ᒐᓂᓯᔅ 16:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᑲᐤ ᒋ ᓂᑐᐛᐱᒪᐤ ᐦᐊᐃᑲᕐ ᐅᒋᒪᔎᒪ᙮ ᐊᑯ ᐦᐊᐃᑲᕐ ᒋ ᓄᑯᐃᒪᐤ ᐊᑉᕋᒪ ᐅᑯᓯᔪᐛ ᑭᔭ ᐃᔅᒪᐃᓪ ᒋ ᐃᓯᓂᐧᑲᑕᐤ ᐊᑉᕋᒻ ᐅᑯᓴ᙮

ᒐᓂᓯᔅ 16:15 Iomraidhean Croise

ᒐᓂᓯᔅ 16:11

ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᐃᔭᐱᒡ ᒂ ᐃᑎᑯᑦ, “ᓂᑐᑐᐎ, ᒋᑭ ᐅᑯᓯᓐ᙮ ᐃᔅᒪᐃᓪ ᒐ ᐃᓯᓂᐧᑲᑎᑦ, ᐅᓴᒻ ᑎᐸᔨᒋᒐᓱᐤ ᒋ ᐸᑎᒻ ᑲ ᐃᔅᐱᔅ ᓂᓇᐧᑲᑕᔨᑎᒥᓐ᙮

ᒐᓂᓯᔅ 16:14

ᐊᐅᑯᓐ ᑲ ᐅᒋ ᐃᓯᓂᐧᑲᑕᒡ ᒧᓇᐃᐸᓐ ᐱᕐ-ᓚᐊᐃ-ᕈᐃ, “ᐊᓐ ᐊᐛᓐ ᑲ ᐛᐱᒥᑦ”; ᐊᔅᒄ ᐊᓐᑕ ᑎᒂᓐ ᑕᑕᐅᒡ ᑲᑎᔅ ᑭᔭ ᐸᕋᑦ ᐅᑕᓇᐛ᙮

ᒐᓂᓯᔅ 16:16

ᔭᓇᐤ ᑕᑐᔪᐤ ᐊᓱ ᐊᓱᑕᒡ ᒋ ᐃᑕᑐᐱᓇᓱᐤ ᐊᑉᕋᒻ ᑲ ᐃᔪᔨᒋ ᐃᔅᒪᐃᓚ᙮

ᒐᓂᓯᔅ 17:18

ᐊᑯ ᐊᑉᕋᐊᒻ ᐊᑕᑦ ᒋᓴᒪᓂᑐᐛ, “ᑭᒪ ᒋᓴᐛᑐᑐᐅᑦ ᓂᑯᔅ ᐃᔅᒪᐃᓪ᙮”

ᒐᓂᓯᔅ 17:20

ᒥᒄ ᒋᑯᔅ ᐃᔅᒪᐃᓪ, ᒋᑭ ᒥᔨᑎᓐ ᐊ ᐃᓯ ᓂᑐᐛᔨᑎᒥᓐ, ᓂᑭ ᓱᐛᔨᑕᑯᐛᐤ᙮ ᒥᒐᑦ ᐊᐛᓴ ᓂᑭ ᒥᔭᐤ ᑭᔭ ᒥᒐᑦ ᐊᓂᔅᑯᑕᐸᓇ ᓂᑭ ᒥᔭᐤ᙮ ᐎᔾ ᒋᑭ ᐅᑕᐎᒪᐅ ᐊ ᓂᓱᓴᐳᔨᒋ ᒋᓴᐅᒋᒪᓴ, ᓂᑭ ᑐᑐᒪᐛ ᐅᑦ ᐊᓂᔅᑯᑕᐸᓇ ᒐᒋ ᒥᒐᑐᔅᑲᓇᓯᔨᒋ᙮

ᒐᓂᓯᔅ 25:12

ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᑦ ᐃᔅᒪᐃᓪ, ᐊᑉᕋᐊᒻ ᐅᑯᓴ ᐅᑦ ᐊᓂᔅᑯᑕᐸᓇ᙮ ᐦᐊᐃᑲᕋ ᒋ ᐅᑲᐎᔪᐤ, ᐃᒋᑉᑦ ᐊᐱᒋᐊᑭᓂᔎᐛ ᓴᕋ ᑲ ᒥᔭᑦ ᐊᑉᕋᐊᒪ ᒧᔭᒻ ᐎᐛ᙮

ᒐᓂᓯᔅ 25:9

ᒋ ᓇᐃᐧᑯᐛᐤ ᐅᑯᓴ ᐊᐃᓯᑲ ᑭᔭ ᐃᔅᒪᐃᓚ ᐊᓐᑕ ᒪᒃᐱᓚ ᐛᑎᑯᒡ᙮ ᐛᐱᓄᑕᒡ ᒪᒻᕋ ᓂᑕᐅᒋᑕᑭᓂᒡ ᐃᑉᕋᓇ ᑲᒋ ᑎᐸᔨᑎᒥᔨᒋ, ᓱᐊᕐ ᐊᑦ ᐃᔪᐛ ᐅᑯᓯᔪᐛ᙮

ᒐᓂᓯᔅ 28:9

ᐊᑯ ᓇᑐᐛᐱᒪᑦ ᐃᔅᒪᐃᓚ ᐊᑉᕋᐊᒪ ᐅᑯᓯᔪᐛ ᑭᔭ ᓇᐳᐅᐛᑦ ᐅᑕᓂᓯᔪᐛ ᒪᐊᓚᑕ, ᐊᓂᔭ ᓇᐸᐃᐅᑕ ᐅᓯᒥᔪᐛ᙮

ᒐᓂᓯᔅ 37:27

ᐊᑕᒪᑕᐅᓐᒋ ᐃᔅᒪᐃᓪ ᐃᔪᒡ ᒋᐧᑲᓂᓯᓄᐛ ᒥᔅᑯᒡ ᒐ ᐊᑲ ᓂᐸᐊᐧᒄ᙮ ᓇᒪ ᐃᓯᓇᑯᓐ ᒐᒋ ᓂᐸᐊᐧᒄ ᐊᐛᓐ ᑎᐱᔨᐛ ᐊ ᐎᐧᑲᓂᓯᔭᐧᒄ᙮” ᐎᐧᑲᓂᓯᒪᐅᒡ ᒋ ᐎᔭᔨᑎᒧᒡ ᒐᒋ ᑐᑕᒡ ᐊᔅᒋᔄᔨᒋ ᒍᑕᔨᒋ᙮