ᑲᓚᓯᔭᓇ 4:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᒧᔭᒻ ᐅ ᐅᑕᓇᐤ ᐅᑕ ᐊᔅᒋᒡ ᐊᓄᒡ ᑲ ᑎᒂᒡ ᒋᕈᓯᓕᒻ ᐊ ᐃᓯᓂᐧᑲᑕᒡ ᐊᐅᒄ ᐦᐊᐃᑲᕐ᙮ ᐊᓂᔭᔪᐛ ᒍᐤ ᐊᔭᒥᐊᐅ ᐎᓱᐛᐅᓇ ᒪᒋᒂᐱᐧᑲᑎᑯᐅᒡ ᐊᓐᒡ ᐊᓐᑕ ᒋᕈᓯᓕᒥᒡ ᐊ ᑕᒡ᙮

ᑲᓚᓯᔭᓇ 4:25 Iomraidhean Croise

ᑎᐱᑦ ᐅᓂᑭᒧᐅᓇ 68:17

ᐅᑎᑎᐱᑕᐸᓇᔎ ᒋᓴᒪᓂᑐᐤ ᓂᓱᔪᐤ ᑕᑥᐤ ᒐᓯᐱᔪᐤ ᐃᑕᓯᔪᐛ, ᒥᒐᑦ ᒐᓯᐱᔪᐤ ᐊᓐᒋᓇ ᐅᑎ: ᑎᐸᔨᒋᒐᓱᐤ ᐎᒐᐛᐤ ᒧᔭᒻ ᓴᐃᓇᐃᒡ, ᐸᔭᐧᑭᓂᔨᒡ᙮

ᑎᐱᑦ ᐅᓂᑭᒧᐅᓇ 68:8

ᐊᔅᒋᔾ ᒋ ᑯᔅᑯᐱᔪᐤ, ᒋᓯᒂ ᑭᔭ ᒋ ᔭᓯᐱᔪᐛ ᐅᑎᔅᑯᐤ ᒋᓴᒪᓂᑐᐛ: ᐃᔭᐱᒡ ᓴᐃᓇᐃ ᒋ ᐊᒋᐱᔪᐤ ᐅᑎᔅᑯᐤ ᒋᓴᒪᓂᑐᐛ, ᐅᒋᓴᒪᓂᑐᒪ ᐃᔅᕋᐃᓪ᙮

ᒪᑎᔪᐤ 23:37

“ᒋᔨᐛᐤ ᒋᕈᓯᓕᒥᒡ ᑲ ᑕᔭᒄ, ᑲ ᓂᐸᐊᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᑲ ᐸᐱᒧᓯᓇᑕᐛᑯᒡ ᐊᓂᔭ ᒋᓴᒪᓂᑐᐤ ᑲ ᐸᒋ ᐃᑎᓴᐊᒪᑕᒄ, ᑕᓐ ᑕᑥᐤ ᑲ ᐎ ᒪᐅᓱᑯᐱᑎᑎᑯᒡ ᐊᓐᑕ ᐃᔅ ᐊ ᑕᔭᓐ, ᒧᔭᒻ ᐱᑲᒂᓐ ᐊ ᐃᑐᑐᐛᑦ ᐅᐱᑲᒂᓂᒥᓴ, ᓯᐸ ᐅᑎᑎᑭᓂᒡ ᐊ ᐃᓯ ᒪᐅᓱᑯᓇᑦ ᐊ ᐎ ᓂᓇᑭᑐᐛᔨᒪᑦ᙮ ᐊᐅᑯᓐ ᒪᒃ ᒧᔭᒻ ᑲ ᐎ ᐃᑐᑕᑎᑯᒡ᙮ ᒥᒄ ᓇᒪ ᒋ ᐅᒋ ᐱᔅᑎᓇᐛᐤ ᐅ ᒐᒋ ᐃᑐᑕᑎᑯᒡ᙮

