ᑲᓚᓯᔭᓇ 5:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᓴᔅ ᔅᒋ ᒥᔨᑯᓄᐤ ᐱᒪᑎᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ, ᐱᒪᑎᓯᑕᐤ ᒪᒃ ᑕᓐ ᐊ ᐃᓯ ᓂᑐᐛᔨᒥᑕᐧᒄ ᒐᒋ ᐃᓯ ᐱᒪᑎᓯᐛᐧᒄ᙮

ᑲᓚᓯᔭᓇ 5:25 Iomraidhean Croise

ᒠᓐ 6:63

ᒥᒄ ᑲ ᐸᔭᒋᓯᑦ ᐊᒐᐧᒄ ᒥᔨᐛᐤ ᑲᒋᒡ ᐱᒪᑎᓯᐅᓂᔪᐤ, ᓇᒪ ᐎ ᓇᐸᐤ ᒋᑭ ᒋ ᐃᑐᑎᒻ ᐅᔭ᙮ ᔅᒋ ᐎᑎᒪᑎᓇᐛᐤ ᒪᒃ ᑕᓐᑕ ᒐᒋ ᐅᒋ ᐊᔭᔭᒄ ᐅ ᐊᒐᐧᒄ ᐱᒪᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:10

᙭ ᒪᒃ ᐊ ᐱᒋᔅᑲᑕᒄ ᐊᑯᑕ ᐛᒋ ᐃᔅᐱᔨᒡ ᑕᑈ ᒐᒋ ᐱᒪᑎᓯᒡ ᒋᑦ ᐊᒐᐧᑯᐛᐅᒡ ᐛᔅ ᐊ ᑯᐃᔅᑯᑕᑎᓯᐛᒄ ᒋ ᐊᑎ ᐃᓯ ᑭᓄᐛᐱᒥᑯᐛᐤ ᒋᓴᒪᓂᑐᐤ, ᐊᑎ ᐊᓄᒡ ᐊ ᐊᑎ ᓂᐱᒥᑲᒋ ᒋᔪᐛᐛ ᐊᓐ ᐅᒋ ᐊ ᒥᒐᑎᓯᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:2

ᐛᔅ ᒋᓴᒪᓂᑐᐤ ᐅᑦ ᐊᒐᒂ ᒋᑦ ᐃᑐᑕᑭᓄᐤ ᒐᒋ ᐱᒪᑎᓯᔭᐧᒄ ᙭ ᒋᓴᓴ ᐅᒡ᙮ ᐊᐅᒄ ᑲ ᐊᐱᐧᑯᓂᑦ ᑕᓐ ᑲ ᐃᓯ ᑎᐸᔨᒥᑯᐅᒡ ᒥᒐᑎᓯᐅᓂᔪᐤ ᑭᔭ ᓂᐳᐅᓂᔪᐤ᙮

1 ᑯᕆᓐᑎᔭᓇ 15:45

ᒥᓯᓇᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑎᔅᑕᒡ, “ᐊᓐ ᓂᔅᑎᒻ ᓇᐸᐤ, ᐊᑕᒻ, ᒋ ᐅᓯᐊᑭᓄᐤ ᒐᒋ ᐱᒪᑎᓯᑦ᙮” ᐊᓐ ᒪᒃ ᒪᔅᑕᔾ ᐊᑕᒻ ᐊᐅᒄ ᙭, ᐊᒐᐧᑯᐤ ᐎᔾ, ᐎᔾ ᒥᔨᐛᐤ ᐱᒪᑎᓯᐅᓂᔪᐤ᙮

2 ᑯᕆᓐᑎᔭᓇ 3:6

ᐎᔾ ᓂ ᒥᔨᑯᓇᓐ ᑭᔅᒋᐅᓂᔪᐤ ᒐᒋ ᐊᑐᔅᑯᐅᒋᒡ ᐅᔭ ᐊ ᐅᔅᑲᔨᒡ ᓂᔅᑯᒧᐅᓂᔪᐤ ᐊ ᐊᐱᒋᑕᐎᒋᒡ᙮ ᐅ ᒪᒃ ᓂᔅᑯᒧᐅᓐ ᓇᒪᐎᔾ ᐊᓐ ᐎᓱᐛᐅᓐ ᑲ ᒥᓯᓇᐃᑭᓄᐅᒡ ᒐ ᓂᓇᐃᑕᑭᓄᐅᒡ, ᑲ ᐸᔭᒋᓯᑦ ᐊᒐᐧᒄ ᐊᐅᒄ ᒋᐸ ᓂᓇᐃᑐᐛᑭᓄᐤ᙮ ᐛᔅ ᐊᐛᓐ ᐊᑲ ᓂᓇᐃᑕᐧᒃ ᑕᓐ ᐊ ᐃᑎᔅᑕᔨᒡ ᐊᓂᔭ ᐎᓱᐛᐅᓂᔪᐤ ᓂᐳᐅᓂᔪᐤ ᒋᑭ ᐅᑎᑕᐅᑯᐤ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᐱᒪᑎᓯᐅᓂᔪᐤ ᒥᔨᐛᐤ ᐎᔾ᙮

