ᑲᓚᓯᔭᓇ 6:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᐛᓐ ᒪᒃ ᐱᓯᒄ ᓂᑎᒥᒄ ᑲ ᐃᓯ ᐱᒪᑎᓯᑦ ᒋᑭ ᐃᓯᓇᑯᓂᔪᐤ ᒐᒃ ᒐ ᐊᑎ ᓂᓱᐅᓇᒋᑕᑦ ᐅᐱᒪᑎᓯᐅᓐ᙮ ᐊᑯ ᒪᒃ ᐊᐛᓐ ᒥᒄ ᐊ ᐃᓯ ᓂᑐᐛᔨᒥᑯᑦ ᑲ ᐸᔭᒋᓯᔨᒋ ᐊᒐᒂ ᐃᓯ ᐱᒪᑎᓯᒐ ᒋᑭ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮

ᑲᓚᓯᔭᓇ 6:8 Iomraidhean Croise

ᒪᑎᔪᐤ 19:29

ᒥᓯᐛ ᐊᐛᓐ ᑲ ᓂᑭᑕᐧᒃ ᐎᒡ ᑭᔭ ᑲ ᓂᑭᑕᑦ ᐎᐧᑲᓂᓴ, ᐅᓂᒋᐃᒂ ᑭᔭ ᐅᑦ ᐊᐛᓯᒪ ᑭᔭ ᒪᒃ ᑲ ᓂᑭᑕᐧᒃ ᐅᑦ ᐊᔅᒋᔾ ᓂᔾ ᐅᒋ, ᐅᔅᑕ ᐸᐃᒄ ᒥᑕᓯᒥᑎᓄᐤ ᒋᑭ ᒋᐛᒥᔭᑭᓄᐤ ᑭᔭ ᑲᒋᒡ ᐱᒪᑎᓯᐅᓂᔪᐤ ᒋᑭ ᒥᔭᑭᓄᐤ᙮

ᒪᑎᔪᐤ 25:46

ᐊᐅᒄ ᒪᒃ ᐅᒡ ᑲ ᒥᒐᑎᓯᒡ ᒐ ᐃᑎᓴᐛᑭᓄᐎᒡ ᐊᓐᑕ ᑲᒋᒡ ᒐ ᐃᓯ ᓂᓇᐧᑲᑕᔨᒧᒡ, ᐊᑯ ᐊᓐᒡ ᑲ ᑯᐃᔅᑯᑕᑎᓯᒡ ᐊᓐᑕ ᑲᒋᒡ ᐱᒪᑎᓯᐅᓂᒡ ᒐ ᐃᑎᓴᐛᑭᓄᐎᒡ᙮”

ᓗᒃ 18:30

ᐊᑐᐎᔅ ᒐ ᒥᔭᑭᓄᐅᑦ ᐃᔅᐱᔅ ᐊᓂᔭ ᑲ ᐃᓯ ᓂᑭᑕᐧᒃ ᐊᓄᒡ ᒪᒂᒡ ᐊ ᐱᒪᑎᓯᑦ, ᑭᔭ ᑲᒋᒡ ᐱᒪᑎᓯᐅᓂᔪᐤ ᒐ ᐊᔭᑦ ᐊᓐᑕ ᐊᔅᒄ ᓂᑲᓄᒡ᙮”

ᒠᓐ 4:14

ᐊᐛᓐ ᒪᒃ ᒐ ᒥᓐᑦ ᐊᓂᔭ ᓂᐱᔪᐤ ᒐ ᒥᔨᒃ ᒐᒋ ᒥᓐᑦ, ᓇᒪ ᓂᑕ ᒥᓐ ᒋᑭ ᐅᒋ ᐸᐧᑯᑕᑎᒻ᙮ ᐛᔅ ᐊᓂᔭ ᓂᐱᔪᐤ ᒐ ᒥᔨᒃ ᒋᑭ ᐱᒋᔅᑲᑯᐤ ᒧᔭᒻ ᐊ ᐅᒋ ᒧᔅᒋᒍᐅᓂᔨᒡ ᒋᑭ ᐃᓯᓇᑯᓂᔪᐤ, ᐊᐅᒄ ᒪᒃ ᐅ ᑲ ᐱᒪᒋᐃᐛᒥᑲᒡ ᓂᐱᔾ ᐊᓐᑕ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ ᒥᓂᒐ᙮”

