐤ ᐊᑉᕋᐊᒪ ᐅᔭ ᒐᔅᑎᓇᔅ ᒐ ᐃᑐᑎᒧᐛᑦ, “ᐸᐃᒄ ᐱᐳᓇ ᐃᔅᐱᔅ ᐊᑯ ᒥᓐ ᒐ ᐸᒋ ᓂᑐᐛᐱᒥᑕᓐ᙮ ᓴᔅ ᒋᑭ ᐊᔭᐛᐤ ᓴᕋ ᐅᑯᓴ ᒥᓐ ᐸᒋ ᓂᑐᐛᐱᒥᑕᓇ᙮”
᙭ ᐊ ᑕᑦ ᐊ ᐃᓯ ᑎᐸᔨᑕᑯᓱᐅᓇ ᒧᔭᒻ ᐊᑉᕋᐊᒻ ᐊ ᑕᑦ ᐊᒋ ᐅᒋ ᐊᓂᔅᒐ ᐱᒪᑎᓯᔨᓐ ᒋᑦ ᐃᓯᓇᑯᓯᓐ᙮ ᐊᑯ ᒪᒃ ᒐ ᒥᔅᑭᒧᑦ ᐊᓂᔭ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᒥᔨᐛᑦ᙮
ᒐᒃ ᒪᒃ ᒋ ᐅᑎᑎᒻ ᐊᓂᔭ ᐊᔅᒋᔪᐤ ᒋᓴᒪᓂᑐᐛ ᑲ ᐊᓱᑎᒪᑯᑦ᙮ ᐊᑯᑕ ᑲ ᑕᑦ ᐊ ᒪᓐᑕᐅᑦ ᑭᔭ ᐊ ᑕᑈᔭᔨᒪᑦ ᒋᓴᒪᓂᑐᐛ᙮ ᒋ ᐱᐸᒪ ᐊᑐᒐᐤ ᒥᒄ ᒥᒋᐛᐱᒡ ᐊ ᑕᑦ᙮ ᐊᓂᔭ ᐅᑯᓴ ᐊᐃᓯᑲ ᑭᔭ ᐊᓂᔭ ᐅᓯᒪ ᒐᑭᐸ ᒋ ᐱᐸᑕᔪᐛ ᐊᓐᑕ ᑲ ᑕᑦ᙮ ᒋ ᐃᔅᒋᔄᑯᐱᓇᓂ ᒋᓴᒪᓂᑐᐛ ᑭᔭ ᐎᔨᐛᐤ ᒐ ᐊᓱᑎᒧᐛᑭᓄᐅᒡ ᐊᓂᔭ ᐊᔅᒋᔪᐤ ᒐ ᒥᔭᑭᓄᔨᒋ ᐊᑉᕋᐊᒪ᙮