ᑲᓚᓯᔭᓇ 5:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒥᓐ ᓂᑭ ᐃᑕᐤ ᒥᓯᐛ ᐊᐛᓐ ᑲ ᐱᔅᑎᓂᓱᑦ ᒐᒋ ᒋᔅᒋᓄᐛᒋᔄᑭᓄᐅᑦ, ᑭᑈ ᒐ ᓂᑐᐛᔨᑕᑯᓯᑦ ᒥᓯᐛ ᐊᓂᔭᔪᐛ ᒍᐤ ᐊᔭᒥᐊᐅ-ᐎᓱᐛᐅᓇ ᓇᔅᒡ ᒐᒋ ᓂᓇᐃᑕᐧᒃ᙮

ᑲᓚᓯᔭᓇ 5:3 Iomraidhean Croise

ᒪᑎᔪᐤ 23:16

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᒧᔭᒻ ᐊᑲ ᐛᐸᑎᒪᒄ ᑲ ᐃᓯᓇᑯᓯᔭᒄ ᐃᔭᐱᒡ ᒪᒃ ᑲ ᐎ ᒋᔅᒋᓄᑕᐊᑯᒡ ᐊᐛᓐᒋ᙮ ᒋᑦ ᐃᔅᒋᔄᓇᐛᐤ, ‘ᐊᐛᓐ ᓇᔅᒡ ᐊ ᐎ ᑕᑕᑈᑦ ᒐ ᐃᑐᑎᒧᐛᑦ ᒋᓴᒪᓂᑐᐛ ᒐᒂᔪᐤ, ᐊᓐᑕ ᒪᒃ ᒋᓴᐊᔭᒥᐊᐅᒋᐛᐱᒡ ᐊ ᐃᓯ ᑕᑈᑦ ᐊᓂᔭ, ᓇᒪ ᓂᑐᐛᔨᑕᑯᓱᐤ ᔭᐃᑕᔾ ᒐᒋ ᐃᑐᑕᐧᒃ ᐊᓂᔭ ᑕᓐ ᑲ ᐃᔅᒋᔄᑦ ᒐ ᐃᑐᑕᐧᒃ᙮ ᐊᑯ ᐊᐛᓐ ᓇᔅᒡ ᐊ ᐎ ᑕᑕᑈᑦ ᒐ ᐃᑐᑎᒧᐛᑦ ᒋᓴᒪᓂᑐᐛ ᒐᒂᔪᐤ ᐊᓐᑕ ᒪᒃ ᐊᓂᔭᔪᐛ ᐎᔄᐅᓱᓇᔭᐱᔎ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᑕᔨᒋ ᐃᓯ ᑕᑈᒐ ᐅᔭ ᑲ ᐃᔅᒋᔄᑦ, ᐃᑕᔨᑕᑯᓂᔪᐤ ᔭᐃᑕᔾ ᒐᒋ ᐃᑐᑕᐧᒃ ᐊᓂᔭ ᑕᓐ ᑲ ᐃᔅᒋᔄᑦ᙮’

ᒪᑎᔪᐤ 23:18

ᒋᑦ ᐃᔅᒋᔄᓇᐛᐤ ᑭᔭ ᐊᐛᓐ ᓇᔅᒡ ᐊ ᐎ ᑕᑕᑈᑦ ᒐ ᐃᑐᑎᒧᐛᑦ ᒋᓴᒪᓂᑐᐛ ᒐᒂᔪᐤ ᐊᓂᔭᔪᐤ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᐊᔭᒥᐊᐅᒋᐛᐱᒡ ᐅᒋ, ᓇᒪ ᓂᑐᐛᔨᑕᑯᓱᐤ ᔭᐃᑕᔾ ᒐᒋ ᐃᑐᑕᐧᒃ ᐊᓂᔭ ᑲ ᐃᔅᒋᔄᑦ ᒐ ᐃᑐᑕᐧᒃ᙮ ᑭᔭ ᒋᑦ ᐃᔅᒋᔄᓇᐛᐤ, ᐊᓐ ᐊᐛᓐ ᓇᔅᒡ ᐊ ᐎ ᑕᑕᑈᑦ ᒐ ᐃᑐᑎᒧᐛᑦ ᒋᓴᒪᓂᑐᐛ ᒐᒂᔪᐤ ᐊᓐᑕ ᐊᓂᔭ ᒥᔨᐛᐅᓂᔪᐤ ᐊᓐᑕ ᐱᔅᑎᓂᒐᐅᓇᐱᔅᑯᒡ ᑲ ᐊᔅᑕᑭᓄᐎᒡ ᐃᓯ ᑕᑈᑕ ᐃᑕᔨᑕᑯᓂᔪᐤ ᔭᐃᑕᔾ ᒐᒋ ᐃᑐᑕᐧᒃ ᐊᓂᔭ ᑕᓐ ᑲ ᐃᔅᒋᔄᑦ ᒐ ᐃᑐᑕᐧᒃ᙮

