ᑲᓚᓯᔭᓇ 2:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᓇᒪ ᒪᒃ ᓇᔅᒡ ᓂ ᐅᒋ ᓂᔅᑯᒺᓇᓐ ᒐᒋ ᐃᑐᐅᒋᑦ ᐊᓂᔭ ᑲ ᐃᓯ ᓂᑐᐛᔨᒥᔨᒥᒡ ᒐᒋ ᐃᑐᐅᒋᑦ ᐛᔅ ᓂ ᐎ ᒥᔪ ᑭᓄᐛᔨᑕᓇᓐ ᑕᓐ ᐊ ᐃᓯ ᑕᑈᒥᑲᒡ ᒥᔽᒋᒧᐅᓐ ᒋᔨᐛᐤ ᒐᒋ ᒋᔅᒐᔨᑎᒪᒄ᙮

ᑲᓚᓯᔭᓇ 2:5 Iomraidhean Croise

ᐊᑈᔅᑕᓇᒡ 15:2

ᑈᓪ ᑭᔭ ᐸᕐᓇᐸᔅ ᒋ ᓂᔅᑯᔅᑐᐛᐅᒡ ᑭᔭ ᓱᒃ ᒋ ᐎ ᐛᐸᑎᔭᐅᒡ ᑕᑈ ᐊ ᐅᓂᐱᔨᒡ ᐊᓂᔭ ᐊ ᐃᔅᒋᔄᔨᒡ᙮ ᐊᑯ ᒂ ᐎᔭᔨᑕᑭᓄᐎᒡ ᑈᓪ ᑭᔭ ᐸᕐᓇᐸᔅ ᑭᔭ ᐱᔅᒐ ᐊᓐᑕ ᐊᓐᑎᔭᑭᒡ ᑲ ᐅᒋᒡ ᒐᒋ ᐃᑐᑕᒡ ᐊᓐᑕ ᒋᕈᓯᓕᒥᒡ ᒐᒋ ᑯᒂᒋᒪᒡ ᐊᓂᔭ ᐊᑈᔅᑕᓇ ᑭᔭ ᐊᓂᔭ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ ᑕᓐ ᐊ ᐃᑕᔨᑎᒥᐃᑯᔨᒋ ᐊᓂᔭ ᑲ ᐃᓯ ᒋᔅᑯᑎᒪᒐᓄᐎᒡ᙮

ᑲᓚᓯᔭᓇ 1:6

ᑕᑈ ᒋᒥᔅᑲᑕᔨᒥᑎᓇᐛᐤ ᑲ ᐃᔅᐱᔅ ᐎᐱᒡ ᒋ ᐊᑎ ᓂᑭᑕᒄ ᒋᓴᒪᓂᑐᐤ ᐊᓐ ᑲ ᑕᑈᑎᑕᒄ ᙭ ᐅᒋᓴᐛᑎᓯᐅᓂᔨᒡ ᐅᒡ᙮ ᑯᑎᒡ ᑎᐸᒋᒧᐅ ᒥᔽᒋᒧᐅᓐ ᐊ ᐃᓯᓂᐧᑲᑕᑭᓄᐅᒡ ᒋ ᓂᑐᑕᓇᐛᐤ ᐊᑯ᙮

ᑲᓚᓯᔭᓇ 2:14

ᐎᔭᐱᒥᒂᐤ ᒪᒃ ᐊᑲ ᑯᐃᔅᒄ ᐃᑎᒡ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ ᑲ ᑕᑈᒥᑭᓂᔨᒡ ᓂᒋ ᐊᓏᔨᒪᐤ ᐱᑕᕐ ᒥᓯᐛ ᐊᓂᔭᔪᐛ ᑲ ᑕᑈᑎᒥᔨᒋ ᐊ ᓂᑐᑎᒥᔨᒋ᙮ ᓂᒋ ᐃᑕᐤ, “ᒍᐤ ᒋᑦ ᐃᑎᔅᑲᓇᓯᓐ᙮ ᒥᒄ ᒪᒃ ᓇᒪ ᒥᓯᐛ ᒋ ᓂᓇᐃᑕᓐ ᒍᐤ ᐊᔭᒥᐊᐅ ᐎᓱᐛᐅᓇ᙮ ᒐᒂᓐ ᒪᒃ ᐛᒋ ᓯᒋᒥᑥᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒍᐤ ᐊᔭᒥᐊᐅ ᐎᓱᐛᐅᓇ ᒐᒋ ᓂᓇᐃᑕᒡ᙮”

ᑲᓚᓯᔭᓇ 4:16

ᒋ ᐛᐧᑲᓯᓇᐛᐤ ᐊ ᐊᑯ ᑕᑈᐅᓐ ᐊ ᐎᑎᒪᑎᑯᒡ ?

