ᑲᓚᓯᔭᓇ 6:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᓇᒪ ᐛᐛᒡ ᓂᓇᐃᑎᒧᒡ ᒍᐤ ᐊᔭᒥᐊᐅ-ᐎᓱᐛᐅᓇ ᐊᓐᒡ ᑲ ᐱᔅᑎᓂᓱᒡ ᒐᒋ ᒋᔅᒋᓄᐛᒋᔄᑭᓄᐎᒡ᙮ ᒋ ᓂᑐᐛᔨᒥᑯᐛᐅᒡ ᒐᒋ ᒋᔅᒋᓄᐛᒋᐃᑕᑯᒡ ᒥᒄ ᒐᒋ ᒪᒥᒋᒧᒡ ᑭᔭ ᒋᔨᐛᐤ ᐊᒋ ᐃᑐᑕᑕᑯᒡ ᒐᒋ ᒋᔅᒋᓄᐛᒋᐃᑯᐅᐛᒄ᙮

ᑲᓚᓯᔭᓇ 6:13 Iomraidhean Croise

ᒪᑎᔪᐤ 23:15

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ ᒥᒄ ᑲ ᐊᔭᒥᐊᐧᑲᓱᔭᒄ᙮ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᒋ ᐃᑐᑕᓇᐛᐤ ᐸᐃᒄ ᐊᐛᓐ ᒐᒋ ᐃᑐᑐᐛᒄ ᒐᒋ ᑕᑈᑕᑕᒄ ᒪᒃ ᒐᒋ ᐃᑐᑕᐧᒃ ᑕᓐ ᐊ ᐃᓯ ᒋᔅᑯᑎᒪᒐᐛᒄ᙮ ᐃᔅᐱ ᒪᒃ ᑲ ᓴᑯᑕᔅᑯᓇᒄ ᒋ ᐃᑐᑐᐛᐛᐤ ᐅᔅᑕ ᐎᔾ ᒐᒋ ᒥᒐᑎᓯᑦ ᐃᔅᐱᔅ ᒋᔨᐛᐤ᙮ ᓂᔄᐤ ᒋ ᑕᐧᑯᑎᔅᑕᐛᓇᐛᐤ ᑕᓐ ᐊ ᐃᑕᔨᑕᑯᓯᑦ ᒐᒋ ᐅᒋ ᐃᑐᑕᑦ ᒥᒋ ᐃᔅᑯᑕᒡ᙮”

ᒪᑎᔪᐤ 23:23

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ᙮ ᐊᐅᒄ ᒋᔨᐛᐤ ᑲ ᐊᔭᒥᐊᐧᑲᓱᔭᒄ᙮ ᓇᔅᒡ ᐃᔭᒂ ᒋ ᓂᓇᑭᑐᐛᔨᑕᓇᐛᐤ ᐊ ᐃᓯ ᐸᒂᓂᒧᐛᒄ ᒋᓴᒪᓂᑐᐤ ᓂᓇᐧᑯᐤ ᓂᑕᐅᒋᑕᑭᓂᓴ ᑲ ᓂᑕᐅᒋᑕᔭᒄ ᒧᔭᒻ ᐊᓂᔭ ᒥᓐᑦ, ᑎᓪ ᑭᔭ ᑯᒥᓐ ᑲ ᐃᓯᓂᐧᑲᑕᒋ᙮ ᒥᔽᐤ ᑭᑈ ᐅ ᐊ ᐃᑐᑎᒪᒄ᙮ ᒥᒄ ᒪᒃ ᓇᒪ ᓇᔅᒡ ᒋᑦ ᐊᐱᑕᔨᑎᒥᐃᑯᓇᐛᐤ ᐊᓂᔭᔪᐛ ᒋᒋᐛ ᑲ ᐃᑕᔨᑕᒂᒋ ᒋᔅᑯᑎᒪᒐᐅᓇ ᐊᓐᑕ ᐎᓱᐛᐅᓂᒡ ᑲ ᐊᔨᒧᑕᒋ, ᒧᔭᒻ ᑯᐃᔅᒄ ᑎᐸᔅᑯᓂᒐᐅᓐ, ᓱᐛᔨᒋᒐᐅᓐ ᑭᔭ ᑕᑈᑎᒧᐅᓐ᙮ ᐊᔪᑯᓐ ᐅᔭ ᓂᔅᑎᒻ ᔭᐃᑕᔾ ᒋᐸ ᐎ ᐃᓯ ᓂᓇᑭᑐᐛᔨᑎᒥᐃᑯᓇᐛᐤ ᒐᒋ ᐃᑐᑎᒪᒄ ᒥᒄ ᒪᒃ ᐊᑲᐎᔾ ᒋᑭ ᐅᒋ ᐅᓂᒋᔅᒋᓯᑕᓇᐛᐤ ᑭᔭ ᒐᒋ ᐸᒂᓂᒧᐛᒄ ᒋᓴᒪᓂᑐᐤ᙮

