ᑲᓚᓯᔭᓇ 3:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋᔨᐛᐤ ᑲ ᑕᑈᑎᒪᒄ ᑲᓚᓯᔭ ᐊᔅᒋᒡ ᐊ ᑕᔭᒄ ᐊᔪᐛᒡ ᐊᑲ ᐃᑕᔨᑎᒪᒄ᙮ ᐊᐛᓐ ᐛᓴ ᑲ ᐃᓯ ᐎᔭᓯᒥᑕᒄ ? ᓇᔅᒡ ᐃᔭᒂ ᔅᒋ ᐎᑎᒪᑎᓇᐛᐤ ᒋᓴᔅ ᙭ ᐊᒋ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ᙮

ᑲᓚᓯᔭᓇ 3:1 Iomraidhean Croise

ᒪᑎᔪᐤ 24:24

ᒋᑭ ᑕᐅᒡ ᐊᐛᓐᒋ ᐊ ᐎᔭᓯᐃᐛᒡ ᐊ ᐃᔅᒋᔄᒡ ᓂᔾ ᙭᙮ ᒋᑭ ᑕᐅᒡ ᑭᔭ ᒥᒋ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ᐛᐸᑎᔨᐛᒡ ᑭᔭ ᒋᑭ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ᐎᔭᓯᐊᒡ᙮

ᒪᑎᔪᐤ 7:26

“ᐊᑯ ᑕᑐᐤ ᐊᐛᓐ ᑲ ᐸᑕᐧᒃ ᑕᓐ ᐊᓂᔭᔪᐤ ᑲ ᐃᔅᒋᔄᐅᒡ ᐊᑲ ᒪᒃ ᐃᑐᑕᐧᒃ ᒧᔭᒻ ᐊᐛᓐ ᐊᑲ ᓂᔍᔨᑕᐧᒃ ᐊᓐᑕ ᐃᔭᑲᒡ ᑲ ᐎᔨᑲᐳᐅᑕᑦ ᐎᒡ ᐊᐅᑯᓐ ᐊ ᐃᓯᓇᑯᓯᑦ᙮”

ᓗᒃ 24:25

ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ᐃᑎᑯᒡ ᒋᓴᓴ, “ᒋᔨᐛᐤ ᓇᐸᑐᒄ, ᑕᑈ ᐊᑲ ᐃᑕᔨᑎᒪᒄ, ᑕᓐᑕ ᐛᒋ ᐊᑲ ᐅᒋ ᑕᑈᑐᐛᑯᒡ ᑕᓐ ᑲ ᐃᓯ ᓂᑲᓐ ᐎᑕᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮

ᐊᑈᔅᑕᓇᒡ 16:6

ᐊᑯ ᐊᓐᑕ ᐳᕆᒋᔭ ᑭᔭ ᑲᓚᓯᔭ ᐊᔅᒋᒡ ᒂ ᐃᑐᑕᒡ, ᑲ ᐸᔭᒋᓯᔨᒋ ᐊᒐᒂ ᐊᒋ ᓇᑲᓂᑯᒡ ᒐᒋ ᐛᐎᑕᒡ ᒥᔽᒋᒧᐅᓂᔪᐤ ᐊᓐᑕ ᐊᐃᓴ ᐊᔅᒋᒡ᙮

ᐊᑈᔅᑕᓇᒡ 6:7

ᒋᓴᒪᓂᑐᐤ ᒪᒃ ᐅᑦ ᐃᔨᒧᐅᓐ ᒋ ᒥᓯᑕᐱᔪᐤ᙮ ᐊᔭᔅᒃ ᒥᒐᑦ ᐃᔪᒡ ᐊᓐᑕ ᒋᕈᓯᓕᒥᒡ ᑲ ᑕᒡ ᒋ ᑕᑈᑎᒧᒡ, ᑭᔭ ᒥᒐᑦ ᐊᔭᒥᐊᐅᒋᒪᐅᒡ ᒋ ᑕᑈᑎᒧᒡ ᑭᔭ ᒋ ᓂᓇᐃᑎᒧᒡ ᒥᔽᒋᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:16