ᐃᐱᓯᔭᓇ 1:13

ᒋᔨᐛᐤ ᒪᒃ ᑭᔭ ᐊᓐᑕ ᐃᐱᓴᔅ ᐊ ᑕᔭᒄ, ᒋᓴᒪᓂᑐᐤ ᔅᒋ ᐅᑦ ᐃᔨᒥᑐᑕᑯᐛᐤ ᐅᔅᑭᒡ ᑲ ᐸᑎᒪᒄ ᐊᓐ ᑲ ᑕᑈᒥᑲᒡ ᐃᔨᒧᐅᓐ, ᐊᐅᒄ ᒥᔽᒋᒧᐅᓐ ᑲ ᐱᒪᒋᐃᑯᔭᒄ᙮ ᙭ ᔅᒋ ᑕᑈᔭᔨᒪᐛᐤ, ᑭᔭ ᑲ ᒋᔅᒋᓄᐛᒋᐃᑕᒄ ᒋᓴᒪᓂᑐᐤ ᐎᔾ ᐊ ᐊᔭᐅᑕᒄ, ᑲ ᐸᔭᒋᓯᔨᒋ ᐊᒐᒂ ᐊᒋ ᒥᔨᑕᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᐛᑦ᙮

ᑯᓚᓯᔭᓇ 1:5

ᐊᓐᑕ ᐅᔅᑭᒡ ᑲ ᐛᐎᑎᒪᑯᐅᔭᒄ ᒥᔽᒋᒧᐅᓐ, ᐅ ᑕᑈᐅ ᐃᔨᒧᐅᓐ ᑲ ᐃᓯᓂᐧᑲᑕᒡ, ᐊᑯᑕ ᑲ ᐸᑎᒪᒄ ᑕᓐ ᐊ ᐃᓯ ᑎᒂᒡ ᐊᔅᐸᔨᒧᐅᓂᒡ᙮ ᐊᑯ ᒪᒃ ᐊᔅᐸᔨᒧᐅᓐ ᐊᔭᔭᒄ ᐊᑯᑕ ᐛᒋ ᐃᓯᓇᒂᒡ ᒐᒋ ᑕᑈᔭᔨᒪᒄ ᙭ ᑭᔭ ᒐᒋ ᓴᒋᐃᐛᔭᒄ᙮ ᐅ ᒪᒃ ᑕᓐ ᐊ ᐃᓯ ᐊᔅᐸᔨᒧᔭᒄ ᒋᒋᒋᓯᑯᒡ ᑭᓄᐛᔨᑕᑭᓄᐤ᙮

1 ᑕᓴᓗᓂᔭᓇ 2:13

ᒪᐅ ᒥᓐ ᐛᒋ ᒧᔅ ᓂᓇᔅᑯᒥᒋᒡ ᒋᓴᒪᓂᑐᐤ᙮ ᐃᔅᐱ ᑲ ᐸᒋ ᐛᐎᑎᒪᑕᒡ ᑕᓐ ᑲ ᐃᓯ ᒥᔨᑯᔭᒡ ᒋᓴᒪᓂᑐᐤ ᒐᒋ ᐃᓯ ᐛᐎᑎᒪᒡ ᐃᔭᒂ ᔅᒋ ᓂᑐᑕᓇᐛᐤ ᑭᔭ ᔅᒋ ᑕᑈᑕᓇᐛᐤ᙮ ᓇᒪ ᐎᔾ ᓇᐸᐤ ᐅᑦ ᐃᔨᒧᐅᓐ ᒋ ᐅᒋ ᐃᑕᔨᑕᓇᐛᐤ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑕᑈ ᒪᒃ ᒋᓴᒪᓂᑐᐤ ᐅᔭ ᐅᑦ ᐃᔨᒧᐅᓐ᙮ ᑎᑯᓐ ᒪᒃ ᐊ ᐃᓯ ᐊᑐᔅᒐᒥᑲᒡ ᒋᐱᒪᑎᓯᐅᓄᐛᒡ ᐊᓐ ᑲ ᐃᓯ ᐛᐎᑎᒪᑕᒡ᙮

ᒍᑦ 1:3

ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᓇᔅᒡ ᐊᒋ ᐃᑕᔨᑎᒪᓐ ᒐᒋ ᒥᓯᓇᐊᒪᑎᑯᒡ ᒐᒋ ᐊᔨᒧᑎᒪᑎᑯᒡ ᐊᓐ ᐱᒪᒋᐃᑯᓯᐅᓐ ᒥᓯᐛ ᑲ ᒋᔅᒐᔨᑎᒪᐧᒄ᙮ ᒐᒃ ᓂᒋ ᐃᑕᔨᑕᓐ ᑕᑈ ᐊ ᓂᑐᐛᔨᑕᒂᒡ ᒐᒋ ᒥᓯᓇᐊᒪᑎᑯᒡ ᒐᒋ ᓯᒋᒥᑎᑯᒡ᙮ ᒋ ᐎ ᓯᒋᒥᑎᓇᐛᐤ ᒪᒃ ᓱᒃ ᒐᒋ ᐊᒋᔅᑎᒪᒄ ᒐᒋ ᑭᓄᐛᔨᑎᒪᒄ ᐊᓐ ᐸᐃᒂᐤ ᑭᔭ ᒋᒋᐛ ᑲ ᐃᓯ ᒥᔭᑭᓄᐎᒡ ᒐ ᐃᓯ ᑕᑈᑕᒡ ᑲ ᑕᑈᑕᒡ᙮