ᒠᓐ 4:36

ᐊᓐ ᑲ ᒪᒧᓴᒋᓇᐧᒃ ᐊᓂᔭ ᓂᑕᐅᒋᑕᑭᓇ ᒋᓯᐧᑯᐛᑭᓄᐤ᙮ ᒧᔭᒻ ᐊᓐ ᐊᐛᓐ ᑲ ᐎᒋᐊᑦ ᐊᐛᔪᐛ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᒪᒃ ᐊᓐ ᑲ ᓂᑕᐅᒋᑕᑦ ᑭᔭ ᐊᓐ ᑲ ᒪᒧᓴᒋᓇᐧᒃ ᐊᓂᔭ ᓂᑕᐅᒋᑕᑭᓇ ᑕᐱᔅᑯᓐ ᒐ ᒥᔽᔨᑕᒡ ᐛᔅ ᑕᐱᔅᑯᓐ ᒋ ᐊᑐᔅᒐᐅᒡ᙮

ᒠᓐ 6:27

ᐊᑲᐎᔾ ᐊᑐᔅᒐᒄ ᒥᒄ ᐊ ᐎ ᐱᐧᑯᑎᒪᓱᔭᒄ ᒥᒋᒻ ᐊᓐ ᒐ ᐃᔭᔪᐛᒡ, ᐃᔭᐱᒡ ᐎ ᐱᐧᑯᑎᒪᓱᒃ ᐊᓐ ᒥᒋᒻ ᑲᒋᒡ ᒐ ᑎᒂᒡ᙮ ᐃᔪᐤ ᐅᑯᓯᓴᓐ ᒋᑭ ᒥᔨᑯᐛᐤ ᒥᒋᒥᔪᐤ ᒐ ᐊᑲ ᓂᑕ ᐅᒋ ᔭᔪᓂᔨᒡ᙮ ᐛᔅ ᒋᓴᒪᓂᑐᐤ ᐅᑕᐎᒪᐤ ᒋ ᓄᑯᑕᐤ ᑕᑈ ᐊ ᓇᐊᔨᒪᑦ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:14

ᓂᔅᐱᑐᐛᐧᒄ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᐅᒋ ᐛᐱᒪᒡ ᐊᐛᓐᒋ ᑕᓐ ᐊ ᐃᑕᔨᑕᑯᓯᔨᒋ᙮ ᐊᑲᐎᔾ ᐊᐱᑕᔨᑎᒧᒄ ᒋᔭᓱᐛᐤ ᒐᒋ ᐃᑐᑎᒪᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑲᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:13

ᐊᑲᐎᔾ ᑭᔭ ᓇᔅᒡ ᐱᔅᑎᓂᒥᒄ ᒋᔪᐛᐛ ᒥᒋᑥᐅᓂᒡ ᒐᒋ ᐃᓯ ᐊᐱᑎᒋ᙮ ᒋᓴᒪᓂᑐᐤ ᐃᔭᐱᒡ ᐱᔅᑕᔨᒥᑎᓱᔅᑐᐛᐧᒄ᙮ ᐊᑯ ᒪᒃ ᒐ ᐃᓯᓇᑯᓯᔭᒄ ᒧᔭᒻ ᐊᐛᓐᒋ ᐊᒋ ᓂᐱᒡ ᑲᐤ ᒪᒃ ᐊ ᐱᒪᑎᓯᒡ᙮ ᓇᔅᒡ ᐱᔅᑎᓂᒧᐛᐧᒄ ᒋᓴᒪᓂᑐᐤ ᒐᒋ ᑎᐸᔨᑕᐧᒃ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐᒋ ᐊᐱᒋᐃᑕᒄ ᒐᒋ ᒥᔪᑐᑎᒺᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:23

