ᒐᓂᓯᔅ 13:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐃᔪᒡ ᑲ ᐎᒋᒡ ᐊᓐᑕ ᓱᑕᒻ ᒋᒋᐛ ᒋ ᒥᒋ ᐃᔪᐎᒡ ᑭᔭ ᐊ ᒥᒋᑐᑕᒡ ᐊᑲ ᑕᑈᑐᐛᒡ ᑎᐸᔨᒋᒐᓱᐛ᙮

ᒐᓂᓯᔅ 13:13 Iomraidhean Croise

ᒐᓂᓯᔅ 10:9

ᒋᒋᐛ ᒋ ᓂᑕᐤ ᓂᑐᐎᔪᐤ ᐊ ᐎᒋᐃᑯᑦ ᑎᐸᔨᒋᒐᓱᐛ, ᐎᔾ ᓂᒻᕋᑦ ᑲ ᐅᒋ ᐃᔅᒋᔄᓄᐎᒡ, “ᒋ ᓂᑕᐤ ᓂᑐᐎᓐ ᒧᔭᒻ ᓂᒻᕋᑦ ᑎᐸᔨᒋᒐᓱᐤ ᐊ ᐎᒋᐃᔅᒃ᙮”

ᒐᓂᓯᔅ 15:16

ᐸᑎᒪ ᓇᐤ ᐊᓂᔅᒐ ᐱᒪᑎᓯᓇᓄᒐ, ᒋᓂᑕᐅᒋᐊᑭᓐᒡ ᑲᐤ ᒋᑭ ᑎᑯᓯᓄᐅᒡ ᐅᑕ ᑭᔭ ᒋᑭ ᐅᑎᓂᒧᒡ ᐅᔭ ᐊᔅᒋᔪᐤ, ᐛᔅ ᐊᒧᕆ ᐃᔪᒡ ᐊᔅᒄ ᓇᒪ ᐃᔅᐱᔅ ᒪᔭᑎᓯᐅᒡ ᓂᔾ ᒐᒋ ᐊᓏᔨᒥᒂᐤ᙮”

ᒐᓂᓯᔅ 18:20

ᐊᑯ ᑎᐸᔨᒋᒐᓱᐤ ᐊᑕᑦ ᐊᑉᕋᐊᒪ, “ᓂᒋ ᐸᑎᒺᓐ ᐊ ᑕᑈᓯᒡ ᐊᓐᒡ ᐊ ᐊᑲ ᒥᔪᑐᑕᑯᒡ ᓱᑕᒻ ᑭᔭ ᑯᒧᕋ ᐃᔪᐛ᙮ ᒪᔭᑎᓂᔪᐤ ᐊ ᑐᑕᒡ ᐊᓐᒡ ᐃᔪᒡ᙮

ᒐᓂᓯᔅ 19:13

ᐛᔅ ᓂᑭ ᓂᓱᐅᓇᒋᑕᓇᓐ ᐅ ᐅᑕᓇᐤ᙮ ᐛᔅ ᑎᐸᔨᒋᒐᓱᐤ ᒋᔅᒐᔨᒪᐤ ᓱᑕᒻ ᐃᔪᐛ ᑲ ᐃᓯ ᐃᑐᑎᒥᔨᒋ ᒐᒂᔪᐤ ᐊ ᒪᔭᑎᓂᔨᒡ᙮ ᐊᓄᒡ ᑎᐸᔨᒋᒐᓱᐤ ᓂᒋ ᐃᑎᓴᐅᑯᓇᓐ ᒐᒋ ᓂᓱᐅᓇᒋᑕᐅᒋᒡ ᐅᑕᓇᔪᐤ᙮”

ᒐᓂᓯᔅ 38:7

ᒥᒄ ᐅᕐ, ᒍᑕ ᐅᓂᔅᑎᒧᓴᓇ, ᒋ ᒥᒋᑐᑎᒻ᙮ ᓇᒪ ᐅᒋ ᓇᐃᑎᒪᐊᐤ ᑎᐸᔨᒋᒐᓱᐛ, ᐊᑯ ᑎᐸᔨᒋᒐᓱᐤ ᒂ ᐅᑎᓂᒺᑦ ᐅᐱᒪᑎᓯᐅᓂᔪᐤ᙮

ᒐᓂᓯᔅ 39:9

ᓂᐸ ᒥᔨᒄ ᓄᒋᒪᒻ ᒥᒄ ᒐᒂᔪᐤ ᓇᑐᐛᔨᑎᒧᒡ, ᐛᔅ ᓂᔾ ᓂ ᑭᓄᐛᔨᑎᒺᓐ ᒥᓯᐛ ᒐᒂᔪᐤ ᐅᑕ ᐎᒋᒡ᙮ ᒥᒄ ᐊᑐᒡ ᒋ ᓇᐃᑎᒻ ᐅᔭ ᒐᒋ ᐃᑐᑎᒧᒡ᙮ ᒋᔾ ᐅ ᓄᒋᒪᒻ ᐎᐛ᙮ ᑕᓐᑕ ᓂᐸ ᐅᒋ ᑐᑕᓐ ᐅ ᒥᒋ ᒐᒂᓐ ᑭᔭ ᒐᒋ ᒥᒋᑐᑐᐅᒃ ᒋᓴᒪᓂᑐᐤ ?”

