ᑲᓚᓯᔭᓇ 2:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒋᓴᒪᓂᑐᐤ ᓂᒋ ᐛᐸᑎᔨᒄ ᐊ ᓂᑐᐛᔨᒥᑦ ᐊᓐᑕ ᒐᒋ ᐃᑐᑕᐅᒡ᙮ ᑲ ᑎᑯᓯᓂᔭᓐ ᒪᒃ ᐊᓐᑕ ᓂᔾ ᑭᔭ ᐊᓐᒡ ᑲ ᓂᑲᓂᐊᑭᓄᐎᒡ ᑲ ᑕᑈᑕᒡ ᑎᐸᓐ ᓂᒋ ᒪᒧᐎᓇᓐ᙮ ᓂᒋ ᐎᑎᒧᐛᐅᒡ ᑕᓐ ᐊᓐ ᑲ ᐃᔅᒋᔄᐅᒡ ᑲ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭᔪᐛ ᐊᑲ ᑕᑈᑎᒥᔨᒋ᙮ ᓂᒋ ᐎ ᒋᔅᒐᔨᒪᐅᒡ ᑕᓐ ᐊ ᐃᑕᔨᑎᒥᐃᑯᐛᒂ ᐊᓂᔭ ᑲ ᐃᓯ ᐛᐎᑎᒧᒡ᙮ ᐛᔅ ᒋ ᑎᑯᓂᑯᐱᓇ ᒐᒂᔪᐤ ᐊᑲ ᐅᒋ ᓇᐊᔨᑎᒥᐃᑯᒡ ᒐᔅᑲ ᒋᐸ ᐃᓯᓇᑯᓐ ᑕᓐ ᑲ ᐃᓯ ᐸᒋ ᐛᐎᑎᒪᓐ ᐊᓐᑕ ᐅᑕᒡ᙮ ᓇᒪ ᒪᒃ ᓂ ᐅᒋ ᓂᑐᐛᔨᑕᓐ ᒐᔅᑲ ᒐᒋ ᐃᓯᓇᒂᒡ᙮

ᑲᓚᓯᔭᓇ 2:2 Iomraidhean Croise

ᒪᑎᔪᐤ 10:16

“ᓂᑐᑎᒧᒄ, ᔅᒋ ᐃᑎᓴᐅᑎᓇᐛᐤ ᒧᔭᒻ ᒪᔭᑕᓂᓯᒡ ᐊ ᐃᑎᓴᐛᑭᓄᐎᒡ ᐊᓐᑕ ᐊ ᒥᒐᑎᔨᒋ ᒥᐃᐧᑭᓇ ᐊ ᑕᔨᒋ᙮ ᐃᔭᒂ ᐃᑎᒄ ᒧᔭᒻ ᒋᓇᐱᑯᒡ ᐊ ᐃᓯ ᐃᔭᒂ ᐃᑎᒡ, ᑭᔭ ᔪᔅᐱᓯᒄ ᒧᔭᒻ ᐅᒥᒥᐅᒡ ᐊ ᐃᔅᐱᔅ ᔪᔅᐱᓯᒡ᙮

ᐊᑈᔅᑕᓇᒡ 15:12

ᒥᓯᐛ ᒪᒃ ᐊᐛᓐ ᐊᓐᑕ ᑲ ᑕᑦ ᓇᒪ ᐅᒋ ᒋᔅᑐᐤ ᒥᒄ ᒋ ᓂᑐᑐᐛᐅᒡ ᑈᓚ ᑭᔭ ᐸᕐᓇᐸᓴ ᐊ ᐎᑎᒥᔨᒋ ᑕᓐ ᑲ ᐃᓯ ᒪᒥᔅᑲᒡ ᐛᐸᑎᔨᐛᔨᒋ ᒋᓴᒪᓂᑐᐛ ᐛᐸᑎᔨᐛᐅᓇ, ᑭᔭ ᒪᒃ ᑕᓐ ᑲ ᐃᓯ ᐃᑐᑎᒥᔨᒋ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ ᐎᔨᐛᐤ ᐅᒋ ᐊᓐᑕ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ᙮