ᐛᔅ ᓂᐳᐅᓂᒡ ᐃᑐᑕᐃᑯᐤ ᐊᐛᓐ ᒥᒋᑥᐅᓂᔪᐤ᙮ ᐊᑯ ᐊᓐ ᐊᐛᓐ ᑲ ᐎᒐᐛᑦ ᒋᓴᔅ ᙭ᑕ ᒋᑎᐸᔨᒋᒐᓯᒥᓄᐛ ᒋᓴᒪᓂᑐᐛ ᓴᒐᔾ ᒥᔨᑯᐤ ᑲᒋᒡ ᐱᒪᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:11

ᒧᔭᒻ ᐸᒋᔅᑲᑎᔨᑕᑯ ᐅ ᐸᔭᒋᓯᔪᐤ ᐊᒐᒂ ᐊᓐ ᑲ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ, ᒐᔅᑎᓇᔅ ᒋᑭ ᐅᓂᔅᑲᓂᑯᐛᐤ ᑭᔭ ᒋᔨᐛᐤ ᓂᐳᐅᓂᒡ ᐅᒡ ᐊᓂᔭᔪᐛ ᐅ ᑲ ᐸᔭᒋᓯᔪᐤ ᐊᒐᒂ ᐅᒋ᙮ ᐊᑯᑕ ᒪᒃ ᒐᒋ ᐅᒋ ᐱᒪᒋᑕᑭᓄᐅᒋ ᐊᓂᔭᔪᐛ ᒋᔪᐛᐛ ᑲ ᐃᓯᓇᒂᒋ ᒐ ᓂᐱᒥᑲᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:13

ᐛᔅ ᐊᓐ ᐃᓯ ᐱᒪᑎᓯᔨᓇ ᑕᓐ ᐊ ᐃᓯ ᓂᑐᐛᔨᑎᒧᒥᑲᒡ ᒋᐎᔭᔅ, ᒋᑭ ᓂᐱᓐ᙮ ᐱᔅᑎᓂᑕ ᒪᒃ ᑲ ᐸᔭᒋᓯᑦ ᐊᒐᐧᒄ ᒐᒋ ᐎᒋᐃᔅᒃ ᒐᒋ ᐳᓂᑕᐅᑦ ᑕᓐ ᐛ ᐃᓯ ᐛᒋᐱᔨᒡ ᒐᒋ ᒥᒋᑐᑎᒧᑦ ᐊᑯ ᑭᑈ ᑕᑈ ᒐ ᐱᒪᑎᓯᔨᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:6

ᒥᒄ ᓂᑎᒥᒄ ᐎᓯ ᓂᓇᐊᔨᑎᒥᐃᓱᒐ ᐊᐛᓐ, ᒋᑭ ᓂᐸᐃᑯᐤ ᐅᔭ ᐊ ᐃᑎᑦ᙮ ᐱᓯᒄ ᑲ ᐸᔭᒋᓯᔨᒋ ᐊᒐᒂ ᒐᒋ ᓂᓇᐊᔨᑎᒥᐊᑦ ᐊ ᐃᓯ ᒪᒥᑐᓇᔨᑕᐧᒃ ᐊᐛᓐ ᐱᒪᑎᓯᐅᓂᔪᐤ ᑭᔭ ᒋᔭᒪᔨᑎᒧᐅᓂᔪᐤ ᐊᔭᐤ᙮

