ᑲᓚᓯᔭᓇ 4:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊ ᐅᑦ ᐊᐛᓯᒥᑐᑕᑕᐧᒄ ᒪᒃ ᒋᓴᒪᓂᑐᐤ, ᒋ ᐸᒋ ᐃᑎᓴᐛᐤ ᐅᑯᓴ ᐅᑦ ᐊᒐᐧᑯᔪᐛ ᒋᑕᐃᓇᒡ᙮ ᐊᓐ ᒪᒃ ᐊᒐᐧᒄ ᐊᐅᒄ ᐊ ᐃᑐᑕᑕᐧᒄ, “ᓄᑕ, ᓄᑕᐎᔾ,” ᒐᒋ ᐃᓯ ᑕᑈᑕᐧᒄ ᒋᓴᒪᓂᑐᐤ᙮

ᑲᓚᓯᔭᓇ 4:6 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:36

ᒋ ᐃᔅᒋᔄᐤ ᒪᒃ, “ᓄᑕ, ᓄᑕᐎᔾ, ᒥᓯᐛ ᒐᒂᓐ ᒋ ᑭᔅᒋᑕᓐ, ᐃᒐᓂᒧᐎ ᐅᒪ ᒥᓂᒂᑭᓐ, ᐊᔪᐛᒃ ᒪᒃ, ᓇᒪᐎᔾ ᓂᔾ ᐊ ᐃᑕᔨᑎᒪᓐ, ᒥᒄ ᒋᔾ ᐊ ᐃᑕᔨᑎᒥᓐ᙮”

ᓗᒃ 11:13

ᐊᑎ ᐊ ᒥᒐᑎᓯᔭᒄ ᐃᔭᐱᒡ ᒋ ᒋᔅᒐᔨᑕᓇᐛᐤ ᒐᒋ ᒥᔪ ᒥᔭᑯᒡ ᒋᑦ ᐊᐛᓯᒧᐛᐅᒡ᙮ ᐊᑐᐎᔅ ᒪᒃ ᒍᑕᐎᐛᐤ ᒋᒋᒋᓯᑯᒡ ᐊ ᑕᑦ ᒋᔅᒐᔨᑎᒻ ᒐᒋ ᒥᔪ ᒥᔨᐛᑦ᙮ ᒥᔽᔨᑎᒻ ᐊ ᒥᔭᑦ ᐊᐛᔪᐛ ᑲ ᐸᔭᒋᓯᔨᒋ ᐊᒐᒂ ᐊᓂᔭ ᑲ ᓂᑐᑎᒪᑯᑦ᙮”

ᓗᒃ 11:2

ᒋᓴᔅ ᒋ ᐃᑕᐤ, “ᒪᐅ ᒐ ᐃᓯ ᐊᔭᒥᐊᔭᒄ, ‘ᓄᑕᐎᓇᓐ, ᒋᒋᒋᓯᑯᒡ ᐊ ᑕᔨᓐ, ᓂᑦ ᐊᔭᒥᐊᓇᓐ ᒋᑦ ᐃᓯᓂᐧᑲᓱᐅᓐ ᐊ ᐸᔭᒋᓯᒥᑲᒡ ᒐᒋ ᒋᔅᑕᔨᑕᑯᑕᑭᓄᐅᒡ᙮ ᒋᒋᓴᐅᒋᒪᐅᓐ ᒋᑭ ᐎ ᐅᑎᒋᐱᔪᐤ᙮ ᒋᑦ ᐃᑕᔨᑎᒧᐅᓐ ᒋᑭ ᐎ ᐃᑐᑕᑭᓄᐤ ᐅᑕ ᐊᔅᒋᒡ, ᒧᔭᒻ ᒋᒋᒋᓯᑯᒡ᙮

ᒠᓐ 14:16

ᓂᑭ ᐊᔭᒥᐊᓐ ᐊ ᓂᑐᑎᒧᐅᒃ ᓄᑕᐎᔾ ᒐᒋ ᐃᑎᓴᐊᒪᑕᒄ ᒥᓐ ᑯᑎᑲ ᐊᐛᔪᐛ ᒐᒋ ᐎᒋᐃᑎᑕᑯ ᑭᔭ ᒧᔅ ᑲᒋᒡ ᒐᒋ ᑕᑦ ᐊᓐᑕ ᐊ ᑕᔭᒄ᙮

