ᑲᓚᓯᔭᓇ 3:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᓇᒪ ᒪᒃ ᑎᑯᓐ ᐎᓱᐛᐅᓐ ᐊᓐ ᐊ ᐃᑕᔨᑕᒂᒡ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒥᓯᐛ ᐊᐛᓐ ᐅᑕ ᐊᔅᒋᒡ ᑲ ᐱᒪᑎᓯᑦ ᓇᔅᒡ ᑎᐸᔨᒥᑯᐤ ᒥᒐᑎᓯᐅᓂᔪᐤ᙮ ᐊᑯ ᒪᒃ ᒋᓴᔅ ᙭ ᐅᒋ ᐊᑯᑕ ᒐ ᐅᒋ ᒥᔨᐛᑦ ᒋᓴᒪᓂᑐᐤ ᑕᓐ ᐊᓂᔭᔪᐛ ᒐᔅᑎᓇᔅ ᑲ ᐃᔅᒋᔄᑦ ᒐ ᒥᔨᐛᑦ᙮ ᒥᓯᐛ ᒪᒃ ᐊᓐᒡ ᒐ ᑕᑈᔭᔨᒪᒡ ᒋᓴᓴ ᐊᐅᑯᓐᒡ ᒐ ᒥᔨᑯᒡ ᒋᓴᒪᓂᑐᐛ ᐊᓂᔭ ᑲ ᐃᔅᒋᔄᔨᒋ ᒐ ᒥᔨᐛᔨᒋ᙮

ᑲᓚᓯᔭᓇ 3:22 Iomraidhean Croise

ᑎᐱᑦ ᐅᓂᑭᒧᐅᓇ 143:2

ᐊᑲᐎᔾ ᑭᔭ ᑎᐸᔅᑯᓐ ᒋᑦ ᐊᑐᔅᒐᔭᑭᓐ; ᐛᔅ ᐊᐸᑕᔅᑎᒥᐱᔨᓐ ᓇᒪᐎᔾ ᐊᐛᓐ ᐊ ᐱᒪᑎᓯᑦ ᒋᑭ ᒥᔪᑥᐛᔨᒪᑭᓄᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:16

ᐊᓐ ᐊᐛᓐ ᒐ ᑕᑈᑎᒧᒂ ᑭᔭ ᓯᑲᐃᑐᐛᑭᓄᒐ ᒋᑭ ᐱᒪᒋᐊᑭᓄᐤ, ᐊᑯ ᐊᓐ ᐊᐛᓐ ᒐ ᐊᑲ ᑕᑈᑎᒧᒂ ᒋᑭ ᓂᓱᐅᓇᒋᒪᑭᓄᐤ᙮

ᒠᓐ 12:46

ᓂᒋ ᑎᑯᓯᓐ ᐅᑕ ᐊᔅᒋᒡ ᒐᒋ ᒥᔨᐛᔭᓐ ᐛᔅᑕᐅᓐ᙮ ᐊᑯ ᒪᒃ ᐊᓐ ᐊᐛᓐ ᒐ ᐸᒋ ᑕᑈᔭᔨᒥᒂ ᓇᒪ ᒋᑭ ᐅᒋ ᑕᐤ ᐊᓐᑕ ᐅᓂᑎᐱᔅᑲᐅᓂᒡ᙮”

ᒠᓐ 20:31

ᐊᐅᒄ ᐅᔭ ᑲ ᒥᓯᓇᐃᑭᓄᐅᒋ ᒐᒋ ᑕᑈᑎᒪᒄ ᒋᓴᔅ ᑕᑈ ᐊ ᐊᐎᔨᒋ ᙭, ᒋᓴᒪᓂᑐᐤ ᐅᑯᓴ, ᑭᔭ ᑕᑈᔭᔨᒪᒂ ᐅᑦ ᐃᓯᓂᐧᑲᓱᐅᓐ ᒐ ᐊᔭᔭᒄ ᐱᒪᑎᓯᐅᓐ᙮

