ᑲᓚᓯᔭᓇ 5:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐃᔭᐱᒡ ᒪᒃ ᒋ ᒐᔅᑎᓇᑕᔨᒥᑎᓇᐛᐤ ᐅᑎᐸᔨᒋᒐᐤ ᐅᒋ ᒧᔭᒻ ᓂᔾ ᐊ ᐃᓯ ᑭᓄᐛᐸᑎᒪᓐ ᒐᒋ ᐃᓯ ᑭᓄᐛᐸᑎᒪᒄ ᑭᔭ ᒋᔨᐛᐤ᙮ ᐊᓐ ᒪᒃ ᐊᐛᓐ ᑲ ᒥᑯᔅᑲᑕᔨᑎᒥᐃᑕᒄ ᓇᔅᒡ ᑲ ᑯᒋᑕᑦ ᐎᔾ ᒐᒋ ᓂᑐᑐᐛᒄ, ᒋᑭ ᐛᐛᓯᐊᑭᓄᐤ᙮

ᑲᓚᓯᔭᓇ 5:10 Iomraidhean Croise

ᐊᑈᔅᑕᓇᒡ 15:24

ᓂ ᒋᔅᒐᔨᒪᓇᓂᒡ ᐱᔅᒐ ᓇᐸᐅᒡ ᐅᑕ ᐊ ᐅᒋᔭᒡ ᐊ ᐅᒋᒡ ᐊᒋ ᓂᑐᐛᐱᒥᑕᑯᒡ ᑭᔭ ᐊᒋ ᒋᔅᑯᑎᒪᑕᑯᒡ ᒐᒂᔪᐤ ᒐᒋ ᐅᒋ ᐊᔨᒪᔨᑎᒪᒄ᙮ ᓇᒪ ᒪᒃ ᓂᔭᓐ ᓂ ᐅᒋ ᐃᑎᓱᒪᓇᓂᒡ ᐊᓂᔭ ᑲ ᐃᑎᒡ᙮

1 ᑯᕆᓐᑎᔭᓇ 5:5

ᐱᔅᑎᓇᐧᒄ ᐊᓐ ᓇᐸᐤ ᐊᓐᑕ ᒥᒋᒥᓂᑐᐛ ᐊ ᑕᔨᒋ ᒐᒋ ᓂᓱᐅᓇᒋᑕᑭᓄᐎᒡ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒡ ᐎᔭᔅ᙮ ᐊᑯ ᒪᒃ ᐅᑦ ᐊᒐᒂ ᒐ ᐱᒪᒋᐊᑭᓄᔨᒋ ᐊᓂᔭ ᐊ ᒋᓯᑲᔨᒡ ᐸᒋ ᑎᑯᓯᓂᔨᒐᓂ ᐅᑎᐸᔨᒋᒐᐛ ᒋᓴᓴ᙮

2 ᑯᕆᓐᑎᔭᓇ 1:15

ᑲ ᐃᔅᐱᔅ ᒋ ᒐᔅᑎᓇᑕᔨᑎᒥᐃᑯᔭᓐ ᒥᓯᐛ ᐅ, ᓂᒋ ᐃᑕᔨᑕᓐ ᒋᔨᐛᐤ ᓂᔅᑎᒻ ᒐᒋ ᒧᐱᔅᑕᑎᑯᒡ᙮ ᐊᑯ ᒪᒃ ᒋᐸ ᓇᐃᐱᔪᐤ ᓂᔄᐤ ᒐᒋ ᐎᒋᐃᑎᑯᒡ᙮

2 ᑯᕆᓐᑎᔭᓇ 10:2

ᓱᒃ ᒋ ᓂᑐᑎᒪᑎᓇᐛᐤ, ᐊᑲᐎᔾ ᐊᔨᐧᑭᒥᐃᒄ ᒐᒋ ᐊᑲ ᒥᓇᑎᓯᔭᓐ ᐅᑎᑎᑯᒐ᙮ ᑕᐸ ᓂᑭ ᐅᒋ ᒥᓇᑎᓯᓐ ᒥᑥᐅᒂᐛ ᐊᓐᒡ ᐊᐛᓐᒋ ᒥᒄ ᓂᔭᓐ ᐊ ᒪᒥᑐᓇᔨᒥᓱᐎᒋᒡ ᑲ ᐃᑕᔨᒥᔨᒥᒡ᙮

