ᒐᓂᓯᔅ 17:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᓂᑭ ᓱᐛᔨᑕᑯᐛᐤ ᓴᕋ ᑭᔭ ᒋᑭ ᐅᑯᓱᐤ ᒋᔾ ᐅᒡ᙮ ᓂᑭ ᓱᐛᔨᑕᑯᐛᐅ ᑭᔭ ᐎᔾ ᒋᑭ ᐅᑲᐎᒪᐤ ᒐ ᑕᑐᔅᑲᓇᓯᓇᓄᐎᒡ; ᐱᔅᒐ ᐅᑦ ᐊᓂᔅᑯᑕᐸᓇ ᒋᑭ ᒋᓴᐅᒋᒪᐎᔪᐛ᙮”

ᒐᓂᓯᔅ 17:16 Iomraidhean Croise

ᒐᓂᓯᔅ 1:28

ᒋᓴᒪᓂᑐᐤ ᒋ ᒥᔭᐤ ᐅᓱᐛᔨᒋᒐᐅᓐ ᑭᔭ ᒂ ᐃᑕᑦ, “ᒐ ᒥᒐᑥᐊᑯᒡ ᐊᐛᓯᒡ, ᒐᒋ ᒥᒐᑎᑦ ᐃᔪᐤ ᐅᑕ ᐊᔅᐱᑎᔅᑭᒥᑲᒡ ᐊᔅᒋᒡ ᑭᔭ ᒋᔨᐛᐤ ᒐ ᑭᓄᐛᔨᑎᒪᒄ᙮ ᒋᔨᐛᐤ ᒋᑭ ᐅᒋᒪᐅᓇᐛᐤ ᐊᓐᒡ ᓂᒪᓯᒡ ᐊᓐᑕ ᓂᐱᒡ, ᐱᔭᓱᐅᒡ ᐊᓐᑕ ᒋᓯᑯᒡ ᑭᔭ ᒥᓯᐛ ᐊᐛᓯᓯᒡ ᐅᑕ ᐊᔅᒋᒡ᙮

ᒐᓂᓯᔅ 12:2

ᒋᑭ ᐅᑕᐎᒪᐅᓐ ᐊ ᓱᐧᑲᑎᓯᒡ ᐊ ᐃᑎᔅᑲᓇᓯᒡ, ᒋᑭ ᒥᔪᑐᑕᑎᓐ ᒥᓯᐛ ᒐᒂᓐ ᐅᒡ, ᓂᑭ ᒋᔅᑕᔨᑕᑯᑕᓐ ᒋᑦ ᐃᓯᓂᐧᑲᓱᐅᓐ, ᒋᑭ ᓱᐛᔨᑕᑯᐎᐛᓐ ᒪᒃ᙮

ᒐᓂᓯᔅ 15:4

ᑎᐸᔨᒋᒐᓱᐤ ᒋ ᐃᔨᒪᐊᐤ ᒥᓄᐛᒡ ᐊᑉᕋᒪ ᐊ ᐃᑕᑦ, “ᐃᓕᐃᓱᐤ ᒋᑦ ᐊᐱᒋᐊᑭᓐ ᓇᒪᔭᐤ ᐎᔾ ᒐ ᑎᐸᔨᑕᐧᒃ ᒋᑎᐸᔨᑎᒧᐅᓇ ! ᒋᑭ ᑕᐤ ᑎᐱᔨᐛ ᒋᑯᔅ ᑭᔭ ᐎᔾ ᒋᑭ ᑎᐸᔨᑎᒻ ᒋᑎᐸᔨᑎᒧᐅᓇ᙮”

ᒐᓂᓯᔅ 17:15

ᐊᑯ ᒥᓐ ᒋᓴᒪᓂᑐᐤ ᐊᑕᑦ ᐊᑉᕋᐊᒪ, “ᒋᐅ ᓴᕋᐃ, ᒐ ᐊᑲ ᐃᓯᓂᐧᑲᑎᑦ ‘ᓴᕋᐃ’, ᒥᒄ ‘ᓴᕋ’ ᒋᑭ ᐃᓯᓂᐧᑲᓱᐤ᙮

ᒐᓂᓯᔅ 17:19

ᐊᑯ ᒋᓴᒪᓂᑐᐤ ᐊᑕᑦ, “ᓂᐦᐃ, ᒥᒄ ᒋᐅ ᓴᕋ ᒋᑭ ᒥᔨᒄ ᐅᑯᓯᒪᐛ ᑭᔭ ᐊᐃᓯᒃ ᒋᑭ ᐃᓯᓂᐧᑲᑕᐤ᙮ ᓂᑭ ᐊᔨᒋᑎᒧᐛᐤ ᓂᓇᔅᑯᒧᐅᓂᔪᐤ, ᐊᐅᒄ ᐅᒪ ᓂᓇᔅᑯᒧᐅᓐ ᒐ ᐊᑲ ᓂᑕ ᐃᔎᐱᔨᒡ, ᐎᔾ ᐅᒡ ᑭᔭ ᐅᑦ ᐊᓂᔅᑯᑕᐸᓇ᙮

