ᑲᓚᓯᔭᓇ 3:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᒐᒂᔪᐤ ᒪᒃ ᐛᒋ ᒥᔭᑭᓄᐎᒡ ᐊᐛᓐᒋ ᐊᓂᔭ ᐎᓱᐛᐅᓂᔪᐤ ? ᒋ ᒥᔭᑭᓄᐎᒡ ᐊᓐᑕ ᐅᒋ ᒐᒋ ᐅᒋ ᓂᔅᑐᓇᒡ ᒥᒐᑎᓯᐅᓂᔪᐤ᙮ ᑭᔭ ᐊᔪᐅᒄ ᐅᔭ ᐎᓱᐛᐅᓂᔪᐤ ᒋᐸ ᐊᐱᑎᓂᔪᐤ ᒐ ᐃᔅᐱᔅ ᐊᑲ ᑎᑯᓯᓂᔨᒋ ᐊᓂᔭᔪᐛ ᒋᓴᒪᓂᑐᐤ ᑲ ᐃᔅᒋᔄᑦ ᐊᑉᕋᐊᒪ ᐊ ᑕᔨᒋ ᒐ ᐅᒋ ᐊᓂᔅᒐ ᐱᒪᑎᓯᔨᒋ, ᐊᓐ ᑲ ᒥᔭᑭᓄᐅᑦ ᐊᓂᔭ ᐊᓱᑎᒪᒐᐅᓂᔪᐤ᙮ ᐊᓐᒋᓐᒡ ᒋ ᐸᑕᐅᒡ ᐅᔭ ᐎᓱᐛᐅᓂᔪᐤ ᐅᑕ ᐊᔅᒋᒡ᙮ ᒧᓱᓴ ᒪᒃ ᐊᐅᑯᓂ ᑲ ᐊᐱᒋᐊᒡ ᐊᓐᒡ ᐊᓐᒋᓐᒡ ᒐᒋ ᐛᐎᑎᒧᐛᑭᓄᔨᒋ ᐊᓂᔭᔪᐛ ᐃᔪᐛ ᐊᓂᔭᐤ ᐎᓱᐛᐅᓂᔪᐤ᙮

ᑲᓚᓯᔭᓇ 3:19 Iomraidhean Croise

ᑎᐱᑦ ᐅᓂᑭᒧᐅᓇ 106:23

ᐊᔪᐅᒄ ᐛᒋ ᐃᔅᒋᔄᑦ ᒐᒋ ᓂᓱᐅᓇᒋᐊᑦ, ᒥᓱᐧᒄ ᒧᓱᓴ ᐅᐛᔭᐱᒪᑭᓇ, ᐊᑲ ᐅᒋ ᐅᑎᔅᑯᑲᐳᔅᑕᑯᑯᐱᓇ ᐊᓐᑕ ᐊ ᐱᑯᐱᑕᑭᓄᐎᔨᒡ, ᒐᒋ ᐳᓂ ᐊᐧᑯᔪᐛᓯᐃᑯᑦ, ᒐ ᐊᑲ ᒋ ᓂᓱᐅᓇᒋᐊᑦ᙮

ᓗᒃ 16:31

ᐊᑯ ᒪᒃ ᐊᑉᕋᐊᒻ ᒂ ᐃᑕᑦ, “ᒐ ᐊᑲ ᐅᒋ ᐃᑐᑎᒧᐛᒂ ᒧᓱᓴ ᒪᒃ ᐊᓂᔭ ᐅᒋᔅᒋᐛᐃᒐᓱᐛ ᑕᓐ ᑲ ᐃᓯ ᒥᓯᓇᐊᒥᔨᒋ ᓇᒪ ᒋᑭ ᐅᒋ ᑯᒂᑕᔨᑎᒥᐃᑯᐅᒡ ᒐᒋ ᓂᑐᑐᐛᒡ ᐊᐛᔪᐛ ᐸᒋ ᓂᑐᐛᐱᒥᑯᑥᐛ ᐊᑎ ᐊᒋ ᐅᓂᔅᑲᔨᒋ ᓂᐳᐅᓂᒡ ᐅᒡ᙮”

