ᒐᓂᓯᔅ 13:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᓗᑦ ᒋ ᓇᓂᑐᐛᐳᐤ ᑭᔭ ᒂ ᐛᐸᑕᐧᒃ ᐊ ᐱᓴᔨᒡ ᒠᕐᑕᓐ ᐊ ᒥᔪ ᓂᐱᐎᒡ, ᒧᔭᒻ ᐃᑎᓐ ᓂᑕᐅᒋᑕᑭᓂᔪᐤ ᑭᔭ ᒧᔭᒻ ᐃᒋᑉᑦ ᐊᔅᒋᔪᐤ, ᓱᐊᕐ ᐃᑕᒐ᙮ ᐊᐅᑯᐤ ᑲ ᐃᔅᐱᔨᒡ ᐊᒺᔭ ᑎᐸᔨᒋᒐᓱᐤ ᓂᓱᐅᓇᒋᑕᑦ ᓱᑕᒻ ᑭᔭ ᑯᒧᕋ ᐅᑕᓇᐛ᙮

ᒐᓂᓯᔅ 13:10 Iomraidhean Croise

ᒐᓂᓯᔅ 11:27

ᐊᐅᑯᐤ ᐊᓯ ᑎᐸᒋᒪᑭᓄᔨᒋ ᑕᕋ ᐅᑦ ᐊᓂᔅᑯᑕᐸᓇ᙮ ᑕᕋ ᒋ ᓂᔅᑎᐛ ᐅᑯᓴ, ᐊᑉᕋᒻ, ᓇᐅᕐ ᑭᔭ ᐦᐊᕋᓐ᙮ ᐊᕋᓐ ᒋ ᑕᔪᐛ ᐅᑯᓴ ᓗᑦ ᐊᓯᓂᐧᑲᓱᔨᒋ, ᑕᕋ ᐊ ᓂᔅᑎᔨᒋ ᐅᑯᓴ ᐊᑯᑕ ᑲ ᐃᔪᔨᒋ ᐊᓐᑕ ᐅᕐ ᐅᑕᓇᔪᐤ ᐊᓐᑕ ᑲᓪᑎᔭ᙮

ᒐᓂᓯᔅ 13:11

ᐊᑯ ᓗᑦ ᒂ ᐎᔭᔨᑕᐧᒃ ᒐᒋ ᐎᒋᑦ ᐊᓐᑕ ᐊ ᐱᓴᔨᒡ ᒠᕐᑕᓐ, ᐎᔾ ᑭᔭ ᐅᑦ ᐃᔨᒪ ᐛᐱᓄᑕᒡ ᒋ ᐃᓯ ᐊᑐᒐᐅᒡ᙮ ᐊᐅᑯᐤ ᑲ ᐃᓯ ᑎᐸᓄᑕᒡ ᐊ ᓂᓯᒡ ᓇᐸᐅᒡ᙮

ᒐᓂᓯᔅ 13:9

ᑎᑯᓐ ᐊᔅᒋᔾ ᒐᔅᑎᓇᔅ ᒐ ᐃᔅᐱᔭᐧᒄ ᐊ ᓂᓯᔭᐧᒄ᙮ ᒋᐸ ᒥᔽᐤ ᒐᒋ ᑎᐸᓂᔭᐧᒄ᙮ ᐛᔭᐸᑕ ᑕᓐᑕ ᒐᐸ ᒥᔽᔨᑕᓐ ᒐᒋ ᐎᒋᔨᓐ ᑭᔭ ᓂᔾ ᐃᔭᒡ ᓂᑭ ᐃᑐᑕᓐ᙮”

ᒐᓂᓯᔅ 14:2

ᒋ ᓂᑐᐱᔨᑐᐛᐅᒡ ᐱᑕᑕᒡ ᑯᑎᑲ ᒋᓴᐅᒋᒪᐛ, ᓱᑕᒻ ᒋᓴᐅᒋᒪᐛ ᐱᕋ, ᑯᒧᕋ ᒋᓴᐅᒋᒪᐛ ᐱᕐᓴ, ᐊᑦᒪ ᒋᓴᐅᒋᒪᐛ ᓯᓇᑉ, ᓴᐳᐃᐃᒻ ᒋᓴᐅᒋᒪᐛ ᓯᒥᐱᕐ ᑭᔭ ᐱᓚ ᒋᓴᐅᒋᒪᐛ (ᑭᔭ ᒪᒃ ᓱᐊᕐ)᙮