ᐊᑎ ᒪᒃ ᐊᒋ ᑕᔨᒋ ᐊᓂᔭᔪᐛ ᑲ ᐃᑎᓴᐊᒧᐛᑭᓄᐎᒡ ᒐᒋ ᐛᐎᑎᒪᑯᒡ ᒥᔽᒋᒧᐅᓂᔪᐤ ᐊᓐᒡ ᒍᐤ ᐃᔪᒡ ᓇᒪ ᒥᓯᐛ ᐅᒋ ᑕᑈᑎᒧᒡ᙮ ᐊᐅᒄ ᒪᒃ ᐅᔭ ᐊᓂᔭᐧᑲ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ᐊᔨᒧᑕᐧᒃ ᑲ ᐃᔅᒋᔄᑦ, ᐅᑎᐸᔨᒋᒐᐤ, ᐊᑐᐎᔅ ᐊ ᐊᐛᓐ ᑕᑈᑎᒻ ᑕᓐ ᐊ ᐃᓯ ᐛᐎᑎᒪᒡ ?

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:8

ᐊᑯ ᐊᓂᔭ ᑯᑎᑲ ᐊᐛᔪᐛ ᒥᒄ ᐎᔨᐛᐤ ᑲ ᒪᒥᑐᓇᔨᒥᓱᔨᒋ ᐊᑲ ᓇᔅᒡ ᐊᐱᑕᔨᑎᒥᔨᒋ ᐊᓂᔭ ᑕᓐ ᐊ ᐃᓯ ᑯᐃᔅᑯᓇᑯᓂᔨᒡ ᒐᒋ ᐃᑐᑎᒥᔨᒋ, ᐱᓯᒄ ᑲ ᒥᒋᑐᑎᒥᔨᒋ, ᐊᐅᑯᓐ ᐅᔭ ᒪᐅᒡ ᐃᔭᒂᒡ ᒐ ᐃᓯ ᑎᐸᔅᑯᓇᑦ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:17

ᓂᓇᔅᑯᒪᐤ ᒋᓴᒪᓂᑐᐤ ᒋᔨᐛᐤ ᐸᐃᒂᐤ ᑲ ᐃᓯᓇᑯᓯᔭᒄ ᐊ ᐅᑦ ᐊᐱᒋᐊᑭᓂᑐᑕᑯᔭᒄ ᒥᒋᑥᐅᓐ, ᐊᒋ ᐅᑎᒋᐱᔨᒡ ᑕᓐᑕ ᓇᔅᒡ ᑲ ᐃᑕᔨᑎᒥᐃᑯᔭᒄ ᒐᒋ ᓂᓇᐃᑎᒪᒄ ᒥᔪ ᒋᔅᑯᑎᒪᒐᐅᓐ ᐃᔅᐱ ᐊ ᐊᑎ ᐛᐎᑎᒪᑯᐅᔭᒄ᙮

1 ᑯᕆᓐᑎᔭᓇ 11:26

ᐊᑯ ᒪᒃ ᑕᑥᐤ ᒐ ᒧᒪᑯᐤ ᐅᔭ ᐸᒂᓯᑭᓇ ᑭᔭ ᑕᑥᐤ ᐅᒋ ᒥᓂᔭᒂ ᐅᔭ ᒥᓂᒂᑭᓂᔪᐤ ᒋ ᐃᑐᑕᓇᐛᐤ ᒐᒋ ᒋᔅᒐᔨᑕᒡ ᐊᐛᓐᒋ ᐊᒋ ᓂᐱᔨᒋ ᐅᑎᐸᔨᒋᒐᐛ᙮ ᒧᔅ ᒪᒃ ᐃᑐᑎᒧᒄ ᐅ ᐸᑐᔅ ᑎᑯᓯᒐ ᐅᑎᐸᔨᒋᒐᐤ᙮