ᐊᑈᔅᑕᓇᒡ 15:2

ᑈᓪ ᑭᔭ ᐸᕐᓇᐸᔅ ᒋ ᓂᔅᑯᔅᑐᐛᐅᒡ ᑭᔭ ᓱᒃ ᒋ ᐎ ᐛᐸᑎᔭᐅᒡ ᑕᑈ ᐊ ᐅᓂᐱᔨᒡ ᐊᓂᔭ ᐊ ᐃᔅᒋᔄᔨᒡ᙮ ᐊᑯ ᒂ ᐎᔭᔨᑕᑭᓄᐎᒡ ᑈᓪ ᑭᔭ ᐸᕐᓇᐸᔅ ᑭᔭ ᐱᔅᒐ ᐊᓐᑕ ᐊᓐᑎᔭᑭᒡ ᑲ ᐅᒋᒡ ᒐᒋ ᐃᑐᑕᒡ ᐊᓐᑕ ᒋᕈᓯᓕᒥᒡ ᒐᒋ ᑯᒂᒋᒪᒡ ᐊᓂᔭ ᐊᑈᔅᑕᓇ ᑭᔭ ᐊᓂᔭ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ ᑕᓐ ᐊ ᐃᑕᔨᑎᒥᐃᑯᔨᒋ ᐊᓂᔭ ᑲ ᐃᓯ ᒋᔅᑯᑎᒪᒐᓄᐎᒡ᙮

ᐊᑈᔅᑕᓇᒡ 15:4

ᐃᔅᐱ ᒪᒃ ᑕᑯᓯᓂᒡ ᐊᓐᑕ ᒋᕈᓯᓕᒥᒡ, ᓇᔅᒡ ᒋ ᓇᐊᔨᑎᒥᔪᐛ ᐊᓂᔭᔪᐛ ᐊᑈᔅᑕᓇ ᑭᔭ ᐊᓂᔭᔪᐛ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ, ᑭᔭ ᐊᓂᔭ ᑯᑎᑲ ᐅᒪᒧᐊᔭᒥᐊᐛ, ᐊᑯ ᒂ ᐛᐎᑎᒧᐛᒡ ᑕᓐ ᑲ ᐃᓯ ᐃᑐᑎᒪᑯᒡ ᒋᓴᒪᓂᑐᐛ᙮

ᐊᑈᔅᑕᓇᒡ 18:9

ᐸᐃᒂᐤ ᐊ ᑎᐱᔅᑲᔨᒡ ᑈᓪ ᒋ ᐛᐸᑎᔭᑭᓄᐤ ᒐᒂᔪᐤ, ᐅᑎᐸᔨᒋᒐᐛ ᐊ ᐃᔨᒥᐃᑯᑦ ᐊ ᐃᑎᑯᑦ, “ᐊᑲᐎᔾ ᑯᔅᑕᒋ, ᐃᔭᐱᒡ ᑭᒐᔅᒋᒧᐤ, ᐊᑲᐎᔾ ᓄᑎᐳᓂ᙮

ᐊᑈᔅᑕᓇᒡ 23:11

ᐊᓂᔭ ᒪᒃ ᑕᐱᔅᑲᔨᒡ, ᐅᑎᐸᔨᒋᒐᐤ ᒋ ᐸᒋ ᓂᐳᐅᔪᐛ ᐊᓐᑕ ᑈᓪ ᐊ ᑕᑦ ᐊᑯ ᒂ ᐃᑎᑯᑦ, “ᓱᒃ ᐎ ᓱᒋᑕᐊ, ᔅᒋ ᐊᔨᒧᒥᓐ ᐅᑕ ᒋᕈᓯᓕᒥᒡ, ᐊᐅᑯᓐ ᒪᒃ ᒐ ᐃᑎᔨᓐ ᑭᔭ ᐊᓐᑕ ᕈᒥᒡ᙮”

ᐊᑈᔅᑕᓇᒡ 5:34

ᒋ ᑕᐤ ᐸᐃᒄ ᐸᕆᓯ, ᐊ ᐊᔅᑎᐱᑦ ᐊᓐᑕ ᐊ ᐊᐱᔅᑕᑭᓄᐎᒡ ᑎᐸᔅᑯᓂᒐᐅᓂᔪᐤ, ᑲᒪᓕᔭᓪ ᐊ ᐃᓯᓂᐧᑲᓱᑦ᙮ ᐅ ᓇᐸᐤ ᐊ ᒋᔅᑯᑎᒪᒐᑦ ᐊᔭᒥᐊᐅ ᐎᓱᐛᐅᓂᔪᐤ ᒋ ᐃᑕᐱᑎᓯᐤ, ᓇᔅᒡ ᒪᒃ ᒋ ᒋᔅᑕᔨᒪᑭᓄᐤ᙮ ᒋ ᐅᐱᑲᐳᐤ ᐊᓐᑕ ᐊᓂᔭᔪᐤ ᐊ ᒪᒧᐎᓇᓄᐎᒡ, ᒂ ᐃᑎᓱᐛᑕᑦ ᐊᓂᔭᔪᐛ ᐊᑈᔅᑕᓇ ᒐᒋ ᐎᐎᔨᒋ ᐸᑎᒪ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:16

