ᑲᓚᓯᔭᓇ 6:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᓐᒡ ᑲ ᐎ ᓯᒋᒥᑕᑯᒡ ᒐᒋ ᒋᔅᒋᓄᐛᒋᐃᑕᑯᒡ ᒥᒄ ᐎ ᓄᑯᐃᓱᐅᒡ ᐊ ᓂᓇᐃᑕᒡ ᒍᐤ ᐊᔭᒥᐊᐅ ᐎᓱᐛᐅᓇ ᑭᔭ ᓂᑐᐛᔨᑎᒧᒡ ᒐᒋ ᒥᔽᒋᒪᑭᓄᐎᒡ᙮ ᐊᔪᐅᒄ ᐅᔭ ᐊ ᐃᑎᒡ ᒐ ᐊᑲ ᒋ ᓂᓇᐧᑲᑕᔨᒧᐊᑭᓄᐎᒡ ᐊ ᐊᔨᒧᒪᒡ ᙭ᑕ ᐅᒋᐱᔭᑎᑯᒥᔪᐛ᙮

ᑲᓚᓯᔭᓇ 6:12 Iomraidhean Croise

ᒪᑎᔪᐤ 23:27

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᑲ ᒋᔅᑯᑎᒪᒐᔭᒄ ᐎᓱᐛᐅᓐ ᑭᔭ ᒋᔨᐛᐤ ᐸᕆᓯᔨᒡ ᒥᒄ ᑲ ᐊᔭᒥᐊᐧᑲᓱᔭᒄ᙮ ᒧᔭᒻ ᒋᐱᐃᒋᐛᑉ ᐊᓐᑕ ᐅᔅᒡ ᓇᔅᒡ ᐊ ᒥᔪᓇᑯᑕᑭᓄᐅᒡ ᐊᑯ ᒥᒄ ᐊᓐᑕ ᐱᒡ ᐱᓯᒄ ᓂᐳᐅᓐ ᑭᔭ ᐊ ᐎᓇᒡ ᒐᒂᓐ ᐊ ᐃᓯᓇᒂᒡ ᐊᑯᓐ ᐊ ᐃᑕᔨᑕᑯᓯᔭᒄ ᒋᐱᒪᑎᓯᐅᓄᐛᒡ᙮

ᒪᑎᔪᐤ 23:28

ᐊᑯᓐ ᑕᑈ ᒧᔭᒻ ᐊ ᐃᓯᓇᑯᓯᔭᒄ᙮ ᓇᔅᒡ ᒋ ᒥᔪᓇᑯᓯᓇᐛᐤ ᐅᔅᒡ ᐊᓐᑕ ᐊ ᑭᓄᐛᐱᒥᑯᐅᔭᒄ ᒥᒄ ᐱᒡ ᐊᓐᑕ ᒋᔭᐛᒡ ᐱᓯᒄ ᐊᔭᒥᐊᐧᑲᓱᐅᓐ ᑭᔭ ᒥᒋᑐᑎᒧᐅᓐ ᒋᑦ ᐃᓯᓇᑯᓯᓇᐛᐤ᙮”

ᒪᑎᔪᐤ 23:5

ᒥᓯᐛ ᒐᒂᔪᐤ ᑲ ᑐᑕᒡ ᐅᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐸᕆᓯᔨᒡ ᐱᑯᓴᔨᑎᒧᒡ ᒥᓯᐛ ᐊᐛᔪᐛ ᒐᒋ ᐛᐱᒥᑯᒡ᙮ ᐊᓂᔭ ᐊ ᐃᑕᔅᐱᓱᒡ ᑭᔭ ᐊ ᑕᐱᔅᑲᒡ ᒥᐅᑎᓯᔪᐤ ᒋ ᐱᑯᓴᔨᒧᐅᒡ ᒐᒋ ᐃᑕᔨᒥᑯᒡ ᐊᐛᔪᐛ ᓇᔅᒡ ᐊ ᐊᔭᒥᐊᐛᑎᓯᒡ᙮

