ᑲᓚᓯᔭᓇ 4:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊᐅᑯᓐ ᒪᒃ ᒧᔭᒻ ᒋᔭᓄᐤ, ᐊᔅᒄ ᐊᑲ ᐅᒋ ᒋᔅᒐᔨᑎᒪᐧᒄ ᑕᑈᐅᓐ ᒧᔭᒻ ᐊᐛᓯᒡ ᔅᒋ ᐃᑕᔨᑕᑯᓯᓇᓄᐤ᙮ ᐎᓱᐛᐅᓇ ᑭᔭ ᐃᑐᐅᓇ ᐅᑕ ᐊᔅᒋᒡ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᔭᐧᒄ ᔅᒋ ᒪᒋᒂᐱᐧᑲᑎᑯᓇᓄᐤ᙮

ᑲᓚᓯᔭᓇ 4:3 Iomraidhean Croise

ᒪᑎᔪᐤ 11:28

“ᐸᒋ ᓇᓯᒄ ᒥᓯᐛ ᒋᔨᐛᐤ ᑲ ᐊᑐᔅᒐᔭᒄ ᑭᔭ ᑲ ᑈᒧᐅᑕᔭᒄ, ᒋᑭ ᒥᔨᑎᓇᐛᐤ ᒐᒋ ᐊᔽᓯᔭᒄ᙮

ᒠᓐ 8:31

ᒋᓴᔅ ᒪᒃ ᒋ ᐃᑕᐤ ᐊᓂᔭᔪᐛ ᒍᐤ ᐃᔪᐛ ᑲ ᑕᑈᔭᔨᒥᑯᑦ, “ᒧᔅ ᓂᓇᐃᑎᒪᒂ ᓂᒋᔅᑯᑎᒪᒐᐅᓇ, ᒋᔨᐛᐤ ᐊᐅᒄ ᑕᑈ ᓂᒋᔅᒋᓄᐊᒧᐛᑭᓐᒡ᙮

ᐊᑈᔅᑕᓇᒡ 15:10

ᒧᔭᒻ ᐊ ᐎ ᑯᒂᒋᐊᒄ ᒋᓴᒪᓂᑐᐤ ᐊᐅᑯᓐ ᐊ ᐃᑎᔭᒄ᙮ ᒋᑦ ᐊᔭᒥᐊᐛᐅᒡ ᐊᓂᔭ ᐊ ᓯᒋᒪᑯᒡ ᐅᒡ ᑲ ᑕᑈᐅᒐᔨᒪᒡ ᒋᓴᓴ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᑐᑕᒡ ᒧᓱᓴ ᐅᐎᓱᐛᐅᓂᔪᐤ ᐛᐛᒡ ᐊᓂᔅᒐ ᒋᐧᑲᓂᓯᓄᐅᒡ ᐊᑲ ᐅᒋ ᑐᑕᒡ ᑭᔭ ᒋᔭᓄᐤ ᐊᑲ ᐛᐛᒡ ᒋ ᐃᑐᑎᒪᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:14

vvᑉ ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑦ ᐊᒐᒂ ᐊ ᑕᔨᒋ ᐊᒋ ᐅᒋᐱᔨᒡ ᐅ ᐎᓱᐛᐅᓐ᙮ ᓂᔾ ᐎ, ᓂ ᐎᔭᓱᐤ ᐱᒪᑎᓯᓐ ᓂᔾ᙮ ᒧᔭᒻ ᐊᐛᓐ ᑲ ᐅᑦ ᐊᐱᒋᐊᑭᓂᑐᑐᐛᑭᓄᐅᑦ ᐊᐅᑯᓐ ᐊ ᐃᑐᑕᑯᔭᓐ ᒥᒋᑥᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:15

