19 ᑭᓂ ᐃᔪᒡ ᐅᑦ ᐊᔅᒋᐛᐤ, ᑭᓇᔅ ᐃᔪᒡ, ᑲᑦᒧᓐ ᐃᔪᒡ,
ᑭᔭ ᒐᐱᐅᔅ ᐃᔪᐛ, ᐊᒧᕆ ᐃᔪᐛ, ᑲᕐᑭᔅ ᐃᔪᐛ,
ᐊᑦ ᐃᔪᒡ, ᐸᕆᔅ ᐃᔪᒡ, ᕋᐸ ᐃᔪᒡ,
ᓂᑭ ᐃᑐᑐᐛᐅᒡ ᓇᔅᒡ ᒐᒋ ᓴᒋᓯᒡ ᐊᓐᒡ ᑲ ᐛᐧᑲᑎᑕᑯᒡ᙮ ᑭᔭ ᓂᑭ ᐃᑲᑎᓴᐛᐅᒡ ᒋᑦ ᐊᔅᒋᐛᒡ ᐅᒡ ᐊᓐᒡ ᐃᑉ, ᑲᐃᓇᓐ, ᑭᔭ ᐊᑦ ᑲ ᐃᑎᔅᑲᓇᓯᒡ ᐃᔪᒡ᙮
ᓂᒋ ᐊᓱᑎᒪᒐᓐ ᒐ ᐎᐎᑕᐃᒂᐤ ᓂᑦ ᐃᔨᒥᒡ ᐃᒋᑉᑎᒡ ᐅᒡ ᐊᓐᑕ ᑲ ᐃᔅᐱᔅ ᓂᓇᐧᑲᒋᐅᒡ ᑭᔭ ᒐ ᐃᑐᑕᐃᒂᐤ ᐊᓐᑕ ᐛᒋᔨᒋ ᑲᐃᓇᓐ ᐃᔪᐛ ᑭᔭ ᐊᑦ ᐃᔪᐛ ᑭᔭ ᐊᒧᕆ ᐃᔪᐛ ᑭᔭ ᐸᕆᔅ ᐃᔪᐛ ᑭᔭ ᐃᑉ ᐃᔪᐛ ᑭᔭ ᒐᐱᐅᔅ ᐃᔪᐛ, ᐊᓐᑕ ᐊ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ᙮” ’
ᓂᒋ ᐸᒋ ᔭᓯᓐ ᒐᒋ ᐱᒪᒋᐃᒂᐤ ᐃᒋᑉᑦ ᐃᔪᐛ ᐅᓱᐧᑲᑎᓯᐅᓂᒡ ᐅᒡ ᑭᔭ ᒐᒋ ᐸᒋ ᐎᐎᑕᐃᒂᐤ ᐃᒋᑉᑎᒡ ᐅᒡ ᑭᔭ ᐊᓐᑕ ᐊ ᒥᔽᓯᔨᒡ ᐊᔅᒋᔪᐤ ᒐ ᐃᑐᑕᐃᒂᐤ, ᐊᓐᑕ ᐊ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ, ᐊᓐᑕ ᐛᒋᔨᒋ ᑲᐃᓇᓐ ᐃᔪᐛ, ᐊᑦ ᐃᔪᐛ, ᐊᒧᕆ ᐃᔪᐛ, ᐸᕆᔅ ᐃᔪᐛ, ᐃᑉ ᐃᔪᐛ ᑭᔭ ᒐᐱᐅᔅ ᐃᔪᐛ᙮