ᓗᒃ 13:34

“ᒋᔨᐛᐤ ᒋᕈᓯᓕᒥᒡ ᑲ ᑕᔭᒄ, ᑲ ᓂᐸᐊᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᑲ ᐸᐱᐳᒧᓯᓇᑕᐛᑯᒡ ᐊᓂᔭᔪᐛ ᒋᓴᒪᓂᑐᐤ ᑲ ᐸᒋ ᐃᑎᓴᐊᒪᑕᒄ, ᑕᓐ ᑕᑥᐤ ᑲ ᐎ ᒪᐅᓯᑯᐱᑎᑎᑯᒡ ᐊᓐᑕ ᐃᔅ ᐊ ᑕᔭᓐ, ᒧᔭᒻ ᐱᑲᒂᓐ ᐊ ᐃᑐᑐᐛᑦ ᐅᐱᑲᒂᓂᓯᒪ, ᓯᐸ ᐅᑎᑎᑭᓂᒡ ᐊ ᐃᓯ ᒪᐅᓯᑯᓇᑦ ᐊ ᐎ ᓂᓇᑭᑐᐛᔨᒪᑦ᙮ ᐊᐅᑯᓐ ᒪᒃ ᒧᔭᒻ ᑲ ᐎ ᐃᑐᑕᑎᑯᒡ᙮ ᒥᒄ ᓇᒪ ᒋ ᐅᒋ ᐱᔅᑎᓇᐛᐤ ᐅ ᒐᒋ ᐃᑐᑕᑎᑯᒡ᙮

ᓗᒃ 19:44

ᒥᓯᐛ ᐊᐛᓐ ᐊᓐᑕ ᒋᐅᑕᓇᒧᐛᒡ ᒋᑭ ᓂᓱᐅᓇᒋᐊᑭᓄᐤ ᑭᔭ ᐊᓐ ᒋᐅᑕᓇᒧᐛᐤ ᒋᑭ ᓂᓱᐅᓇᒋᑕᑭᓄᐤ᙮ ᓇᒪ ᐛᒋ ᐸᐃᒄ ᐊᓯᓂᔾ ᒧᔭᒻ ᒋᑭ ᐅᒋ ᐃᑎᒧᐤ ᐊᓐᑕ ᒋᒋᐛᐛᒡ᙮ ᐛᔅ ᓇᒪ ᒋ ᐅᒋ ᒧᓯᑕᓇᐛᐤ ᐊᓐᑕ ᑲ ᐅᑎᒋᔨᐱᒂ ᒋᓴᒪᓂᑐᐤ ᑲ ᐎ ᐱᒪᒋᐃᑕᒄ᙮”

ᐊᑈᔅᑕᓇᒡ 1:11

ᐊᑯ ᒂ ᐃᑎᑯᒡ, “ᒋᔨᐛᐤ ᓇᐸᑐᒄ ᑲᓕᓕᒡ ᑲ ᐅᒋᔭᒄ, ᒐᒂᓐ ᐛᒋ ᓂᐳᐅᔭᒄ ᐅᑕ, ᐃᔅᐱᒥᒡ ᐊ ᐃᑕᐱᔭᒄ ? ᐅ ᒋᓴᔅ ᑕᓐ ᑲ ᐃᓯ ᐸᒋ ᐅᑎᓇᑭᓄᐅᑦ ᒋᒋᒋᓯᑯᒡ ᐃᔅ, ᑲ ᐃᓯ ᐛᐱᒪᒄ ᐊ ᐃᑐᑕᑦ ᒋᒋᒋᓯᑯᒡ ᐊᐅᑯᓐ ᒧᔭᒻ ᒐ ᐃᓯᓇᑯᓯᑦ ᒥᓐ ᑎᑯᓯᒐ᙮”

ᑲᓚᓯᔭᓇ 1:17

ᓇᒪ ᑭᔭ ᓂ ᐅᒋ ᐃᑐᑕᓐ ᒋᕈᓯᓕᒥᒡ ᒐᒋ ᓂᑐᐛᐱᒥᒂᐤ ᐊᓐᒡ ᑯᑎᑭᒡ ᐊᑈᔅᑕᓇᒡ, ᐊᓐᒡ ᓴᔅ ᑲ ᐎᔭᔨᒥᑯᒡ ᒋᓴᓴ᙮ ᐃᔭᐱᒡ ᑎᐛᒡ ᐊᕋᐱᔭ ᑲ ᐃᓯᓂᐧᑲᑕᒡ ᐊᔅᒋᔾ ᓂᒋ ᐃᑐᑕᓐ᙮ ᒐᒃ ᐸᑎᒪ ᑕᒪᔅᑲᔅ ᑲ ᐃᓯᓂᐧᑲᑕᒡ ᐅᑕᓇᐤ ᑲᐤ ᑲ ᐃᑐᑕᔭᓐ᙮

