ᑲᓚᓯᔭᓇ 4:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᓂᐧᑲᓂᓯᑐᒄ, ᒋ ᓂᑐᑎᒪᑎᓇᐛᐤ ᑭᔭ ᒋᔨᐛᐤ ᒐᒋ ᐃᓯ ᐱᒪᑎᓯᔭᒄ ᒧᔭᒻ ᐊ ᐃᓯ ᐛᐱᒥᔭᒄ ᓂᔾ ᐊ ᐃᓯ ᐱᒪᑎᓯᔭᓐ᙮ ᐊᑎ ᒍᐤ ᐊ ᐃᑎᔅᑲᓇᓯᔭᓐ ᒧᔭᒻ ᐊᑲ ᒍᐤ ᐃᑎᔅᑲᓇᓯᔭᓐ ᓂᒋ ᐃᑎᓐ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ᙮ ᑕᐸ ᓂ ᐎ ᐃᑕᔨᑕᑯᓯᓐ ᐎᓱᐛᐅᓐ ᐎ, ᒐᒋ ᐱᒪᒋᐃᑯᔭᓐ ᑭᑈ ᒐᒋ ᐃᓯ ᑭᓄᐛᐸᑎᒪᓐ᙮ ᓇᒪᐎᔾ ᒐᒂᓐ ᒋ ᐅᒋ ᐃᓯ ᐅᓂᑐᑐᐅᓇᐛᐤ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ᙮

ᑲᓚᓯᔭᓇ 4:12 Iomraidhean Croise

ᒐᓂᓯᔅ 34:15

ᑎᑯᓐ ᐸᐃᒄ ᒐᒂᓐ ᐊᓐ ᒐ ᐅᒋ ᓇᐃᒥᑕᒡ ᒐᒋ ᐎᒋᒥᑦ ᓂᐅᔅᒋᓂᒋᔎᓯᒥᓇᓐ, ᒥᓯᐛ ᑕᑐᐤ ᓂᔭᐸᐅᑦ ᐊ ᑕᔭᒄ ᒋᑭ ᐎ ᒋᔅᒋᓄᐛᒋᔄᑭᓄᐤ ᐊᑯ ᒪᒃ ᒐ ᐃᓯᓇᑯᓯᒡ ᐊᓐᒡ ᓇᐸᐅᒡ ᐊᓯᓇᑯᓱᐅᒋᒡ᙮

ᐊᑈᔅᑕᓇᒡ 21:21

ᒋ ᐃᑕᒋᒧᔅᑐᐛᑭᓄᐎᒡ ᒪᒃ ᐊ ᒋᔅᑯᑎᒪᒥᑎ ᐊᓂᔭᔪᐛ ᒍᐤ ᑲ ᐎᒋᔨᒋ ᐊᓐᑕ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ ᒐ ᐊᑲ ᒋ ᐊᐱᑕᔨᑎᒥᐃᑯᒡ ᒧᓱᓴ ᐅᐎᓱᐛᐅᓂᔪᐤ, ᐊ ᐃᑎᑥᐤ ᒐ ᐊᑲ ᒋ ᒋᔅᒋᓄᐛᒋᔄᒡ ᐅᑦ ᐊᐛᓯᒧᐛᐛ ᑭᔭ ᒐ ᐊᑲ ᒋ ᐊᐱᑕᔨᑕᒡ ᒍᐤ ᐃᑐᐅᓇ᙮

2 ᑯᕆᓐᑎᔭᓇ 2:5

ᐊ ᐃᑕᒂ ᐊᐛᓐ ᐊᒋ ᒥᓯᒪᔨᑎᒥᐊᑦ ᐊᐛᔪᐛ, ᓇᒪ ᓂᔾ ᓂ ᐅᒋ ᒥᓯᒪᔨᑎᒥᐃᒄ᙮ ᒋᔨᐛᐤ ᒪᒃ ᒥᓯᐛ ᐊ ᑎᓯᔭᒄ ᒋ ᑎᑯᓂᔪᐤ ᑕᓐ ᑲ ᐃᓯ ᒥᓯᒪᔨᑎᒥᐃᑕᒄ᙮ ᓇᒪ ᐊᑐᐎᔅ ᓂ ᐎ ᐊᔨᒧᑕᓐ ᐅ᙮