1 ᑯᕆᓐᑎᔭᓇ 15:42

ᐊᐅᑯᓐ ᒧᔭᒻ ᐊ ᐃᓯᓇᒂᒡ ᒥᔪᐤ, ᐃᔅᐱᔅ ᑲ ᓇᐃᐧᑲᑭᓄᐅᒋ ᐊᑎ ᐃᔭᔪᐅᓐ ᐊᓐ ᒥᔪᐤ᙮ ᐃᔅᐱ ᒪᒃ ᐅᓂᔅᑲᓇᑭᓄᐅᒐ ᓂᐳᐅᓂᒡ ᐅᒡ, ᐊᓂᔭ ᐎᔪᐤ ᑲᒋᒡ ᒋᑭ ᐱᒪᑎᓯᒥᑭᓂᔪᐤ᙮

ᑲᓚᓯᔭᓇ 6:7

ᐊᑲᐎᔾ ᐎᔭᓯᒥᑎᓱᒄ, ᓇᒪ ᐊᐛᓐ ᒋᑭ ᒋ ᐎᔭᓯᒪᐤ ᒋᓴᒪᓂᑐᐛ᙮ ᐛᔅ ᐊᓂᔭ ᒐᒂᔪᐤ ᒐ ᐱᔅᑎᓂᒧᒂ ᐊᐛᓐ ᐊᓐᑕ ᐊᔅᒋᒡ ᐊᐅᑯᓐ ᐊᓂᔭ ᒐ ᓂᑕᐅᒋᓂᔨᒡ ᐊᓐᑕ᙮

1 ᑎᒧᑎ 1:16

ᐊᑎ ᒪᒃ ᓂᔾ ᒪᐅᒡ ᐊᒋ ᒥᒐᑎᓯᐅᒡ ᓂᒋ ᐛᔪᐅᒡ ᒋᓴᐛᑐᑕᒄ ᒋᓴᒪᓂᑐᐤ ᒐᒋ ᓄᑯᑕᑦ ᑕᓐ ᒐᒋ ᐃᔅᐱᔅ ᐛᔪᐅᒡ ᓯᐱᔪᐛᓯᔅᑐᐛᑦ ᐊᓂᔭᔪᐛ ᒐ ᑕᑈᔭᔨᒥᑯᑦ ᑭᔭ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮

ᑕᐃᑕᔅ 3:7

ᐊᑯ ᒪᒃ ᐊᓂᔭ ᐊᒋ ᒋᓴᐛᑐᑕᑕᐧᒄ ᒋᓴᒪᓂᑐᐤ ᔅᒋ ᐃᑐᑕᑭᓄᐤ ᒐᒋ ᑯᐃᔅᑯᓇᑯᓯᔭᐧᒄ ᑭᔭ ᒋᔭᔅᑎᓇᑕᔨᑎᒪᐧᒄ ᒐ ᐊᔭᔭᐧᒄ ᑲᒋᒡ ᐱᒪᑎᓯᐅᓐ᙮

ᒋᒥᔅ ᐅᒥᓯᓇᐊᒪᒐᐅᓐ 3:18

ᐅᔭ ᐊ ᐃᓯ ᐱᒪᑎᓯᑦ ᐊᐛᓐ ᐊᔭᐛᐤ ᒋᓴᒪᓂᑐᐛ ᐅᒋᔭᒪᔨᑎᒧᐅᓂᔪᐤ᙮ ᐎᒋᐊᐤ ᑭᔭ ᑯᑎᑲ ᐊᐛᔪᐛ ᒐᒋ ᑯᐃᔅᑯᑕᑎᓯᔨᒋ ᒐᒋ ᐊᔭᔨᒋ ᒋᓴᒪᓂᑐᐛ ᐅᒋᔭᒪᔨᑎᒧᐅᓂᔪᐤ᙮