ᐛᔅ ᑕᐸ ᒋᑦ ᐃᑐᑕᑯᐛᐤ ᐊᓐ ᐊᒐᐧᒄ ᒋᓴᒪᓂᑐᐤ ᑲ ᒥᔨᑕᒄ ᑲᐤ ᒐᒋ ᑎᐸᔨᒥᑯᐛᒄ ᓴᒋᓱᐅᓂᔪᐤ᙮ ᐅ ᐊᒐᐧᒄ ᐅᒋ ᐊᑯᑕ ᐛᒋ ᐃᓯᐃᑕᒄ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑕᑕᒄ ᑭᔭ ᒐᒋ ᐃᑕᐧᒄ, “ᓄᑕ, ᓄᑕᐎᔾ᙮”

2 ᑯᕆᓐᑎᔭᓇ 11:20

ᒋ ᐱᔅᑎᓇᐛᐅᒡ ᐅᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᒐᒋ ᐅᒋᒪᐧᑲᑕᑕᑯᒡ ᑭᔭ ᒐᒋ ᒥᓂᓱᓇᔭᐛᑐᑕᑕᑯᒡ᙮ ᒋ ᐱᔅᑎᓇᐛᐅᒡ ᒐᒋ ᑭᒐᒧᑎᒪᑕᑯᒡ ᑭᔭ ᒐᒋ ᒪᔭᔨᒥᑕᑯᒡ ᑭᔭ ᒐᒋ ᐅᑕᒥᒂᐅᑕᑯᒡ᙮

ᑲᓚᓯᔭᓇ 2:4

ᒥᒄ ᒪᒃ ᒋ ᑕᐅᒡ ᓇᐸᐅᒡ ᒋᒧᑦ ᐊᒋ ᐸᒋ ᐱᑕᐱᔪᐅᒡ ᐊᓐᑕ ᐊ ᐃᑕᐅᒋᑦ ᒧᔭᒻ ᐊ ᑕᑈᔭᔨᒪᒡ ᑭᔭ ᐎᔨᐛᐤ ᒋᓴᓴ ᐊ ᐃᑎᒡ᙮ ᓂᒋ ᐎ ᓇᓂᑐ ᒋᔅᒐᔨᒥᑯᓇᓂᒡ ᑕᓐ ᐊ ᐃᓯ ᑎᐸᒋᒥᒋᒋ ᒋᓴᔅ ᙭ᑕ ᐊ ᐎᒐᐅᒥᒋᒋ, ᐊᓐ ᑲ ᐊᐱᐧᑯᓂᔨᒥᑦ᙮ ᐊᔪᐅᒄ ᐅᔭ ᑲ ᐃᑎᒡ ᐊᒋ ᐎ ᐃᑐᑐᐎᒥᒡ ᑲᐤ ᒐᒋ ᒪᒋᒂᐱᐧᑲᑎᑯᔭᒡ ᐎᓱᐛᐅᓐ᙮

ᑲᓚᓯᔭᓇ 3:19

ᒐᒂᔪᐤ ᒪᒃ ᐛᒋ ᒥᔭᑭᓄᐎᒡ ᐊᐛᓐᒋ ᐊᓂᔭ ᐎᓱᐛᐅᓂᔪᐤ ? ᒋ ᒥᔭᑭᓄᐎᒡ ᐊᓐᑕ ᐅᒋ ᒐᒋ ᐅᒋ ᓂᔅᑐᓇᒡ ᒥᒐᑎᓯᐅᓂᔪᐤ᙮ ᑭᔭ ᐊᔪᐅᒄ ᐅᔭ ᐎᓱᐛᐅᓂᔪᐤ ᒋᐸ ᐊᐱᑎᓂᔪᐤ ᒐ ᐃᔅᐱᔅ ᐊᑲ ᑎᑯᓯᓂᔨᒋ ᐊᓂᔭᔪᐛ ᒋᓴᒪᓂᑐᐤ ᑲ ᐃᔅᒋᔄᑦ ᐊᑉᕋᐊᒪ ᐊ ᑕᔨᒋ ᒐ ᐅᒋ ᐊᓂᔅᒐ ᐱᒪᑎᓯᔨᒋ, ᐊᓐ ᑲ ᒥᔭᑭᓄᐅᑦ ᐊᓂᔭ ᐊᓱᑎᒪᒐᐅᓂᔪᐤ᙮ ᐊᓐᒋᓐᒡ ᒋ ᐸᑕᐅᒡ ᐅᔭ ᐎᓱᐛᐅᓂᔪᐤ ᐅᑕ ᐊᔅᒋᒡ᙮ ᒧᓱᓴ ᒪᒃ ᐊᐅᑯᓂ ᑲ ᐊᐱᒋᐊᒡ ᐊᓐᒡ ᐊᓐᒋᓐᒡ ᒐᒋ ᐛᐎᑎᒧᐛᑭᓄᔨᒋ ᐊᓂᔭᔪᐛ ᐃᔪᐛ ᐊᓂᔭᐤ ᐎᓱᐛᐅᓂᔪᐤ᙮