ᒪᑎᔪᐤ 5:10

ᓱᐛᔨᑕᑯᓱᐅᒡ ᐊᓐᒡ ᑲ ᓂᓇᐧᑲᒋᐊᑭᓄᐎᒡ ᐊᓂᔭᔪᐤ ᐊ ᑯᐃᔅᑯᑕᑎᓯᒡ ᐛᔅ ᐊᔭᐅᒡ ᒋᒋᒋᓯᒄ ᒋᓴᐅᒋᒪᐅᓂᔪᐤ᙮”

ᒪᑎᔪᐤ 6:16

“ᒪᒃ ᐃᔅᐱ ᐊᑲ ᐅᑎᓂᒪᒂ ᒥᒋᒻ ᒥᒄ ᐊ ᐎ ᐊᔭᒥᐊᔭᒄ, ᐊᑲᐎᔾ ᓂᔅᐱᑕᐧᑯᒡ ᑲ ᐊᔭᒥᐊᐧᑲᓱᒡ᙮ ᐊᒪᒋᒂᔨᒡ ᒐᒋ ᐛᐱᒥᑯᒡ ᐃᔪᐛ ᐊ ᐊᑲ ᒥᒋᓱᒡ ᒥᒄ ᐅᓴ ᐊ ᐊᔭᒥᐊᒡ᙮ ᑕᑈ ᒋᑦ ᐃᑎᓇᐛᐤ ᓴᔅ ᒋ ᒥᔭᑭᓄᐎᒡ ᐅᑎᐸᐊᒪᑯᓯᐅᓄᐛᐤ᙮

ᒪᑎᔪᐤ 6:2

“ᑭᔭ ᐊ ᒥᔨᑦ ᐊᐛᓐ ᒐᒂᔪᐤ ᐊ ᐃᓯ ᓄᑕᐱᔨᑦ, ᐊᑲᐎᔾ ᐃᑐᑕ ᐅ ᒥᓯᐛ ᐊᐛᓐ ᒐᒋ ᒋᔅᒐᔨᑕᐧᒃ, ᐛᔅ ᐊᓐᒡ ᐎᔨᐛᐤ ᑲ ᐊᔭᒪᐊᐧᑲᓱᒡ ᓇᔅᒡ ᐎ ᑲ ᒐᔅᒐᔨᑕᑯᐅᒡ ᑕᓐ ᐊ ᐃᓯ ᒥᔪᑐᑕᒡ᙮ ᒥᒄ ᐊ ᐃᑕᔨᑎᒥᐃᑯᒡ ᒐᒋ ᒪᒥᒋᒥᑯᒡ ᐊᐛᔪᐛ᙮ ᑕᑈ ᒋ ᐎᑎᒪᑎᓇᐛᐤ, ᓴᔅ ᒋᓴᒡ ᒥᔭᑭᓄᐎᒡ ᐅᑎᐸᐊᒪᑯᓯᐅᓄᐛᐤ᙮

ᒪᑎᔪᐤ 6:5

“ᑭᔭ ᐊ ᐊᔭᒥᐊᔭᑯ, ᐊᑲᐎᔾ ᒋᑭ ᓂᔅᐱᑐᐛᐛᐅᒡ ᐊᓐᒡ ᑲ ᐊᔭᒥᐊᐧᑲᓱᒡ᙮ ᐛᔅ ᓇᔅᒡ ᒥᔽᔨᑎᒧᒡ ᐊ ᓇᓂᐳᐅᒡ ᐊ ᐊᔭᒥᐊᒡ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᐊᓐᑕ ᓴᓯᑲᓐ ᒥᓯᐛ ᐊᐛᔪᐛ ᒐᒋ ᐛᐱᒥᑯᒡ᙮ ᒋ ᐎᑎᒪᑎᓇᐛᐤ ᓴᔅ ᐅᒡ ᐊᔭᐅᒡ ᐅᑎᐸᐊᒪᑯᓯᐅᓄᐛᐤ᙮

