ᑲᓚᓯᔭᓇ 2:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᒥᒄ ᒪᒃ ᒋ ᑕᐅᒡ ᓇᐸᐅᒡ ᒋᒧᑦ ᐊᒋ ᐸᒋ ᐱᑕᐱᔪᐅᒡ ᐊᓐᑕ ᐊ ᐃᑕᐅᒋᑦ ᒧᔭᒻ ᐊ ᑕᑈᔭᔨᒪᒡ ᑭᔭ ᐎᔨᐛᐤ ᒋᓴᓴ ᐊ ᐃᑎᒡ᙮ ᓂᒋ ᐎ ᓇᓂᑐ ᒋᔅᒐᔨᒥᑯᓇᓂᒡ ᑕᓐ ᐊ ᐃᓯ ᑎᐸᒋᒥᒋᒋ ᒋᓴᔅ ᙭ᑕ ᐊ ᐎᒐᐅᒥᒋᒋ, ᐊᓐ ᑲ ᐊᐱᐧᑯᓂᔨᒥᑦ᙮ ᐊᔪᐅᒄ ᐅᔭ ᑲ ᐃᑎᒡ ᐊᒋ ᐎ ᐃᑐᑐᐎᒥᒡ ᑲᐤ ᒐᒋ ᒪᒋᒂᐱᐧᑲᑎᑯᔭᒡ ᐎᓱᐛᐅᓐ᙮

ᑲᓚᓯᔭᓇ 2:4 Iomraidhean Croise

ᑎᐱᑦ ᐅᓂᑭᒧᐅᓇ 119:45

ᓂᑭ ᐱᒧᑕᓐ ᒪᒃ ᑎᐸᔨᒥᓱᐅᓂᒡ; ᐛᔅ ᓂ ᓇᓂᑐᐛᔨᑕᓐ ᒋᒋᔅᑯᑎᒪᒐᐅᓇ᙮

ᑎᐱᑦ ᐅᓂᑭᒧᐅᓇ 51:12

ᒋᐛ ᒥᔨ ᒥᔽᔨᑎᒧᐅᓐ ᑲ ᐅᒋᐱᔨᒡ ᒋᐱᒪᒋᐃᐛᐅᓂᒡ; ᓯᑐᓂ ᒪᒃ ᒋ ᒥᔪ ᐊᒐᐧᒄ ᐅᒡ᙮

ᓗᒃ 5:38

ᐊ ᐅᔅᑲᑭᒥᔨᒡ ᓱᒥᓇᐳᔪᐤ ᐊᓐᑕ ᐊ ᐅᔅᑲᔨᒡ ᐅᓯᑭᔾ ᐳᑕᒡ ᒋᐸ ᐃᓯ ᐱᑕᐸᐅᑕᐤ᙮

ᐊᑈᔅᑕᓇᒡ 15:1

ᐱᔅᒐ ᒪᒃ ᓇᐸᐅᒡ ᐊᓐᑕ ᒍᑎᔭ ᐊᔅᒋᒡ ᒋ ᐅᑐᑕᐅᒡ ᐊᓐᑕ ᐊᓐᑎᔭᑭᒡ ᑲ ᐱᒐᒡ ᑲ ᐊᑎ ᒋᔅᒋᓄᐊᒧᐛᒡ ᐊᓂᔭᔪᐛ ᑲ ᑕᑈᑎᒥᔨᒋ ᐊᓐᑕ ᑲ ᑕᔨᒋ, ᐊ ᐃᑕᒡ, “ᓇᒪ ᒋᑭ ᒋ ᐱᒪᒋᐅᓇᐛᐤ ᐸᑐᔅ ᒋᔅᒋᓄᐛᒋᔄᑯᔭᒂ ᐛᔅ ᐊᐅᑯᓐ ᐊᑎᔅᑕᒡ ᐊᓐᑕ ᒧᓱᔅ ᐅᐎᓱᐛᐅᓂᒡ᙮”