ᒠᓐ 3:36

ᐊᓐ ᒪᒃ ᐊᐛᓐ ᑲ ᑕᑈᔭᔨᒪᑦ ᐅᑯᓯᓯᒪᐛ ᐊᔭᐤ ᑲᒋᒡ ᐱᒪᑎᓯᐅᓂᔪᐤ, ᐊᑯ ᐊᓐ ᐊᐛᓐ ᐊᑲ ᓂᓇᐃᑐᐛᑦ ᐅᑯᓯᓯᒪᐛ ᓇᒪ ᒋᑭ ᐅᒋ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮ ᒋᓴᒪᓂᑐᐛ ᐅᑦ ᐊᐧᑯᔪᐛᓱᐅᓂᔪᐤ ᒋᑭ ᒪᑎᑯᔅᑲᑯᐤ᙮

ᒠᓐ 5:24

“ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐸᒋ ᓂᑐᑎᒧᒂ ᑕᓐ ᐊ ᐃᔅᒋᔄᐅᒡ ᑭᔭ ᑕᑈᑐᐛᒐ ᐊᓂᔭ ᑲ ᐸᒋ ᐃᑎᓴᐅᔨᒋ ᑲᒋᒡ ᒋᑭ ᐱᒪᑎᓯᐤ᙮ ᓇᒪ ᒋᑭ ᐅᒋ ᑎᐸᔅᑯᓇᑭᓄᐤ ᐛᔅ ᓂᐳᐅᓂᒡ ᒋ ᐅᒋ ᐅᑎᓇᑭᓄᐤ ᐊᑯ ᐱᒪᑎᓯᐅᓂᒡ ᑲ ᐃᓯ ᐱᔅᑎᓇᑭᓄᐅᑦ᙮

ᒠᓐ 6:40

ᐛᔅ ᐊᐅᒄ ᐅᔭ ᓄᑕᐎᔾ ᐅᑦ ᐃᑕᔨᑎᒧᐅᓐ, ᒥᓯᐛ ᐊᐛᔪᐛ ᑲ ᐛᐱᒪᔨᒋ ᑭᔭ ᑲ ᑕᑈᔭᔨᒪᔨᒋ ᐅᑯᓯᓯᒪᐛ ᑲᒋᒡ ᐱᒪᑎᓯᐅᓂᔪᐤ ᒐᒋ ᐊᔭᔨᒋ᙮ ᓂᔾ ᒪᒃ ᒐ ᐅᓂᔅᑲᓂᒥᒋ ᒪᔅᑕᔾ ᒋᓯᑲᒐ᙮”

ᐊᑈᔅᑕᓇᒡ 16:31

ᐊᑯ ᑈᓪ ᒂ ᐃᑕᑦ ᐅᔭ ᓇᐸᐛ, “ᑕᑈᔭᔨᒻ ᐅᑎᐸᔨᒋᒐᐤ ᒋᓴᔅ, ᑭᔭ ᒐ ᐱᒪᒋᐅᔨᓐ ᑭᔭ ᒥᓯᐛ ᐊᓐᒡ ᐊᓐᑕ ᐊ ᐸᐃᑯᑕᐅᓯᔨᓐ ᐊ ᑕᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:9

ᐃᔅᒋᔄᔨᓇ ᙭ ᐊᐅᒄ ᐅᑎᐸᔨᒋᒐᐤ ᑭᔭ ᒋᑕᐃᒡ ᑕᑈᑎᒥᓇ ᑕᑈ ᐊᒋ ᐅᓂᔅᑲᓂᑯᑦ ᒋᓴᒪᓂᑐᐛ ᓂᐳᐅᓂᒡ ᐅᒋ ᒋᑭ ᐱᒪᒋᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:32