ᓗᒃ 16:28

ᐱᑕᑕᒡ ᑕᑎᓯᐅᒡ ᓂᐧᑲᓂᓯᒡ ᐊᓐᑕ ᒋᐸ ᐃᔭᒂᒥᒪᐤ ᒐ ᐊᑲ ᒋ ᐃᓯᓇᑯᓂᔨᒡ ᐊᔅᒄ ᒐᒋ ᑕᔨᒋ ᐅᑕ ᐅᔭᔪᐤ ᐊ ᐃᔅᐱᔅ ᓂᓇᐧᑲᑕᔨᒧᓇᓄᐎᒡ᙮’ ”

ᐊᑈᔅᑕᓇᒡ 15:1

ᐱᔅᒐ ᒪᒃ ᓇᐸᐅᒡ ᐊᓐᑕ ᒍᑎᔭ ᐊᔅᒋᒡ ᒋ ᐅᑐᑕᐅᒡ ᐊᓐᑕ ᐊᓐᑎᔭᑭᒡ ᑲ ᐱᒐᒡ ᑲ ᐊᑎ ᒋᔅᒋᓄᐊᒧᐛᒡ ᐊᓂᔭᔪᐛ ᑲ ᑕᑈᑎᒥᔨᒋ ᐊᓐᑕ ᑲ ᑕᔨᒋ, ᐊ ᐃᑕᒡ, “ᓇᒪ ᒋᑭ ᒋ ᐱᒪᒋᐅᓇᐛᐤ ᐸᑐᔅ ᒋᔅᒋᓄᐛᒋᔄᑯᔭᒂ ᐛᔅ ᐊᐅᑯᓐ ᐊᑎᔅᑕᒡ ᐊᓐᑕ ᒧᓱᔅ ᐅᐎᓱᐛᐅᓂᒡ᙮”

ᐊᑈᔅᑕᓇᒡ 2:40

ᓇᐅᔅ ᒋ ᐃᔨᒪᐊᐤ ᐱᑕᕐ ᐊᓂᔭᔪᐛ ᐃᔪᐛ᙮ ᒋ ᐃᔭᒂᒥᒪᐤ, ᐊ ᐃᑕᑦ, “ᐎᐧᑯᒋᐃᓱᒄ ᒐ ᐊᑲ ᒋ ᐛᐛᓯᐃᑯᐅᔭᒄ ᒋᔨᐛᐤ ᑕᓐ ᒐ ᐃᓯ ᐛᐛᓯᐊᑭᓄᐅᒡ ᐅᒡ ᑲ ᒥᒐᑎᓯᒡ᙮”

ᐊᑈᔅᑕᓇᒡ 20:21

ᐊ ᐎᑎᒧᐅᒂᐤ ᑕᐱᔅᑯᓐ ᒍᐤ ᑭᔭ ᑯᕆᒃ ᑲ ᐃᑎᔅᑲᓇᓯᒡ ᐊ ᓂᑐᐛᔨᑕᑯᓯᒡ ᒐᒋ ᒂᔅᑲᑎᓯᒡ ᒋᓴᒪᓂᑐᐛ ᐊ ᓇᑕᒡ ᑭᔭ ᒐᒋ ᑕᑈᔭᔨᒪᒡ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:25

ᒍᐤ ᐊ ᐃᑎᔅᑲᓇᓯᔨᓐ ᔅᒋ ᒋᔅᒋᓄᐛᒋᔄᑯᐅᓐ ᒐᒋ ᒋᔅᒐᔨᒥᑯᔨᓐ ᒋᓴᒪᓂᑐᐤ ᐊ ᐅᑦ ᐃᔨᒥᑐᑕᔅᒃ᙮ ᓂᓇᐃᑎᒧᑕ ᒋᓴᒪᓂᑐᐤ ᐅᐎᓱᐛᐅᓐ ᒋᑭ ᐎᒋᐃᑯᓐ ᑕᑈ ᒋᔅᒋᓄᐛᒋᔄᐅᓐ᙮ ᐊᑲ ᒪᒃ ᓂᓇᐃᑎᒧᑕ ᐅᐎᓱᐛᐅᓐ ᓇᒪ ᐊᐱᑎᓐ ᐊᒋ ᒋᔅᒋᓄᐛᒋᔄᑯᔨᓐ᙮

