ᒐᓂᓯᔅ 15:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐊᑯ ᑎᐸᔨᒋᒐᓱᐛ ᐊᑎᑯᑦ, “ᒐ ᐎ ᓂᔅᑐᑎᒥᓐ ᒐᒂᓐ ᒐ ᐎᑎᒪᑕᓐ, ᒋᓂᑕᐅᒋᐊᑭᓐᒡ ᒋᑭ ᐎᒍᐅᒡ ᐊᓐᑕ ᐊᔅᒋᒡ ᐊᑲ ᑎᐸᔨᑕᒡ᙮ ᒋᑭ ᓯᒋᒪᐅᒡ ᐃᔪᒡ ᐛᑎᔅᒋᒡ ᒐᒋ ᐊᑐᔅᒐᔅᑕᑯᒡ ᒋᓂᑕᐅᒋᐊᑭᓇ ᑭᔭ ᓇᐤ ᒥᑕᓯᒥᑎᓄᐛᐳᓇ ᐃᔅᐱᔅ ᒋᑭ ᐱᐛᔨᒪᑭᓄᐎᒡ᙮

ᒐᓂᓯᔅ 15:13 Iomraidhean Croise

ᒐᓂᓯᔅ 15:16

ᐸᑎᒪ ᓇᐤ ᐊᓂᔅᒐ ᐱᒪᑎᓯᓇᓄᒐ, ᒋᓂᑕᐅᒋᐊᑭᓐᒡ ᑲᐤ ᒋᑭ ᑎᑯᓯᓄᐅᒡ ᐅᑕ ᑭᔭ ᒋᑭ ᐅᑎᓂᒧᒡ ᐅᔭ ᐊᔅᒋᔪᐤ, ᐛᔅ ᐊᒧᕆ ᐃᔪᒡ ᐊᔅᒄ ᓇᒪ ᐃᔅᐱᔅ ᒪᔭᑎᓯᐅᒡ ᓂᔾ ᒐᒋ ᐊᓏᔨᒥᒂᐤ᙮”

ᒐᓂᓯᔅ 17:8

ᒋᑭ ᒥᔨᑎᓐ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐊᓂᔅᒐ ᐱᒪᑎᓯᒡ ᒥᓯᐛ ᐊᓐ ᑲᐃᓇᓐ ᐊᔅᒋᔾ ᐊᓐᑕ ᐊᓄᒡ ᒥᔭᓂᑕᐎᔭᒄ, ᒋᔨᐛᐤ ᒧᔅ ᑲᒋᒡ ᒋᑭ ᑎᐸᔨᑕᓇᐛᐤ ᑭᔭ ᓂᔾ ᒋᑭ ᐅᒋᓴᒪᓂᑐᒥᑐᓇᐛᐤ᙮”

ᒐᓂᓯᔅ 47:4

ᓂᒋ ᐸᒋᑎᑯᓯᓇᓐ ᒐᒋ ᐛᐃᐱᔅᒋᔅ ᐅᑕ ᐎᒋᔭᒡ, ᐛᔅ ᓴᔅ ᓇᒪ ᑎᑯᓐ ᐊ ᒥᔅᑯᓯᐅᔅᑭᒥᑲᒡ ᒐ ᐅᒋ ᒥᒋᓱᒡ ᓂᑦ ᐊᐛᓯᓯᒥᓇᓐᒡ, ᐛᔅ ᒋᒋᐛ ᐊᔨᒥᓐ ᐊᑲ ᑎᒂᒡ ᒥᒋᒻ ᐊᓐᑕ ᑲᐃᓇᓐ ᐊᔅᒋᒡ᙮ ᐊᑯ ᒪᒃ, ᒋ ᓂᑐᐛᔨᒥᑎᓇᓐ ᒐᒋ ᓇᐃᒥᔭᒡ ᒐᒋ ᐎᒋᔭᒡ ᐊᓐᑕ ᑯᓯᓐ ᐊᔅᒋᒡ᙮”