ᒥᓯᐛ ᐊᐛᔪᐛ ᓇᒪ ᓂᓇᐃᑕᑯᐤ ᒋᓴᒪᓂᑐᐤ᙮ ᐊᑯ ᒪᒃ ᑲ ᐃᑐᑐᐛᑦ ᒥᓯᐛ ᐊᐛᔪᐛ ᒐᒋ ᒪᒋᒂᐱᐧᑲᑎᑯᔨᒋ ᐊᓂᔭ ᐊᑲ ᓂᓇᐃᑕᑯᑦ ᐊᓐᑕ ᒐᒋ ᐅᒋ ᓇᐃᐱᔨᑕᑦ ᒥᓯᐛ ᐊᐛᔪᐛ ᒐᒋ ᒋᔅᑎᒪᒐᔨᒪᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:22

ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒪᐤ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᔅ ᙭ᑕ᙮ ᒥᓯᐛ ᒪᒃ ᐊᐛᔪᐛ, ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᑭᔭ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ, ᑲ ᑕᑈᔭᔨᒪᔨᒋ ᒋᓴᓴ, ᐊᐅᑯᓐ ᐊ ᐃᓯ ᐃᑐᑎᒧᐛᑦ᙮ ᐛᔅ ᒥᓯᐛ ᐸᐃᑯᓄᒡ ᐃᓯ ᑭᓄᐛᐱᒪᐤ ᒥᓯᐛ ᐊᐛᔪᐛ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:23

ᒥᓯᐛ ᐊᐛᓐ ᒋ ᒥᒋᑐᑎᒻ᙮ ᐊᑯᑕ ᒪᒃ ᐛᒋ ᒥᓯᐛ ᐊᐛᓐ ᓄᑕᔅᑭᒺᑦ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:12

ᐊᐅᒄ ᒪᒃ ᐅ ᑲ ᐃᔅᐱᔨᒡ, ᐸᐃᒄ ᓇᐸᐤ ᐊ ᑕᑦ ᐊᑯᑕ ᑲ ᐅᒋ ᑎᒂᒡ ᒥᒋᑥᐅᓐ ᑭᔭ ᐊᑯᑕ ᑲ ᐅᒋ ᑎᒂᒡ ᓂᐳᐅᓐ ᐊᓂᔭ ᐊᒋ ᒥᒋᑐᑕᐧᒃ᙮ ᑭᔭ ᐊᑯᑕ ᐛᒋ ᐃᓯᓇᒂᒡ ᒥᓯᐛ ᐊᐛᓐ ᐊ ᐅᑎᑕᐅᑯᑦ ᓂᐳᐅᓂᔪᐤ, ᐛᔅ ᒥᓯᐛ ᐊᐛᓐ ᒥᒋᑐᑎᒻ᙮

ᑲᓚᓯᔭᓇ 3:14

᙭ ᒋ ᐱᔅᑎᓂᓱᐤ ᐅᔭ ᒐᒋ ᐃᑐᑐᐛᑭᓄᐅᑦ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐎᔨᐛᐤ ᒐᒋ ᒥᔅᑲᒡ ᐊᓂᔭ ᓱᐛᔨᒋᒐᐅᓂᔪᐤ ᐊᑉᕋᐊᒪ ᑲ ᐃᑕᑭᓄᔨᒋ ᒐᔅᑎᓇᔅ ᒐ ᒥᔭᑭᓄᔨᒋ᙮ ᐊᐅᒄ ᑲ ᐃᔅᐱᔨᒡ ᒐᒋ ᐊᔭᐛᐧᒄ ᐸᔭᒋ ᐊᒐᐧᒄ ᑕᑈᑎᒪᒂ᙮