ᑲᓚᓯᔭᓇ 4:24

ᒪᐅ ᒪᒃ ᒐᔅᑯᑎᒪᑯᔭᐧᒄ ᐊᓐ ᑎᐸᒋᒧᐅᓐ ᒐᒋ ᐃᓯ ᓂᔅᑐᑎᒪᐧᒄ᙮ ᐅᒡ ᓂᓱ ᐃᔎᐅᒡ ᐊᐅᑯᓐᒡ ᒧᔭᒻ ᐊᓂᔭᔪᐛ ᓂᔅᑯᒧᐅᓇ ᐊ ᓂᓯᒋ ᒋᓴᒪᓂᑐᐤ ᑲ ᐸᒋ ᐱᔅᑎᓇᐧᒃ᙮ ᐅ ᑯᐸᓇᔎᐤ ᐦᐊᐃᑲᕐ ᐊᐱᒋᐊᑭᓐ ᐊᐛᓴ ᒋ ᐱᒪᑎᓯᔪᐛ ᐊ ᑕᑦ ᐅᒡ᙮ ᐊᐅᑯᐤ ᒪᒃ ᒧᔭᒻ ᐊᓐ ᓂᔅᑯᒧᐅᓐ ᒋᓴᒪᓂᑐᐤ ᑲ ᐅᓯᑕᑦ ᐊᓐᑕ ᓴᐃᓇᐃ ᑲ ᐃᓯᓂᐧᑲᑕᒡ ᐱᔅᑯᑎᓇᒡ ᐊᐅᒄ ᐊ ᐃᓯᓇᑯᓯᑦ ᐅ ᐃᔎᐤ᙮ ᐊᓐᑕ ᐊᕋᐱᔭ ᐊ ᐃᓯᓂᐧᑲᑕᒡ ᐊᔅᒋᔾ ᐊᑯᑕ ᐊ ᑎᒂᒡ ᐊᓐ ᐱᔅᑯᑎᓇᐤ᙮

ᑲᓚᓯᔭᓇ 4:26

ᐊᓐ ᒋᕈᓯᓕᒻ ᒋᒋᒋᓯᑯᒡ ᐊ ᑎᒂᒡ ᐊᐅᒄ ᒋᑲᐎᓄᐤ᙮

ᐃᑉᕈᐛ 12:18

ᓇᑕᒂ ᒋᓴᒪᓂᑐᐤ ᓇᒪ ᒋᑭ ᐅᒋ ᐃᑕᔨᑕᑯᓐ ᒋᔨᐛᐤ ᑕᓐ ᑲ ᐃᑕᔨᑕᑯᓂᔨᒡ ᐃᔅᕋᐃᓪ ᐃᔪᒡ ᐃᔅᐱ ᑲ ᓇᑕᒡ ᒋᓴᒪᓂᑐᐛ᙮ ᒥᒋᒪ ᐊᓂᔭ ᐱᔅᑯᑎᓇᔪᐤ ᓴᐃᓇᐃ ᐊ ᐃᓯᓂᐧᑲᑕᔨᒡ ᒋ ᓇᑕᒧᒡ᙮ ᐊᓐ ᒪᒃ ᐱᔅᑯᑎᓇᐤ ᒋ ᐃᔎᑕᐤ ᑭᔭ ᒋ ᐅᑲᔅᑕᔭᐤ ᐊᓐᑕ ᑭᔭ ᒋ ᑎᑯᓐ ᓴᒋᓱᐅᓐ ᑭᔭ ᒋ ᒥᔅᑎ ᒋᑎᔅᑎᓐ ᐊᓐᑕ᙮