ᑲᓚᓯᔭᓇ 3:10

ᐊᔪᐛᒡ ᒪᒃ ᐃᔭᒡ ᐃᔅᐱᔪᒡ ᐊᓐᒡ ᑲ ᓂᓇᐃᑕᒡ ᒍᐤ ᐊᔭᒥᐊᐅ ᐎᓱᐛᐅᓇ ᐊ ᐃᑕᔨᑕᒡ ᐊᑯᑕ ᐅᑯᐃᔅᑯᑕᑎᓯᐅᒡ ᒐᒋ ᐅᒋ ᐃᓯ ᑭᓄᐛᐱᒥᑯᒡ ᒋᓴᒪᓂᑐᐛ᙮ ᒋᑭ ᓂᓱᐅᓇᒋᒪᑭᓄᐎᒡ ᐅᒡ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ, ᓂᓱᐅᓇᒋᒪᑭᓄᐤ ᐊᓐ ᐊᐛᓐ ᐊᑲ ᒧᔅ ᑲ ᓂᓇᐃᑕᐧᒃ ᒥᓯᐛ ᑕᓐ ᐊ ᐃᓯ ᐎᔅᑕᔨᒡ ᒍᐤ ᐊᔭᒥᐊᐅ ᐎᓱᐛᐅᓂᒡ᙮

ᑲᓚᓯᔭᓇ 5:2

ᓂᑐᑐᐅᒄ ᒪ᙮ ᓂᔾ ᑈᓪ ᐅ ᒐ ᐃᑎᑎᑯᒡ᙮ ᐱᔅᑎᓂᓱᔨᓇ ᒐᒋ ᒋᔅᒋᓄᐛᒋᔄᑯᔨᓐ ᐊᑯ ᑭᑈ ᐊ ᐃᓯᓇᒂᒡ ᒧᔭᒻ ᐊᑲ ᐊᐱᑎᓂᔨᒡ ᐊᓂᔭ ᑕᓐ ᑲ ᐃᑐᑎᒪᑕᒄ ᙭᙮

ᑲᓚᓯᔭᓇ 5:6

ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ᑕᑈᔭᔨᒪᒄ᙮

ᐃᐱᓯᔭᓇ 4:17

ᐅ ᒪ ᒋ ᐊᑎ ᐃᓯ ᐎᑎᒪᑎᓇᐛᐤ ᐅᑎᐸᔨᒋᒐᐤ ᐃᔅ ᐊ ᑕᑦ ᐊ ᐃᔭᒂᒥᑎᑯᒡ ᒐ ᐊᑲ ᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᐊᐱᑕᔨᒪᒡ ᒋᓴᒪᓂᑐᐛ᙮ ᐛᔅ ᐊᓂᔭ ᑕᓐ ᐊ ᐃᓯ ᒪᒥᑐᓇᔨᑕᒡ ᓇᒪ ᓇᔅᒡ ᐊᐱᑕᔨᑕᑯᓂᔪᐤ,

1 ᑕᓴᓗᓂᔭᓇ 4:6

ᐊᑲᐎᔾ ᒪᒃ ᐊᐛᓐ ᐅᔭ ᒋᑭ ᐅᒋ ᐎ ᐃᓯ ᐅᓂᑐᑐᐛᐤ ᐎᐧᑲᓂᓴ᙮ ᔅᒋ ᐎᑎᒪᑎᓇᓐ ᓱᒃ ᐊᒋ ᐃᔭᒂᒥᑕᒡ ᐅᑎᐸᔨᒋᒐᐤ ᒐ ᐛᐛᓯᐊᑦ ᒥᓯᐛ ᐊᐛᔪᐛ ᐅᔭ ᑲ ᐃᓯ ᐅᓂᑐᑎᒥᔨᒋ᙮

1 ᒠᓐ 4:14

ᓂᒋ ᐛᐸᑕᓇᓐ ᑭᔭ ᓂᒋ ᐎᑕᓇᓐ ᐅᑕᐎᒪᐤ ᐊᒋ ᐸᒋ ᐃᑎᓴᐛᑦ ᐅᑯᓯᒪᐛ ᒐᒋ ᐱᒪᒋᑕᔨᒋ ᐊᔅᒋᔪᐤ᙮