2 ᑯᕆᓐᑎᔭᓇ 10:6

ᓂᔅᑎᒻ ᒪᒃ ᒋ ᐎ ᑕᐅᐱᔨᑥᑎᓇᓐ ᒐᒋ ᓄᑯᑕᔭᒄ ᑕᑈ ᐊ ᓂᓇᐃᑐᐛᒄ ᙭᙮ ᐊᑯ ᒪᒃ ᒐ ᐛᐛᓯᐊᒋᒡ ᐊᓐᒡ ᐊᔅᒄ ᐃᔭᐱᒡ ᐊᑲ ᓂᓇᐃᑕᒡ᙮

2 ᑯᕆᓐᑎᔭᓇ 13:10

ᐅ ᒋᑦ ᐃᑎᓯᓇᐊᒪᑎᓇᐛᐤ ᐊᔅᒄ ᒪᒂᒡ ᐅᑕ ᐊ ᑕᔭᓐ ᑭᔭ ᐃᔅᐱ ᒥᓐ ᐛᐱᒥᑎᑯᒐ ᓇᒪ ᒋᑭ ᐅᒋ ᑎᑯᓐ ᒐᒂᓐ ᒐ ᐅᒋ ᒥᔅᑎ ᐊᓏᔨᒥᑎᑯᒡ ᒐᒋ ᓄᑯᑕᔭᓐ ᑕᓐ ᑲ ᐃᓯ ᒥᔨᑯᔭᓐ ᑎᐸᔨᒋᒐᐅᓐ᙮ ᐅᑎᐸᔨᒋᒐᐤ ᓂᒋ ᒥᔨᒄ ᐅᔭ ᑎᐸᔨᒋᒐᐅᓂᔪᐤ ᒐᒋ ᐎᒋᐃᑎᑯᒡ ᓇᒪ ᐎ ᒐᒋ ᓂᑕᐅᑎᑯᒡ᙮

2 ᑯᕆᓐᑎᔭᓇ 2:3

ᐊᐅᑯᓐ ᐛᒋ ᒥᓯᓇᐊᒪᑎᑯᒡ ᐊᓐ ᑲ ᒥᓯᓇᐊᒪᑎᑯᒡ᙮ ᓇᒪ ᓂ ᐅᒋ ᓂᑐᐛᔨᑕᓐ ᒐᒋ ᒥᓯᒪᔨᑎᒥᐃᔭᒄ ᓂᑐᐛᐱᒥᑎᑯᒐ, ᐛᔅ ᒋᔨᐛᐤ ᒋᐸ ᒥᔽᔨᑎᒥᐃᓇᐛᐤ᙮ ᓇᔅᒡ ᓂᒋ ᒋᔅᒐᔨᑕᓐ ᒥᔽᔨᑎᒪᓇ ᑭᔭ ᒋᔨᐛᐤ ᒐ ᒥᔽᔨᑎᒪᒄ᙮

2 ᑯᕆᓐᑎᔭᓇ 2:6

ᓴᔅ ᔅᒋ ᐎᔭᔨᑕᓇᐛᐤ ᑕᓐ ᒐ ᐃᓯ ᐛᐛᓯᐊᑭᓄᐅᑦ᙮ ᐃᔅᐱᔪᐤ ᒪᒃ ᐊᓂᔭ ᑕᓐ ᑲ ᐃᓯ ᐛᐛᓯᐊᑭᓄᐅᑦ᙮

2 ᑯᕆᓐᑎᔭᓇ 5:16

ᓇᒪ ᒪᒃ ᐊᑯ ᐅᔅᒡ ᐊ ᐃᓯᓄᐛᑭᓄᐅᑦ ᐊᐛᓐ ᓂᑦ ᐃᓯ ᑭᓄᐛᐱᒪᓇᓐ᙮ ᐊᐅᑯᓐ ᑲ ᐃᓯ ᑭᓄᐛᐱᒥᒋᒡ ᙭ ᐸᐃᒂᐤ᙮ ᓇᒪᐎᔾ ᐊᑯ ᐊᓐᑕ ᓂᑦ ᐃᓯ ᑭᓄᐛᐱᒪᓇᓐ᙮