2 ᑯᕆᓐᑎᔭᓇ 6:11

ᒋᔨᐛᐤ ᓂᐎᒐᐛᑭᓇᓂᒡ ᐊᓐᑕ ᑯᕆᓐᑦ ᐊ ᑕᔭᒄ ᓇᔅᒡ ᓂᑕᐃᓇᒡ ᒋ ᐅᒋ ᐃᔨᒥᐃᑎᓇᓐ᙮ ᓇᔅᒡ ᒋ ᐎᑎᒪᑎᓇᓐ ᒪᓐ ᑕᓐ ᐛ ᐃᑎᑕᒡ᙮

2 ᑯᕆᓐᑎᔭᓇ 6:13

ᒧᔭᒻ ᓂᑦ ᐊᐛᓯᒥᒡ ᐊᐅᑯᓐ ᐊᑕᔨᒥᑎᑯᒡ᙮ ᐊᐅᑯᓐ ᒪᒃ ᒧᔭᒻ ᐃᓯ ᒋᓴᐛᑐᑐᐅᓇᓐ ᑭᔭ ᒋᔨᐛᐤ᙮

ᑲᓚᓯᔭᓇ 2:14

ᐎᔭᐱᒥᒂᐤ ᒪᒃ ᐊᑲ ᑯᐃᔅᒄ ᐃᑎᒡ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ ᑲ ᑕᑈᒥᑭᓂᔨᒡ ᓂᒋ ᐊᓏᔨᒪᐤ ᐱᑕᕐ ᒥᓯᐛ ᐊᓂᔭᔪᐛ ᑲ ᑕᑈᑎᒥᔨᒋ ᐊ ᓂᑐᑎᒥᔨᒋ᙮ ᓂᒋ ᐃᑕᐤ, “ᒍᐤ ᒋᑦ ᐃᑎᔅᑲᓇᓯᓐ᙮ ᒥᒄ ᒪᒃ ᓇᒪ ᒥᓯᐛ ᒋ ᓂᓇᐃᑕᓐ ᒍᐤ ᐊᔭᒥᐊᐅ ᐎᓱᐛᐅᓇ᙮ ᒐᒂᓐ ᒪᒃ ᐛᒋ ᓯᒋᒥᑥᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒍᐤ ᐊᔭᒥᐊᐅ ᐎᓱᐛᐅᓇ ᒐᒋ ᓂᓇᐃᑕᒡ᙮”

ᑲᓚᓯᔭᓇ 4:11

ᒋ ᒥᑯᔅᑲᑕᔨᑎᒥᐃᓇᐛᐤ ᐊ ᒪᒥᑐᓇᔨᒥᑎᑯᒡ᙮ ᒐᔅᑲ ᑲᑭᔭ ᐊᓐ ᑲ ᐃᔅᐱᔅ ᒋ ᒥᔅᑎ ᐊᑐᔅᒐᔭᓐ ᐊ ᐎ ᐎᒋᐃᑎᑯᒡ᙮

ᑲᓚᓯᔭᓇ 4:13

ᒐᔅᑎᓇᔅ ᒋ ᒋᔅᒋᓯᓇᐛᒐ ᑲ ᐊᐧᑯᓯᔭᓐ ᓂᔅᑎᒻ ᑲ ᓂᑐᐛᐱᒥᑎᑯᒡ ᒐᒋ ᐛᐎᑎᒪᑎᑯᒡ ᒥᔽᒋᒧᐅᓐ᙮

ᑲᓚᓯᔭᓇ 6:14

ᓂᔾ ᒪᒃ ᐎ ᒥᒄ ᐸᐃᒄ ᒐᒂᓐ ᓂ ᒪᒥᒋᐃᑯᓐ, ᐊᐅᒄ ᐅᑎᐸᔨᒋᒐᐤ ᒋᓴᔅ ᙭ ᐅᒋᐱᔭᑎᑯᒪ᙮ ᐛᔅ ᐊᓂᔭ ᑕᓐ ᑲ ᐃᑎᑦ ᙭ ᒋᐱᔭᑎᑯᒡ ᐊᐅᒄ ᐛᒋ ᐊᑲ ᐊᐱᑕᔨᑎᒥᐃᑯᔭᓐ ᐊᓂᔭᔪᐛ ᒐᒂᔪᐛ ᐊᓐᒡ ᐊᑲ ᑕᑈᐅᒐᔨᒪᒡ ᒋᓴᓴ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ᙮ ᑭᔭ ᐎᔨᐛᐤ ᒪᒃ ᓇᒪ ᓇᔅᒡ ᐊᐱᑕᔨᑎᒧᒡ ᐊᓂᔭᔪᐛ ᒐᒂᔪᐛ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ᙮

ᑲᓚᓯᔭᓇ 6:18

ᐅᑎᐸᔨᒋᒐᐤ ᒋᓴᔅ ᙭ ᒋᑭ ᓱᐛᔨᒥᑯᐛᐤ, ᓂᐧᑲᓂᓯᑐᒄ᙮ ᐊᒥᓐ᙮