ᒐᓂᓯᔅ 1:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒋᓴᒪᓂᑐᐤ ᒂ ᐃᔅᒋᔄᑦ, “ᓂᑐᐛᔨᑕᓐ ᒐᒋ ᒋᐧᑲᔭᔅᑐᐛᒡ ᐛᔅᑕᐅᓐ !” ᒂ ᒋᐧᑲᔭᔅᑐᐛᒡ ᐛᔅᑕᐅᓐ᙮

ᒐᓂᓯᔅ 1:3 Iomraidhean Croise

ᒐᓂᓯᔅ 2:4

ᐊᐅᑯᐤ ᑲ ᐃᔅᐱᔨᒡ ᒧᔭᒻ ᒋᓴᒪᓂᑐᐤ ᑲ ᐅᓯᑕᑦ ᒋᓯᑯᔪᐤ ᑭᔭ ᐊᔅᒋᔪᐤ᙮

ᑎᐱᑦ ᐅᓂᑭᒧᐅᓇ 104:2

ᑲ ᐊᒂᓇᐅᓱᔨᓐ ᐛᓴᔭᐅᓐ ᐅᒋ ᒧᔭᒻ ᐊᐱᒋᑕᐅᓐ: ᑲ ᐅᐛᔨᑯᑕᔨᓐ ᒋᓯᒂ ᒧᔭᒻ ᐊᑯᐛᑲᐃᑭᓐ:

ᑎᐱᑦ ᐅᓂᑭᒧᐅᓇ 118:27

ᒋᓴᒪᓂᑐᐤ ᑎᐸᔨᒋᒐᓯᐤ, ᑲ ᐛᐸᑎᔨᑕᐧᒄ ᐛᓴᔭᓯᐅᓂᔪᐤ: ᒪᑯᐱᑎᒧᒄ ᐱᔅᑎᓂᒐᐅᓐ ᓴᔅᑎᒂᔭᐱᔾ ᐅᒋ, ᐊ ᐅᑦ ᐊᔅᑭᓄᐅᒡ ᐱᔅᑎᓂᒐᐤ ᐃᓴᒄ ᐅᑎ᙮

ᑎᐱᑦ ᐅᓂᑭᒧᐅᓇ 148:5

ᐊᑯᔅ ᒋᑭ ᒪᒥᒋᑕᒺᐅᒡ ᑎᐸᔨᒋᒐᓱᐛ ᐅᑦ ᐃᓯᓂᐧᑲᓱᐅᓂᔪᐤ: ᐛᔅ ᒋ ᐃᑎᓱᐛᐤ, ᐊᑯ ᑲ ᐅᓯᐊᑭᓄᐅᒡ᙮

ᑎᐱᑦ ᐅᓂᑭᒧᐅᓇ 33:6

ᐅᑦ ᐃᔨᒧᐅᓂᒡ ᐅᒋ ᑎᐸᔨᒋᒐᓱᐤ ᒋᓯᒂ ᒋ ᐅᓯᑕᑭᓄᐎᔪᐛ: ᑭᔭ ᒥᓯᐛ ᐊ ᐃᑕᑎᓂᔨᒋ ᐅᑐᓂᒡ ᐊ ᐅᒋ ᔭᔭᑐᑕᐧᒃ᙮

ᑎᐱᑦ ᐅᓂᑭᒧᐅᓇ 33:9

ᐛᔅ ᒋ ᐃᔨᒧᐤ, ᐊᑯ ᐊᑐᑕᑭᓄᐎᒡ; ᒋ ᐃᑎᓱᐛᐤ, ᐊᑯ ᐃᔭᔨᑎᔅᑕᔨᒡ᙮

ᑎᐱᑦ ᐅᓂᑭᒧᐅᓇ 97:11

ᐛᓴᔭᓯᐅᓂᔪᐤ ᓂᑕᐅᒋᑕᒪᐛᑭᓄᐅᒡ ᐅᑯᐃᔅᑯᑕᑎᓯᐅᒡ, ᑭᔭ ᓯᒋᔭᓯᐅᓂᔪᐤ ᐊᓐᒡ ᑲ ᑯᐃᔅᑯᑕᐊᒡ᙮

ᒪᑎᔪᐤ 8:3

ᒋᓴᔅ ᒪᒃ ᒋ ᓱᐅᓂᔅᒐᔪᐤ, ᒋ ᑕᒋᓇᐤ ᐊ ᐃᑕᑦ, “ᒋ ᐎ ᐎᒋᐃᑎᓐ᙮ ᐸᔭᒋᓯ ᒪᒃ᙮” ᑎᐛᒡ ᒪᒃ ᒋ ᒥᓏᑎᓯᐤ ᐊᓐ ᓇᐸᐤ ᐊᓂᔭ ᑲ ᐃᑕᐧᑯᓯᑦ᙮

ᒠᓐ 1:5

ᐊᓐ ᐛᔅᑕᐅᓐ ᒋᐧᑲᔭᔅᑕᐤ ᐊᓐᑕ ᐅᓂᑎᐱᔅᒋᓯᐅᓂᒡ, ᐅᓂᑎᐱᔅᒋᓯᐅᓐ ᒪᒃ ᓇᒪ ᒋ ᐊᔅᑐᐛᐊᒻ ᐊᓂᔭ ᐛᔅᑕᐅᓂᔪᐤ᙮

ᒠᓐ 1:9

ᐅ ᐛᔅᑕᐅᓐ ᒋ ᐸᒋ ᑎᑯᓯᓄᐤ ᐅᑕ ᐊᔅᒋᒡ ᒥᓯᐛ ᐊᐛᔪᐛ ᒐᒋ ᐛᔅᑕᓂᒧᐛᑦ᙮

ᒠᓐ 11:43

ᐃᔅᐱ ᒪᒃ ᐅᔭ ᑲ ᐃᔅᒋᔄᑦ ᒋᓴᔅ ᒋ ᒋᔄᐛᐤ ᐊ ᐃᔅᒋᔄᑦ, “ᓚᓴᕋᔅ, ᐸᒋ ᐎᐎᔾ !”