ᑲᓚᓯᔭᓇ 3:17

ᒪᐅ ᐛ ᐃᔅᒋᔄᔭᓐ᙮ ᒋᓴᒪᓂᑐᐤ ᒋ ᐎᑎᒧᐛᐤ ᐊᑉᕋᐊᒪ ᑕᓐ ᐊᔅᒄ ᒐ ᐃᓯ ᐊᓱᑎᒧᐛᑦ, ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐱᐳᓇ ᒪᒃ ᐸᑎᒪ ᐊᑯ ᑲ ᑎᒂᒡ ᒍᐤ ᐊᔭᒥᐊᐅ ᐎᓱᐛᐅᓐ᙮ ᐅ ᒪᒃ ᐎᓱᐛᐅᓐ ᓇᒪ ᒋᑭ ᒋ ᒥᔅᑯᑎᔅᑲᒐᒥᑭᓐ ᐊᓂᔭ ᑕᓐ ᑲ ᐃᓯ ᓂᔅᑯᒪᑭᓄᐅᑦ ᐊᑉᕋᐊᒻ, ᓇᒪ ᒋᑭ ᒋ ᐃᓯᓇᑯᓂᔪᐤ ᒐ ᐊᑲ ᒋ ᐊᐱᑎᓂᔨᒡ ᐊᓂᔭ ᑕᓐ ᑲ ᐃᓯ ᐊᓱᑎᒧᐛᑭᓄᐅᑦ᙮

ᑲᓚᓯᔭᓇ 3:23

ᐊᔅᒄ ᐊᑲ ᐅᒋ ᑎᑯᓯᐧᒃ ᒋᓴᔅ ᐅᑕ ᐊᔅᒋᒡ ᔅᒋ ᒪᒋᒂᐱᐧᑲᑎᑯᓇᓄᐤ ᐎᓱᐛᐅᓐ ᐸᑐᔅ ᑲ ᐅᑎᒋᐱᔨᒡ ᒐᒋ ᑕᑈᑎᒪᐧᒄ᙮

ᑲᓚᓯᔭᓇ 3:29

᙭ ᐊ ᑕᑦ ᐊ ᐃᓯ ᑎᐸᔨᑕᑯᓱᐅᓇ ᒧᔭᒻ ᐊᑉᕋᐊᒻ ᐊ ᑕᑦ ᐊᒋ ᐅᒋ ᐊᓂᔅᒐ ᐱᒪᑎᓯᔨᓐ ᒋᑦ ᐃᓯᓇᑯᓯᓐ᙮ ᐊᑯ ᒪᒃ ᒐ ᒥᔅᑭᒧᑦ ᐊᓂᔭ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᒥᔨᐛᑦ᙮

2 ᑎᒧᑎ 1:1

ᓂᔾ ᑈᓪ, ᑲ ᒥᓯᓇᐊᒪᑕᓐ᙮ ᒋᓴᔅ ᙭ ᐅᑦ ᐊᑈᔅᑕᓂᒪ ᓂᔾ, ᐛᔅ ᐊᐅᒄ ᐅᔭ ᑲ ᐃᓯ ᐅᑎᓂᑦ ᒋᓴᒪᓂᑐᐤ᙮ ᐎᔾ ᒋᓴᒪᓂᑐᐤ ᓂᒋ ᐃᑎᓴᐅᒄ ᒐᒋ ᐊᔨᒧᑎᒧᒡ ᐊᓂᔭ ᐱᒪᑎᓯᐅᓂᔪᐤ ᑕᓐ ᑲ ᐃᓯ ᒐᔅᑎᓇᑎᔅᑕᑦ ᒐ ᐊᔭᔨᒋ ᐊᐛᔪᐛ ᑕᑈᔭᔨᒪᔨᒐ ᒋᓴᔅ ᙭ᑕ᙮