ᒠᓐ 15:26

“ᒋᑭ ᐸᒋ ᑎᑯᓯᓐ ᐊᓐ ᐊᐛᓐ ᒐ ᐎᒋᐃᑕᐧᒄ, ᐊᐅᒄ ᑲ ᐸᔭᒋᓯᑦ ᐊᒐᐧᒄ᙮ ᓂᔾ ᓂᑭ ᐸᒋ ᐃᑎᓴᐛᐤ ᐊᓐᑕ ᐅᒋ ᐅᑕᐎᒪᐤ ᐊ ᑕᑦ᙮ ᒋᑭ ᐎᑎᒻ ᑕᑈᐅᓂᔪᐤ᙮ ᓂᔾ ᒪᒃ ᓂᑭ ᐊᔨᒧᒥᒄ᙮

ᒠᓐ 16:7

ᒥᒄ ᒪᒃ ᑯᐃᔅᒄ ᐊ ᐎᑎᒪᑎᑯᒡ ᐃᐛᒃ ᐛᔅ ᐊᓐ ᒋᑭ ᐎᒋᐃᑯᓇᐛᐤ ᐊ ᔅᑐᑕᔭᓐ, ᐛᔅ ᐊᑲ ᔅᑐᑕᔭᓇ ᓇᒪ ᒋᑭ ᐅᒋ ᐸᒋ ᓂᑐᐛᐱᒥᑯᐛᐤ ᐊᓐ ᒐ ᐎᒋᐃᑕᒄ, ᔅᑐᑕᔭᓇ ᒪᒃ ᐊᐅᑯᓐ ᐊᓐ ᒐ ᐸᒋ ᐃᑎᓴᐊᒪᑎᑯᒡ᙮

ᒠᓐ 3:34

ᐊᓐ ᑲ ᐸᒋ ᐃᑎᓴᐅᑯᑦ ᒋᓴᒪᓂᑐᐛ ᐃᔅᒋᔄᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᒐᒋ ᐃᔅᒋᔄᑦ ᑭᔭ ᓇᔅᒡ ᐱᒋᔅᑲᑯᐤ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮

ᒠᓐ 7:39

ᐊᔪᐅᒄ ᐅᔭ ᑲ ᐃᔅᒋᔄᑦ ᒋᓴᔅ ᐊ ᐊᔨᒧᒪᑦ ᑲ ᐸᔭᒋᓯᔨᒋ ᐊᒐᒂ, ᐊᓂᔭ ᒥᓯᐛ ᐊᐛᓐ ᑲ ᑕᑈᑕᐧᒃ ᒐ ᐊᔭᐛᑦ᙮ ᐊᓐᒡ ᑲ ᑕᑈᑕᒡ ᐊᔅᒄ ᓇᒪ ᐅᒋ ᒥᔭᑭᓄᐎᒡ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ ᐛᔅ ᐊᔅᒄ ᓇᒪ ᐅᒋ ᓂᑐᐛᐱᒪᐤ ᒋᓴᔅ ᐅᑕᐎᒪᐛ ᒐᒋ ᒋᔅᑕᔨᑕᑯᐊᑭᓄᐅᑦ᙮

ᐊᑈᔅᑕᓇᒡ 16:7

ᐃᔅᐱ ᐛᑎᑕᒡ ᒪᐃᓯᔭ ᐊᔅᒋᔪᐤ, ᒋ ᐎ ᐱᒐᐅᒡ ᐱᑎᓂᔭ ᐊᔅᒋᒡ ᒥᒄ ᒪᒃ ᒋᓴᓴ ᐅᑦ ᐊᒐᐧᑯᔪᐛ ᒋ ᓇᑲᓂᑯᐅᒡ ᒐᒋ ᐃᑐᑕᒡ ᐊᓐᑕ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:5