2 ᐱᑕᕐ 2:12

ᒥᒄ ᐛ ᐃᑎᒡ ᐃᑐᐅᒡ ᐊᐛᓯᓯᒡ᙮ ᐅᒡ ᒪᒃ ᓂᑎᒥᒄ ᒋᔅᑯᑎᒪᒐᓱᐅᒡ ᐊᐅᑯᓐ ᒧᔭᒻ ᐊ ᐃᑕᔨᑕᑯᓯᒡ ᑭᔭ ᐎᔨᐛᐤ᙮ ᒪ ᒥᒋ ᐊᔨᒧᑎᒧᒡ ᐊᓂᔭᔪᐛ ᒐᒂᔪᐛ ᐊᑲ ᓂᔅᑐᑕᒡ᙮ ᒧᔭᒻ ᒪᒃ ᑲ ᐃᓯᐊᑭᓄᐅᑦ ᑯᑎᒃ ᐊᐛᓯᔅ ᒥᒄ ᒐᒋ ᑲᔅᑎᓇᑭᓄᐅᑦ ᑭᔭ ᒐᒋ ᓂᐸᐊᑭᓄᐅᑦ, ᐊᐅᑯᓐ ᒧᔭᒻ ᐊ ᐃᓯᓇᑯᓂᔨᒡ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᐅᒡ ᓂᑎᒥᒄ ᒋᔅᑯᑎᒪᒐᓱᐅᒡ᙮

2 ᐱᑕᕐ 2:19

ᐊᔨᒧᑎᒧᐛᐅᒡ ᐊᐛᔪᐛ ᐎᐧᑯᒋᐃᑯᓯᐅᓂᔪᐤ᙮ ᐎᔨᐛᐤ ᒪᒃ ᓇᔅᒡ ᑕᑈ ᑎᑯᓂᔪᐤ ᑕᓐ ᐊ ᐃᓯ ᒪᒋᒂᐱᐧᑲᑎᑯᒡ ᒥᒋᐃᑐᐅᓂᔪᐤ, ᐛᔅ ᒥᒄ ᒐᒂᔪᐤ ᐊ ᓴᐧᑯᒋᐃᑯᑦ ᐊᐛᓐ ᐊᐅᑯᓐ ᐊᓂᔭ ᑕᐸᔨᒥᑯᑦ᙮

ᒍᑦ 1:21

ᑭᓄᐛᔨᒥᓱᒄ ᒋᓴᒪᓂᑐᐤ ᐅᓴᒋᐃᐛᐅᓂᒡ ᐊ ᐊᓱᐛᐱᒪᒄ ᒋᓴᔅ ᙭ ᒐᒋ ᒥᔨᑕᒄ ᑲᒋᒡ ᐱᒪᑎᓯᐅᓂᔪᐤ ᐊᓂᔭ ᐊ ᓱᐛᔨᒧᐛᑦ ᐅᒡ᙮

ᒋᔅᒐᔨᑕᑯᑕᒐᐅᓐ 22:11

ᐊᑯ ᒪᒃ ᐊᓐ ᐊᐛᓐ ᑲ ᒥᒐᑎᓯᑦ, ᐊᑯᔅ ᐃᔭᐱᒡ ᒋᑭ ᒥᒐᑎᓯᐤ᙮ ᑭᔭ ᐊᓐ ᐊᐛᓐ ᓂᑐᐎᔾ ᑲ ᐃᑎᑦ, ᐊᑯᔅ ᐃᔭᐱᒡ ᓂᑐᐎᔾ ᒋᑭ ᐃᑐᐤ᙮ ᐊᑯ ᐊᓐ ᐊᐛᓐ ᑲ ᑯᐃᔅᑯᑕᑎᓯᑦ, ᐊᑯᔅ ᐃᔭᐱᒡ ᒋᑭ ᑯᐃᔅᑯᑕᑎᓯᐤ᙮ ᑭᔭ ᐊᓐ ᐊᐛᓐ ᑲ ᐸᔭᒋᓯᑦ, ᐃᔭᐱᒡ ᒐ ᐸᔭᒋᓯᑦ᙮”