1 ᑯᕆᓐᑎᔭᓇ 2:2

ᓂᒋ ᐎᔭᔨᑕᓐ ᒥᒄ ᐸᐃᒄ ᒐᒂᓐ ᒐ ᐊᔨᒧᑎᒪᓐ ᐊᐅᒄ ᒋᓴᔅ ᙭ ᑭᔭ ᐊᓂᔭ ᐊᒋ ᒋᔅᑕᔎᑕᑭᓄᐅᑦ᙮

2 ᑯᕆᓐᑎᔭᓇ 10:5

ᒥᒄ ᓂᑦ ᐃᑎᓇᓐ ᒐᒋ ᓂᒋᐛᐸᐊᒪᒡ ᑕᓐ ᐊ ᐃᓯ ᐎᔭᓯᒧᐛᐤ ᑭᒐᑕᐛᑕᑯᐃᓯᒡ ᐊᓐᒡ ᐊᑲ ᒧᔭᒻ ᑲ ᐃᓯ ᐊᔨᒧᒪᒡ ᒋᓴᒪᓂᑐᐛ ᑭᔭ ᑲ ᓂᑲᐅᐛᒡ ᒐᒋ ᒋᔅᒐᔨᒪᑭᓄᔨᒋ ᒋᓴᒪᓂᑐᐛ᙮ ᓂ ᐎ ᐃᑐᑐᐛᓇᓂᒡ ᒐᒋ ᐱᔅᑕᔨᒥᑎᓱᔅᑎᒧᐛᒡ ᙭ᑕ ᐅᒥᑐᓇᔨᒋᑭᓄᐛᐛ ᒐᒋ ᐅᒋ ᓂᓇᐃᑐᐛᒡ᙮

2 ᑯᕆᓐᑎᔭᓇ 11:3

ᓂ ᑯᔅᐱᓇᑕᔨᑕᓐ ᒐᒋ ᐎᔭᓯᐃᑯᐅᔭᒄ, ᒧᔭᒻ ᑕᓐ ᑲ ᐃᓯ ᐎᔭᓯᐃᑯᑦ ᐃᑉ ᒋᓇᐱᒂ ᐊᒋ ᑭᑭᒋᔭᒥᑯᑦ, ᓂ ᑯᔅᐱᓇᑕᔨᑕᓐ ᒐᒃ ᒐ ᐊᑲ ᒋ ᐃᑕᔨᒪᒄ ᙭ ᑕᓐ ᐊ ᐃᑕᔨᒪᒄ ᐊᓄᒡ, ᓇᔅᒡ ᒋ ᐊᑎ ᐃᓯ ᓇᓴᐛᐛᐤ ᑭᔭ ᒥᒄ ᐎᔾ ᒋ ᓂᓇᑭᑐᐛᔨᒪᐛᐤ᙮

ᑲᓚᓯᔭᓇ 1:2

ᒋᔨᐛᐤ ᐎᐧᑲᓂᓯᒪᐅᒡ ᑲᓚᓯᔭ ᑲ ᐃᓯᓂᐧᑲᑕᒡ ᐊᔅᒋᔾ ᐊ ᑕᔭᒄ ᒋ ᐛᒋᔭᒥᑎᓇᓐ᙮ ᓂᔾ ᑭᔭ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐅᑕ ᐊ ᑕᒡ ᒋ ᐛᒋᔭᒥᑎᓇᓐ᙮

ᑲᓚᓯᔭᓇ 1:6

ᑕᑈ ᒋᒥᔅᑲᑕᔨᒥᑎᓇᐛᐤ ᑲ ᐃᔅᐱᔅ ᐎᐱᒡ ᒋ ᐊᑎ ᓂᑭᑕᒄ ᒋᓴᒪᓂᑐᐤ ᐊᓐ ᑲ ᑕᑈᑎᑕᒄ ᙭ ᐅᒋᓴᐛᑎᓯᐅᓂᔨᒡ ᐅᒡ᙮ ᑯᑎᒡ ᑎᐸᒋᒧᐅ ᒥᔽᒋᒧᐅᓐ ᐊ ᐃᓯᓂᐧᑲᑕᑭᓄᐅᒡ ᒋ ᓂᑐᑕᓇᐛᐤ ᐊᑯ᙮

