ᑲᓚᓯᔭᓇ 3:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐸᐃᒄ ᒐᒂᓐ ᒋᑭ ᑯᒂᒋᒥᑎᓇᐛᐤ᙮ ᐎᑎᒧᐅᒄ ᒪ᙮ ᐊ ᓂᓇᐃᑎᒪᒄ ᐊ ᒍᐤ ᐊᔭᒥᐊᐅ ᐎᓱᐛᐅᓇ ᔅᒋ ᐅᒋ ᒥᔨᑯᓇᐛᐤ ᑲ ᐸᔭᒋᓯᑦ ᐊᒐᐧᒄ ? ᓇᒪᐎᔾ ᐊ ᐊᒋ ᐸᑎᒺᒄ ᒋᓴᔅ ᐅᒥᔽᒋᒧᐅᓐ ᑭᔭ ᐊᒋ ᑕᑈᑎᒪᒄ ᐛᒋ ᒥᔨᑯᔭᒄ ?

ᑲᓚᓯᔭᓇ 3:2 Iomraidhean Croise

ᐊᑈᔅᑕᓇᒡ 15:8

ᒋᓴᒪᓂᑐᐤ ᒪᒃ ᒋᔅᒐᔨᒪᐤ ᒥᓯᐛ ᐊᐛᔪᐛ ᑕᓐ ᐊᓐ ᐊ ᐃᑕᔨᑕᑯᓯᔨᒋ᙮ ᒋ ᓄᑯᑕᐤ ᐊ ᓂᑐᐛᔨᒪᑦ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᑕᑈᔭᔨᒥᑯᑦ ᒧᔭᒻ ᐊᓂᔭ ᒍᐤ ᑲ ᐃᓯ ᑕᑈᑎᒥᔨᒋ ᐛᔅ ᒋ ᒥᔭᐤ ᑲ ᐸᔭᒋᓯᔨᒋ ᐊᒐᒂ ᒧᔭᒻ ᒋᔭᓄᐤ ᑲ ᐃᓯ ᒥᔨᑕᐧᒄ᙮

ᐊᑈᔅᑕᓇᒡ 2:38

ᐊᑯ ᐱᑕᕐ ᒂ ᐃᑕᑦ, “ᒂᔅᑲᑎᓯᒄ ᒥᓯᐛ ᐸᐸᐃᒄ ᐊ ᑎᓯᔭᒄ᙮ ᓂᑭᑎᒥᒄ ᒋᒥᒋᑥᐅᓄᐛᐛ ᐊᑯ ᒪᒃ ᒐ ᓯᑲᐃᑕᑯᐅᔭᒄ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᒐᒋ ᐅᒋ ᐛᐸᔨᑎᒪᑯᐅᔭᒄ ᒋᒥᒋᑥᐅᓄᐛᐛ᙮ ᒋᑭ ᒥᔨᑯᐛᐤ ᒪᒃ ᒋᓴᒪᓂᑐᐤ ᐅᒥᔨᐛᐅᓐ, ᐊᐅᒄ ᐅᔭ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 8:15

ᐃᔅᐱ ᒪᒃ ᑕᑯᓯᓂᒡ ᐊᓐᑕ, ᒋ ᐊᔭᒥᐊᔅᑎᒧᐛᐅᒡ ᐊᓂᔭ ᑲ ᑕᑈᑎᒥᔨᒋ ᒐᒋ ᐊᔭᐛᔨᒋ ᑲ ᐸᔭᒋᓯᔨᒋ ᐊᒐᒂ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:17