ᒐᓂᓯᔅ 6:11

ᒋᓴᒪᓂᑐᐤ ᒋ ᐛᐸᑎᒻ ᒋᒋᐛ ᐊ ᒥᓴᔨᒡ ᒥᒋᑥᐅᓂᔪᐤ ᐅᑕ ᐊᔅᒋᒡ ᑭᔭ ᒋ ᒥᓴᐤ ᐊᒂᑎᓯᐅᓐ᙮

ᒪᑎᔪᐤ 9:10

ᒪᒂᒡ ᒪᒃ ᒋᓴᔅ ᑲ ᒥᒋᓱᑦ ᐊᓐᑕ ᒪᑎᔪᐛ ᐎᒋᔨᒡ, ᒥᒐᑦ ᑯᑎᑭᒡ ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓇᒡ ᑲ ᐃᑕᐱᑎᓯᒡ ᑭᔭ ᑯᑎᑭᒡ ᐊᐛᓐᒋ ᑲ ᒥᒐᑎᓯᒡ ᒋᐸ ᒋ ᑎᑯᓯᓄᐅᒡ ᑭᔭ ᒂ ᐎᒋᒥᒋᓱᒪᒡ ᒋᓴᓴ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓂᔪᐛ᙮

ᒪᑎᔪᐤ 9:13

ᓇᓂᑐ ᒋᔅᒐᔨᑎᒧᒄ ᒪ ᑲ ᐃᑎᔅᑕᒡ ᒋᒋᒥᓯᓇᐃᒐᐅᓐ, ‘ᒋᓴᐛᑎᓯᐅᓐ ᐊᐅᒄ ᓇᑐᐛᔨᑎᒪᓐ, ᓇᒪᔭᐤ ᐊ ᒥᑐᔅᑕᐊᒪᓄᐅᒡ ᒐᒂᓐ᙮’ ᓇᒪᔭᐤ ᐅᒡ ᑲ ᑯᐃᔅᑯᑕᑎᓯᒡ ᐛᒋ ᑎᑯᓯᓂᔭᓐ᙮ ᓂᒋ ᑎᑯᓯᓐ ᒐᒋ ᐎᓴᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”

ᒠᓐ 9:24

ᐊᑯ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒥᓐ ᑲᐤ ᒂ ᐎᓴᒪᒡ ᐊᓂᔭᔪᐛ ᓇᐸᐛ ᐊᑲ ᐅᒋ ᐛᐸᑎᒥᔨᒋ ᐊᑯ ᒂ ᑯᒂᒋᒪᒡ, “ᒋᓴᒪᓂᑐᐤ ᐊᐅᒄ ᒪᒥᒋᒻ᙮ ᓂ ᒋᔅᒐᔨᒪᓇᓐ ᐅ ᓇᐸᐤ ᒋᓴᔅ ᐊ ᒥᒐᑎᓯᑦ᙮”

ᒠᓐ 9:31

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐊᑲ ᓂᑐᑐᐛᑦ ᑲ ᒥᒐᑎᓯᔨᒋ, ᓂᑐᑐᐛᐤ ᒪᒃ ᐎᔾ ᐊᓂᔭ ᐊᐛᔪᐛ ᑲ ᐅᒋᒋᐧᑯᓂᐱᔅᑕᑯᑦ ᑭᔭ ᑲ ᐃᑐᑎᒥᔨᒋ ᑕᓐ ᐊ ᐃᓯ ᓂᑐᐛᔨᒪᑦ ᒐᒋ ᐃᑐᑎᒥᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:27

ᐊᐅᑯᓐ ᑲ ᐃᑎᒡ ᑭᔭ ᓇᐸᐅᒡ᙮ ᒋ ᓂᑭᑎᒧᒡ ᑕᓐ ᐊᓂᔭᔪᐤ ᒋᓴᒪᓂᑐᐛ ᑲ ᐃᓯ ᒥᔨᑯᒡ ᒐᒋ ᐃᓯ ᒋᔅᒐᔨᒪᒡ ᐃᔎᐛ᙮ ᐊᑯ ᒪᒃ ᓇᔅᒡ ᐊ ᓱᒋᐱᔨᒡ ᐎᔨᐛᐤ ᐊ ᒥᒋ ᓂᑐᐛᔨᒥᑐᒡ᙮ ᐊᓂᔭ ᒪᒃ ᐊ ᐃᑐᑕᑐᒡ ᓇᐸᐅᒡ ᐊᑲ ᓇᔅᒡ ᓴᓯᑲᓐ ᐃᓯ ᐛᐛᓯᐊᐊᑭᓄᐎᒡ ᑕᓐ ᐊᓂᔭᔪᐤ ᒧᔭᒻ ᐊ ᐃᓯᓇᑯᓂᔨᒡ ᒐᒋ ᐃᓯ ᐛᐛᓯᐊᑭᓄᐎᒡ᙮