ᒐᓂᓯᔅ 17:6

ᒋᑭ ᒥᔨᑎᓐ ᒥᒐᑦ ᐊᓂᔅᑯᑕᐸᓐᒡ ᑭᔭ ᓂᑲᓄᒡ ᐊᓐᑕ ᒋᑭ ᒥᒐᑐᔅᑲᓇᓱᐅᒡ᙮ ᐱᔅᒐ ᒋᑭ ᒋᓴᐅᒋᒪᐅᒡ᙮

ᒐᓂᓯᔅ 21:1

ᒋᓴᒪᓂᑐᐤ ᒋ ᓱᐛᔨᑕᑯᐛᐤ ᓴᕋᔨᒋ ᒧᔭᒻ ᑲ ᐃᔅᒋᔄᑦ ᒐ ᐃᑐᑕᐧᒃ, ᓇᒪ ᐅᒋ ᐅᓂᒋᔅᒍᐤ ᒐᒋ ᑐᑕᐧᒄ ᒐᒂᔪᐤ ᑲ ᐊᓱᑎᒪᒐᑦ᙮

ᒐᓂᓯᔅ 24:60

ᒪᒂᒡ ᑲ ᐛᒋᔭᒪᒡ ᕋᐸᑲᔨᒋ, ᒋ ᐃᔅᒋᔄᐅᒡ ᐅᔭ ᐊᔭᒥᐊᐅᓂᔪᐤ, “ᑭᒪ ᐃᑐᑐᐛᑦ ᒋᓴᒪᓂᑐᐤ ᕋᐸᑲᔨᒋ ᒐᒋ ᐅᑲᐎᒪᐅᔨᒋ ᒋᓴᒥᑕᓯᒥᑎᓄᐤ ᐊᓂᔅᑯᑕᐸᓇ᙮ ᑭᒪ ᒋᓴᒪᓂᑐᐤ ᒥᔭᑦ ᒋᑦ ᐊᓂᔅᑯᑕᐸᓇ ᒐᒋ ᓴᒂᐊᔨᒋ ᐊᓂᔭ ᑲ ᐛᐧᑲᑎᑯᔨᒋ᙮”

ᒐᓂᓯᔅ 25:23

ᑎᐸᔨᒋᒐᓱᐛ ᒋ ᐃᑎᑯᐤ, “ᐃᔅᐱ ᓂᑕᐅᒋᑥᐛ ᐊᓐᒡ ᐊ ᓂᓯᒡ ᒋᑯᓯᒡ ᒐᔅᑯᐅᑥᐤ, ᐊᐛᓯᐅᑦ ᒋᑭ ᑎᐸᔨᒪᐤ ᒐᓴᐃᔪᔨᒋ᙮ ᐊ ᓂᓯᒡ ᓇᐸᓯᒡ ᒋᑭ ᓂᑕᐅᒍᐅᒡ ᑭᔭ ᒋᑭ ᐅᑦ ᐊᐛᓯᒧᐅᒡ ᑭᔭ ᐅᑦ ᐊᓂᔅᑯᑕᐸᓄᐛᐛ ᒋᑭ ᓂᓱᔅᑲᓇᓯᔪᐛ ᐊ ᐊᑐᐛᔨᒥᑐᔨᒋ᙮ ᐊᐛᓯᐅᑦ ᐅᑦ ᐊᓂᔅᑯᑕᐸᓇ ᒋᑭ ᓴᐱᔨᐛ ᐃᔅᐱᔅ ᐊ ᒋᓴᐃᔪᑦ ᐅᑦ ᐊᓂᔅᑯᑕᐸᓇ᙮ ᐊᐅᑯᐤ ᐊᑥᒥᑲᒡ ᐅ ᐃᔅᐱ ᒧᓯᔨᑥᐎ ᐊᔭᒋᓂᑐᒡ ᓇᐸᓯᒡ᙮”