ᑲᓚᓯᔭᓇ 5:16

ᐅ ᒪᒃ ᒥᓐ ᒋ ᐎᑎᒪᑎᓇᐛᐤ᙮ ᐱᔅᑎᓐ ᑲ ᐸᔭᒋᓯᑦ ᐊᒐᐧᒄ ᒐᒋ ᐛᐸᑎᔨᔅᒃ ᑕᓐ ᒐ ᐃᓯ ᐱᒪᑎᓯᔨᓐ, ᐊᑯ ᑭᔭ ᓇᒪ ᒋᑭ ᐅᒋ ᐃᑐᑕᓐ ᐊᓐ ᒥᒋᑥᐅᓐ ᐛ ᐃᑐᑎᒥᓐ᙮

ᐱᓕᐱᔭᓇ 3:3

ᒋᔭᓄᐤ, ᐊᐅᒄ ᑕᑈ ᐛ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ, ᒋᔭᓄᐤ ᐅᑦ ᐊᒐᒂ ᑲ ᐎᒋᐃᑎᑕᐧᑯ ᐊ ᐊᔭᒥᐊᔅᑐᐛᐧᒄ ᑭᔭ ᒋ ᒋᔅᑕᔨᑕᑯᐊᓄᐤ ᙭ ᒋᓴᔅ ᐎᔾ ᐊᒋ ᐃᑐᑕᑕᐧᒄ ᒐᒋ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ᙮ ᓇᒪᐎᔾ ᐅᔅᒋᒡ ᒥᔭᒡ ᑕᓐ ᐊ ᐃᑐᑕᓱᔭᐧᒄ ᒋᑭ ᒋ ᐅᒋ ᒪᒥᒋᒧᓇᓄᐤ᙮

1 ᐱᑕᕐ 4:6

ᐊᐅᒄ ᒪᒃ ᐅ ᐊᔪᐤ ᐊᓐᒡ ᑲ ᓂᐱᒡ ᐛᒋ ᐛᐎᑎᒧᐛᑭᓄᐅᒡ ᐅᔭ ᒥᔽᒋᒧᐅᓂᔪᐤ ᒐᒋ ᑎᐸᔅᑯᓇᑭᓄᐎᒡ ᐊᓂᔭ ᑕᓐ ᑲ ᐃᓯ ᐱᒪᑎᓯᒡ ᒥᓯᐛ ᐊᐛᔪᐛ ᑕᓐ ᐊ ᐃᓯ ᑎᐸᔅᑯᓇᑭᓄᔨᒋ, ᒋ ᐛᐎᑎᒥᒧᐛᑭᓄᐎᒡ ᐅᔭ ᒥᔽᒋᒧᐅᓂᔪᐤ ᒐᒋ ᐊᔭᒡ ᐊᒐᐧᒄ ᐱᒪᑎᓯᐅᓂᔪᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᒋᔅᒐᔨᑕᑯᑕᒐᐅᓐ 11:11

ᒥᒄ ᒪᒃ ᐃᔅᐱ ᐎᒪᐱᔨᒂᐛ ᐊᓂᔭᔪᐛ ᓂᔅᑐ ᒋᓯᑲᐛ ᒪᒃ ᐳᔅᒄ, ᐊᑯ ᒋᓴᒪᓂᑐᐤ ᒐ ᒥᔭᑦ ᔭᔭᐅᓂᔪᐤ ᐊᓂᔭᔪᐛ ᐊ ᓂᓯᔨᒋ, ᐊᑯ ᒐ ᐅᒋ ᐱᓯᑯᔨᔨᒋ᙮ ᒥᓯᐛ ᒪᒃ ᐊᐛᓐᒋ ᒐ ᐛᐱᒪᒡ ᓇᔅᒡ ᒋᑭ ᓴᒋᓱᐅᒡ᙮