ᐃᑉᕈᐛ 9:15

ᐊᑯ ᒪᒃ ᐎᔾ ᑎᐱᔨᐛ ᐅᒥᐧᑯᒡ ᐅᒡ ᒋᓴᔅ ᒋ ᐅᓯᑕᐤ ᐊ ᐅᔅᑲᔨᒡ ᓂᔅᑯᒧᐅᓂᔪᐤ᙮ ᐊᑯ ᒪᒃ ᐊᓐᒡ ᒋᓴᒪᓂᑐᐛ ᑲ ᑕᑈᑎᑯᒡ ᒐᒋ ᐅᑦ ᐃᔨᒥᑐᑕᑯᒡ ᑲᒋᒡ ᒐ ᐊᔭᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᒥᔨᑯᒡ᙮ ᒋᓴᓴ ᐅᓂᐳᐅᓂᔨᒡ ᐅᒡ ᐊᑯᑕ ᐊ ᑎᒂᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ ᐊᓂᔭ ᑕᓐ ᑲ ᐃᓯ ᒥᒋᑐᑕᒡ ᐊᔅᒄ ᐊᒋ ᐊᐱᑎᓂᔨᒡ ᐛᔅᑭᒡ ᓂᔅᑯᒧᐅᓂᔪᐤ᙮

2 ᐱᑕᕐ 1:4

ᐊᑯᑕ ᒪᒃ ᑭᔭ ᐅᔭᔪᐤ ᐅᒋ, ᐅᔭ ᑕᓐ ᓴᔅ ᑲ ᐃᓯ ᒥᔨᑕᐧᒄ ᒋᐱᒪᑎᓯᐅᓇᒡ, ᐊᑯᑕ ᑲ ᐅᒋ ᒥᔨᑕᐧᒄ ᐊᓂᔭ ᒥᔨᐛᐅᓇ ᓇᔅᒡ ᑲ ᒋᔅᑕᔨᑕᑯᓂᔨᒋ ᑭᔭ ᓇᔅᒡ ᑲ ᒥᔽᓯᔨᒋ᙮ ᐊᐅᑯᓐ ᐛᔅ ᑭᑈ ᐊᓂᔭᔪᐛ ᒥᔨᐛᐅᓇ ᑲ ᐊᓱᑎᒧᐛᑦ ᒥᓯᐛ ᐊᓂᔭ ᒐ ᑕᑈᔭᔨᒥᑯᑦ᙮ ᐅᔭ ᒪᒃ ᒥᔨᐛᐅᓇ ᑲ ᐊᓱᑎᒪᑕᐧᒄ, ᐊᐅᑯᓐ ᐅᔭ ᒐ ᐎᒋᐃᑯᔭᐧᒄ ᒐ ᐊᑲ ᒋ ᓴᐧᑯᒋᐱᑎᑯᔭᐧᒄ ᑲ ᓂᓱᐅᓇᒋᐃᐛᒥᑲᒋ ᒥᒋ ᓂᑐᐛᔨᑎᒧᐅᓇ ᐅᑕ ᐊᔅᒋᒡ ᐊ ᑎᒂᒋ᙮ ᐊᑯᑕ ᑭᔭ ᒐᒋ ᐅᒋ ᐊᔭᔅᒃ ᐃᑕᔨᑕᑯᓯᔭᐧᒄ ᑕᓐ ᐊ ᐃᑕᔨᑕᑯᓯᑦ ᐎᔾ ᒋᓴᒪᓂᑐᐤ᙮

2 ᐱᑕᕐ 3:13

ᒋᔭᓄᐤ ᒪᒃ ᐎ, ᐊᓂᔭ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑕᐧᒃ ᐊᐅᑯᓐ ᐊᓐ ᐊ ᐊᓱᐛᐸᑎᒪᐧᒄ, ᐊᐅᒄ ᒐ ᐅᔅᑲᒋ ᒋᒋᒋᓯᒄ ᑭᔭ ᐊᔅᒋᔾ᙮ ᐊᑯᑕ ᒪᒃ ᐊᓐᑕ ᑯᐃᔅᑯᑕᑎᓯᐅᓐ ᒐ ᑎᒂᒡ᙮

1 ᒠᓐ 2:25

ᐊᐅᒄ ᒪᒃ ᐅᔭ ᑲ ᐃᔅᒋᔄᑦ ᙭, ᒐᔅᑎᓇᔅ ᒐ ᒥᔨᑕᐧᒄ ᑲᒋᒡ ᐱᒪᑎᓯᐅᓂᔪᐤ᙮