ᒠᓐ 1:17

ᒋᓴᒪᓂᑐᐤ ᒋ ᐊᐱᒋᐊᐤ ᐊᓂᔭᐧᑲ ᒧᓱᓴ ᒐᒋ ᐎᑎᒧᐛᔨᒋ ᐃᔪᐛ ᐅᐎᓱᐛᐅᓇ᙮ ᑭᔭ ᒋᓴᔅ ᙭ᑕ ᒋ ᐊᐱᒋᐊᐤ ᒐᒋ ᓄᑯᑕᔨᒋ ᐅᑕᑈᐅᓐ ᑭᔭ ᐅᒋᓴᐛᑎᓯᐅᓐ᙮

ᒠᓐ 15:22

ᐊᑲ ᐅᒋ ᐸᒋ ᐃᔨᒥᐃᒂᐤ ᓇᒪ ᒋᐸ ᐅᒋ ᐊᑕᒪᔨᑕᑯᓱᐅᒡ ᒥᒋᑥᐅᓂᔪᐤ᙮ ᐊᓄᒡ ᒪᒃ ᑕᑈ ᐊᒋ ᐸᒋ ᐃᔨᒥᐃᒂᐤ ᑭᑈ ᐊ ᐊᑕᒪᔨᑕᑯᓯᒡ ᐊᒋ ᒥᒋᑐᑕᒡ᙮

ᐊᑈᔅᑕᓇᒡ 7:38

ᐊᐅᒄ ᐅ ᒧᓱᔅ ᒋ ᑕᐤ ᒪᒧᐤ ᑭᔭ ᐎᔾ ᐊᓐᑕ ᐸᐧᑯᑎᔅᑭᒥᑲᒡ ᒪᒂᒡ ᑲ ᑕᒡ ᐊᓐᑕ ᐊᓐᒡ ᐛᔅᑭᒡ ᒋᑦ ᐃᔨᒥᓄᒡ᙮ ᑭᔭ ᒋ ᑕᐤ ᐊᓐᑕ ᓴᐃᓇᐃ ᐱᔅᑯᑎᓇᒡ ᐊᓐᑕ ᑲ ᐃᔨᒥᐃᑯᑦ ᐊᓐᒋᓇ᙮ ᐎᔾ ᒧᓱᔅ ᒋ ᒥᔭᑭᓄᐤ ᒐᒋ ᐊᓱᐎᑎᒪᑕᒄ ᒋᓴᒪᓂᑐᐤ ᐅᑦ ᐃᔨᒧᐅᓂᔪᐤ ᒐ ᐊᑲ ᓂᑕ ᐳᓂᐱᔨᒡ᙮”

ᐊᑈᔅᑕᓇᒡ 7:53

ᐊᓐᒋᓐᒡ ᔅᒋ ᐸᑥᑯᐛᐅᒡ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒥᒄ ᒪᒃ ᓇᒪ ᐃᔭᐱᒡ ᒋ ᐅᒋ ᓂᓇᐃᑎᒺᓇᐛᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:13

ᐛᔅ ᑕᐸ ᐊᓐᑕ ᐊ ᐸᑕᐧᒃ ᐊᐛᓐ ᒧᓱᓴ ᐅᐎᓱᐛᐅᓂᔪᐤ ᒋᑭ ᐅᒋ ᑯᐃᔅᑯᓇᑯᓱᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐃᑐᑕᒐ ᑕᓐ ᐊ ᐃᑎᔅᑕᔨᒡ ᐊᓐᑕ ᐊᑯᑕ ᒐ ᐅᒋ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:15