ᐊᑯᑕ ᑭᔭ ᒥᔽᒋᒧᐅᓂᒡ ᐛᒋ ᒋᔅᒐᔨᑎᒥᐃᑯᔭᐧᒄ ᑕᓐᑕ ᐛᒋ ᑯᐃᔅᑯᓇᑯᐊᑦ ᒋᓴᒪᓂᑐᐤ ᐊᐛᔪᐛ ᐎᔾ ᐃᔅ ᐊ ᑕᑦ᙮ ᐊ ᑕᑈᔭᔨᒪᑦ ᐊᐛᓐ ᒋᓴᓴ ᐊᑯᑕ ᒥᒄ ᐛᒋ ᑯᐃᔅᑯᓇᑯᐊᑭᓄᐅᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᑕᑈᑎᒧᐅᓂᔪᐤ ᐱᒪᒋᐃᑯᐤ ᐊᐛᓐ, ᑭᔭ ᐊᐅᒄ ᐅᔭ ᒐ ᒋᐛᑕᐃᑯᑦ᙮ ᒧᔭᒻ ᐊᑎᔅᑕᒡ ᒥᓯᓇᐃᑭᓂᒡ, ᐊᓐ ᑲ ᑯᐃᔅᑯᓇᑯᓯᑦ ᑕᑈᑎᒧᐅᓂᒡ ᐅᒡ ᐊᐅᒄ ᒐ ᐱᒪᑎᓯᑦ᙮

1 ᑯᕆᓐᑎᔭᓇ 9:21

ᐊᑯ ᒪᒃ ᐃᔅᐱ ᐊ ᑕᔭᓂ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᑕᒡ, ᒧᔭᒻ ᐊᑲ ᒍᐤ ᐃᑎᔅᑲᓇᓯᔭᓐ ᓂᑦ ᐃᑕᐃᓱᓐ ᐊ ᐎ ᐃᑐᑐᐅᒂᐤ ᑭᔭ ᐎᔨᐛᐤ ᒐᒋ ᑕᑈᔭᔨᒪᒡ ᙭ᑕ᙮ ᒋᔅᒐᔨᑎᒻ ᒋᓴᒪᓂᑐᐤ ᐊ ᓂᓇᐃᑎᒪᓐ ᐎᓱᐛᐅᓐ, ᐊᓂᔭ ᐎᓱᐛᐅᓂᔪᐤ ᙭ ᑲ ᐸᒋ ᒥᔨᑦ ᐊᐅᑯᓐ ᐊᓐ ᓂᓇᐃᑎᒪᓐ᙮

2 ᑯᕆᓐᑎᔭᓇ 11:4

ᒥᔅᑯᒡ ᐛᒋᐱᔪᐛ ᒥᒄ ᒐᒋ ᐃᓯ ᑕᑈᑎᒪᒄ ᑕᓐ ᐊ ᐃᓯ ᐛᐎᑎᒪᑕᑯᒡ ᐅᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᒋᔅᑯᑎᒪᒐᓱᒡ, ᐊ ᐃᑕᔨᒪᑯᒡ᙮ ᓇᔅᒡ ᒋᓂᑐᑐᐛᐛᐤ ᐊᐛᓐ ᐃᔭᒡ ᐊ ᐃᓯ ᐊᔨᒧᒪᑦ ᒋᓴᓴ ᑕᓐ ᑲ ᐃᓯ ᐊᔨᒧᑎᒪᑕᒡ ᓂᔭᓐ᙮ ᐊᓄᒡ, ᒥᒄ ᒋ ᐊᑎ ᐃᓯ ᑕᑈᐅᒐᔨᒪᐛᐤ ᐃᔭᒡ ᐊ ᐃᑕᔨᑕᑯᓯᑦ ᐊᒐᐧᒄ ᑕᓐ ᑲ ᐃᑕᔨᑕᑯᓯᑦ ᐊᓐ ᑲ ᐸᔭᒋᓯᑦ ᐊᒐᐧᒄ ᓂᔅᑎᒻ ᑲ ᐊᔭᐛᒄ᙮ ᑭᔭ ᐃᔭᒡ ᐊ ᐃᑎᑕᑯᒡ ᒥᔽᒋᒧᐅᓐ ᐊᓐ ᑲ ᐃᓯ ᐎᑎᒪᑕᒡ ᒥᒄ ᒋ ᐊᑎ ᐃᓯ ᑕᑈᑕᓇᐛᐤ᙮