ᑲᓚᓯᔭᓇ 2:14

ᐎᔭᐱᒥᒂᐤ ᒪᒃ ᐊᑲ ᑯᐃᔅᒄ ᐃᑎᒡ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ ᑲ ᑕᑈᒥᑭᓂᔨᒡ ᓂᒋ ᐊᓏᔨᒪᐤ ᐱᑕᕐ ᒥᓯᐛ ᐊᓂᔭᔪᐛ ᑲ ᑕᑈᑎᒥᔨᒋ ᐊ ᓂᑐᑎᒥᔨᒋ᙮ ᓂᒋ ᐃᑕᐤ, “ᒍᐤ ᒋᑦ ᐃᑎᔅᑲᓇᓯᓐ᙮ ᒥᒄ ᒪᒃ ᓇᒪ ᒥᓯᐛ ᒋ ᓂᓇᐃᑕᓐ ᒍᐤ ᐊᔭᒥᐊᐅ ᐎᓱᐛᐅᓇ᙮ ᒐᒂᓐ ᒪᒃ ᐛᒋ ᓯᒋᒥᑥᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒍᐤ ᐊᔭᒥᐊᐅ ᐎᓱᐛᐅᓇ ᒐᒋ ᓂᓇᐃᑕᒡ᙮”

ᑲᓚᓯᔭᓇ 3:3

ᑕᓐᑕ ᐛᒋ ᓇᔅᒡ ᐊᑲ ᐃᑕᔨᑎᒪᒄ ? ᒋᑦ ᐃᑕᔨᑕᓇᐛᐤ ᐊ ᒋᔨᐛᐤ ᒐᒋ ᐃᑐᑎᒪᒄ ᒐᒋ ᒋᔅᑕᔭᒄ ᐊᓂᔭ ᑕᓐ ᑲ ᐃᓯ ᒋᒋᐱᔨᑕᑦ ᑲ ᐸᔭᒋᓯᑦ ᐊᒐᐧᒄ ᒋᐱᒪᑎᓯᐅᓄᐛᒡ ?

ᑲᓚᓯᔭᓇ 4:9

ᐊᑯ ᒪᒃ ᒐᔅᒐᔨᒪᒄ ᐊᑯ ᒋᓴᒪᓂᑐᐤ᙮ ᑎᔭᐧᑯᓐ ᐃᔭᐱᒡ ᒋᐸ ᒥᔽᐤ ᐃᔅᒋᔄᔭᒄ ᐎᔾ ᐊᐅᒄ ᒋᓴᒪᓂᑐᐤ ᐊ ᒋᔅᒐᔨᒥᑕᒄ᙮ ᑕᓐᑕ ᐛᒋ ᐃᑎᔭᒄ ᒥᓐ ᒐᒋ ᓇᑕᑯᒡ ᐊᓐᒡ ᐊᒐᐧᑯᒡ ᐊᑲ ᓴᐱᓯᒡ ᑭᔭ ᐊᑲ ᐅᔭᔅ ᐃᑕᐱᑎᓯᒡ, ᒥᓐ ᒐᒋ ᒪᒋᒂᐱᐧᑲᑎᑕᑯᒡ᙮

ᑲᓚᓯᔭᓇ 5:11

ᓂᐧᑲᓂᓯᑐᒄ, ᑕᐅᒡ ᐊᐛᓐᒋ ᐊ ᐃᔅᒋᔄᒡ ᐊ ᐃᔅᒋᔄᐅᒡ ᐊ ᓂᑐᐛᔨᑕᑯᓂᔨᒡ ᒐᒋ ᒋᔅᒋᓄᐛᒋᔄᑭᓄᐅᑦ ᐊᐛᓐ᙮ ᓇᒪ ᒪᒃ ᐅ ᓂᑦ ᐃᓯ ᑭᒐᔅᒋᒧᓐ᙮ ᐊᓂᔭ ᐊ ᐛᐎᑎᒧᒡ ᒋᓴᓴ ᐊᒋ ᓂᐱᔨᒋ ᒋᐱᔭᑎᑯᒡ ᐊᓐᑕ ᐅᑯᐃᔅᑯᑕᑎᓯᐤ ᒐᒋ ᐃᓯ ᑭᓄᐛᐱᒥᑕᒄ ᒋᓴᒪᓂᑐᐤ ᐊᐅᒄ ᐊᓂᔭ ᐛᒋ ᒋᔄᓯᒡ ᐊᐛᓐᒋ᙮ ᐊᐅᒄ ᐊᓂᔭ ᐛᒋ ᓂᓇᐧᑲᑕᔨᒧᐃᒡ᙮