2 ᑯᕆᓐᑎᔭᓇ 7:16

ᓂ ᒥᔽᔨᑕᓐ ᒪᒃ ᑕᑈ ᒐᒋ ᑕᑈᐅᒐᔨᒥᑎᑯᒡ ᒐᒋ ᐃᑐᑎᒪᒄ ᒥᓯᐛ ᑕᓐ ᐊ ᐃᑎᓱᒥᑎᑯᒡ᙮

2 ᑯᕆᓐᑎᔭᓇ 8:22

ᐊᐅᒄ ᒪᒃ ᐛᒋ ᐃᑎᓴᐅᒋᒡ ᐅ ᒋᐧᑲᓂᓯᓄᐤ ᒐᒋ ᐎᒐᐛᑦ ᐊᓂᔭ ᑕᐃᑕᓴ᙮ ᒥᒐᑥᐤ ᓂᒋ ᐛᐸᑎᔨᑯᓇᓐ ᑕᑈ ᑭᔭ ᐎᔾ ᐊ ᐎ ᐎᒋᐃᐛᑦ᙮ ᐊᓂᔭ ᒪᒃ ᑕᓐ ᐊ ᐃᓯ ᑕᑈᐅᒐᔨᒥᑕᒄ ᐊᑯ ᐊᑐᐎᔅ ᐛ ᐎᒋᐃᑕᒄ᙮

ᑲᓚᓯᔭᓇ 1:7

ᑕᐸ ᑎᑯᓐ ᑯᑎᒡ ᒥᔽᒋᒧᐅᓐ᙮ ᒥᒄ ᒪᒃ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᒥᑯᔅᑲᑕᔨᑎᒥᐃᑕᑯᒡ, ᐊ ᐎ ᒂᔅᒋᓇᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ᙮

ᑲᓚᓯᔭᓇ 2:4

ᒥᒄ ᒪᒃ ᒋ ᑕᐅᒡ ᓇᐸᐅᒡ ᒋᒧᑦ ᐊᒋ ᐸᒋ ᐱᑕᐱᔪᐅᒡ ᐊᓐᑕ ᐊ ᐃᑕᐅᒋᑦ ᒧᔭᒻ ᐊ ᑕᑈᔭᔨᒪᒡ ᑭᔭ ᐎᔨᐛᐤ ᒋᓴᓴ ᐊ ᐃᑎᒡ᙮ ᓂᒋ ᐎ ᓇᓂᑐ ᒋᔅᒐᔨᒥᑯᓇᓂᒡ ᑕᓐ ᐊ ᐃᓯ ᑎᐸᒋᒥᒋᒋ ᒋᓴᔅ ᙭ᑕ ᐊ ᐎᒐᐅᒥᒋᒋ, ᐊᓐ ᑲ ᐊᐱᐧᑯᓂᔨᒥᑦ᙮ ᐊᔪᐅᒄ ᐅᔭ ᑲ ᐃᑎᒡ ᐊᒋ ᐎ ᐃᑐᑐᐎᒥᒡ ᑲᐤ ᒐᒋ ᒪᒋᒂᐱᐧᑲᑎᑯᔭᒡ ᐎᓱᐛᐅᓐ᙮