ᑲᓚᓯᔭᓇ 3:14

᙭ ᒋ ᐱᔅᑎᓂᓱᐤ ᐅᔭ ᒐᒋ ᐃᑐᑐᐛᑭᓄᐅᑦ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐎᔨᐛᐤ ᒐᒋ ᒥᔅᑲᒡ ᐊᓂᔭ ᓱᐛᔨᒋᒐᐅᓂᔪᐤ ᐊᑉᕋᐊᒪ ᑲ ᐃᑕᑭᓄᔨᒋ ᒐᔅᑎᓇᔅ ᒐ ᒥᔭᑭᓄᔨᒋ᙮ ᐊᐅᒄ ᑲ ᐃᔅᐱᔨᒡ ᒐᒋ ᐊᔭᐛᐧᒄ ᐸᔭᒋ ᐊᒐᐧᒄ ᑕᑈᑎᒪᒂ᙮

ᑲᓚᓯᔭᓇ 3:3

ᑕᓐᑕ ᐛᒋ ᓇᔅᒡ ᐊᑲ ᐃᑕᔨᑎᒪᒄ ? ᒋᑦ ᐃᑕᔨᑕᓇᐛᐤ ᐊ ᒋᔨᐛᐤ ᒐᒋ ᐃᑐᑎᒪᒄ ᒐᒋ ᒋᔅᑕᔭᒄ ᐊᓂᔭ ᑕᓐ ᑲ ᐃᓯ ᒋᒋᐱᔨᑕᑦ ᑲ ᐸᔭᒋᓯᑦ ᐊᒐᐧᒄ ᒋᐱᒪᑎᓯᐅᓄᐛᒡ ?

ᑲᓚᓯᔭᓇ 3:5

ᔅᒋ ᒥᔨᑯᐛᐤ ᐊ ᒋᓴᒪᓂᑐᐤ ᑲ ᐸᔭᒋᓯᔨᒋ ᐊᒐᒂ ᑭᔭ ᒋ ᒪᒥᔅᑲᒡ ᐃᑐᐤ ᐊ ᐊᓐᑕ ᒪᒂᒡ ᐊ ᑕᐛᒄ ᒥᒄ ᐊᓂᔭ ᐊ ᓂᓇᐃᑎᒺᒄ ᒍᐤ ᐊᔭᒥᐊᐅ ᐎᓱᐛᐅᓂᔪᐤ ? ᓇᒪᐎᔾ ᐊ ᐊᓂᔭ ᐊᒋ ᐸᑎᒺᒄ ᑭᔭ ᒪᒃ ᐊᒋ ᐊᑎ ᑕᑈᑎᒺᒄ ᐅᒥᔽᒋᒧᐅᓐ ?

ᐃᑉᕈᐛ 2:4

ᒋᓴᒪᓂᑐᐤ ᒪᒃ ᑭᔭ ᐎᔾ ᔅᒋ ᐛᐸᑎᔨᑯᓄᐤ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ ᐊ ᒪᒥᔅᑲᒡ ᐃᑎᑦ ᑭᔭ ᒪᒥᔅᑲᒡ ᐛᐸᑎᔨᐛᐅᓇ ᐊ ᐛᐸᑎᔨᐛᑦ ᑭᔭ ᓂᓇᐧᑯᐤ ᐊ ᐃᓯ ᒪᒥᔅᑲᒡ ᐃᑐᑎᒪᒐᑦ᙮ ᑭᔭ ᒋ ᐃᑐᑐᐛᐤ ᑲ ᐸᔭᒋᓯᔨᒋ ᐊᒐᒂ ᒐᒋ ᒥᔭᔨᒋ ᐊᐛᔪᐛ ᓂᓇᐧᑯᐤ ᑭᔅᒋᐅᓇ, ᑕᓐ ᐊᓂᔭᔪᐛ ᐎᔾ ᒋᓴᒪᓂᑐᐤ ᐊ ᐃᑕᔨᑎᒥᐃᑯᑦ ᒐ ᐃᓯ ᒥᔨᐛᑦ᙮