ᓗᒃ 16:15

ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᓯᓇᑯᐃᑎᓱᓇᐛᐤ ᒧᔭᒻ ᐊ ᑯᐃᔅᑯᑕᑎᓯᔭᒄ ᐊᓐᑕ ᐅᑎᔅᑯᐤ ᐃᔪᒡ ᐊ ᑕᒡ, ᒥᒄ ᒪᒃ ᒋᓴᒪᓂᑐᐤ ᒋᔅᒐᔨᑎᒻ ᑕᓐ ᒋᒋᐛ ᐊ ᐃᑕᔨᑕᑯᓯᔭᒄ᙮ ᐛᔅ ᐊᓂᔭᔪᐛ ᒐᒂᔪᐛ ᒋᒋᐛ ᑲ ᐃᑕᔨᑎᒥᐃᑯᒡ ᐊᐛᓐᒋ ᒋᓴᒪᓂᑐᐤ ᐛᐧᑲᑎᒻ ᐊᓂᔭᔪᐛ᙮”

ᓗᒃ 20:47

ᐅᑎᓂᒧᐛᐅᒡ ᑭᔭ ᒥᓯᐛ ᑕᓐ ᐊ ᐃᓯ ᑎᐱᔨᐛᐅᓯᔨᒋ ᑲ ᐸᐸᐃᑯᓯᔨᒋ ᐃᔎᐛ ᑭᔭ ᐊ ᐊᔭᒥᐊᒡ ᓇᐅᔅ ᐊᔭᒥᐊᐅᒡ, ᒥᒄ ᒪᒃ ᐊᔭᒥᐊᐧᑲᓱᒡ ᐅᔭ ᐊ ᐃᑎᒡ᙮ ᐊᐅᑯᓐᒡ ᒪᒃ ᐅᒡ ᐃᐛᒃ ᒐ ᐊᒂᑕᔨᑕᑯᓂᔨᒡ ᑕᓐ ᒐ ᐃᓯ ᑎᐸᔅᑯᓂᑯᒡ ᒋᓴᒪᓂᑐᐛ᙮”

ᒠᓐ 7:18

ᐊᓐ ᐊᐛᓐ ᒥᒄ ᐎᔾ ᑕᓐ ᐊ ᐃᑕᔨᑕᐧᒃ ᑲ ᐃᓯ ᐎᑕᐧᒃ ᒐᒂᔪᐤ, ᓂᑐᐛᔨᑎᒻ ᐎᔾ ᒐᒋ ᒋᔅᑕᔨᒪᑭᓄᐅᑦ᙮ ᐊᑯ ᐊᓐ ᐊᐛᓐ ᑲ ᓂᑐᐛᔨᑕᐧᒃ ᒐᒋ ᒋᔅᑕᔨᒪᑭᓄᔨᒋ ᐊᓂᔭ ᑲ ᐸᒋ ᐃᑎᓴᐅᑯᑦ ᑯᐃᔅᒄ ᐃᑐᐤ ᑭᔭ ᓇᒪ ᓇᔅᒡ ᑎᑯᓂᔪᐤ ᐎᔭᓯᐃᐛᐅᓂᔪᐤ ᐊᓐᑕ ᐊ ᑕᑦ᙮

ᐊᑈᔅᑕᓇᒡ 15:1

ᐱᔅᒐ ᒪᒃ ᓇᐸᐅᒡ ᐊᓐᑕ ᒍᑎᔭ ᐊᔅᒋᒡ ᒋ ᐅᑐᑕᐅᒡ ᐊᓐᑕ ᐊᓐᑎᔭᑭᒡ ᑲ ᐱᒐᒡ ᑲ ᐊᑎ ᒋᔅᒋᓄᐊᒧᐛᒡ ᐊᓂᔭᔪᐛ ᑲ ᑕᑈᑎᒥᔨᒋ ᐊᓐᑕ ᑲ ᑕᔨᒋ, ᐊ ᐃᑕᒡ, “ᓇᒪ ᒋᑭ ᒋ ᐱᒪᒋᐅᓇᐛᐤ ᐸᑐᔅ ᒋᔅᒋᓄᐛᒋᔄᑯᔭᒂ ᐛᔅ ᐊᐅᑯᓐ ᐊᑎᔅᑕᒡ ᐊᓐᑕ ᒧᓱᔅ ᐅᐎᓱᐛᐅᓂᒡ᙮”