ᑲᓚᓯᔭᓇ 2:6

ᐊᓐᒡ ᑲ ᓂᑲᓂᔅᑲᒐᒡ, ᒋᔅᑕᔨᑕᑯᓱᐅᒡ ᒋ ᐃᑕᔨᒪᑭᓄᐎᒡ᙮ ᓇᒪ ᒪᒃ ᒐᒂᓐ ᑕᓐ ᐊ ᐃᑕᔨᒪᑭᓄᐎᒡ ᓂᑦ ᐃᑕᔨᑕᓐ ᓂᔾ ᐎ᙮ ᐛᔅ ᒥᓯᐛ ᐊᐛᔪᐛ ᐸᐃᑯᓄᒡ ᐃᑕᔨᒪᐤ ᐎᔾ ᒋᓴᒪᓂᑐᐤ᙮ ᒋ ᓇᐊᔨᑎᒧᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ, ᓇᒪ ᐅᒋ ᑎᑯᓂᔪᐤ ᐊᑐᐎᔅ ᒐᒋ ᐃᓯ ᐸᒋ ᐎᑎᒧᐅᑥᐤ᙮

ᑲᓚᓯᔭᓇ 3:1

ᒋᔨᐛᐤ ᑲ ᑕᑈᑎᒪᒄ ᑲᓚᓯᔭ ᐊᔅᒋᒡ ᐊ ᑕᔭᒄ ᐊᔪᐛᒡ ᐊᑲ ᐃᑕᔨᑎᒪᒄ᙮ ᐊᐛᓐ ᐛᓴ ᑲ ᐃᓯ ᐎᔭᓯᒥᑕᒄ ? ᓇᔅᒡ ᐃᔭᒂ ᔅᒋ ᐎᑎᒪᑎᓇᐛᐤ ᒋᓴᔅ ᙭ ᐊᒋ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ᙮

ᑲᓚᓯᔭᓇ 4:11

ᒋ ᒥᑯᔅᑲᑕᔨᑎᒥᐃᓇᐛᐤ ᐊ ᒪᒥᑐᓇᔨᒥᑎᑯᒡ᙮ ᒐᔅᑲ ᑲᑭᔭ ᐊᓐ ᑲ ᐃᔅᐱᔅ ᒋ ᒥᔅᑎ ᐊᑐᔅᒐᔭᓐ ᐊ ᐎ ᐎᒋᐃᑎᑯᒡ᙮

ᑲᓚᓯᔭᓇ 4:17

ᓇᔅᒡ ᑕᑈ ᒋ ᐎ ᓇᐊᔨᑎᒥᐃᑯᐛᐅᒡ ᐊᓐᒡ ᐃᔭᒡ ᑲ ᐃᓯ ᒋᔅᑯᑎᒪᒐᒡ᙮ ᒥᒄ ᒪᒃ ᑎᑯᓂᔪᐤ ᑕᓐ ᐊ ᐃᓯ ᐊᑲ ᒧᔭᒻ ᐃᑕᔨᑕᑯᓂᔨᒡ ᑕᓐ ᐛ ᐃᑎᒡ᙮ ᒋ ᐎ ᐃᑐᑕᑯᐛᐅᒡ ᒐ ᐊᑲ ᒋ ᐊᐱᑕᔨᒥᔭᒄ ᓂᔾ, ᐎᔨᐛᐤ ᐃᔭᐱᒡ ᒐᒋ ᓂᑐᑐᐛᑯᒡ᙮

ᑲᓚᓯᔭᓇ 4:20

ᑕᑈ ᓂᐸ ᒥᔽᔨᑕᓐ ᓂᑐᐛᐱᒥᑎᑯᒡ ᐃᔭᒡ ᒐᒋ ᐃᑎᑕᑯᓯᔭᓐ ᐊ ᐃᔨᒥᐃᑎᑯᒡ᙮ ᐛᔅ ᓂ ᒥᑯᔅᑲᑕᔨᑕᓐ ᐊ ᒪᒥᑐᓇᔨᒥᑎᑯᒡ᙮

ᑲᓚᓯᔭᓇ 5:12

ᑭᒪ ᐊᑎᑐᐤ ᒪᑎᓱᓱᒡ ᐊᓐᒡ ᑲ ᒋᔅᒋᓄᐛᒋᔄᑭᓄᐎᒡ, ᐊᓐᒡ ᑲ ᒥᑯᔅᑲᑕᔨᑎᒥᐃᑕᑯᒡ᙮

ᑲᓚᓯᔭᓇ 5:7

ᐊᑎ ᐊᔅᒄ ᓱᒃ ᔅᒋ ᐃᑕᔨᑕᓇᐛᐤ ᐊ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᐛᓐ ᑲ ᐃᑐᑕᑕᒄ ᒐ ᐊᑲ ᒋ ᓂᓇᐃᑎᒪᒄ ᑕᑈᐅᓐ ?