ᒪᑎᔪᐤ 23:3

ᐊᐅᒄ ᒪᒃ ᐅ ᐅᒋ, ᓂᓇᐃᑎᒺᐧᒄ ᒥᓯᐛ ᑕᓐ ᐊ ᐃᓯ ᐎᑎᒪᑕᑯᒡ᙮ ᒥᒄ ᒪᒃ ᐊᑲᐎᔾ ᒋᑭ ᐅᒋ ᒋᔅᒋᓄᐛᐱᒪᐛᐅᒡ ᑕᓐ ᐊ ᐃᑕᑎᓯᒡ, ᐛᔅ ᑕᐸ ᐃᑐᑎᒧᒡ ᐊᓂᔭ ᑕᓐ ᐊ ᐃᓯ ᑭᒐᔅᒋᒧᒡ᙮

ᓗᒃ 5:38

ᐊ ᐅᔅᑲᑭᒥᔨᒡ ᓱᒥᓇᐳᔪᐤ ᐊᓐᑕ ᐊ ᐅᔅᑲᔨᒡ ᐅᓯᑭᔾ ᐳᑕᒡ ᒋᐸ ᐃᓯ ᐱᑕᐸᐅᑕᐤ᙮

1 ᑯᕆᓐᑎᔭᓇ 3:21

ᐊᑲᐎᔾ ᒪᒃ ᐊᐛᓐ ᒋᑭ ᐅᒋ ᒪᒥᒋᐃᑯᐤ ᓇᐸᐛ, ᐛᔅ ᒥᓯᐛ ᐊᐛᓐ ᒋᓴᒪᓂᑐᐛ ᐅᑦ ᐊᐱᒋᐊᑭᓂᑐᑕᑯᐤ᙮ ᒥᓯᐛ ᒐᒂᔪᐤ ᒋᓴᒪᓂᑐᐤ ᔅᒋ ᒥᔨᑯᐛᐤ ᒐᒋ ᑎᐱᔨᐛᐅᓯᐛᒄ᙮

1 ᑯᕆᓐᑎᔭᓇ 5:6

ᓇᒪ ᓇᔅᒡ ᐃᓯᓇᑯᓐ ᒋᒋᐛ ᒐᒋ ᐃᑕᔨᒥᓱᔭᒄ᙮ ᒋ ᒋᔅᒐᔨᑕᓇᐛᐤ ᐊᐱᓯᔅ ᑲᐅᐱᔨᒡ ᐊ ᐱᔅᑎᓂᑭᓄᐅᒡ ᐸᒂᓯᑭᓂᒡ ᒥᓯᐛ ᐊ ᐃᔅᐱᑎᑦ ᐊᓐ ᐸᒂᓯᑭᓐ ᐅᐱᔪᐤ᙮

2 ᑯᕆᓐᑎᔭᓇ 11:18

ᒧᔭᒻ ᐊ ᓂᔅᐱᑕᐅᒂᐤ ᐊᐛᓐᒋ ᐅᑕ ᐊᔅᒋᒡ ᑲ ᓂᓇᐸᐅᒧᒡ ᓂᑭ ᐃᑎᓐ, ᓇᔅᒡ ᑲ ᓂᓇᐸᐅᒧᒡ ᑕᓐ ᐊ ᐃᑎᒡ᙮

ᐱᓕᐱᔭᓇ 3:3

ᒋᔭᓄᐤ, ᐊᐅᒄ ᑕᑈ ᐛ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ, ᒋᔭᓄᐤ ᐅᑦ ᐊᒐᒂ ᑲ ᐎᒋᐃᑎᑕᐧᑯ ᐊ ᐊᔭᒥᐊᔅᑐᐛᐧᒄ ᑭᔭ ᒋ ᒋᔅᑕᔨᑕᑯᐊᓄᐤ ᙭ ᒋᓴᔅ ᐎᔾ ᐊᒋ ᐃᑐᑕᑕᐧᒄ ᒐᒋ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ᙮ ᓇᒪᐎᔾ ᐅᔅᒋᒡ ᒥᔭᒡ ᑕᓐ ᐊ ᐃᑐᑕᓱᔭᐧᒄ ᒋᑭ ᒋ ᐅᒋ ᒪᒥᒋᒧᓇᓄᐤ᙮

2 ᐱᑕᕐ 2:19

ᐊᔨᒧᑎᒧᐛᐅᒡ ᐊᐛᔪᐛ ᐎᐧᑯᒋᐃᑯᓯᐅᓂᔪᐤ᙮ ᐎᔨᐛᐤ ᒪᒃ ᓇᔅᒡ ᑕᑈ ᑎᑯᓂᔪᐤ ᑕᓐ ᐊ ᐃᓯ ᒪᒋᒂᐱᐧᑲᑎᑯᒡ ᒥᒋᐃᑐᐅᓂᔪᐤ, ᐛᔅ ᒥᒄ ᒐᒂᔪᐤ ᐊ ᓴᐧᑯᒋᐃᑯᑦ ᐊᐛᓐ ᐊᐅᑯᓐ ᐊᓂᔭ ᑕᐸᔨᒥᑯᑦ᙮