ᐊᑈᔅᑕᓇᒡ 15:24

ᓂ ᒋᔅᒐᔨᒪᓇᓂᒡ ᐱᔅᒐ ᓇᐸᐅᒡ ᐅᑕ ᐊ ᐅᒋᔭᒡ ᐊ ᐅᒋᒡ ᐊᒋ ᓂᑐᐛᐱᒥᑕᑯᒡ ᑭᔭ ᐊᒋ ᒋᔅᑯᑎᒪᑕᑯᒡ ᒐᒂᔪᐤ ᒐᒋ ᐅᒋ ᐊᔨᒪᔨᑎᒪᒄ᙮ ᓇᒪ ᒪᒃ ᓂᔭᓐ ᓂ ᐅᒋ ᐃᑎᓱᒪᓇᓂᒡ ᐊᓂᔭ ᑲ ᐃᑎᒡ᙮

ᐊᑈᔅᑕᓇᒡ 20:30

ᓂᐦᐃ, ᐛᐛᒡ ᑭᔭ ᐊᓐᑕ ᓇᓂᑎᒻ ᐊ ᑕᔭᒄ ᒋᑭ ᐅᒋ ᐎᔨᑲᐳᐅᒡ ᐊᐛᓐᒋ ᐊ ᑯᒂᔅᒋᐱᔨᑕᒡ ᑕᑈᐅᓂᔪᐤ ᑭᔭ ᐊ ᐎ ᐃᒐᐱᑕᒡ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐎᔨᐛᐤ ᒐᒋ ᓇᓴᐅᑯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:15

ᐛᔅ ᑕᐸ ᒋᑦ ᐃᑐᑕᑯᐛᐤ ᐊᓐ ᐊᒐᐧᒄ ᒋᓴᒪᓂᑐᐤ ᑲ ᒥᔨᑕᒄ ᑲᐤ ᒐᒋ ᑎᐸᔨᒥᑯᐛᒄ ᓴᒋᓱᐅᓂᔪᐤ᙮ ᐅ ᐊᒐᐧᒄ ᐅᒋ ᐊᑯᑕ ᐛᒋ ᐃᓯᐃᑕᒄ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑕᑕᒄ ᑭᔭ ᒐᒋ ᐃᑕᐧᒄ, “ᓄᑕ, ᓄᑕᐎᔾ᙮”

2 ᑯᕆᓐᑎᔭᓇ 11:13

ᓇᒪᔭᐅᒡ ᐅᒡ ᒋᒋᐛ ᐊᑈᔅᑕᓇᒡ᙮ ᒧᔭᒻ ᑕᑈ ᐊᑈᔅᑕᓇᒡ ᐊ ᐊᑐᔅᑯᐛᒡ ᒋᓴᔅ ᙭ᑕ ᐎ ᐃᑕᔨᑕᑯᐃᓱᒡ ᐅᒡ ᒥᒄ ᒪᒃ ᑭᑭᒋᔭᐅᒡ ᑭᔭ ᐎᔭᓯᐃᐛᐅᒡ᙮

2 ᑯᕆᓐᑎᔭᓇ 11:17

ᐅ ᒪᒃ ᒐ ᐃᓯ ᐃᔨᒥᔭᓐ ᓂᔾ ᐅ ᐊ ᐃᑕᔨᑎᒪᓐ, ᓇᒪ ᐅᑎᐸᔨᒋᒐᐤ ᓂ ᐅᒋ ᐃᑎᓱᒥᒄ ᒐᒋ ᐃᔅᒋᔄᔭᓐ᙮ ᒧᔭᒻ ᐊ ᒋᔎ ᐃᔨᒥᔭᓐ ᐃᑎᑕᑯᓐ᙮

2 ᑯᕆᓐᑎᔭᓇ 11:20

ᒋ ᐱᔅᑎᓇᐛᐅᒡ ᐅᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᒐᒋ ᐅᒋᒪᐧᑲᑕᑕᑯᒡ ᑭᔭ ᒐᒋ ᒥᓂᓱᓇᔭᐛᑐᑕᑕᑯᒡ᙮ ᒋ ᐱᔅᑎᓇᐛᐅᒡ ᒐᒋ ᑭᒐᒧᑎᒪᑕᑯᒡ ᑭᔭ ᒐᒋ ᒪᔭᔨᒥᑕᑯᒡ ᑭᔭ ᒐᒋ ᐅᑕᒥᒂᐅᑕᑯᒡ᙮