ᒋᓴᒪᓂᑐᐤ ᒋᔅᑎᒪᒐᔨᒪᐤ ᑕᓐ ᐊᓂᔭᔪᐛ ᐊᐛᔪᐛ ᐛ ᒋᔅᑎᒪᒐᔨᒪᑦ᙮ ᓇᒪᔭᔪᐤ ᐎ ᐊᓂᔭ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᐅᔭ ᒪᒃ ᐊ ᐃᓯ ᒥᔪᑐᑎᒥᔨᒋ ᐛᒋ ᒋᔅᑎᒪᒐᔨᒪᑦ᙮

1 ᑯᕆᓐᑎᔭᓇ 1:23

ᒋᔭᓄᐤ ᒪᒃ ᐎ ᙭ ᐊᒋ ᒋᔅᑕᔎᑕᑭᓄᐅᑦ ᐊᐅᒄ ᐊ ᐃᓯ ᐛᐎᑎᒪᐧᒄ ᐊ ᑭᒐᔅᒋᒧᔭᐧᒄ᙮ ᒥᒄ ᒪᒃ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᓂ ᒪᔭᔨᒥᑯᐅᓇᓐ ᐃᑕᔨᑎᒧᒡ ᐅᔭ ᐊ ᐃᓯ ᑭᒐᔅᒋᒧᓇᓄᐎᒡ᙮ ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒋᔎ ᐃᔨᒧᐅᓐ ᐅᔭ ᐃᑕᔨᑎᒧᒡ᙮

1 ᑯᕆᓐᑎᔭᓇ 2:2

ᓂᒋ ᐎᔭᔨᑕᓐ ᒥᒄ ᐸᐃᒄ ᒐᒂᓐ ᒐ ᐊᔨᒧᑎᒪᓐ ᐊᐅᒄ ᒋᓴᔅ ᙭ ᑭᔭ ᐊᓂᔭ ᐊᒋ ᒋᔅᑕᔎᑕᑭᓄᐅᑦ᙮

1 ᑯᕆᓐᑎᔭᓇ 9:24

ᒋ ᒋᔅᒐᔨᑕᓇᐛᐤ ᑕᓐᑕ ᐊ ᑎᒂᒡ ᐊ ᒋᒋᐸᔨᑐᓇᓄᐅᒡ ᐊ ᐎ ᑯᒂᒋᔅᑭᑕᐅᑐᓇᓄᐅᒡ, ᒥᒐᑦ ᐊᐛᓐᒋ ᒋᒋᐸᑕᐅᒡ᙮ ᒥᒄ ᒪᒃ ᐸᐃᒄ ᐊᐛᓐ ᑲᓂᔪᐤ ᒐᒂᔪᐤ᙮ ᒧᔭᒻ ᒪᒃ ᐊᓐ ᑲ ᒋᒋᐸᑕᑦ ᐊᔅᐱᔅ ᓱᒃ ᒋᒋᐸᑕᑦ, ᐊᐅᑯᓐ ᑭᔭ ᒋᔾ ᒥᒄ ᒋᐸ ᐃᑎᓐ ᑕᓐ ᐊ ᐃᓯ ᐱᒪᑎᓯᔨᓐ ᐊ ᑕᑈᔭᔨᒥᑦ ᙭᙮ ᐊᑯ ᒪᒃ ᑭᔭ ᒋᔾ ᒐ ᒥᔨᑯᔨᓐ ᒋᑲᓂᔪᐎᓐ᙮