ᑎᐱᑦ ᐅᓂᑭᒧᐅᓇ 105:42

ᐛᔅ ᒋ ᒋᔅᒋᐤ ᐅᐸᔭᒋ ᐊᓱᑎᒪᒐᐅᓐ, ᑭᔭ ᐅᑦ ᐊᑐᔅᒐᔭᑭᓇ ᐊᑉᕋᐊᒪ᙮

ᐊᒃᓱᑕᔅ 1:11

ᐊᑯ ᐃᒋᑉᑦ ᐃᔪᒡ ᒂ ᑎᔭᒡ ᐅᒋᒪᐤ ᐊᐱᒋᐊᑭᓇ ᐃᔅᕋᐃᓪ ᐃᔪᐛ ᐊ ᑕᔨᒋ ᒐᒋ ᓇᓇᑭᒐᔨᒋ ᑭᔭ ᒐ ᒥᔅᑎ ᐊᑐᔅᑲᐊᔨᒋ᙮ ᐃᔅᕋᐃᓪ ᐃᔪᒡ ᒂ ᐅᓯᑕᒡ ᐱᑐᒻ ᑭᔭ ᕋᒪᓯᔅ ᐅᑕᓇᐛ, ᐊᓐᑕ ᒐ ᐊᔅᑕᓱᐅᔨᒋ ᒋᓴᐅᒋᒪᐛ᙮

ᐊᒃᓱᑕᔅ 1:13

ᑭᔭ ᐃᒋᑉᑦ ᐃᔪᒡ ᐊᑎᑐᐤ ᒂ ᐊᑎ ᒥᔅᑎ ᐊᑐᔅᑲᐊᒡ ᐃᔅᕋᐃᓪ ᐃᔪᐛ᙮

ᐊᒃᓱᑕᔅ 1:14

ᒋᒋᐛ ᒋ ᓂᓇᐧᑲᑕᔨᑎᒧᒡ ᐃᔅᕋᐃᓪ ᐃᔪᒡ ᐊ ᒥᔅᑎ ᐊᑐᔅᒐᒡ ᐊ ᐅᓯᐊᒡ ᐊ ᑭᒋᒐᔭᐱᔅᒋᔨᒋ ᐊᓯᓂᔭ ᑭᔭ ᐊᓯᔅᒍᐛ ᑭᔭ ᒥᓯᐛ ᐊ ᐃᓯ ᐊᑐᔅᒐᒡ ᐊᓐᑕ ᓂᑕᐅᒋᒋᑭᓂᒡ᙮

ᐊᒃᓱᑕᔅ 2:24

ᒂ ᐊᑎ ᒋᔅᒋᑐᐛᑦ ᐊᓂᔭ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᑲ ᐃᑕᑦ ᒐ ᒋᐛᑕᐊᑦ ᐊᓂᔭ ᐅᑦ ᐊᓂᔅᑯᑕᐸᓂᔪᐛ ᓇᑕ ᑲᐃᓇᓐ ᐊᔅᒋᒡ᙮

ᐊᒃᓱᑕᔅ 22:21

ᒐ ᐊᑲ ᒋᔅᑎᒪᐊᑯᒡ ᑭᔭ ᒪᒃ ᓂᓇᐧᑲᒋᐊᑯᒡ ᒪᓐᑕᐅᒡ ᐛᒋᒡ ᐊᓐᑕ ᐊ ᑕᐛᒄ᙮ ᒐ ᒋᔅᒋᔭᒄ ᑲ ᒪᓐᑕᐅᑯᔭᒃ ᑭᔭ ᒋᔨᐛᐤ ᐊᓐᑕ ᐃᒋᑉᑎᒡ᙮

ᐊᒃᓱᑕᔅ 23:9

ᒐ ᐊᑲ ᐛᐧᑲᑕᒄ ᒪᓐᑕᐤ, ᒋᔨᐛᐤ ᒋ ᒋᔅᒋᑕᓇᐛᐤ ᐊ ᑕᔨᑕᒂᒡ ᐊ ᒪᓐᑕᐅᓇᓄᒡ, ᓇᒪ ᒋ ᐅᒋ ᒥᔪᑐᑕᑯᐛᐅᒡ ᐃᒋᑉᑦ ᐃᔪᒡ ᐊᓐᑕ ᑲ ᒪᓐᑕᐅᔭᒄ᙮”

ᐊᒃᓱᑕᔅ 3:10

ᐊᓄᒡ ᒪᒃ ᒋᑭ ᐃᑎᓴᐅᑎᓐ ᒐᒋ ᓂᑐᐛᐱᒥᑦ ᒋᓴᐅᒋᒪᐤ, ᒐᒋ ᐸᒋ ᐎᐎᑕᐃᑥᐤ ᓂᑦ ᐃᔨᒥᒡ, ᐃᔅᕋᐃᓪ ᐃᔪᒡ, ᐃᒋᑉᑎᒡ ᐅᒡ᙮”