ᐊᑈᔅᑕᓇᒡ 15:5

ᒥᒄ ᒪᒃ ᐱᔅᒐ ᐊᓐᒡ ᐸᕆᓯᔨᒡ ᑲ ᑕᑈᑕᒡ, ᐃᔅᐱ ᐱᔭᑐᐛᒡ ᑈᓚ ᐊ ᐎᑎᒥᔨᒋ ᐊ ᑕᑈᑎᒥᔨᒋ ᐊᓂᔭᔪᐛ ᐊᑲ ᒍᐤ ᑲ ᐃᑎᔅᑲᓇᓯᔨᒋ, ᒋ ᐅᒋ ᐱᓯᑯᐅᒡ ᐊ ᐃᔅᒋᔄᒡ, “ᐃᑕᔨᑕᑯᓂᔪᐤ ᑭᑈ ᐊᓐᒡ ᑲ ᑕᑈᑕᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᒋᔅᒋᓄᐛᒋᔄᑭᓄᐎᒡ ᑭᔭ ᐎᔨᐛᐤ ᑭᔭ ᒋᐸ ᐃᑕᑭᓄᐎᒡ ᒐᒋ ᓂᓇᐃᑎᒺᒡ ᒧᓱᓴ ᐅᐎᓱᐛᐅᓂᔪᐤ᙮”

2 ᑯᕆᓐᑎᔭᓇ 10:12

ᓇᒪ ᓂ ᐎ ᐃᑎᓇᓐ ᑕᓐ ᐊ ᐃᑎᒡ ᐊᓐᒡ ᐊᐛᓐᒋ ᓇᔅᒡ ᒋᒋᐛ ᑲ ᐃᑕᔨᒥᓱᒡ᙮ ᒧᔭᒻ ᓇᔅᒡ ᐎᔨᐛᐤ ᐃᐛᒃ ᐊ ᐃᑕᔨᑕᑯᓯᒡ ᐊ ᐃᑕᔨᑕᑯᓯᔨᒋ ᑯᑎᑲ ᐊᐛᔪᐛ ᐊᑯᓐ ᐊ ᐃᑕᔨᒥᓱᒡ᙮ ᓇᔅᒡ ᑭᔭ ᑲ ᑭᓄᐛᐱᒥᑐᒡ ᑕᐱᑐᐤ ᒐᒋ ᐃᑕᔨᑕᑯᓯᒡ᙮ ᐊᔪᐛᒡ ᒪᒃ ᓇᒪ ᐃᑕᔨᑎᒧᒡ ᐊᓂᔭ ᑲ ᐃᑎᒡ᙮

2 ᑯᕆᓐᑎᔭᓇ 11:13

ᓇᒪᔭᐅᒡ ᐅᒡ ᒋᒋᐛ ᐊᑈᔅᑕᓇᒡ᙮ ᒧᔭᒻ ᑕᑈ ᐊᑈᔅᑕᓇᒡ ᐊ ᐊᑐᔅᑯᐛᒡ ᒋᓴᔅ ᙭ᑕ ᐎ ᐃᑕᔨᑕᑯᐃᓱᒡ ᐅᒡ ᒥᒄ ᒪᒃ ᑭᑭᒋᔭᐅᒡ ᑭᔭ ᐎᔭᓯᐃᐛᐅᒡ᙮