1 ᑯᕆᓐᑎᔭᓇ 9:26

ᐊᐅᒄ ᒪᒃ ᐊᓐ ᐛᒋ ᓱᒃ ᐎ ᒋᔅᑕᔭᓐ ᓂᔾ ᐊᓐ ᐊ ᐃᓯ ᐱᒥᐸᑕᔭᓐ᙮ ᐊᐅᑯᓐ ᑭᔭ ᐛᒋ ᐃᓯᓇᑯᓯᔭᓐ ᒧᔭᒻ ᐊᐛᓐ ᑲ ᐅᑕᒪᐃᒐᑦ ᒧᔅ ᑲ ᑲᒋᔅᑕᐛᑦ ᐊᐛᔪᐛ᙮ ᓇᒪ ᓂᑦ ᐃᓯᓇᑯᓯᓐ ᒧᔭᒻ ᐊᐛᓐ ᑲ ᐅᑎᑕᒪᐃᒐᑦ ᐊᑲ ᒪᒃ ᒐᒂᔪᐤ ᑲ ᒋᔅᑕᐊᐧᒃ᙮

2 ᑯᕆᓐᑎᔭᓇ 12:1

ᐊᑎ ᐊᑲ ᓇᔅᒡ ᓴᓯᑲᓐ ᐃᑕᐱᑎᒡ ᓂᑭ ᐊᔨᒧᒥᓱᓐ᙮ ᓂᔅᑎᒻ ᑕᓐ ᑲ ᐃᓯ ᐛᐸᑎᔨᑦ ᑭᔭ ᑕᓐ ᑲ ᐃᓯ ᒋᔅᒐᔨᑎᒥᐃᑦ ᐅᑎᐸᔨᒋᒐᐤ ᓂᑭ ᐊᔨᒧᑎᒺᓐ᙮

ᑲᓚᓯᔭᓇ 1:12

ᓇᒪ ᐎ ᓇᐸᐤ ᐊ ᑕᑦ ᓂ ᐅᒋ ᐅᑎᓇᓐ᙮ ᓇᒪ ᑭᔭ ᓇᐸᐤ ᓂ ᐅᒋ ᒋᔅᑯᑎᒪᒄ᙮ ᐎᔾ ᒋᓴᔅ ᙭ ᐛᒋᒡ ᓂᒋ ᒋᔅᒐᔨᑎᒥᐃᒄ ᐅᔭ ᒥᔽᒋᒧᐅᓂᔪᐤ᙮

ᑲᓚᓯᔭᓇ 1:16

ᐊᑯᑕ ᑲ ᐃᑐᑐᐅᑦ ᒐᒋ ᒋᔅᒐᔨᒥᒡ, ᐊᓐᑕ ᒐᒋ ᐅᒋ ᐊᑎ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ᙮ ᒪᒂᒡ ᒪᒃ ᐊᓐ ᑲ ᐃᔅᐱᔨᒡ ᓇᒪ ᐊᐛᓐ ᓂ ᐅᒋ ᑯᒂᒋᒪᐤ ᑕᓐ ᒐ ᐃᑐᐅᒡ᙮

ᑲᓚᓯᔭᓇ 1:6

ᑕᑈ ᒋᒥᔅᑲᑕᔨᒥᑎᓇᐛᐤ ᑲ ᐃᔅᐱᔅ ᐎᐱᒡ ᒋ ᐊᑎ ᓂᑭᑕᒄ ᒋᓴᒪᓂᑐᐤ ᐊᓐ ᑲ ᑕᑈᑎᑕᒄ ᙭ ᐅᒋᓴᐛᑎᓯᐅᓂᔨᒡ ᐅᒡ᙮ ᑯᑎᒡ ᑎᐸᒋᒧᐅ ᒥᔽᒋᒧᐅᓐ ᐊ ᐃᓯᓂᐧᑲᑕᑭᓄᐅᒡ ᒋ ᓂᑐᑕᓇᐛᐤ ᐊᑯ᙮

ᑲᓚᓯᔭᓇ 2:6

ᐊᓐᒡ ᑲ ᓂᑲᓂᔅᑲᒐᒡ, ᒋᔅᑕᔨᑕᑯᓱᐅᒡ ᒋ ᐃᑕᔨᒪᑭᓄᐎᒡ᙮ ᓇᒪ ᒪᒃ ᒐᒂᓐ ᑕᓐ ᐊ ᐃᑕᔨᒪᑭᓄᐎᒡ ᓂᑦ ᐃᑕᔨᑕᓐ ᓂᔾ ᐎ᙮ ᐛᔅ ᒥᓯᐛ ᐊᐛᔪᐛ ᐸᐃᑯᓄᒡ ᐃᑕᔨᒪᐤ ᐎᔾ ᒋᓴᒪᓂᑐᐤ᙮ ᒋ ᓇᐊᔨᑎᒧᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ, ᓇᒪ ᐅᒋ ᑎᑯᓂᔪᐤ ᐊᑐᐎᔅ ᒐᒋ ᐃᓯ ᐸᒋ ᐎᑎᒧᐅᑥᐤ᙮