2 ᑯᕆᓐᑎᔭᓇ 11:26

ᒥᒐᑥᐤ ᓂᒋ ᐱᐸᒥᐱᔨᓐ ᐊ ᐛᐎᑎᒪᓐ ᒥᔽᒋᒧᐅᓐ᙮ ᐅ ᒪᒃ ᑲ ᐃᓯ ᐱᐸᒥᐱᔭᓐ ᒥᒐᑥᐤ ᒋ ᑯᔅᑕᑎᑯᓐ ᓯᐱᒡ ᐊ ᑕᔭᓐ᙮ ᒥᒐᑥᐤ ᒋ ᑯᔅᐱᓇᑕᔨᑕᑯᓐ ᑲᒋᒧᑎᒡ ᒐᒋ ᒪᓯᐧᑯᒡ᙮ ᒥᒐᑥᐤ ᓂᒋ ᐊᔨᒥᐃᑯᒡ ᒍᐤ ᑲ ᐃᑎᔅᑲᓇᓯᒡ ᓂᑦ ᐃᔨᒥᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᐅᑕᓇᒡ ᓂᒋ ᐎᓯᒐᔨᑎᒥᐃᑯᓐ ᑭᔭ ᐊᓐᑕ ᐸᐧᑯᑎᔅᑭᒥᑲᒡ ᓂᒋ ᐊᔨᒥᐅᓐ᙮ ᐎᓂᐸᑯᒡ ᑭᔭ ᓂᒋ ᐊᔨᒥᐅᓐ᙮ ᑭᔭ ᐊᓐᒡ ᓂᐧᑲᓂᓯᒡ ᑲ ᐃᑕᔨᒥᒂᐤ ᐊᑲ ᒪᒃ ᑕᑈ ᑲ ᐎᐧᑲᓂᓱᐛᐸᓇ ᓂᒋ ᐊᔨᒥᐃᑯᒡ᙮

2 ᑯᕆᓐᑎᔭᓇ 3:17

ᐅᑎᐸᔨᒋᒐᐤ ᒪᒃ ᐊᐅᒄ ᑲ ᐸᔭᒋᓯᑦ ᐊᒐᐧᒄ, ᑕᓐᑕ ᒪᒃ ᐊ ᑕᒂ ᐅ ᐊᒐᐧᒄ ᑎᑯᓐ ᐊᓐᑕ ᐊᐱᐧᑯᓄᐛᐅᓐ᙮

ᑲᓚᓯᔭᓇ 1:7

ᑕᐸ ᑎᑯᓐ ᑯᑎᒡ ᒥᔽᒋᒧᐅᓐ᙮ ᒥᒄ ᒪᒃ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᒥᑯᔅᑲᑕᔨᑎᒥᐃᑕᑯᒡ, ᐊ ᐎ ᒂᔅᒋᓇᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ᙮

ᑲᓚᓯᔭᓇ 4:25

ᒧᔭᒻ ᐅ ᐅᑕᓇᐤ ᐅᑕ ᐊᔅᒋᒡ ᐊᓄᒡ ᑲ ᑎᒂᒡ ᒋᕈᓯᓕᒻ ᐊ ᐃᓯᓂᐧᑲᑕᒡ ᐊᐅᒄ ᐦᐊᐃᑲᕐ᙮ ᐊᓂᔭᔪᐛ ᒍᐤ ᐊᔭᒥᐊᐅ ᐎᓱᐛᐅᓇ ᒪᒋᒂᐱᐧᑲᑎᑯᐅᒡ ᐊᓐᒡ ᐊᓐᑕ ᒋᕈᓯᓕᒥᒡ ᐊ ᑕᒡ᙮

ᑲᓚᓯᔭᓇ 4:3

ᐊᐅᑯᓐ ᒪᒃ ᒧᔭᒻ ᒋᔭᓄᐤ, ᐊᔅᒄ ᐊᑲ ᐅᒋ ᒋᔅᒐᔨᑎᒪᐧᒄ ᑕᑈᐅᓐ ᒧᔭᒻ ᐊᐛᓯᒡ ᔅᒋ ᐃᑕᔨᑕᑯᓯᓇᓄᐤ᙮ ᐎᓱᐛᐅᓇ ᑭᔭ ᐃᑐᐅᓇ ᐅᑕ ᐊᔅᒋᒡ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᔭᐧᒄ ᔅᒋ ᒪᒋᒂᐱᐧᑲᑎᑯᓇᓄᐤ᙮