ᐃᑉᕈᐛ 4:2

ᐊᑯ ᒪᒃ ᔅᒋ ᐸᑕᓇᓄᐤ ᐊᓐ ᒥᔽᒋᒧᐅᓐ ᐊᓐᑕ ᑲ ᐊᔨᒧᑕᒡ ᐊᓐᑕ ᒐ ᐊᔽᐱᔨᒋ ᒋᓴᒪᓂᑐᐤ ᐅᑦ ᐃᔨᒪ᙮ ᐊᔪᐅᒄ ᐅᔭ ᒥᔽᒋᒧᐅᓂᔪᐤ ᑲ ᐃᓯ ᐸᑕᒡ ᐊᓂᔭᐧᑲ ᒋᐛᐧᑯᒪᑭᓄᐎᒡ᙮ ᒥᒄ ᒪᒃ ᓇᒪ ᐅᒋ ᐱᒐᐅᒡ ᐊᓐᑕ ᐛᔅ ᓇᒪ ᐅᒋ ᑕᑈᑎᒧᒡ ᑕᓐ ᑲ ᐃᓯ ᐎᑎᒧᐛᑭᓄᐎᒡ᙮

ᐃᑉᕈᐛ 6:4

ᑕᐅᒡ ᐊᐛᓐᒋ ᐊ ᓂᔅᑐᑕᒡ ᑕᓐ ᑲ ᐃᓯ ᒋᔅᑯᑎᒧᐛᑭᓄᐎᒡ ᒋᓴᓴ ᐊ ᐊᔨᒧᒪᑭᓄᔨᒋ᙮ ᒋ ᒥᔨᑯᐅᒡ ᒋᓴᒪᓂᑐᐛ ᐊᓂᔭᔪᐛ ᒪᐅᒡ ᑲ ᒋᔅᑕᔨᑕᑯᓂᔨᒋ ᒥᔨᐛᐅᓇ ᑭᔭ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐅᒡ᙮ ᐃᔭᐱᒡ ᒪᒃ ᒋᒋᐛ ᒋ ᐊᑎ ᒋᐛᑲᐳᔅᑐᐛᐅᒡ ᒋᓴᒪᓂᑐᐛ᙮ ᓇᒪ ᒪᒃ ᒋᑭ ᒋ ᐎᒋᐊᑭᓄᐎᒡ ᐅᒡ ᒥᓐ ᒐᒋ ᒂᔅᑲᑎᓯᒡ᙮

1 ᐱᑕᕐ 1:12

ᒋ ᒋᔅᒐᔨᑎᒥᐊᑭᓄᐅᒡ ᒪᒃ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᑲ ᐎᔨᐛᐤ ᒪᒂᒡ ᐊ ᐱᒪᑎᓯᒡ ᒐ ᐃᔅᐱᔨᒡ ᐅᔭ᙮ ᒋᔨᐛᐤ ᒐᒋ ᒋᔅᒐᔨᑎᒺᒄ ᐊᐅᒄ ᐛᒋ ᐊᔨᒧᑕᒡ ᐊᓂᔭᔪᐛ ᒐᒂᔪᐛ ᐊᓄᒡ ᑕᓐ ᐊ ᐃᓯ ᐛᐎᑎᒪᑕᑯᒡ ᐊᓐᒡ ᑲ ᐛᐎᑕᒡ ᒥᔽᒋᒧᐅᓂᔪᐤ᙮ ᑲ ᐸᔭᒋᓯᑦ ᐊᒐᐧᒄ ᐊᓐ ᑲ ᐸᒋ ᐃᑎᓴᐛᑭᓄᐅᑦ ᒋᒋᒋᓯᑯᒡ ᐅᒡ, ᐊᐅᑯᓐ ᐊᓐ ᑲ ᒥᔭᑦ ᒐᒋ ᐛᐎᑎᒥᔨᒋ ᐅᔭ ᒥᔽᒋᒧᐅᓂᔪᐤ᙮ ᐊᔪᐅᒄ ᐅᔭ ᒐᒂᔪᐤ ᐛᐛᒡ ᐊᓐᒋᓐᒡ ᐎ ᒋᔅᒐᔨᑎᒧᒡ᙮