ᒐᓂᓯᔅ 13:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᒥᓯᐛ ᐊᓐ ᐎᔭᐸᑎᒥᓐ ᐊᔅᒋᔾ ᒋᑭ ᒥᔨᑎᓐ ᑭᔭ ᒋᓂᑕᐅᒋᐊᑭᓐᒡ, ᒋᔨᐛᐤ ᓇᓂᑎᒻ ᒋᑭ ᑎᐸᔨᑕᓇᐛᐤ᙮

ᒐᓂᓯᔅ 13:15 Iomraidhean Croise

ᒐᓂᓯᔅ 12:7

ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒂ ᐃᑕᑦ, “ᓂᑭ ᒥᔭᐅᒡ ᒋᑦ ᐊᑐᔅᒐᔭᑭᓐᒡ ᐅᔭ ᑲᐃᓇᓐ ᐊᔅᒋᔪᐤ᙮” ᐊᑯ ᐊᑉᕋᒻ ᒂ ᐃᑐᑎᒧᐛᑦ ᑎᐸᔨᒋᒐᓱᐛ ᐱᔅᑎᓂᒐᐅᓇᐱᔅᑯᔪᐤ ᑲᒋ ᓄᑯᓯᔅᑕᑯᑦ᙮

ᒐᓂᓯᔅ 13:17

ᔅᑐᑕ, ᐱᐸᒧᑕ ᒥᓯᐛ ᒐ ᐃᑐᑕᔨᓐ ᐅ ᐊᔅᒋᔾ, ᐛᔅ ᒋᑭ ᒥᔨᑎᓐ ᐅ᙮”

ᒐᓂᓯᔅ 15:18

ᐊᓂᔭ ᑲ ᒋᓯᑲᔨᒡ, ᑎᐸᔨᒋᒐᓱᐤ ᑭᔭ ᐊᑉᕋᒻ ᒋ ᐃᑐᑎᒧᒡ ᓂᔅᑯᒥᑐᐅᓂᔪᐤ ᑭᔭ ᑎᐸᔨᒋᒐᓱᐤ ᒂ ᐃᑕᑦ, “ᓂᒋ ᐊᓱᑎᒪᒐᓐ ᒐᒋ ᒥᔨᒂᐤ ᒋᓂᑕᐅᒋᐊᑭᓐᒡ ᒥᓯᐛ ᐅᔭᔪᐤ ᐊᔅᒋᔪᐤ, ᐃᒋᑉᑎᒡ ᓯᐱᒡ ᐛᒋᒋᐱᔨᒡ ᐃᔅᐱᔅ ᔪᑉᕆᑎᔅ ᓯᐱᒡ᙮

ᒐᓂᓯᔅ 15:7

ᐊᑯ ᒋᓴᒪᓂᑐᐤ ᐊᑕᑦ ᐊᑉᕋᒪ, “ᓂᔾ ᐅ ᑎᐸᔨᒋᒐᓱᐤ, ᑲ ᐎᐎᑕᐃᑕᓐ ᐅᕐ ᐅᒡ ᐊᓐᑕ ᑲᓪᑎᔭ, ᒐᒋ ᒥᔨᑕᓐ ᐅ ᐊᔅᒋᔾ ᒐᒋ ᑎᐸᔨᑎᒥᓐ᙮”

ᒐᓂᓯᔅ 18:18

ᐛᔅ ᐊᑉᕋᐊᒻ ᐅᑦ ᐊᓂᔅᑯᑕᐸᓇ ᒋᑭ ᒥᒐᑐᔅᑲᓇᓯᔨᐛ ᑭᔭ ᒋᑭ ᓱᐧᑲᑎᓯᔨᐛ ᑭᔭ ᐎᔾ ᐅᒡ ᓂᑭ ᐅᒋ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐅᑕ ᐊᔅᒋᒡ᙮

ᒐᓂᓯᔅ 24:7

ᑎᐸᔨᒋᒐᓱᐤ ᒋᒋᒋᓯᑯᒡ ᒋᓴᒪᓂᑐᐤ, ᐊᓐ ᓄᑕᐎᔭ ᐎᒋᔨᒡ ᑲ ᐅᒋ ᐅᑎᓂᑦ ᑭᔭ ᓂᐧᑲᓂᓴ ᐅᑦ ᐊᔅᒋᔨᒡ ᐅᒡ, ᓂᒋ ᐃᔨᒥᐃᒄ ᑭᔭ ᓂᒋ ᐊᓱᑎᒪᒄ, ᐊ ᐃᔅᒋᔄᑦ, ‘ᒋᑦ ᐊᓂᔅᑯᑕᐸᓐᒡ ᐅᔭ ᓂᑭ ᒥᔭᐅᒡ ᐊᔅᒋᔪᐤ᙮’ ᒋᑭ ᐃᑎᓴᐛᐤ ᐅᑦ ᐊᓐᒋᓂᒪ ᒐᔅᒋᓄᑕᐃᔅᒋᔨᔅᒋ ᑭᔭ ᐊᑯᑕ ᒐ ᐅᑎᓂᒧᐅᑦ ᓂᑯᔅ ᐅᔅᒋᓂᒋᔎᐛ ᒐ ᐎᔪᑦ᙮

