ᒐᓂᓯᔅ 16:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐊᑉᕋᒻ ᒋ ᐎᐸᒪᐤ ᐦᐊᐃᑲᕋ ᑭᔭ ᐦᐊᐃᑲᕐ ᒂ ᐊᓱᐛᐱᒪᐅᓱᑦ᙮ ᐃᔅᐱ ᑲ ᒋᔅᒐᔨᑕᐧᒃ ᐦᐊᐃᑲᕐ ᐊ ᐊᓱᐛᐱᒪᐅᓱᑦ, ᒋᔅᑕᔨᒥᓱᐤ ᑭᔭ ᓇᒪ ᐅᒋ ᒋᔅᑕᔨᒪᐤ ᓴᕋᐃᔨᒋ᙮

ᒐᓂᓯᔅ 16:4 Iomraidhean Croise

ᒐᓂᓯᔅ 16:3

ᐊᐅᑯᐤ ᑲ ᐃᔅᐱᔨᒡ ᐸᐃᑯᔪᐛᐳᓇ ᑲᒋ ᐎᒋᒡ ᐊᓐᑕ ᑲᐃᓇᓐ ᐊᔅᒋᒡ, ᓴᕋᐃ ᒋ ᒥᔭᐤ ᐊᑉᕋᒪ ᐊᓂᔭ ᐅᑯᐸᓇᔎᒪ ᐦᐊᐃᑲᕋ᙮

ᒐᓂᓯᔅ 16:5

ᐊᑯ ᓴᕋᐃ ᒂ ᐃᑕᑦ ᐊᑉᕋᒪ, “ᒋᔾ ᐅ ᑲ ᐃᑐᑎᒥᓐ ᐸᐛᔨᒥᑦ ᐦᐊᐃᑲᕐ, ᓂᔾ ᐊᓐ ᔅᒋ ᒥᔨᑎᓐ ᐃᔎᔅ ᒧᔭᒻ ᒋᐅ ᑭᔭ ᐊᓄᒡ ᒐᔅᒐᔨᑕᐧᒃ ᐊ ᐊᓱᐛᐱᒪᐅᓱᑦ, ᒋᔅᑕᔨᒥᓱᐤ ᑭᔭ ᓂᔾ ᐊᑲ ᒋᔅᑕᔨᒥᑦ᙮ ᑭᒪ ᐊᓏᔨᒥᔅᒃ ᑎᐸᔨᒋᒐᓱᐤ ᑲ ᐃᓯ ᐃᑐᑎᒥᓐ᙮”

ᒐᓂᓯᔅ 19:31

ᐸᐃᒂᐤ ᒐᓯᑲᔨᒡ, ᒐᓴᐃᔎᐅᑦ ᐅᑕᓂᓯᒪᐤ ᒋ ᐃᑕᐤ ᐅᓯᒪ, “ᒍᑕᐎᓄᐤ ᓴᔅ ᒋᓴᐃᔪᐤ ᑭᔭ ᓇᒪ ᑕᐤ ᐅᑕ ᓇᐸᐤ ᒐ ᐎᒋᒥᑕᐧᒄ ᒧᔭᒻ ᐊᑎᓇᓄᐅᒡ ᒥᓯᐛ ᐊᔅᒋᒡ᙮

ᒐᓂᓯᔅ 21:9

ᐸᐃᒂᐤ ᒐᓯᑲᔨᒡ ᓴᕋ ᒋ ᐛᐱᒪᐤ ᐅᑯᓴ ᐊᐃᓯᑲ ᑭᔭ ᐃᔅᒪᐃᓚ, ᐦᐊᐃᑲᕋ ᐃᒋᑉᑦ ᐃᔎᐛ ᐅᑯᓯᔪᐛ ᐊ ᐎᒋᒪᑐᐛᒥᑐᐎᔨᒋ,

ᒐᓂᓯᔅ 30:4

ᐊᑯ ᕋᐃᒍᓪ ᒂ ᒥᔭᑦ ᒐᑭᐸ ᐅᑯᐸᓇᔎᒪ ᐱᓚᔨᒋ ᒧᔭᒻ ᐎᐛ ᑭᔭ ᒂ ᐎᐸᒪᑦ ᒐᑭᑉ ᐱᓚᔨᒋ᙮

1 ᑯᕆᓐᑎᔭᓇ 4:6

ᒥᓯᐛ ᐅ ᑲ ᐸᒋ ᐃᔅᒋᔄᔭᓐ ᓂᔾ ᓂᒋ ᐊᔨᒧᒥᓱᓐ ᑭᔭ ᐊᐳᓚᔅ ᓂᒋ ᐊᔨᒧᒪᐤ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᒋᔨᐛᐤ ᓂᐧᑲᓂᓯᑐᒄ ᒥᒄ ᑕᓐ ᐊᑎᔅᑕᒡ ᒥᓯᓇᐃᑭᓂᒡ ᒐᒋ ᐃᓯ ᐱᒪᑎᓯᔭᒄ᙮ ᐛᔅ ᐃᑎᔅᑕᐤ ᐊᑲ ᐊᐛᓐ ᐃᐛᒃ ᒐᒋ ᐃᑕᔨᒪᑦ ᐸᐃᒄ ᐊᐛᔪᐛ ᑕᓐ ᐊ ᐃᑕᔨᒪᑦ ᑯᑎᑲ ᐊᐛᔪᐛ᙮