ᑲᓚᓯᔭᓇ 4:2

ᐊᔅᒄ ᐊ ᐊᐛᓯᐅᑦ ᑕᔪᐛ ᐊᓂᔭᔪᐛ ᓇᑕᐅᒋᓂᑯᑦ᙮ ᐊᐅᑯᓂ ᐊᓂᔭᔪᐛ ᑲᓄᐛᔨᒥᑯᑦ ᑭᔭ ᓂᔭᓇᑭᑐᐛᔨᑎᒪᑯᑦ ᐊᓂᔭᔪᐛ ᒐᒂᔪᐛ ᒐ ᐊᔭᑦ ᐸᑐᔅ ᐅᑎᒋᐱᔨᒐ ᐊᓐᑕ ᒐ ᐃᔅᒋᔄᔨᒋ ᐅᑕᐎᔭ ᐊᑯ ᑎᐸᓐ ᒐᒋ ᐎᔭᔨᑎᒪᓱᑦ᙮

ᑲᓚᓯᔭᓇ 4:24

ᒪᐅ ᒪᒃ ᒐᔅᑯᑎᒪᑯᔭᐧᒄ ᐊᓐ ᑎᐸᒋᒧᐅᓐ ᒐᒋ ᐃᓯ ᓂᔅᑐᑎᒪᐧᒄ᙮ ᐅᒡ ᓂᓱ ᐃᔎᐅᒡ ᐊᐅᑯᓐᒡ ᒧᔭᒻ ᐊᓂᔭᔪᐛ ᓂᔅᑯᒧᐅᓇ ᐊ ᓂᓯᒋ ᒋᓴᒪᓂᑐᐤ ᑲ ᐸᒋ ᐱᔅᑎᓇᐧᒃ᙮ ᐅ ᑯᐸᓇᔎᐤ ᐦᐊᐃᑲᕐ ᐊᐱᒋᐊᑭᓐ ᐊᐛᓴ ᒋ ᐱᒪᑎᓯᔪᐛ ᐊ ᑕᑦ ᐅᒡ᙮ ᐊᐅᑯᐤ ᒪᒃ ᒧᔭᒻ ᐊᓐ ᓂᔅᑯᒧᐅᓐ ᒋᓴᒪᓂᑐᐤ ᑲ ᐅᓯᑕᑦ ᐊᓐᑕ ᓴᐃᓇᐃ ᑲ ᐃᓯᓂᐧᑲᑕᒡ ᐱᔅᑯᑎᓇᒡ ᐊᐅᒄ ᐊ ᐃᓯᓇᑯᓯᑦ ᐅ ᐃᔎᐤ᙮ ᐊᓐᑕ ᐊᕋᐱᔭ ᐊ ᐃᓯᓂᐧᑲᑕᒡ ᐊᔅᒋᔾ ᐊᑯᑕ ᐊ ᑎᒂᒡ ᐊᓐ ᐱᔅᑯᑎᓇᐤ᙮