ᒐᓂᓯᔅ 28:13

ᑎᐸᔨᒋᒐᓱᐤ ᐃᔅᐱᒥᒡ ᒋ ᓂᐳᐤ ᑭᔭ ᒋ ᐃᑕᐤ, “ᓂᔾ ᐊᐅᒄ ᑎᐸᔨᒋᒐᓱᐤ, ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᐊᐃᓯᒃ ᐅᒋᓴᒪᓂᑐᒪ, ᒋᑭ ᒥᔨᑎᓐ ᐅ ᐊᔅᒋᔾ ᐊᓐᑕ ᐸᒥᓯᓂᔨᓐ, ᒋᔾ ᒋᑭ ᑎᐱᔨᐛᐅᓯᓐ ᑭᔭ ᒋᑦ ᐊᓂᔅᑯᑕᐸᓐᒡ᙮

ᒐᓂᓯᔅ 28:14

ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓐᒡ ᒐ ᐊᑲ ᐊᐛᓐ ᒋᒋᒪᑦ, ᒋᑭ ᒥᓯᑕᐱᔪᐅᒡ ᐊᑎᒪᐱᓯᒧᒡ ᑭᔭ ᐛᐱᓄᑕᒡ ᐃᔅ, ᒋᐛᑎᓄᒡ ᑭᔭ ᐱᓯᒧᑕᒡ ᐃᔅ᙮ ᒋᔾ ᐅᒋ ᑭᔭ ᒋᑦ ᐊᓂᔅᑯᑕᐸᓐᒡ ᓂᑭ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐅᑕ ᐊᔅᒋᒡ᙮

ᒐᓂᓯᔅ 28:4

ᑭᒪ ᒋᓴᒪᓂᑐᐤ ᒥᔨᔅᒃ ᑭᔭ ᒋᑦ ᐊᓂᔅᑯᑕᐸᓇ ᐊᓂᔭ ᐊᔅᒋᔪᐤ ᒋᒧᓱᒪ ᐊᑉᕋᐊᒪ ᑲ ᐊᓱᑎᒧᐛᑦ᙮ ᐊᑯ ᒪᒃ ᒐ ᑎᐸᔨᑎᒥᓐ ᐅ ᐊᔅᒋᔾ ᐊᓐᑕ ᐊᓄᒡ ᐛᒋᔨᓐ ᒧᔭᒻ ᒪᓐᑕᐤ᙮”

ᒐᓂᓯᔅ 35:12

ᐊᓂᔭ ᐊᔅᒋᔪᐤ ᑲ ᒥᔨᒂᐤ ᐊᑉᕋᐊᒻ ᑭᔭ ᐊᐃᓯᒃ, ᐊᓄᒡ ᒋ ᒥᔨᑎᓐ ᐊᓐ ᐊᔅᒋᔾ ᑭᔭ ᓂᑭ ᒥᔭᐅᒡ ᒋᑦ ᐊᐛᓯᒥᒡ ᒐ ᐊᔭᓂᔅᒐ ᐱᒪᑎᓯᒡ ᐊᓂᔭᔪᐤ ᐊᔅᒋᔪᐤ᙮”

ᒐᓂᓯᔅ 48:4

ᑭᔭ ᓂᒋ ᐃᑎᒄ, ‘ᒥᒐᑦ ᐊᐛᓯᒡ ᒋᑭ ᒥᔨᑎᓐ, ᐊᑯ ᒪᒃ ᒐ ᒥᒐᑐᔅᑲᓇᓯᒡ ᒋᑦ ᐊᓂᔅᑯᑕᐸᓐᒡ; ᓂᑭ ᒥᔭᐅᒡ ᒋᑦ ᐊᓂᔅᑯᑕᐸᓐᒡ ᐅᔭ ᑲᐃᓇᓐ ᐊᔅᒋᔪᐤ ᒧᔅ ᑲᒋᒡ ᐎᔨᐛᐤ ᒐᒋ ᑎᐱᔨᐛᐅᓯᒡ᙮’

