ᑲᓚᓯᔭᓇ 5:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ ᐊᑲᐎᔾ ᒋᑭ ᐅᒋ ᒋᒋᐛ ᐃᑕᔨᒥᓱᓇᓄᐤ᙮ ᐊᑲᐎᔾ ᒋᑭ ᐅᒋ ᐛᐧᑲᐃᒥᑐᓇᓄᐤ ᑭᔭ ᐊᑲᐎᔾ ᒋᑭ ᐅᒋ ᒥᒧᔅᑕᓂᒧᐛᓄᐅᒡ ᐊᐛᓐᒋ᙮

ᑲᓚᓯᔭᓇ 5:26 Iomraidhean Croise

ᓗᒃ 14:10

ᐅ ᒪᒃ ᒋᐸ ᐃᓯ ᐃᑐᑕᓐ, ᐊᐛᓐ ᐎᓴᒥᔅᒐ ᐊ ᒥᑯᓴᑦ ᐊᓐᑕ ᓂᑐᐎᔾ ᒋᐸ ᐅᐛᑕᔨᑎᓱᓐ, ᑭᔭ ᐊᓐ ᐊᐛᓐ ᑲ ᒥᑯᓴᑦ ᒋᑭ ᒋ ᐃᑎᒄ, ‘ᓂᐎᒐᐛᑭᓐ, ᐊᔅᑎᒻ ᐅᑕ ᐊᑯᑕ ᐸᒋ ᐊᐱᔾ ᐊ ᐅᒋᒪᐅᐱᓇᓄᐅᒡ᙮’ ᑭᔭ ᒥᓯᐛ ᐊᓐᒡ ᐊᐛᓐᒋ ᑲ ᐎᓴᒪᑭᓄᐎᒡ ᒐ ᒋᔅᒐᔨᒥᔅᒡ ᐊ ᒋᔅᑕᔨᑕᑯᓯᔨᓐ᙮

1 ᑯᕆᓐᑎᔭᓇ 3:7

ᓇᒪ ᒪᒃ ᒐᒂᓐ ᐃᑕᔨᑕᑯᓱᐤ ᐊᓐ ᐊᐛᓐ ᑲ ᓂᑕᐅᒋᑕᑦ ᑭᔭ ᐊᓐ ᐊᐛᓐ ᑲ ᓱᒋᔅᑕᑦ ᐊᓂᔭ ᓂᑕᐅᒋᑕᑭᓂᔪᐤ᙮ ᒋᓴᒪᓂᑐᐤ ᐊᐅᒄ ᒋᒋᐛ ᐊ ᐃᑕᔨᑕᑯᓯᑦ ᐊᓐ ᑲ ᐃᑐᑕᐧᒃ ᒐᒋ ᓂᑕᐅᒋᓂᔨᒡ ᐊᓂᔭ ᓂᑕᐅᒋᑕᑭᓂᔪᐤ᙮

ᑲᓚᓯᔭᓇ 5:15

ᐎ ᐃᔭᒂᒥᒄ ᒪᒃ᙮ ᒧᔅ ᒥᒋᐱᔨᐃᑐᔭᒂ ᑭᔭ ᒋᐧᑲᒥᑐᔭᒂ ᐃᔭᒂ ᒋᒋᐛ ᓂᓱᐅᓇᒋᐃᑐᔭᒂ᙮

ᐱᓕᐱᔭᓇ 4:15

ᒋᔨᐛᐤ ᐱᓕᐸᐃᒡ ᑲ ᐅᒋᔭᒄ, ᒋ ᒋᔅᒐᔨᑕᓇᐛᐤ ᐊ ᑎᓯᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋᔨᐛᐤ ᒥᒄ ᐊᒋ ᐛᐎᒋᐃᔭᒄ ᓱᓇᔭᐤ ᐃᔅᐱ ᑲ ᓂᑭᑎᒪᓐ ᒪᓯᑐᓂᔭ᙮ ᒋᔨᐛᐤ ᒥᒄ ᔅᒋ ᐎᒋᐃᓇᐛᐤ ᐅᔅᑭᒡ ᑲ ᐛᐎᑎᒪᓐ ᒥᔽᒋᒧᐅᓐ᙮

ᒋᒥᔅ ᐅᒥᓯᓇᐊᒪᒐᐅᓐ 4:16

ᒥᒄ ᒪᒃ ᒋᒋᐛ ᒋᑦ ᐃᑕᔨᒥᓱᓇᐛᐤ ᑭᔭ ᒋ ᒪᒥᔽᒋᒥᓱᓇᐛᐤ᙮ ᒪᔭᑎᓐ ᐊᓐ ᐊ ᐃᑎᔭᒄ ᐊ ᒪᒥᔽᒋᒥᓱᔭᒄ᙮

1 ᐱᑕᕐ 5:5

ᐊᑯ ᒪᒃ ᒋᔨᐛᐤ ᑲ ᐅᔅᒋᐱᒪᑎᓯᔭᒄ ᒋᐸ ᓂᓇᐃᑐᐛᐛᐅᒡ ᐊᓐᒡ ᑲ ᐎᒋᐃᐛᒡ ᐊ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ᙮ ᒥᓯᐛ ᒪᒃ ᐊ ᑎᓯᔭᒄ, ᒋᐸ ᐊᑐᔅᑲᑐᓇᐛᐤ ᐊ ᑎᐱᑕᔨᒥᑎᓱᔭᒄ ᐛᔅ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ, ᒋᓴᒪᓂᑐᐤ ᓇᒪ ᓇᐃᐱᒪᐤ ᐊᓂᔭ ᒋᒋᐛ ᑲ ᐃᑕᔨᒥᓱᔨᒋ, ᐊᑯ ᐊᓂᔭ ᑲ ᑎᐱᑕᔨᒥᓱᔨᒋ ᒋᓴᐛᑐᑐᐛᐤ᙮