ᒐᓂᓯᔅ 14:8

ᐊᑯ ᓱᑕᒻ ᒋᓴᐅᒋᒪᐤ, ᑯᒧᕋ ᒋᓴᐅᒋᒪᐤ, ᐊᑦᒪ ᒋᓴᐅᒋᒪᐤ, ᓴᐳᐃᐃᒻ ᒋᓴᐅᒋᒪᐤ ᑭᔭ ᐱᓚ ᒋᓴᐅᒋᒪᐤ (ᑭᔭ ᒪᒃ ᓱᐊᕐ) ᒋ ᔅᑐᑕᐅᒡ ᑭᔭ ᒋ ᐊᔭᔅᑯᐎᔪᐅᒡ ᒐᒋ ᒪᓯᒐᒡ ᐊᓐᑕ ᓯᑎᒻ ᐊ ᐱᓴᔨᒡ᙮

ᒐᓂᓯᔅ 3:6

ᒋ ᐛᐸᑎᒻ ᐃᔎᐤ ᐊᔅᐱᔅ ᒥᔽᓯᔨᒡ ᑭᔭ ᐊ ᒥᔽᔨᒡ ᒐᒋ ᒥᒋᓇᓄᐎᒡ; ᐃᔭᐱᒡ ᒋᔅᒐᔨᑎᒻ ᒥᒋᑦ ᐊᐛᓐ ᐊᓂᔭ ᒥᓂᓴ ᒋᐸ ᑭᒐᑕᐛᔨᑕᑯᓱᐤ ᑭᔭ ᓇᔅᒡ ᒋ ᓇᓂᑐᐛᔨᑎᒻ ᐃᔎᐤ ᒐᒋ ᑭᒐᑕᐛᔨᑕᑯᔅᑦ, ᐊᑯ ᐛᑎᓇᐧᒃ ᐊᓂᔭ ᒥᓂᓴ, ᒂ ᒥᒋᑦ ᑭᔭ ᒂ ᒥᔭᑦ ᐱᔅᒐ ᐅᓇᐸᒪ ᑭᔭ ᐎᔾ ᓇᐸᐤ ᒪᒋᑦ᙮

ᒐᓂᓯᔅ 47:6

ᐊᑕᒂᓐᒋ ᒪᒃ ᐊ ᐃᑎᓯᒡ ᐊ ᑭᔅᒋᑕᒡ ᐊ ᑭᓄᐛᔨᒪᒡ ᐊᐛᓯᓴ, ᒐ ᓇᑭᑐᐛᔨᑎᔨᑥᐤ ᓂᑦ ᐊᐛᓯᓯᒪ᙮”

ᒐᓂᓯᔅ 6:2

ᒋᓴᒪᓂᑐᐤ ᐅᑦ ᐃᔨᒪ ᒋ ᐛᐱᒪᔪᐛ ᐊᓂᔭ ᐃᔪᐛ ᐅᑕᓂᓯᔪᐛ ᐊᔅᐱᔅ ᒥᔪᔎᐎᔨᒋ ᑭᔭ ᒋ ᐅᑎᓇᒪᓱᐅᒡ ᒐ ᐎᐅᒡ᙮

ᑎᐱᑦ ᐅᓂᑭᒧᐅᓇ 107:34

ᐊ ᒥᓂᓱᐎᔨᒡ ᐊᔅᒋᔪᐤ ᐸᒂᑎᔅᑭᒥᑯᑕᐤ, ᐅᒥᒋᑥᐅᓂᔪᐤ ᐅᒋ ᐊᓂᔭ ᐊᓐᑕ ᑲ ᑕᔨᒋ᙮