ᐃᐱᓯᔭᓇ 3:8

ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ᐃᑕᔨᑕᑯᓯᔭᓐ ᐊ ᐃᑕᔨᑕᑯᓯᒡ ᑲ ᑕᑈᑕᒡ, ᐃᔭᐱᒡ ᓂᔾ ᓂᒋ ᓱᐛᔨᒥᒄ ᒋᓴᒪᓂᑐᐤ ᐊᒋ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ᑕᔨᒋ ᐅᒋ᙮

ᐃᐱᓯᔭᓇ 4:14

ᐊᑯ ᒪᒃ ᓇᒪ ᒋᑭ ᐅᒋ ᐊᐛᓯᐅᐛᔨᑕᑯᓯᓇᓄᐤ᙮ ᒧᔭᒻ ᐊ ᐱᐸᒧᐛᐸᐅᑯᔭᐧᒄ ᑕᓐ ᐊ ᐃᓯ ᒋᔅᑯᑎᒪᒐᒡ ᑲ ᐎᔭᓯᐃᐛᒡ ᒐᒋ ᐃᓯᓇᑯᓯᔭᐧᒄ, ᐊᐅᒄ ᐊᓐᒡ ᐅᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᒥᒋᑐᑎᒥᔨᒋ ᓂᓇᐧᑯᐤ ᐊ ᐃᓯ ᐎᔭᓴᐊᒡ᙮

ᐃᐱᓯᔭᓇ 5:15

ᓱᒃ ᐃᔭᒂᒥᒄ ᑕᓐ ᐊ ᐃᓯ ᐱᒪᑎᓯᔭᒄ᙮ ᓇᒪ ᒋᐸ ᐅᒋ ᐃᓯ ᐱᒪᑎᓯᓇᐛᐤ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᐊᔭᒡ ᑭᒐᑕᐛᔨᑎᒧᐅᓂᔪᐤ᙮ ᐊᐛᓐᒋ ᑲ ᐊᔭᒡ ᑭᒐᑕᐛᔨᑎᒧᐅᓂᔪᐤ ᐊᐅᒄ ᑕᑈ ᒋᐸ ᐃᓯ ᐱᒪᑎᓯᓇᐛᐤ᙮

2 ᑕᓴᓗᓂᔭᓇ 1:8

ᐃᔅᑯᑕᔪᐤ ᐊ ᐛᔭᑕᐱᔨᒡ ᒋᑭ ᐊᐱᒋᑕᐤ ᐛᐛᓯᐊᒐ ᐊᓂᔭ ᐊᑲ ᒋᔅᒐᔨᒪᔨᒋ ᒋᓴᒪᓂᑐᐛ ᑭᔭ ᐊᓂᔭᔪᐛ ᐊᑲ ᓂᓇᐊᔨᑎᒥᔨᒋ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᐅᑎᐸᔨᒋᒐᐛ ᒋᓴᓴ᙮

1 ᑎᒧᑎ 6:4

ᓇᔅᒡ ᑕᑈ ᒋᒋᐛ ᐃᑕᔨᒥᓱᐤ, ᑭᔭ ᓇᒪ ᐊᓐ ᒋᔅᒐᔨᑎᒻ ᐊᓂᔭ ᒐᒂᔪᐤ ᐛ ᐃᓯ ᐊᔨᒧᑕᐧᒃ᙮ ᐛᔅ ᐅᔅᑕ ᐃᑕᔨᑎᒻ ᒐᒋ ᐊᔨᒧᑕᐧᒃ ᒐᒂᔪᐤ ᐊᓐᑕ ᒐᒋ ᐅᒋ ᐊᑲ ᓂᓇᐊᔨᒥᑐᓇᓄᐎᒡ᙮ ᐊᑯᑕ ᒪᒃ ᐅᑕ ᐛᒋᐱᔨᒡ ᐅᑕᔨᑎᒧᐅᓐ ᑭᔭ ᐊ ᒪᒥᒋᐱᔨᐃᑐᓇᓄᐅᒡ ᑭᔭ ᒪᔭᔨᒐᐅᓐ ᑭᔭ ᓂᑐᐎᔾ ᐊ ᐃᑕᑭᓄᐅᑦ ᐊᐛᓐ᙮