ᑲᓚᓯᔭᓇ 5:1

᙭ ᔅᒋ ᐱᒪᒋᐃᑯᓄᐤ ᐊᑲ ᒥᓐ ᒐᒋ ᒪᒋᒂᐱᐧᑲᑎᑯᔭᐧᒄ ᒐᒂᓐ᙮ ᐎ ᓱᒋᑲᐳᐅᒄ ᒪᒃ᙮ ᐊᑲᐎᔾ ᒥᓐ ᒋᑭ ᐅᒋ ᒪᒋᒂᐱᐧᑲᑎᑯᓇᐛᐤ ᒍᐤ ᐊᔭᒥᐊᐅ ᐎᓱᐛᐅᓇ᙮

ᑲᓚᓯᔭᓇ 5:10

ᐃᔭᐱᒡ ᒪᒃ ᒋ ᒐᔅᑎᓇᑕᔨᒥᑎᓇᐛᐤ ᐅᑎᐸᔨᒋᒐᐤ ᐅᒋ ᒧᔭᒻ ᓂᔾ ᐊ ᐃᓯ ᑭᓄᐛᐸᑎᒪᓐ ᒐᒋ ᐃᓯ ᑭᓄᐛᐸᑎᒪᒄ ᑭᔭ ᒋᔨᐛᐤ᙮ ᐊᓐ ᒪᒃ ᐊᐛᓐ ᑲ ᒥᑯᔅᑲᑕᔨᑎᒥᐃᑕᒄ ᓇᔅᒡ ᑲ ᑯᒋᑕᑦ ᐎᔾ ᒐᒋ ᓂᑐᑐᐛᒄ, ᒋᑭ ᐛᐛᓯᐊᑭᓄᐤ᙮

2 ᑎᒧᑎ 3:6

ᐱᒋᐱᒐᐅᒡ ᒥᒋᐛᐸ ᐊᑯ ᐊᓂᔭ ᐃᔎᐛ ᑲ ᓴᐧᑯᒋᐃᑯᔨᒋ ᒥᒋᑐᑎᒧᐅᓂᔪᐤ ᑭᔭ ᐱᓯᒄ ᓂᑎᒥᒄ ᑲ ᐎ ᐃᑕᑎᓯᔨᒋ ᐊᐅᑯᓂ ᐊᓂᔭᔪᐛ ᓇᔅᒡ ᐛ ᑎᐸᔨᒪᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:25

ᒋᓴᒪᓂᑐᐤ ᐅᐎᓱᐛᐅᓐ ᓇᔅᒡ ᑕᑈ ᒥᔽᔨᑕᑯᓂᔪᐤ ᑭᔭ ᐊᐱᐧᑯᓂᑯᐅᒡ ᐊᐛᓐᒋ᙮ ᐊᓐ ᒪᒃ ᐊᐛᓐ ᐃᔭᒂ ᑲ ᓂᑐ ᒋᔅᒐᔨᑕᐧᒃ ᐅᔭ ᐎᓱᐛᐅᓂᔪᐤ ᐊᑲ ᒪᒃ ᐳᓂᑦ ᐅᔭ ᐊ ᐃᑎᑦ, ᐊᑲ ᐅᓂᒋᔅᒋᓯᑦ ᑕᓐ ᑲ ᐃᓯ ᐸᑕᐧᒃ, ᐃᑐᑕᒐ ᑕᓐ ᐊ ᐃᑎᔅᑕᔨᒡ ᐊᓐᑕ, ᐊᐅᒄ ᒐ ᓱᐛᔨᒥᑯᑦ ᒋᓴᒪᓂᑐᐛ ᒥᓯᐛ ᑕᓐ ᐊ ᐃᑎᑦ᙮