ᑲᓚᓯᔭᓇ 2:14

ᐎᔭᐱᒥᒂᐤ ᒪᒃ ᐊᑲ ᑯᐃᔅᒄ ᐃᑎᒡ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ ᑲ ᑕᑈᒥᑭᓂᔨᒡ ᓂᒋ ᐊᓏᔨᒪᐤ ᐱᑕᕐ ᒥᓯᐛ ᐊᓂᔭᔪᐛ ᑲ ᑕᑈᑎᒥᔨᒋ ᐊ ᓂᑐᑎᒥᔨᒋ᙮ ᓂᒋ ᐃᑕᐤ, “ᒍᐤ ᒋᑦ ᐃᑎᔅᑲᓇᓯᓐ᙮ ᒥᒄ ᒪᒃ ᓇᒪ ᒥᓯᐛ ᒋ ᓂᓇᐃᑕᓐ ᒍᐤ ᐊᔭᒥᐊᐅ ᐎᓱᐛᐅᓇ᙮ ᒐᒂᓐ ᒪᒃ ᐛᒋ ᓯᒋᒥᑥᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒍᐤ ᐊᔭᒥᐊᐅ ᐎᓱᐛᐅᓇ ᒐᒋ ᓂᓇᐃᑕᒡ᙮”

ᑲᓚᓯᔭᓇ 2:3

ᑕᐃᑕᔅ ᒪᒃ, ᐊᓐ ᑲ ᐸᒋ ᐎᒐᐅᑦ ᐊᓐᑕ ᐊᑲᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊᑯᑕ ᐛᒋᑦ᙮ ᓇᒪ ᒍᐤ ᐃᑎᔅᑲᓇᓱᐤ᙮ ᐊᑎ ᒪᒃ ᐊᑲ ᒍᐤ ᐊ ᐃᑎᔅᑲᓇᓯᑦ ᓇᒪ ᐅᒋ ᐊᔨᐧᑭᒥᐃᑯᐤ ᐊᓂᔭᔪᐛ ᑲ ᓂᑲᓂᐊᑭᓄᔨᒋ ᒐᒋ ᒋᔅᒋᓄᐛᒋᔄᑭᓄᐅᑦ᙮

ᑲᓚᓯᔭᓇ 5:11

ᓂᐧᑲᓂᓯᑐᒄ, ᑕᐅᒡ ᐊᐛᓐᒋ ᐊ ᐃᔅᒋᔄᒡ ᐊ ᐃᔅᒋᔄᐅᒡ ᐊ ᓂᑐᐛᔨᑕᑯᓂᔨᒡ ᒐᒋ ᒋᔅᒋᓄᐛᒋᔄᑭᓄᐅᑦ ᐊᐛᓐ᙮ ᓇᒪ ᒪᒃ ᐅ ᓂᑦ ᐃᓯ ᑭᒐᔅᒋᒧᓐ᙮ ᐊᓂᔭ ᐊ ᐛᐎᑎᒧᒡ ᒋᓴᓴ ᐊᒋ ᓂᐱᔨᒋ ᒋᐱᔭᑎᑯᒡ ᐊᓐᑕ ᐅᑯᐃᔅᑯᑕᑎᓯᐤ ᒐᒋ ᐃᓯ ᑭᓄᐛᐱᒥᑕᒄ ᒋᓴᒪᓂᑐᐤ ᐊᐅᒄ ᐊᓂᔭ ᐛᒋ ᒋᔄᓯᒡ ᐊᐛᓐᒋ᙮ ᐊᐅᒄ ᐊᓂᔭ ᐛᒋ ᓂᓇᐧᑲᑕᔨᒧᐃᒡ᙮

ᑲᓚᓯᔭᓇ 6:13

ᓇᒪ ᐛᐛᒡ ᓂᓇᐃᑎᒧᒡ ᒍᐤ ᐊᔭᒥᐊᐅ-ᐎᓱᐛᐅᓇ ᐊᓐᒡ ᑲ ᐱᔅᑎᓂᓱᒡ ᒐᒋ ᒋᔅᒋᓄᐛᒋᔄᑭᓄᐎᒡ᙮ ᒋ ᓂᑐᐛᔨᒥᑯᐛᐅᒡ ᒐᒋ ᒋᔅᒋᓄᐛᒋᐃᑕᑯᒡ ᒥᒄ ᒐᒋ ᒪᒥᒋᒧᒡ ᑭᔭ ᒋᔨᐛᐤ ᐊᒋ ᐃᑐᑕᑕᑯᒡ ᒐᒋ ᒋᔅᒋᓄᐛᒋᐃᑯᐅᐛᒄ᙮