ᐊ ᒋᔅᒐᔨᑎᒪᐧᒄ ᒪᒃ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᒋᑭ ᒋ ᒐᔅᑎᓇᑕᔨᑕᓇᓄᐤ ᑕᑈ ᐊᔅᒄ ᒐ ᐃᔅᐱᔨᒡ, ᐛᔅ ᒋᓴᒪᓂᑐᐤ ᑕᑈ ᔅᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᐅ ᐸᔭᒋ ᐊᒐᒂ ᐅᒋ, ᑕᓐ ᐊᔅᐱᔅ ᓴᒋᐃᑕᐧᒄ᙮ ᐎᔾ ᒪᒃ ᒋᓴᒪᓂᑐᐤ ᔅᒋ ᒥᔨᑯᓄᐤ ᐅᐸᔭᒋ ᐊᒐᒂ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:9

ᒋᔨᐛᐤ ᒪᒃ ᐎ, ᓇᒪ ᒋ ᑎᐸᔨᒥᑯᓇᐛᐤ ᓂᑎᒥᒄ ᐊ ᐎ ᐃᓯ ᓇᐊᔨᑎᒥᐃᓱᔭᒄ᙮ ᑲ ᐸᔭᒋᓯᑦ ᐊᒐᐧᒄ ᐊᐅᒄ ᑕᐸᔨᒥᑕᒄ ᒧᔭᒻ ᑕᑈ ᐸᒋᔅᑲᑕᒂ᙮ ᐊᐛᓐ ᒪᒃ ᐊᑲ ᐸᒋᔅᑲᑯᒂ ᑲ ᐸᔭᒋᓯᔨᒋ ᐊᒐᒂ ᓇᒪ ᑎᐱᔨᐛᐅᓯᑐᑕᑯᐤ ᒋᓴᓴ᙮

1 ᑯᕆᓐᑎᔭᓇ 15:45

ᒥᓯᓇᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑎᔅᑕᒡ, “ᐊᓐ ᓂᔅᑎᒻ ᓇᐸᐤ, ᐊᑕᒻ, ᒋ ᐅᓯᐊᑭᓄᐤ ᒐᒋ ᐱᒪᑎᓯᑦ᙮” ᐊᓐ ᒪᒃ ᒪᔅᑕᔾ ᐊᑕᒻ ᐊᐅᒄ ᙭, ᐊᒐᐧᑯᐤ ᐎᔾ, ᐎᔾ ᒥᔨᐛᐤ ᐱᒪᑎᓯᐅᓂᔪᐤ᙮

2 ᑯᕆᓐᑎᔭᓇ 1:22

ᔅᒋ ᒥᔨᑯᓄᐤ ᑭᔭ ᐅᑦ ᐊᒐᒂ ᒋᑕᐃᓇᒡ ᒐᒋ ᑕᔨᒋ ᑭᔭ ᒐᒋ ᒐᔅᑎᓇᑕᔨᑎᒥᐃᑯᐛᐧᒄ ᑕᑈ ᐊ ᑎᐱᔨᐛᐅᓯᑐᑕᑕᐧᒄ᙮ ᐊᑯᑕ ᑭᔭ ᐛᒋ ᒐᔅᑎᓇᑕᔨᑎᒪᐧᒄ ᒐᔅᑎᓇᔅ ᒥᓯᐛ ᒐ ᒥᔅᑭᒪᐧᒄ ᑕᓐ ᐊ ᐃᓯ ᐊᔭᔅᑯᔅᑎᒪᑕᐧᒄ᙮