ᐛᔅ ᐊᑲ ᓂᓇᐃᑕᑭᓄᐅᒡ ᐎᓱᐛᐅᓐ ᐊᑯᑕ ᐛᒋᐱᔨᒡ ᒋᓴᒪᓂᑐᐤ ᒐᒋ ᐊᐧᑯᔪᐛᓯᑦ᙮ ᐊᑯ ᒪᒃ ᐊᓐᑕ ᐊᑲ ᑎᒂᒋ ᐎᓱᐛᐅᓇ ᓇᒪ ᑭᑈ ᑎᑯᓐ ᐊᓐᑕ ᐊᑲ ᓂᓇᐃᑕᑭᓄᐅᒋ ᐎᓱᐛᐅᓇ᙮

ᑲᓚᓯᔭᓇ 3:16

ᐊᐅᑯᓐ ᒪᒃ ᒧᔭᒻ ᑲ ᐃᓯᓇᑯᓂᔨᒡ ᒋᓴᒪᓂᑐᐤ ᑭᔭ ᐊᓂᔭᐧᑲ ᐊᑉᕋᐊᒻ ᑲ ᐅᓯᑎᒪᓱᒡ ᑕᓐ ᑕᐱᔅᑯᓐ ᒐ ᐃᓯ ᓂᔅᑯᒧᒡ᙮ ᒋᓴᒪᓂᑐᐤ ᒋ ᐃᔅᒋᔄᑯᐱᓇ ᒐᔅᑎᓇᔅ ᒐ ᓱᐛᔨᒪᑦ ᐊᑉᕋᐊᒪ ᑭᔭ ᐸᐃᒄ ᐊᓂᔭᔪᐛ ᐊᐛᔪᐛ ᐊᓐᑕ ᐊ ᑕᔨᒋ ᒐ ᐅᒋ ᐊᓂᔅᒐ ᐱᒪᑎᓯᔨᒋ᙮ ᓇᒪ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ, ᒋᔾ ᑭᔭ ᐊᓐᒡ ᐊᓐᑕ ᐊ ᑕᔨᓐ ᒐ ᐅᒋ ᐊᓂᔅᒐ ᐱᒪᑎᓯᒡ ᒋᑭ ᒥᔪᑐᑎᒪᑎᓇᐛᐤ᙮ ᒪᐅ ᐊᑎᔅᑕᒡ, ᒋᔾ ᒋᑭ ᒥᔪᑐᑎᒪᑎᓐ ᑭᔭ ᐸᐃᒄ ᐊᓐ ᐊᓐᑕ ᐊ ᑕᔨᓐ ᒐ ᐅᒋ ᐊᓂᔅᒐ ᐱᒪᑎᓯᑦ᙮ ᙭ ᒪᒃ ᐅ ᑲ ᐊᔨᒧᒪᑭᓄᐅᑦ᙮

ᐃᑉᕈᐛ 2:2

ᐊᓐᑕ ᐛᔅᑭᒡ ᐊᓂᔭᔪᐤ ᑎᐸᒋᒧᐅᓂᔪᐤ ᑲᒋ ᐸᒋ ᐎᑕᒡ ᐊᓐᒋᓐᒡ ᒋ ᑕᑈᒥᑭᓂᔪᐤ᙮ ᐊᓐᒡ ᒪᒃ ᐊᐛᓐᒋ ᐊᑲ ᐅᒋ ᐊᐱᓯᑕᒡ ᒪᒃ ᐊᑲ ᐅᒋ ᓂᓇᐃᑕᒡ, ᒋ ᐛᐛᓯᐊᑭᓄᐅᒡ ᑕᓐ ᑲ ᐃᓯ ᒋᔅᑕᔨᑕᑯᓂᔨᒡ ᒐᒋ ᐃᑐᑐᐛᑭᓄᐛᑯᐱᓇ᙮

ᐃᑉᕈᐛ 2:5

ᒥᓯᐛ ᒐᒂᔪᐛ ᑲ ᐊᔨᒧᑎᒪᓐ ᒐ ᐅᑎᒋᐱᔨᒋ ᓇᒪ ᐎ ᐊᓐᒋᓐᒡ ᒋᑭ ᐅᒋ ᐅᒋᒪᐧᑲᑎᒧᒡ᙮