1 ᐅᔅᑭᒡ ᒥᓯᐛ ᐊᐛᓐᒋ ᐅᑕ ᐊᔅᒋᒡ ᒋ ᐸᐃᒂᓂᔪᐤ ᐅᑦ ᐃᔨᒧᐅᓄᐛᐤ
ᐊᐅᑯᐤ ᑲ ᐃᓯ ᐎᔭᑭᓄᔨᒋ ᓄᐛ ᐅᑯᓴ ᐅᑦ ᐊᓂᔅᑯᑕᐸᓂᔪᐛ, ᒋ ᒥᒐᑐᔅᑲᓇᓯᔨᐛ ᐅᑦ ᐊᓂᔅᑯᑕᐸᓂᔪᐛ ᑭᔭ ᒥᓯᐛ ᐊᔅᐱᑎᔅᑭᒥᑲᔨᒡ ᐅᑕ ᐊᔅᒋᒡ ᒋ ᑕᔪᐛ ᑲᒋ ᐃᔅᒋᐸᔨᒡ᙮
ᐱᔅᒐ ᑲᒋ ᐅᑐᑕᒡ ᐛᐱᓄᑕᒡ ᑭᔭ ᑲ ᐎᒋᒡ ᐊᓐᑕ ᐸᐱᓗᓂᔭ ᐊᔅᒋᒡ᙮
ᑭᔭ ᒂ ᐃᔅᒋᔄᑦ, “ᐅᒡ ᐃᔪᒡ ᒪᒧᐤ ᐎᒋᑐᔅᒐᒥᑐᐅᒡ ᑭᔭ ᐸᐃᑯᑕᐤ ᐃᔨᒧᐅᓂᔪᐤ ᐃᔨᒧᐅᒡ᙮ ᐊᐅᑯᐤ ᒥᒄ ᐛ ᒋᒋᐱᔨᒡ ᐊᓂᔭ ᒐᒂᔪᐤ ᒐ ᑐᑕᒡ, ᐸᓱᓇᑯᓂᔪᐤ ᐎᔨᐛᐤ ᒐᒋ ᑐᑕᒡ ᓂᑐᐎᔾ ᒐᒂᔪᐤ ᐛᑐᑕᒡ᙮
ᐃᔅᐱ ᒪᒃ ᐱᔭᑕᒡ ᐅᔭ ᐊ ᐃᑎᑕᑯᓂᔨᒡ ᒥᒐᑦ ᐊᐛᓐᒋ ᒋ ᐃᔅᐸᔨᑐᐅᒡ ᐊᓐᑕ᙮ ᒋ ᑯᔅᑯᐱᔪᒡ ᒪᒃ ᐛᔅ ᒋ ᐸᑐᐛᐅᒡ ᐊᓂᔭᔪᐛ ᑲ ᑕᑈᑎᒥᔨᒋ ᒥᓯᐛ ᐊᓂᔭᔪᐤ ᐎᔨᐛᐤ ᑕᓐ ᐊ ᐃᓯ ᐃᔨᒥᒡ ᐊ ᐃᓯ ᐃᔨᒥᔨᒋ᙮