ᑲᓚᓯᔭᓇ 6:17

ᐊᑲᐎᔾ ᐊᐛᓐ ᓂᑭ ᐎ ᓂᓇᐧᑲᒋᐃᒄ᙮ ᑎᑯᓐ ᑕᓐ ᑲ ᐃᓯ ᓂᒪᐃᑯᐅᔭᓐ ᓂᔭᒡ ᙭ ᐅᒋ ᐊ ᐊᑐᔅᑯᐅᒃ᙮

ᐱᓕᐱᔭᓇ 3:15

ᒥᓯᐛ ᒪᒃ ᒋᔭᓄᐤ ᑲ ᓂᔅᑐᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐊᐅᑯᐤ ᒋᐸ ᐃᑕᔨᑕᓇᓄᐤ ᑕᓐ ᑲ ᐃᓯ ᐊᔨᒧᑎᒪᓐ᙮ ᒧᔭᒻ ᐊᑲ ᑕᑈᑐᔭᒂ ᑕᓐ ᑲ ᐃᓯ ᐊᔨᒧᑎᒪᓐ, ᒋᓴᒪᓂᑐᐤ ᒋᑭ ᒥᔪ ᐛᐸᑎᔨᑯᐛᐤ᙮

2 ᑕᓴᓗᓂᔭᓇ 3:4

ᐅᑎᐸᔨᒋᒐᐤ ᒪᒃ ᓂ ᐃᑐᑕᑯᓇᓐ ᒐᒋ ᑕᑈᐅᒐᔨᒥᑕᒡ᙮ ᓂ ᒐᔅᑎᓇᐅᓇᓐ ᐊ ᐃᑐᑎᒪᒄ ᐊᓐ ᑲ ᐃᓯ ᐎᑎᒪᑕᒡ ᑭᔭ ᒧᔅ ᒐ ᐃᑐᑎᒪᒄ᙮

1 ᑎᒧᑎ 1:20

ᐊᑯᑕ ᑲ ᐃᓯ ᓴᐧᑯᒋᐱᑕᑭᓄᐎᒡ ᐃᒥᓇᔭᔅ ᑭᔭ ᐊᓕᒃᓴᓐᑕᕐ᙮ ᒥᒋᒥᓂᑐᐤ ᒪᒃ ᓂᒋ ᐱᔅᑎᓱᐛᑕᐤ ᒐᒋ ᓂᓇᐧᑲᑕᔨᑎᒥᐊᑦ ᐅᔭ᙮ ᐱᑯᓴᔨᑕᑯᓂᔪᐤ ᒪᒃ ᐊᓐᑕ ᒐᒋ ᐅᒋ ᒋᔅᒐᔨᑕᒡ ᒐ ᐊᑲ ᒋ ᐸᔅᑕᒧᒡ᙮

ᐸᐃᓕᒪᓐ 1:21

ᓂ ᒐᔅᑎᓇᐅᓐ ᒪᒃ ᑕᑈ ᒐ ᐃᑐᑎᒥᓐ ᒥᓯᐛ ᐅ ᑲ ᐃᓯ ᐊᔨᒧᑎᒪᑕᓐ ᒐᒋ ᐃᑎᔨᓐ᙮ ᓂ ᒐᔅᑎᓇᐅᓐ ᑭᔭ ᐊᔪᐛᒃ ᐃᔭᐱᒡ ᒐ ᐃᑐᑎᒥᓐ᙮