ᑲᓚᓯᔭᓇ 4:25

ᒧᔭᒻ ᐅ ᐅᑕᓇᐤ ᐅᑕ ᐊᔅᒋᒡ ᐊᓄᒡ ᑲ ᑎᒂᒡ ᒋᕈᓯᓕᒻ ᐊ ᐃᓯᓂᐧᑲᑕᒡ ᐊᐅᒄ ᐦᐊᐃᑲᕐ᙮ ᐊᓂᔭᔪᐛ ᒍᐤ ᐊᔭᒥᐊᐅ ᐎᓱᐛᐅᓇ ᒪᒋᒂᐱᐧᑲᑎᑯᐅᒡ ᐊᓐᒡ ᐊᓐᑕ ᒋᕈᓯᓕᒥᒡ ᐊ ᑕᒡ᙮

ᑲᓚᓯᔭᓇ 4:31

ᐊᑯ ᒪᒃ ᓂᐧᑲᓂᓯᑐᒄ, ᓇᒪ ᐊᓐ ᑯᐸᓇᔎᐤ ᒋ ᐅᑦ ᐊᐛᓯᒥᑕᑯᓄᐤ᙮ ᐊᓐ ᐃᔎᐤ ᐊᑲ ᑯᐸᓇᔎᐅᑦ ᐊᐅᑯᓐ ᐛᑕᐛᓯᒥᑐᑕᑕᒄ᙮

ᑲᓚᓯᔭᓇ 4:8

ᐊᓐᑕ ᐸᒋ ᐅᑕᒡ ᐊᔅᒄ ᐊᑲ ᐅᒋ ᒋᔅᒐᔨᒪᒄ ᒋᓴᒪᓂᑐᐤ ᔅᒋ ᒪᒋᒂᐱᐧᑲᑎᑯᐛᐅᒡ ᐊᓐᒡ ᒥᓂᑐᐅᒡ ᑲ ᐃᑕᔨᒪᑯᒡ ᐊᑲ ᒪᒃ ᒋᒋᐛ ᒥᓂᑐᐅᒡ ᐃᑕᔨᑕᑯᓯᒡ᙮

ᑲᓚᓯᔭᓇ 4:9

ᐊᑯ ᒪᒃ ᒐᔅᒐᔨᒪᒄ ᐊᑯ ᒋᓴᒪᓂᑐᐤ᙮ ᑎᔭᐧᑯᓐ ᐃᔭᐱᒡ ᒋᐸ ᒥᔽᐤ ᐃᔅᒋᔄᔭᒄ ᐎᔾ ᐊᐅᒄ ᒋᓴᒪᓂᑐᐤ ᐊ ᒋᔅᒐᔨᒥᑕᒄ᙮ ᑕᓐᑕ ᐛᒋ ᐃᑎᔭᒄ ᒥᓐ ᒐᒋ ᓇᑕᑯᒡ ᐊᓐᒡ ᐊᒐᐧᑯᒡ ᐊᑲ ᓴᐱᓯᒡ ᑭᔭ ᐊᑲ ᐅᔭᔅ ᐃᑕᐱᑎᓯᒡ, ᒥᓐ ᒐᒋ ᒪᒋᒂᐱᐧᑲᑎᑕᑯᒡ᙮

ᑯᓚᓯᔭᓇ 2:20

᙭ ᑲ ᓂᐱᑦ ᒧᔭᒻ ᑭᔭ ᒋᔨᐛᐤ ᐊᒋ ᓂᐱᔭᒄ ᐃᓯᓇᑯᓐ᙮ ᓇᒪ ᒪᒃ ᐊᑯ ᒋᑎᐸᔨᒥᑯᐛᐅᒡ ᐊᓐᒡ ᐊᒐᐧᑯᒡ ᑲ ᐛᐎᓱᐛᒡ ᑕᓐ ᒐ ᐃᓯ ᐱᒪᑎᓯᓇᓄᐎᒡ ᐅᑕ ᐊᔅᒋᒡ᙮ ᒐᒂᓐ ᒪᒃ ᐛᒋ ᐃᓯ ᐱᒪᑎᓯᔭᒄ ᒧᔭᒻ ᐊᔅᒄ ᐊ ᑎᐸᔨᒥᑯᔭᒄ ᐅ ᐊᔅᒋᔾ᙮

