21 ᐊᒧᕆ ᐃᔪᒡ, ᑲᐃᓇᓐ ᐃᔪᒡ, ᑯᑲᓯ ᐃᔪᒡ ᑭᔭ ᒐᐳᔅ ᐃᔪᒡ᙮”
ᒂ ᒋᒋᐱᔨᒡ ᐊ ᒋᐧᑲᒥᑐᔨᒋ ᐊᑉᕋᒻ ᑭᔭ ᓗᑦ ᐅᑦ ᐊᐱᒋᐊᑭᓄᐛᐛ, ᑲᐃᓇᓐ ᑭᔭ ᐸᕆᔅ ᐃᔪᒡ ᐃᔭᐱᒡ ᐊᓐᑕ ᒋ ᐎᒍᐅᒡ ᐊᔅᒋᒡ᙮
ᐊᑦ ᐃᔪᒡ, ᐸᕆᔅ ᐃᔪᒡ, ᕋᐸ ᐃᔪᒡ,
ᓴᕋᐃ, ᐊᑉᕋᒻ ᐎᐛ, ᓇᒪ ᐅᒋ ᐅᑦ ᐊᐛᓯᒧᐤ, ᒥᒄ ᒋ ᑭᓄᐛᔨᒪᐤ ᑯᐸᓇᔎᐛ ᐃᒋᑉᑦ ᐊᔅᒋᒡ ᑲ ᐅᒋᔨᒋ᙮ ᐦᐊᐃᑲᕐ ᒋ ᐃᓯᓂᐧᑲᓱᔪᐛ,
ᓂᒋ ᐊᓱᑎᒪᒐᓐ ᒐ ᐎᐎᑕᐃᒂᐤ ᓂᑦ ᐃᔨᒥᒡ ᐃᒋᑉᑎᒡ ᐅᒡ ᐊᓐᑕ ᑲ ᐃᔅᐱᔅ ᓂᓇᐧᑲᒋᐅᒡ ᑭᔭ ᒐ ᐃᑐᑕᐃᒂᐤ ᐊᓐᑕ ᐛᒋᔨᒋ ᑲᐃᓇᓐ ᐃᔪᐛ ᑭᔭ ᐊᑦ ᐃᔪᐛ ᑭᔭ ᐊᒧᕆ ᐃᔪᐛ ᑭᔭ ᐸᕆᔅ ᐃᔪᐛ ᑭᔭ ᐃᑉ ᐃᔪᐛ ᑭᔭ ᒐᐱᐅᔅ ᐃᔪᐛ, ᐊᓐᑕ ᐊ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ᙮” ’
ᓂᒋ ᐸᒋ ᔭᓯᓐ ᒐᒋ ᐱᒪᒋᐃᒂᐤ ᐃᒋᑉᑦ ᐃᔪᐛ ᐅᓱᐧᑲᑎᓯᐅᓂᒡ ᐅᒡ ᑭᔭ ᒐᒋ ᐸᒋ ᐎᐎᑕᐃᒂᐤ ᐃᒋᑉᑎᒡ ᐅᒡ ᑭᔭ ᐊᓐᑕ ᐊ ᒥᔽᓯᔨᒡ ᐊᔅᒋᔪᐤ ᒐ ᐃᑐᑕᐃᒂᐤ, ᐊᓐᑕ ᐊ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ, ᐊᓐᑕ ᐛᒋᔨᒋ ᑲᐃᓇᓐ ᐃᔪᐛ, ᐊᑦ ᐃᔪᐛ, ᐊᒧᕆ ᐃᔪᐛ, ᐸᕆᔅ ᐃᔪᐛ, ᐃᑉ ᐃᔪᐛ ᑭᔭ ᒐᐱᐅᔅ ᐃᔪᐛ᙮
ᓂᑭ ᐃᑎᓴᐛᐤ ᓂᑦ ᐊᓐᒋᓂᒻ ᒐᒋ ᒋᔅᒋᓄᑕᔨᑕᒄ, ᑭᔭ ᓂᑭ ᐎᐎᑎᓴᐛᐅᒡ ᑲᐃᓇᓐ ᐃᔪᒡ, ᐊᒧᕆ ᐃᔪᒡ, ᐊᑦ ᐃᔪᒡ, ᐸᕆᔅ ᐃᔪᒡ, ᐃᑉ ᐃᔪᒡ, ᑭᔭ ᒐᐱᐅᔅ ᐃᔪᒡ ᐊᓐᑕ ᐊᔅᒋᒡ ᐅᒡ᙮
ᒐ ᓂᓇᐃᑎᒥᓐ ᑕᓐ ᐊᐃᑎᓱᒥᑕᓐ ᐊᓄᒡ ᒐᓯᑲᒡ᙮ ᓂᑭ ᐃᑲᑎᓴᐛᐅᒡ ᐅᑎᔅᑯᐤ ᐊᐃᑕᔨᓐ ᐊᒧᕆ ᐃᔪᒡ, ᑲᐃᓇᓐ ᐃᔪᒡ, ᐊᑦ ᐃᔪᒡ, ᐸᕆᔅ ᐃᔪᒡ, ᐃᑉ ᐃᔪᒡ, ᒐᐱᐅᔅ ᐃᔪᒡ, ᒥᒄ ᒋᑭ ᐎ ᑐᑕᓐ ᒐᒂᓐ ᒐ ᐃᑎᓱᒥᑕᓐ ᐊᓄᒡ᙮
ᐃᔅᐱ ᒪᒃ ᒋᓴᔅ ᒪᓯᑲᒡ ᒂᔅᑕᒐᑲᒻ ᐊᓂᔭ ᓴᑲᐃᑭᓂᔪᐤ ᐊᓐᑕ ᑲᕋᓯᓐ ᐊᔅᒋᒡ, ᒋ ᓂᒋᔅᑲᑯᐤ ᓂᓱ ᓇᐸᐛ ᐊ ᐱᒋᔅᑲᑯᔨᒋ ᒥᒋ ᐊᒐᒂ ᐊᓐᑕ ᓂᒂᔅᑲᓂᒋᐛᐱᒡ ᐊ ᐅᑐᑕᔨᒋ᙮ ᓇᒪ ᐛᐛᒡ ᐊᐛᔪᐛ ᐅᒋ ᐱᒧᑕᔪᐛ ᐊᓐᑕ ᐊᓂᔭ ᒪᔅᑭᓇᔪᐤ ᑲ ᐃᔅᐱᔅ ᐊᒂᑎᓯᒡ ᐅᒡ ᓇᐸᐅᒡ᙮