ᑲᓚᓯᔭᓇ 2:9

ᒋᒥᔅ, ᐱᑕᕐ ᑭᔭ ᒠᓐ, ᐊᓐᒡ ᑲ ᓂᑲᓂᐊᑭᓄᐎᒡ ᑭᔭ ᒪᐅᒡ ᑲ ᒋᔅᑕᔨᒪᑭᓄᐎᒡ ᒋ ᒋᔅᒐᔨᑎᒧᒡ ᒋᓴᒪᓂᑐᐛ ᐊᒋ ᒥᔨᒋ ᐅᔭ ᒐᒋ ᐃᑕᐱᑎᓯᐅᒡ᙮ ᐊᑯ ᒪᒃ ᐸᕐᓇᐸᔅ ᐊ ᓂᓯᔭᒡ ᑲ ᐊᑎᒥᔅᑯᐎᔨᒥᒡ ᐅᒡ ᐊ ᓂᔅᑎᒡ᙮ ᐊ ᓄᑯᑕᔭᒡ ᐸᐃᑯᓄᒡ ᐊ ᐃᓯᑲᐳᐅᔭᒡ᙮ ᒪᐅ ᒪᒃ ᑲ ᐃᓯ ᓂᔅᑯᒧᔭᒡ᙮ ᐸᕐᓇᐸᔅ ᐊ ᓂᓯᔭᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐ ᐛᐎᑎᒧᐅᒋᒡ ᒥᔽᒋᒧᐅᓂᔪᐤ ᑭᔭ ᐎᔨᐛᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒐ ᐛᐎᑎᒧᐛᒡ᙮

ᑲᓚᓯᔭᓇ 5:7

ᐊᑎ ᐊᔅᒄ ᓱᒃ ᔅᒋ ᐃᑕᔨᑕᓇᐛᐤ ᐊ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᐛᓐ ᑲ ᐃᑐᑕᑕᒄ ᒐ ᐊᑲ ᒋ ᓂᓇᐃᑎᒪᒄ ᑕᑈᐅᓐ ?

ᐱᓕᐱᔭᓇ 2:16

ᐊᐅᑯᓐ ᐅ ᒋᐸ ᐃᓯ ᐱᒪᑎᓯᓇᐛᐤ ᐊ ᐛᐎᑎᒧᐛᑯᒡ ᐊᐛᓐᒋ ᒋᓴᒪᓂᑐᐛ ᐊ ᐱᒪᒋᐃᐛᔨᒋ᙮ ᐊᑯ ᒪᒃ ᐃᔅᐱ ᐅᑎᒋᐱᔨᒐ ᙭ ᒐ ᑎᑯᓯᐧᒃ, ᐊᑯ ᒐ ᒪᒥᒋᐛᐃᔭᓐ᙮ ᐊᑯ ᒐ ᓄᒂᒡ ᐊᑲ ᓴᒐᐃ ᐅᒋ ᐊᑐᔅᒐᔭᓐ᙮

ᐱᓕᐱᔭᓇ 2:29

ᐛᐸᑎᔭᒄ ᐊ ᓯᒋᔭᔭᐱᒧᔭᒄ ᒧᔭᒻ ᐊ ᐃᑎᒡ ᑲ ᑕᑈᐅᒐᔨᒪᒡ ᐅᑎᐸᔨᒋᒐᐛ ᐎᔭᐱᒥᑐᑥᐎ᙮ ᐃᔭᒂᐤ ᒋᐸ ᐃᑕᔨᒪᐛᐅᒡ ᒥᓯᐛ ᐊᐛᓐᒋ ᐊ ᐃᑕᔨᑕᑯᓯᒡ, ᐎᔾ ᐊ ᐃᑕᔨᑕᑯᓯᑦ᙮