1 ᐱᑕᕐ 2:16

ᑕᑈ ᑭᑈ ᔅᒋ ᐎᐧᑯᒋᐃᑯᓇᐛᐤ, ᒥᒄ ᒪᒃ ᒋᓴᒪᓂᑐᐤ ᐅᑦ ᐊᐱᒋᐊᑭᓇ ᒋᔨᐛᐤ᙮ ᐊᑲᐎᔾ ᐃᑕᔨᑎᒧᒄ ᒐᒋ ᒥᒋᑐᑎᒪᒄ ᐊᓐ ᐅᒋ ᐊᒋ ᐎᐧᑯᒋᐃᑯᐎᔭᒄ ᒥᒋᑥᐅᓂᒡ ᐅᒡ᙮

2 ᐱᑕᕐ 2:19

ᐊᔨᒧᑎᒧᐛᐅᒡ ᐊᐛᔪᐛ ᐎᐧᑯᒋᐃᑯᓯᐅᓂᔪᐤ᙮ ᐎᔨᐛᐤ ᒪᒃ ᓇᔅᒡ ᑕᑈ ᑎᑯᓂᔪᐤ ᑕᓐ ᐊ ᐃᓯ ᒪᒋᒂᐱᐧᑲᑎᑯᒡ ᒥᒋᐃᑐᐅᓂᔪᐤ, ᐛᔅ ᒥᒄ ᒐᒂᔪᐤ ᐊ ᓴᐧᑯᒋᐃᑯᑦ ᐊᐛᓐ ᐊᐅᑯᓐ ᐊᓂᔭ ᑕᐸᔨᒥᑯᑦ᙮

1 ᒠᓐ 4:1

ᓂᐧᑲᓂᓯᑐᒄ ᑲ ᓴᒋᐃᑎᑯᒡ ᐊᑲᐎᔾ ᒥᓯᐛ ᐊᐛᓐ ᒋᓴᒪᓂᑐᐛ ᑲ ᐊᔨᒧᑎᒪᑕᒄ ᒥᒄ ᒋᑭ ᐅᒋ ᐃᓯ ᑕᑈᑐᐛᐛᐤ᙮ ᐃᔭᒂ ᓂᑐ ᒋᔅᒐᔨᒪᐧᑯᒡ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᑕᑈ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒂ ᑕᓐ ᐊ ᐃᓯ ᒋᔅᑯᑎᒪᒐᒡ᙮ ᐛᔅ ᒥᒐᑐᐅᒡ ᒥᓯᑕ ᐅᑕ ᐊᔅᒋᒡ ᐊᓐᒡ ᒥᒋ ᐅᒋᔅᒋᐛᐃᒐᓱᒡ᙮

ᒍᑦ 1:4

ᐛᔅ ᑕᐅᒡ ᐊᑲ ᓇᔅᒡ ᒐᓴᒪᓂᑐᐛᑎᓯᒡ ᓇᐸᐅᒡ ᒋᒧᑦ ᐊᒋ ᐅᒋ ᑕᒡ ᒪᒂᒡ ᐊᓐᑕ ᐊ ᑕᐛᒄ᙮ ᓂᑎᒥᒄ ᐃᓯ ᒋᔅᑯᑎᒪᒐᐅᒡ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐃᔅᒋᔄᐅᒡ ᐊᑲ ᒐᒂᓐ ᐃᑕᔨᑕᑯᓂᔨᒡ ᐊᐛᓐ ᐊᑎ ᓂᑎᒥᒄ ᐊ ᐃᑕᑎᓯᑦ ᐛᔅ ᐃᔭᐱᒡ ᒋᑭ ᐛᐸᔨᑎᒪᑯᐅᒡ ᒋᓴᒪᓂᑐᐛ᙮ ᓇᒪ ᐅᒋ ᐎ ᓂᓇᐃᑐᐛᐅᒡ ᐅᑎᐸᔨᒋᒐᐛ ᒋᓴᓴ ᐊᓂᔭ ᐛᒋᒪᒧᐛᐧᒄ᙮ ᐛᔅᑭᒡ ᒪᒃ ᐊᓐᑕ, ᒋᓴᒪᓂᑐᐤ ᐅᒥᓯᓇᐃᑭᓂᒡ ᒋ ᓂᑲᓐ ᐎᑕᑭᓄᐤ ᐊᓐᑕ ᐊᔅᒄ ᒐ ᐛᐛᓯᐊᑭᓄᐎᒡ ᐅᒡ᙮