ᒐᓂᓯᔅ 35:11

ᐊᑯ ᒋᓴᒪᓂᑐᐤ ᐊᑕᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊᓯ ᓱᐧᑲᑎᓯᑦ, ᒐ ᐃᔭᐛᑯᒡ ᒥᒐᑦ ᐊᐛᓯᒡ᙮ ᒋᑭ ᒥᒐᑐᔅᑲᓇᓱᐅᒡ ᒋᑦ ᐊᐛᓯᒥᒡ ᑭᔭ ᐱᔅᒐ ᒋᑭ ᒋᓴᐅᒋᒪᐅᒡ ᒋᑦ ᐊᐛᓯᒥᒡ᙮

ᒐᓂᓯᔅ 36:31

ᐊᒺᔭ ᐃᔅᕋᐃᓪ ᐃᔪᒡ ᑭᓄᐛᔨᒪᒡ ᑎᐱᔨᐛ ᐅᒋᓴᐅᒋᒪᒧᐛᐛ᙮ ᒋ ᑕᐅᒡ ᒋᓴᐅᒋᒪᐅᒡ ᑲ ᑎᐸᔨᒋᒐᒡ ᐊᓐᑕ ᐃᑕᒻ ᐊᔅᒋᒡ᙮ ᐊᐅᑯᐤ ᐊ ᐃᓯ ᐎᔭᑭᓄᐅᒡ ᐊᓐᒡ ᒋᓴᐅᒋᒪᐅᒡ:

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:9

ᐛᔅ ᒋ ᐃᑕᐤ ᒋᓴᒪᓂᑐᐤ ᐊᑉᕋᐊᒪ ᐅᔭ ᒐᔅᑎᓇᔅ ᒐ ᐃᑐᑎᒧᐛᑦ, “ᐸᐃᒄ ᐱᐳᓇ ᐃᔅᐱᔅ ᐊᑯ ᒥᓐ ᒐ ᐸᒋ ᓂᑐᐛᐱᒥᑕᓐ᙮ ᓴᔅ ᒋᑭ ᐊᔭᐛᐤ ᓴᕋ ᐅᑯᓴ ᒥᓐ ᐸᒋ ᓂᑐᐛᐱᒥᑕᓇ᙮”

ᑲᓚᓯᔭᓇ 4:23

ᐃᔅᐱ ᑲ ᐱᒪᑎᓯᔨᒋ ᐅᑦ ᐊᐛᓯᒪ ᐊᓐ ᑯᐸᓇᔎᐤ ᐦᐊᐃᑲᕐ, ᓇᒪ ᒐᒂᓐ ᐅᒋ ᐃᑕᔨᑕᑭᓄᐅᔪᐤ᙮ ᐊᑯ ᐃᔅᐱᔅ ᓴᕋ ᐅᑯᓴ ᐸᒪᑎᓯᔨᒋ ᓇᔅᒡ ᑕᑈ ᒋᒋᐛ ᒋ ᐃᑕᔨᑕᑭᓄᐅᔪᐤ ᐛᔅ ᒋ ᐃᑎᑯᐤ ᒋᓴᒪᓂᑐᐛ ᑕᑈ ᒐ ᐅᑦ ᐊᐛᓯᒥᑦ ᐊᑎ ᐊᒋ ᒋᓴᐃᔎᐅᑦ ᑭᔭ ᐊᑲ ᐅᒋ ᓂᑕᐅᓴᑦ᙮

1 ᐱᑕᕐ 3:6

ᒧᔭᒻ ᐊᓂᔭ ᓴᕋ ᑲ ᐃᓯᓇᑯᓯᑦ, ᐊᐅᒄ ᐊᓐ ᐸᐃᒄ ᑲ ᐊᔨᒧᒪᑭᓄᐅᑦ ᐊᒋ ᓂᓇᐃᑐᐛᑦ ᐅᐎᒋᒪᑭᓇ ᐊᑉᕋᐊᒪ, ᓄᒋᒪᒻ ᐊᒋ ᐃᓯᓂᐧᑲᑕᑦ᙮ ᐊᐅᒄ ᒪᒃ ᐅ ᓴᕋ ᐛᐅᑕᓂᓯᑐᑕᑕᒄ ᒧᔭᒻ ᑯᐃᔅᒄ ᐊ ᐃᑎᔭᒄ ᑭᔭ ᐊᑲ ᑯᔅᑎᒪᒄ ᒐᒂᓐ᙮