ᐃᑉᕈᐛ 11:8

ᐊᑉᕋᐊᒻ ᑭᔭ ᒋ ᑕᑈᔭᔨᒪᐤ ᒋᓴᒪᓂᑐᐛ᙮ ᐊᐅᒄ ᐊᓂᔭ ᐛᒋ ᓂᓇᐃᑐᐛᑦ ᐃᔅᐱ ᑲ ᑕᑈᑎᑯᑦ ᑭᔭ ᑲ ᐃᑎᑯᑦ ᒐᒋ ᓂᑭᑕᐧᒃ ᐊᓂᔭ ᐊᔅᒋᔪᐤ ᐊᓐᑕ ᑲ ᐅᒋᑦ ᐊᓐᑕ ᒐᒋ ᐃᑐᑕᑦ ᐊᓂᔭ ᐊᔅᒋᔪᐤ ᑲ ᐃᑎᑯᑦ ᒋᓴᒪᓂᑐᐛ ᒐ ᒥᔨᑯᑦ ᐎᔾ ᒐᒋ ᐊᔭᑦ᙮ ᐊᑉᕋᐊᒻ ᒪᒃ ᒋ ᓂᓇᐃᑎᒻ, ᑎᐛᒡ ᒋ ᔅᑐᑕᐤ ᐊᑎ ᐊᑲ ᐊᔅᒄ ᐅᒋ ᒋᔅᒐᔨᑕᐧᒃ ᑕᓐᑕ ᐊᓐ ᒋᐸ ᐃᑐᑕᐤ᙮

ᐃᑉᕈᐛ 5:9

ᐊᓂᔭ ᒪᒃ ᓇᔅᒡ ᐊᒋ ᓂᓇᐃᑕᐧᒃ ᒋᓴᔅ ᒐᒋ ᓂᓇᐧᑲᒋᐊᑭᓄᐅᑦ, ᐊᑯᑕ ᑲ ᐅᒋ ᒥᔭᑭᓄᐅᑦ ᑲᒋᒡ ᒐᒋ ᐱᒪᒋᐊᑦ ᒥᓯᐛ ᐊᓂᔭᔪᐛ ᑲ ᓂᓇᐃᑕᑯᑦ᙮

1 ᐱᑕᕐ 1:22

ᐊᒋ ᐸᔭᒋᐊᑭᓄᐎᒡ ᒋᑦ ᐊᒐᐧᑯᐛᐅᒡ ᐊᓐ ᐅᒋ ᐊ ᓂᓇᐃᑎᒪᒄ ᑕᑈᐅᓐ ᑭᔭ ᐊ ᐃᓯᓇᑯᓯᔭᒄ ᒋᒋᐛ ᐊᓴᒋᐊᑯᒡ ᒋᒡ ᐃᔪᐛᐅᒡ, ᓱᒃ ᓴᒋᐃᑐᒄ ᒥᓯᐛ ᒋᑕᐃᐛᒡ ᐅᒡ᙮

1 ᐱᑕᕐ 4:17

ᐛᔅ ᓴᔅ ᐅᑎᒋᐱᔪᐤ ᒐ ᑎᐸᔅᑯᓇᑦ ᒋᓴᒪᓂᑐᐤ ᐅᑦ ᐃᔨᒪ᙮ ᒧᔭᒻ ᒪᒃ ᒋᔭᓄᐤ ᑲ ᑕᑈᑎᒪᐧᒄ ᓂᔅᑎᒻ ᒐ ᑎᐸᔅᑯᓂᑯᐛᐅᒂ, ᐃᓯᒪ ᒋᑭ ᐃᔅᐱᔪᒡ ᐊᓐᒡ ᐊᑲ ᐎ ᓂᓇᐃᑎᒺᒡ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ᙮