2 ᑯᕆᓐᑎᔭᓇ 3:17

ᐅᑎᐸᔨᒋᒐᐤ ᒪᒃ ᐊᐅᒄ ᑲ ᐸᔭᒋᓯᑦ ᐊᒐᐧᒄ, ᑕᓐᑕ ᒪᒃ ᐊ ᑕᒂ ᐅ ᐊᒐᐧᒄ ᑎᑯᓐ ᐊᓐᑕ ᐊᐱᐧᑯᓄᐛᐅᓐ᙮

ᐃᐱᓯᔭᓇ 1:13

ᒋᔨᐛᐤ ᒪᒃ ᑭᔭ ᐊᓐᑕ ᐃᐱᓴᔅ ᐊ ᑕᔭᒄ, ᒋᓴᒪᓂᑐᐤ ᔅᒋ ᐅᑦ ᐃᔨᒥᑐᑕᑯᐛᐤ ᐅᔅᑭᒡ ᑲ ᐸᑎᒪᒄ ᐊᓐ ᑲ ᑕᑈᒥᑲᒡ ᐃᔨᒧᐅᓐ, ᐊᐅᒄ ᒥᔽᒋᒧᐅᓐ ᑲ ᐱᒪᒋᐃᑯᔭᒄ᙮ ᙭ ᔅᒋ ᑕᑈᔭᔨᒪᐛᐤ, ᑭᔭ ᑲ ᒋᔅᒋᓄᐛᒋᐃᑕᒄ ᒋᓴᒪᓂᑐᐤ ᐎᔾ ᐊ ᐊᔭᐅᑕᒄ, ᑲ ᐸᔭᒋᓯᔨᒋ ᐊᒐᒂ ᐊᒋ ᒥᔨᑕᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᐛᑦ᙮

ᐃᐱᓯᔭᓇ 2:18

ᐛᔅ ᐎᔾ ᐊ ᐎᒐᐛᐧᒄ ᐊᑯᑕ ᓂᔭᐃᐱᔨᑕᑦ ᑕᐱᔅᑯᓐ ᒐᒋ ᓇᑕᐧᒄ ᒋᓴᒪᓂᑐᐤ ᐸᐃᒄ ᐊᒐᐧᑯᐅᓂᒡ ᐅᒋ᙮

ᐃᐱᓯᔭᓇ 4:30

ᐊᑲᐎᔾ ᒥᓯᒪᔨᑎᒥᐃᒪᐧᑯ ᒋᓴᒪᓂᑐᐤ ᐅᐸᔭᒋ ᐊᒐᒂ᙮ ᐅ ᐊᒐᐧᒄ ᐊ ᐊᔭᐛᒄ ᐊᑯᑕ ᐊ ᓄᒂᒡ ᒋᓴᒪᓂᑐᐤ ᐊ ᑎᐸᔨᒥᑕᒄ᙮ ᒐᔅᑎᓇᑕᔨᑕᑯᓐ ᒪᒃ ᐅᑎᒋᐱᔨᒐ ᐊᓐ ᐊ ᒋᓯᑲᒡ ᑕᑈ ᒐ ᐊᐱᐧᑯᓂᑕᒄ ᒋᓴᒪᓂᑐᐤ᙮

ᐃᐱᓯᔭᓇ 6:18

ᐊᒐᐧᑯᐅᓂᒡ ᒧᔅ ᐃᓯ ᐊᔭᒥᐊᑕᐤ ᓂᓇᐧᑯᐤ ᐊ ᐃᓯ ᐊᔭᒥᐊᔭᐧᒄ ᑭᔭ ᓂᓇᐧᑯᐤ ᐊ ᐃᓯ ᓂᑐᑎᒪᔭᐧᒄ᙮ ᐅ ᒪᒃ ᐊ ᐃᓯ ᒋᔅᒋᓯᔭᐧᒄ ᐊᔭᔅᑯᐎᑕᐤ ᑭᔭ ᐊᑲᐎᔾ ᐳᓂᑕᐤ ᐊ ᐊᔭᒥᐊᔭᐧᒄ, ᒧᔅ ᑭᔭ ᐊᔭᒥᐊᔅᑎᒧᐛᑕᐅᓂᒋ ᐊᓐᒡ ᑲ ᑕᑈᑕᒡ᙮