1 ᑕᓴᓗᓂᔭᓇ 3:5

ᐊᐅᒄ ᒪᒃ ᐊᓂᔭ ᐛᒋ ᔭᐃᑕᔾ ᒋ ᐃᑎᓴᐅᒄ ᑎᒧᑎ ᐊᓐᑕ ᐊ ᑕᐛᒄ᙮ ᐃᔅᐱ ᐊᑲ ᑲᒋ ᐃᑎᔭᓐ ᐊᑲ ᒋᔅᒐᔨᒥᑎᑯᒡ ᑕᓐ ᐊ ᐃᔅᐱᔨᔭᒄ ᐊᑯ ᒂ ᐃᑎᓴᐅᒃ ᑎᒧᑎ ᐊᓐᑕ ᐊ ᑕᐛᒄ ᒐᒋ ᓂᑐ ᒋᔅᒐᔨᒥᑕᒡ ᑕᓐ ᐊ ᐃᔅᐱᔪᐛᒂ ᐊ ᑕᑈᔭᔨᒪᒄ ᙭᙮ ᓂᒋ ᓴᒋᓯᓐ ᒐᒋ ᐃᑐᑕᑕᒄ ᒥᒋᒥᓂᑐᐤ ᒐᒋ ᐳᓂᐛᒄ ᐊ ᑕᑈᑎᒪᒄ ᒐᔅᑲ ᒐᒋ ᐃᓯᓇᒂᒡ ᑕᓐ ᑲ ᐃᓯ ᐊᑐᔅᑯᐅᒋᒡ ᐅᑎᐸᔨᒋᒐᐤ ᐊᓐᑕ ᐊ ᑕᔭᒄ᙮

2 ᑎᒧᑎ 4:7

ᓴᔅ ᓂ ᒋᔅᑕᓐ ᐊᓐ ᑕᓐ ᓂᐸ ᐃᓯ ᒥᔪ ᒪᓯᑕᓐ, ᓴᔅ ᓂ ᒋᔅᑕᓐ ᑕᓐ ᑲ ᐃᓯ ᑯᒂᒋᔅᑭᑕᐃᒐᔭᓐ ᑭᔭ ᓂᒋ ᑭᓄᐛᔨᑕᓐ ᑕᓐ ᑲ ᐃᓯ ᑕᑈᑎᒪᓐ᙮

ᐃᑉᕈᐛ 12:1

ᒪᒥᑐᓇᔨᒪᑕᐅᒋ ᒪ ᐊᓐᒡ ᑲ ᒥᒐᑎᒡ ᐊᐛᓐᒋ ᓇᔅᒡ ᑲ ᐛᐸᑎᔨᐛᒡ ᐊ ᑕᑈᔭᔨᒪᒡ ᒋᓴᒪᓂᑐᐛ᙮ ᐅᔭ ᐊᒋ ᐃᑎᒡ, ᐊᐅᑯᓐ ᑭᔭ ᒋᔭᓄᐤ ᒋᐸ ᐃᑎᓇᓄᐤ᙮ ᐊᑯ ᒪᒃ ᐊᓐ ᐅᒋ ᑭᔭ ᒋᔭᓄᐤ ᐳᓂᑕᑕᐤ ᒥᓯᐛ ᐊᓂᔭ ᒐᒂᔪᐛ ᐊ ᐅᓇᐃᑯᔭᐧᒄ ᒐᒋ ᐃᑕᑎᓯᔭᐧᒄ ᐊᓂᔭ ᑕᓐ ᐊ ᐃᓯ ᓂᑐᐛᔨᒥᑕᐧᒄ ᒋᓴᒪᓂᑐᐤ ᒐᒋ ᐃᑕᑎᓯᐛᐧᒄ᙮ ᑭᔭ ᒥᓯᐛ ᐛᐱᓇᑕᐤ ᐊᓂᔭ ᒥᒋᑥᐅᓇ ᑲ ᐎ ᑎᐸᔨᒥᑯᔭᐧᒄ, ᑭᔭ ᒐ ᐱᒥᐸᔨᑐᔭᐧᒄ ᐊᓐᑕ ᐊ ᑯᒂᒋᔅᑭᑕᐅᑐᓇᓄᐅᒡ ᐊᓐᑕ ᐊᒐᐧᑯᐅᓂᒡ ᐃᔅ ᐸᑐᔅ ᒋ ᐅᑎᑎᒪᒂ ᐊᓐᑕ ᓇᑐᐛᔨᒥᑕᐧᒄ ᒋᓴᒪᓂᑐᐤ ᒐᒋ ᐃᔅᐸᑕᐛᐧᒄ᙮