ᐱᓕᐱᔭᓇ 1:15

ᑕᑈ ᒋᐸ ᑕᐅᒡ ᐊᐛᓐᒋ ᒥᒄ ᐊ ᐅᑕᔨᒥᒡ ᒪᒃ ᐊ ᐎ ᒪᒥᒋᐱᔨᒡ ᐊᐅᒄ ᐛᒋ ᐊᔨᒧᒪᒡ ᙭ᑕ᙮ ᐊᑯ ᑯᑎᑭᒡ ᓱᒃ ᐛᐎᑎᒧᒡ ᒥᔽᒋᒧᐅᓂᔪᐤ ᑯᐃᔅᒄ ᐊ ᐃᑎᒡ᙮

ᐱᓕᐱᔭᓇ 2:4

ᓇᒪ ᒥᒄ ᑭᔭ ᒋᐸ ᐅᒋ ᓂᓇᑭᑐᐛᔨᒥᓱᓐ ᑯᑎᑭᒡ ᑭᔭ ᐊᐛᓐᒋ ᒋᐸ ᓂᓇᑭᑐᐛᔨᒪᐅᒡ᙮

ᐱᓕᐱᔭᓇ 3:18

ᐊᑎ ᓴᔅ ᒥᒐᑥᐤ ᐊᒋ ᐎᑎᒪᑎᑯᒡ ᐅ, ᒥᓐ ᒋ ᐎᑎᒪᑎᓇᐛᐤ᙮ ᓄᐅᒋᑯᐛᐱᓐ ᒪᒃ ᐊ ᐎᑎᒪᑎᑯᒡ᙮ ᒥᒐᑦ ᐃᓯ ᐱᒪᑎᓯᐅᒡ ᐊᑲ ᐊᐱᑕᔨᑕᒡ ᐊᓂᔭᔪᐤ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ ᒋᐱᔭᑎᑯᒡ ᐊᒋ ᓂᐸᐊᑭᓄᔨᒋ᙮

ᑯᓚᓯᔭᓇ 2:23

ᒧᔭᒻ ᒋᐸ ᑭᒐᑕᐛᔨᑕᑯᓇ ᐊᐅᑯᓐ ᐊ ᐃᑕᔨᑕᒂᒋ ᐅᔭ ᒋᔅᑯᑎᒪᒐᐅᓇ᙮ ᐊᑯᑕ ᐊᓐᑕ ᐛᑎᒪᑯᔭᒄ ᑕᓐ ᒋᐸ ᐃᑎᓇᐛᐤ ᐊ ᐊᔭᒥᐊᔅᑐᒄ ᐊᐛᓐ᙮ ᑭᔭ ᒋ ᐎᑎᒪᑯᓇᐛᐤ ᑕᓐ ᒐ ᐃᑎᔭᒄ ᒐᒋ ᐃᑕᔨᒥᑕᑯᒡ ᐊᐛᓐᒋ ᐊ ᑎᐱᑕᔨᒥᓱᔭᒄ᙮ ᑭᔭ ᒋ ᐎᑎᒪᑯᓇᐛᐤ ᒐ ᐊᑲ ᒋ ᒥᓇᒋᑕᔭᒄ ᒋᔪᐛᐛ᙮ ᒥᒄ ᒪᒃ ᓇᒪ ᓇᔅᒡ ᒋ ᐎᒋᐃᑯᓇᐛᐤ ᐅᔭ ᒋᔅᑯᑎᒪᒐᐅᓇ ᒐᒋ ᓇᑲᐅᑯᔭᒄ ᐊ ᐎ ᒥᒋᑐᑎᒪᒄ᙮