ᑯᓚᓯᔭᓇ 2:8

ᐊᑲᐎᔾ ᒪᒃ ᐊᐛᓐ ᒋᑭ ᐅᒋ ᐎᔭᓯᒥᑯᐛᐤ ᐊᓂᔭ ᐅᒋ ᑕᓐ ᐊ ᐃᓯ ᓂᑎᒥᒄ ᒋᔅᑯᑎᒪᒐᑦ, ᐛᔅ ᐊᓂᔭ ᑕᓐ ᐊ ᐃᓯ ᑕᑈᑕᐧᒃ ᓇᐸᐛ ᒋ ᐊᓱᐤ ᒋᔅᑯᑎᒪᒐᔪᐛ᙮ ᐊᓐᒡ ᐊᒐᐧᑯᒡ ᑲ ᐛᐎᓱᐛᒡ ᑕᓐ ᒐ ᐃᓯ ᐱᒪᑎᓯᓇᓄᐎᒡ ᐅᑕ ᐊᔅᒋᒡ ᐎᔨᐛᐤ ᐊ ᑕᒡ ᐅᒋᐱᔪᐤ᙮ ᓇᒪ ᙭ᑕ ᐊ ᑕᔨᒋ ᐅᒋᐱᔨᔪᐤ᙮

ᐃᑉᕈᐛ 5:12

ᓴᔅ ᒋᐸ ᒋᔅᑯᑎᒧᐛᐛᐅᒡ ᐊᐛᓐᒋ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᐛᔅ ᓴᔅ ᐛᔅᑭᒡ ᑲ ᐅᒋ ᑕᑈᑎᒪᒄ ᒋᔨᐛᐤ ᒥᔽᒋᒧᐅᓐ᙮ ᒥᒄ ᒪᒃ ᓇᑐᐛᔨᑕᑯᓂᒂ ᒥᓐ ᒐᒋ ᒋᔅᑯᑎᒪᑯᐅᔭᒄ ᑕᓐ ᑲ ᐃᓯ ᒋᔅᑯᑎᒪᑯᐅᔭᒄ ᐅᔅᑭᒡ ᑲ ᒋᒋ ᑕᑈᑎᒪᒄ ᒧᔭᒻ ᐅᔅᒋᐛᓯᒡ ᒥᒄ ᒋᒋᓇᐳᔭ ᑲ ᒥᓂᐊᑭᓄᐎᒡ ᒋᑦ ᐃᑕᔨᑕᑯᓯᓇᐛᐤ᙮ ᐛᔅ ᓇᒪ ᒋ ᒥᒍᐅᒡ ᐎᔭᓯᔪᐤ ᐅᔅᒋᐛᓯᒡ᙮

ᐃᑉᕈᐛ 7:16

ᒋᓴᔅ ᒪᒃ ᐊᑎ ᐊᑲ ᐊᓐᑕ ᐅᒋ ᐊᓂᔅᒐ ᐱᒪᑎᓯᑦ ᐊᓐᑕ ᐊᓂᔅᒐ ᐛᒋᔨᒋ ᐊᔭᒥᐊᐅᒋᒪᐛ, ᐃᔭᐱᒡ ᒋ ᐊᔭᒥᐊᐅᒋᒪᐊᑭᓄᐤ ᐛᔅ ᓇᒪ ᓂᑕ ᒋᑭ ᐅᒋ ᐳᓂᐱᔪᐤ ᑲ ᓱᐧᑲᑎᓯᒥᑭᓂᔨᒡ ᐅᐱᒪᑎᓯᐅᓐ᙮