ᒐᓂᓯᔅ 50:24

ᒋ ᐎᓴᒪᐤ ᐎᐧᑲᓂᓴ ᒍᓯᑉ᙮ ᐃᔅᐱ ᒪᒃ ᑕᑯᓯᓂᔨᒋ ᐊᑯ ᐊᑕᑦ, “ᓴᔅ ᐎᐱᒡ ᓂᑭ ᐳᓂᐱᒪᑎᓯᓐ, ᒥᒄ ᒋᓴᒪᓂᑐᐤ ᒋᑭ ᒥᔪ ᑭᓄᐛᔨᒥᑯᐛᐤ ᑭᔭ ᒋᑭ ᒋᔅᒋᓄᑕᐃᑯᐛᐤ ᐃᒋᑉᑦ ᐊᔅᒋᒡ ᐅᒡ ᐊᓐᑕ ᐊᔅᒋᒡ ᒐ ᐃᓯ ᒋᔅᒋᓄᑕᔨᑕᒄ ᑲ ᐊᓱᑎᒧᐛᑦ ᒐᒋ ᒥᔭᑦ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ᙮

ᑎᐱᑦ ᐅᓂᑭᒧᐅᓇ 37:22

ᐛᔅ ᐊᓐᒡ ᑲ ᒥᔽᒋᒥᑯᒡ ᒋᑭ ᑎᐸᔨᑎᒧᒡ ᐊᔅᒋᔪᐤ; ᐊᓐᒡ ᑭᔭ ᑲ ᒪᒐᒋᒥᑯᒡ ᒋᑭ ᒋᒥᔄᑭᓄᐅᒡ᙮

ᑎᐱᑦ ᐅᓂᑭᒧᐅᓇ 37:29

ᐅᑯᐃᔅᑯᑕᑎᓯᐅᒡ ᒋᑭ ᑎᐸᔨᑎᒧᒡ ᐊᔅᒋᔪᐤ, ᐊᑯᑕ ᒪᒃ ᑲᒋᒡ ᒐ ᐎᒋᒡ᙮

ᐊᒃᓱᑕᔅ 32:13

ᒋᔅᒋᑐᐅᒡ ᒋᑦ ᐊᐱᒋᐊᑭᓐᒡ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮ ᑲ ᐊᓱᑎᒧᐅᑥᐤ ᑲ ᐃᑎᑥᐤ, ‘ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓄᐛᐅᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ᒥᔭᐅᒡ ᒥᓯᐛ ᐅᔭ ᐊᔅᒋᔭ ᑲ ᐊᓱᑎᒧᐅᒂᐤ ᑭᔭ ᐎᔨᐛᐤ ᒧᔅ ᑲᒋᒡ ᒋᑭ ᑎᐱᔨᐛᓯᐅᒡ᙮’ ”

ᐊᒃᓱᑕᔅ 33:1

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᓂᑭᑕ ᐅ ᐃᑕᐅᓐ, ᒋᔾ ᑭᔭ ᐃᔅᕋᐃᓪ ᐃᔪᒡ ᐊᓐᒡ ᑲ ᐎᐎᑕᐃᑥᐤ ᐊᓐᑕ ᐃᒋᑉᑎᒡ ᐅᒡ᙮ ᒐ ᐃᑐᑕᐃᑥᐤ ᐊᓐᑕ ᑲ ᐊᓱᑎᒧᐅᒂᐤ ᐊᔅᒋᔪᐤ ᒐᒋ ᒥᔨᒂᐤ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ, ᑭᔭ ᐅᑦ ᐊᓂᔅᑯᑕᐸᓄᐛᐛ᙮

ᒪᑎᔪᐤ 5:5

ᓱᐛᔨᑕᑯᓱᐅᒡ ᐊᓐᒡ ᑲ ᔪᔅᐸᑎᓯᒡ ᐛᔅ ᒋᑭ ᒥᔭᑭᓄᐎᒡ ᐅᔭ ᐊᔅᒋᔪᐤ᙮

ᐊᑈᔅᑕᓇᒡ 7:5

ᓇᒪ ᒪᒃ ᐅᒋ ᒥᔨᑯᐤ ᐊᓂᔭ ᐊᔅᒋᔪᐤ ᒐᒋ ᑎᐱᔨᐛᐅᓯᑦ, ᓇᒪ ᐛᐛᒡ ᐊᐱᓯᔅ ᐅᒋ ᒥᔨᑯᐤ ᒐᒋ ᑎᐱᔨᐛᐅᓯᑦ᙮ ᒥᒄ ᒪᒃ ᒋᓴᒪᓂᑐᐛ ᒋ ᐊᓱᑎᒪᑯᐤ ᐊᓂᔭ ᐊᔅᒋᔪᐤ ᐊᔅᒄ ᒐᒋ ᑎᐱᔨᐛᐅᓯᑦ ᑭᔭ ᐊᓂᔭᔪᐛ ᐊᓂᔅᒐ ᐅᑦ ᐊᐛᓯᒪ ᒐ ᑎᐱᔨᐛᐅᓯᔨᒋ᙮ ᐅᔭ ᒪᒃ ᑲ ᐃᓯ ᐊᓱᑎᒧᐛᑭᓄᐅᑦ ᐊᓂᔭᐧᑲ ᐊᑉᕋᐊᒻ ᐊᔅᒄ ᓇᒪ ᐅᒋ ᐊᔭᐛᐤ ᐊᐛᓴ᙮