ᒠᓐ 3:19

ᐛᔅᑕᐅᓐ ᒋ ᐸᒋ ᐱᔅᑎᓇᑭᓄᐤ ᐅᑕ ᐊᔅᒋᒡ ᒥᒄ ᒪᒃ ᐃᐛᒃ ᒋ ᐃᑕᔨᑎᒧᒡ ᐊᐛᓐᒋ ᐅᓂᑎᐱᔅᒋᓯᐅᓂᒡ ᒐᒋ ᐃᓯ ᐱᒪᑎᓯᒡ ᐃᔅᐱᔅ ᐎ ᐛᔅᑕᐅᓂᒡ ᒐᒋ ᐃᓯ ᐱᒪᑎᓯᒡ, ᐛᔅ ᒋ ᒥᒐᑎᓯᐅᒡ᙮ ᐊᔪᐅᒄ ᒪᒃ ᐅᔭ ᒐ ᐅᒋ ᑎᐸᔅᑯᓇᑭᓄᐎᒡ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

ᐃᐱᓯᔭᓇ 5:14

ᐊᐅᒄ ᒪᒃ ᐛᒋ ᐃᓇᓄᐅᒡ ᒪᓐ, “ᐅᓂᔾ ᒋᔾ ᑲ ᓂᐸᔨᓐ, ᐅᓂᔾ ᐊᓐᑕ ᓂᐳᐅᓂᒡ ᐅᒡ᙮ ᐊᑯ ᒪᒃ ᙭ ᒐ ᒥᔨᔅᒃ ᐛᔅᑕᐅᓂᔪᐤ᙮”

ᐃᐱᓯᔭᓇ 5:8

ᐛᔅ ᑭᔭ ᒋᔨᐛᐤ ᐅᓂᑎᐱᔅᒋᓯᐅᓂᒡ ᔅᒋ ᑕᓇᐛᐤ ᐊᓐᑕ ᐅᑕᒡ, ᒥᒄ ᒪᒃ ᐊᓄᒡ ᐊᑯ ᐛᔅᑕᐅᓂᒡ ᐊ ᑕᔭᒄ ᐊᓐ ᐅᒋ ᐊ ᑕᑈᔭᔨᒪᒄ ᒋᓴᒪᓂᑐᐤ᙮ ᐊᑯᑕ ᒪᒃ ᓱᐧᒃ ᐎᓯ ᐱᒪᑎᓯᒄ ᐊᑯ᙮

1 ᑎᒧᑎ 6:16

ᐎᔾ ᒥᒄ ᑲᒋᒡ ᐱᒪᑎᓯᐤ, ᐊᓐᑕ ᒪᒃ ᐊᑲ ᓂᑕ ᒧᓴ ᒐᒋ ᓇᑕᑭᓄᐎᒡ ᐛᔅᑕᐅᓂᔪᐤ ᐊᑯᑕ ᐊ ᑕᑦ, ᐊᓐᑕ ᐊᑲ ᐊᐛᔪᐛ ᒐᒋ ᓇᑎᑯᑦ᙮ ᓇᒪ ᓂᑕ ᐅᑎᔅᑯᐤ ᐅᒋ ᐛᐱᒥᑯᐤ ᐊᐛᔪᐛ ᑭᔭ ᓇᒪ ᓂᑕ ᒋᑭ ᒋ ᐛᐱᒥᑯᐤ᙮ ᐎᔾ ᒪᒃ ᒋᑭ ᒋᔅᑕᔨᑕᑯᐊᑭᓄᐤ ᑭᔭ ᐎᔾ ᐊᔭᐤ ᑲᒋᒡ ᓱᐧᑲᑎᓯᐅᓂᔪᐤ᙮ ᐊᒥᓐ᙮

1 ᒠᓐ 1:5

ᒋ ᐎ ᐎᑎᒪᑎᓇᓐ ᑕᓐ ᑲ ᐃᓯ ᐎᑎᒧᔨᒥᑦ ᒋᓴᔅ᙮ ᒋᓴᒪᓂᑐᐤ ᐊᐅᒄ ᐛᔅᑕᐅᓐ, ᓇᔅᑎᔅ ᓇᒪ ᐱᒋᔅᑲᑯᐤ ᐅᓂᑎᐱᔅᒋᓯᐅᓂᔪᐤ᙮

1 ᒠᓐ 2:8

ᒥᒄ ᒪᒃ ᐃᔭᐱᒡ ᐊ ᐅᔅᑲᒡ ᐃᑕᔨᑕᑯᓐ ᐅ ᑲ ᐃᓯ ᐊᔨᒧᑎᒪᑎᑯᒡ᙮ ᙭ ᒋ ᓄᑯᑕᐤ ᐊ ᑕᑈᒥᑭᓂᔨᒡ᙮ ᑭᔭ ᒋᔨᐛᐤ ᒪᒃ ᒋ ᓄᑯᑕᓇᐛᐤ ᐊ ᑕᑈᒥᑲᒡ᙮ ᐅᓂᑎᐱᔅᒋᓯᐅᓐ ᐎᒪᐱᔪᐤ, ᐊᑯ ᐊᓐ ᒋᒋᐛ ᐛᔅᑕᐅᓐ ᓴᔅ ᒋᐧᑲᔭᔅᑕᐤ᙮