2 ᐱᑕᕐ 2:18

ᐛᔅ ᓇᔅᒡ ᑕᑈ ᒋᔅᑕᒋᒥᓱᐅᒡ ᑭᔭ ᒋᔎ ᐊᔨᒥᐅᒡ᙮ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᒪᒃ ᐎᔭᓱᐤ ᐱᒪᑎᓯᐅᓂᔪᐤ, ᐊᑯᑕ ᐊᓯᐃᐅᒡ ᒐᒋ ᑲᔅᑎᓇᒡ ᐊᓂᔭ ᐊᐛᔪᐛ ᐊᓄᒡ ᑲ ᐅᒋ ᐎᐧᑯᒋᐅᔨᒋ ᐊᓐᑕ ᐊ ᐛᓂᐱᔨᓇᓄᐎᒡ ᐊᒋ ᐃᓯ ᐎᒋᐃᐛᔨᒋ᙮

ᒋᔅᒐᔨᑕᑯᑕᒐᐅᓐ 18:3

ᐛᔅ ᐊᓐᒡ ᐊᓐᑕ ᑲ ᐎᒋᒡ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᓇᔅᒡ ᐛᐸᒻ ᒋ ᐅᒋ ᓇᐃᐱᔨᑐᐛᐅᒡ ᒐᒋ ᓂᓱᐅᓇᒋᐃᑯᔨᒋ ᐊ ᐎᓂᓱᐤ ᐱᒪᑎᓯᔨᒋ᙮ ᒧᔭᒻ ᐊᒋ ᒥᓇᐊᒡ ᓱᒥᓇᐳᔪᐤ ᒐᒋ ᒋᔎᐸᔅᑲᑯᔨᒋ, ᐊᑯᓐ ᑲ ᐃᓯᓇᑯᓂᔨᒡ ᐊᓂᔭ ᑲ ᐃᑐᑐᐛᒡ᙮ ᒋ ᐸᒋ ᐎᒋ ᐎᓂᓱᐤ ᐱᒪᑎᓯᒥᑯᐅᒡ ᒋᓴᐅᒋᒪᐛ ᐅᑕ ᐊᔅᒋᒡ ᑲ ᑕᔨᒋ᙮ ᐊᑯ ᐊᓂᔭᔪᐛ ᐊ ᐊᑕᐛᔨᒋ ᒐᒂᔪᐤ ᑲ ᐅᒋ ᐱᒪᒋᐅᔨᒋ, ᒋ ᐅᓱᓇᔭᓂᒥᐧᑲᓱᔪᐛ ᑕᓐ ᑲ ᐃᓯ ᐊᑲ ᐅᒋ ᐳᓂᐱᔨᒡ ᐊ ᐎ ᐛᔪᑎᓯᒡ᙮ ᐎᓂᓱᐱᒪᑎᓯᐅᓂᒡ ᒋ ᐅᒋ ᐅᓱᓇᔭᓂᒥᐧᑲᓱᐅᒡ᙮”

ᒋᔅᒐᔨᑕᑯᑕᒐᐅᓐ 2:20

ᒥᒄ ᒪᒃ ᒋ ᐎ ᐎᑎᒪᑎᓇᐛᐤ ᒐᒂᓐ ᐊᑲ ᒥᔽᔨᑎᒥᐃᑯᔭᓐ᙮ ᒋᓂᑐᑐᐛᐛᐤ ᐊᓐ ᐃᔎᐤ ᒐᓯᐸᓪ ᑲ ᐃᓯᓂᐧᑲᓱᑦ ᒧᔭᒻ ᐅᒋᔅᒋᐛᐃᒐᓱᐤ ᑲ ᐃᑕᐃᓱᑦ᙮ ᐎᔭᓯᐊᐤ ᓂᑦ ᐊᐱᒋᐊᑭᓇ ᐊ ᒋᔅᑯᑎᒧᐛᑦ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔨᒋ ᑭᔭ ᐊ ᐃᑐᑐᐛᑦ ᒐᒋ ᒥᒋᔨᒋ ᒐᒂᔪᐤ ᒥᓂᑐᐧᑲᓇ ᐊᒋ ᒥᑐᔅᑕᐊᒧᐛᑭᓄᔨᒋ᙮