ᐃᑉᕈᐛ 4:13

ᒥᓯᐛ ᒐᒂᔪᐤ ᒧᓴ ᐛᐸᑎᒻ ᒋᓴᒪᓂᑐᐤ᙮ ᒥᓯᐛ ᐊᐛᔪᐛ ᓇᔅᒡ ᐛᐱᒪᐤ ᑭᔭ ᒥᓯᐛ ᒐᒂᔪᐤ ᓇᔅᒡ ᐛᐸᑎᒻ᙮ ᐎᔾ ᒪᒃ ᒋᑭ ᐎᑎᒧᐛᓄᐤ ᒐᒂᓐ ᐛᒋ ᐃᓯ ᐱᒪᑎᓯᔭᐧᒄ ᑕᓐ ᐊ ᐃᓯ ᐱᒪᑎᓯᔭᐧᒄ᙮

2 ᐱᑕᕐ 2:10

ᐊᑐᐎᔅ ᒪᒃ ᒐᔅᑎᓇᑕᔨᑕᑯᓂᔪᐤ ᒐ ᑎᐸᔅᑯᓇᑭᓄᐅᒡ ᐊᓐᒡ ᒥᒄ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᐅᐎᔭᓯᐤ ᐱᒪᑎᓯᐅᓄᐛᐛ ᑲ ᐃᓯ ᓄᔅᐱᓂᑕᒡ, ᐊᓐᒡ ᑲ ᐛᐧᑲᑕᒡ ᑎᐸᔨᒋᒐᐅᓂᔪᐤ᙮ ᓇᔅᒡ ᑕᑈ ᓱᒋᒪᔭᔨᒐᐅᒡ ᐊᐅᑯᓐᒡ ᐅᒡ, ᓇᒪ ᓇᔅᒡ ᓂᓇᑭᑐᐛᔨᒪᐅᒡ ᑕᓐ ᐊ ᐃᑕᒡ ᒪᒃ ᑕᓐ ᐊ ᐃᑐᑐᐛᒡ ᐊᐛᔪᐛ ᐊ ᒪᔭᔨᒪᒡ᙮ ᓇᒪ ᑭᔭ ᓴᒋᓱᐅᒡ ᒐᒋ ᒥᒋ ᐊᔨᒧᑕᒡ ᒋᔅᑕᔨᑕᑯᓱᐅᓂᔪᐤ᙮ ᑕᐸ ᐛᐛᒡ ᓂᑲᐎᔪᐅᒡ ᒐᒋ ᒪᔭᔨᒪᒡ ᐊᓂᔭ ᐊᐛᔪᐛ ᐅᒋᒪᐅᓂᔪᐤ ᑲ ᐊᔭᔨᒋ᙮

ᒍᑦ 1:7

ᒋᔅᒋᓯᑐᐛᐧᑯᒡ ᑭᔭ ᐊᓐᒡ ᐃᔪᒡ ᓱᑕᒻ ᑭᔭ ᑯᒧᕋ ᑭᔭ ᐊᓂᔭᔪᐛ ᑯᑎᑲ ᐅᑕᓇᐛ ᐛᔅᑲ ᑲ ᑎᑯᓂᔨᒋ ᑲ ᐅᒋᒡ᙮ ᒧᔭᒻ ᐊᓂᔭᔪᐛ ᐊᓐᒋᓇ ᑲ ᐃᑎᔨᒋ ᐊᑲ ᐅᒋ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᐅᑯᓐ ᑲ ᐃᑎᒡ᙮ ᑭᔭ ᒥᓯᐛ ᐊᑲ ᒧᔭᒻ ᐃᑕᔨᑕᑯᓂᔨᒡ ᐎᓂᓱᐤ ᐱᒪᑎᓯᐅᓂᔪᐤ ᒋ ᐃᑐᑎᒧᒡ᙮ ᓇᔅᒡ ᒋ ᐃᔎᑕᐛ ᐅᔭ ᐅᑕᓇᐛ ᑭᔭ ᓂᓇᐧᑲᑕᔨᒧᐊᑭᓄᐎᒡ ᐊᓐᒡ ᐃᔪᒡ ᐊᓐᑕ ᒥᒋ ᐃᔅᑯᑕᒡ ᑲᒋᒡ ᐊ ᑎᑯᓂᔨᒡ᙮ ᐊᐅᒄ ᒪᒃ ᐛᒋ ᐃᔭᒂᒥᑯᔭᐧᒄ ᐅᔭ ᒐ ᐃᓯ ᐛᐛᓯᐊᑭᓄᐅᑦ ᐊᐛᓐ ᐊᑲ ᓇᔅᒡ ᐎ ᓂᓇᐃᑐᐛᑦ ᒋᓴᒪᓂᑐᐛ᙮