ᐱᓕᐱᔭᓇ 1:19

ᓱᒃ ᒪᒃ ᓂᑭ ᒥᔽᔨᑕᓐ, ᓂ ᒋᔅᒐᔨᑕᓐ ᒐ ᐱᔅᑎᓂᑯᐅᔭᓐ ᐛᔅ ᒋᑦ ᐊᔭᒥᐊᔅᑎᒧᓇᐛᐤ ᑭᔭ ᑲ ᐸᔭᒋᓯᑦ ᐊᒐᐧᒄ ᓂ ᐸᒋ ᐎᒋᐃᒄ᙮

1 ᑕᓴᓗᓂᔭᓇ 4:8

ᐊᐛᓐ ᒪᒃ ᐊᑲ ᐊᐱᑕᔨᑎᒧᒂ ᐅᔭ ᒋᔅᑯᑎᒪᒐᐅᓂᔪᐤ ᓇᒪᔭᔪᐛ ᓇᐸᐛ ᐊᑲ ᐊᐱᑕᔨᒪᑦ᙮ ᒋᓴᒪᓂᑐᐛ, ᐊᓂᔭᔪᐛ ᑲ ᒥᔨᑯᑦ ᑲ ᐸᔭᒋᓯᔨᒋ ᐊᒐᒂ ᐊᐅᑯᓐ ᐊᓂᔭᔪᐛ ᓇᒪ ᐊᐱᑕᔨᒪᐤ᙮

1 ᐱᑕᕐ 1:11

᙭ ᐅᑦ ᐊᒐᐧᑯᔪᐛ ᒋ ᐱᒋᔅᑲᑯᐅᒡ ᑭᔭ ᒋ ᐎᑎᒪᑯᐅᒡ ᑕᓐ ᒐ ᐃᓯ ᓂᓇᐧᑲᑕᔨᒧᔨᒋ ᙭ᑕ ᑭᔭ ᒐ ᒋᔅᑕᔨᑕᑯᐊᑭᓄᔨᒋ᙮ ᐊᑯ ᒪᒃ ᑲ ᓇᓂᑐ ᒋᔅᒐᔨᑕᒡ ᐊᐛᔪᐛ ᒐ ᐊᐎᔨᒋ ᙭ᑕ ᑭᔭ ᒪᒃ ᑕᐃᔅᐱ ᒐ ᐃᔅᐱᔨᒡ ᐅᔭ᙮

ᒍᑦ 1:20

ᒋᔨᐛᐤ ᒪᒃ ᐎ ᓂᐧᑲᓂᓯᑐᒄ, ᓱᒃ ᐊᑐᐎᔅ ᐎ ᐊᔨᒋᑲᐳᐃᓱᒄ ᐊ ᑕᑈᑎᒪᒄ ᐊᓐ ᑲ ᐸᔭᒋᓯᒥᑲᒡ᙮ ᐊᔭᒥᐊᒄ ᑕᓐ ᐊ ᐃᓯ ᒥᔨᑕᒄ ᒥᔅᑯᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ᙮

ᒋᔅᒐᔨᑕᑯᑕᒐᐅᓐ 19:10

ᓂᒋ ᐅᒋᒋᐧᑯᓂᐱᔪᐅᓐ ᒪᒃ ᒐᒋ ᐊᔭᒥᐊᔅᑐᐅᒃ ᐅ ᐊᓐᒋᓐ᙮ ᒥᒄ ᒪᒃ ᓂᒋ ᐃᑎᒄ, “ᐊᑲᐎᔾ ᐊᓐ ᐃᑎᔾ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᑭᔭ ᒋᐧᑲᓂᓯᒡ ᐊ ᐃᑎᔭᒄ, ᒥᓯᐛ ᐊᓐᒡ ᑯᐃᔅᒄ ᑲ ᐃᓯ ᐛᐎᑕᒡ ᐊᓂᔭ ᑕᑈᐅᓂᔪᐤ ᒋᓴᓴ ᑲ ᐛᐸᑎᔨᐛᔨᒋ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮” ᐛᔅ ᐊᓂᔭ ᑕᑈᐅᓂᔪᐤ ᒋᓴᔅ ᑲ ᐸᒋ ᐛᐸᑎᔨᐛᑦ, ᐊᐅᒄ ᐊᓂᔭ ᑲ ᓱᒐᔨᑕᑯᐃᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ᐃᔨᒥᒡ᙮