ᐊᒃᓱᑕᔅ 3:17

ᓂᒋ ᐊᓱᑎᒪᒐᓐ ᒐ ᐎᐎᑕᐃᒂᐤ ᓂᑦ ᐃᔨᒥᒡ ᐃᒋᑉᑎᒡ ᐅᒡ ᐊᓐᑕ ᑲ ᐃᔅᐱᔅ ᓂᓇᐧᑲᒋᐅᒡ ᑭᔭ ᒐ ᐃᑐᑕᐃᒂᐤ ᐊᓐᑕ ᐛᒋᔨᒋ ᑲᐃᓇᓐ ᐃᔪᐛ ᑭᔭ ᐊᑦ ᐃᔪᐛ ᑭᔭ ᐊᒧᕆ ᐃᔪᐛ ᑭᔭ ᐸᕆᔅ ᐃᔪᐛ ᑭᔭ ᐃᑉ ᐃᔪᐛ ᑭᔭ ᒐᐱᐅᔅ ᐃᔪᐛ, ᐊᓐᑕ ᐊ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ᙮” ’

ᐊᒃᓱᑕᔅ 3:8

ᓂᒋ ᐸᒋ ᔭᓯᓐ ᒐᒋ ᐱᒪᒋᐃᒂᐤ ᐃᒋᑉᑦ ᐃᔪᐛ ᐅᓱᐧᑲᑎᓯᐅᓂᒡ ᐅᒡ ᑭᔭ ᒐᒋ ᐸᒋ ᐎᐎᑕᐃᒂᐤ ᐃᒋᑉᑎᒡ ᐅᒡ ᑭᔭ ᐊᓐᑕ ᐊ ᒥᔽᓯᔨᒡ ᐊᔅᒋᔪᐤ ᒐ ᐃᑐᑕᐃᒂᐤ, ᐊᓐᑕ ᐊ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ, ᐊᓐᑕ ᐛᒋᔨᒋ ᑲᐃᓇᓐ ᐃᔪᐛ, ᐊᑦ ᐃᔪᐛ, ᐊᒧᕆ ᐃᔪᐛ, ᐸᕆᔅ ᐃᔪᐛ, ᐃᑉ ᐃᔪᐛ ᑭᔭ ᒐᐱᐅᔅ ᐃᔪᐛ᙮

ᐊᑈᔅᑕᓇᒡ 7:17

“ᒐᒃ ᒪᒃ ᒋ ᐅᑎᒋᐱᔪᐤ ᒐᒋ ᐃᑐᑕᐧᒃ ᒋᓴᒪᓂᑐᐤ ᐊᓂᔭ ᑕᓐ ᑲ ᐃᑕᑦ ᐊᑉᕋᐊᒪ ᒐᔅᑎᓇᔅ ᒐ ᐃᑐᑎᒧᐛᑦ᙮ ᓴᔅ ᒪᒃ ᓇᔅᒡ ᒋ ᒥᒐᑐᐅᒡ ᐊᐛᓐᒋ ᐊᓐᑕ ᐃᒋᑉᑎᒡ ᐊᑉᕋᐊᒪ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᒡ᙮

ᑲᓚᓯᔭᓇ 3:17

ᒪᐅ ᐛ ᐃᔅᒋᔄᔭᓐ᙮ ᒋᓴᒪᓂᑐᐤ ᒋ ᐎᑎᒧᐛᐤ ᐊᑉᕋᐊᒪ ᑕᓐ ᐊᔅᒄ ᒐ ᐃᓯ ᐊᓱᑎᒧᐛᑦ, ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐱᐳᓇ ᒪᒃ ᐸᑎᒪ ᐊᑯ ᑲ ᑎᒂᒡ ᒍᐤ ᐊᔭᒥᐊᐅ ᐎᓱᐛᐅᓐ᙮ ᐅ ᒪᒃ ᐎᓱᐛᐅᓐ ᓇᒪ ᒋᑭ ᒋ ᒥᔅᑯᑎᔅᑲᒐᒥᑭᓐ ᐊᓂᔭ ᑕᓐ ᑲ ᐃᓯ ᓂᔅᑯᒪᑭᓄᐅᑦ ᐊᑉᕋᐊᒻ, ᓇᒪ ᒋᑭ ᒋ ᐃᓯᓇᑯᓂᔪᐤ ᒐ ᐊᑲ ᒋ ᐊᐱᑎᓂᔨᒡ ᐊᓂᔭ ᑕᓐ ᑲ ᐃᓯ ᐊᓱᑎᒧᐛᑭᓄᐅᑦ᙮