ᑲᓚᓯᔭᓇ 2:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐃᔭᐱᒡ ᒪᒃ ᓂ ᒋᔅᒐᔨᑕᓇᓐ ᐊ ᑕᑈᔭᔨᒪᑦ ᐊᐛᓐ ᒋᓴᔅ ᙭ᑕ᙮ ᐊᑯᑕ ᐛᒋ ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒥᑯᑦ ᒋᓴᒪᓂᑐᐛ, ᓇᒪ ᐎ ᐊᓂᔭ ᐅᒋ ᐊ ᓂᓇᐃᑕᐧᒃ ᐎᓱᐛᐅᓇ᙮ ᐊᑯ ᒪᒃ ᑭᔭ ᓂᔭᓐ ᑎᔭᑈᔭᔨᒥᒋᒡ ᒋᓴᔅ ᙭, ᐊ ᑕᑈᔭᔨᒥᒋᒡ ᒪᒃ ᙭ ᐊᑯᑕ ᐛᒋ ᐅᑯᐃᔅᑯᑕᑎᓯᐅᒡ ᐃᓯ ᑭᓄᐛᐱᒥᔨᒥᑦ ᒋᓴᒪᓂᑐᐤ᙮ ᓇᒪ ᐎ ᐊᓐ ᐊ ᓂᓇᐃᑎᒪᒡ ᒍᐤ ᐊᔭᒥᐊᐅ ᐎᓱᐛᐅᓇ ᐛᒋ ᐃᓯ ᑭᓄᐛᐱᒥᔨᒥᑦ᙮ ᑕᐸ ᐊᐛᓐ ᐅᑯᐃᔅᑯᑕᑎᓯᐤ ᒋᑭ ᐅᒋ ᐃᓯ ᑭᓄᐛᐱᒥᑯᐤ ᒋᓴᒪᓂᑐᐛ ᒥᒄ ᐊᓂᔭ ᐊ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮

ᑲᓚᓯᔭᓇ 2:16 Iomraidhean Croise

ᑎᐱᑦ ᐅᓂᑭᒧᐅᓇ 143:2

ᐊᑲᐎᔾ ᑭᔭ ᑎᐸᔅᑯᓐ ᒋᑦ ᐊᑐᔅᒐᔭᑭᓐ; ᐛᔅ ᐊᐸᑕᔅᑎᒥᐱᔨᓐ ᓇᒪᐎᔾ ᐊᐛᓐ ᐊ ᐱᒪᑎᓯᑦ ᒋᑭ ᒥᔪᑥᐛᔨᒪᑭᓄᐤ᙮

ᒠᓐ 20:31

ᐊᐅᒄ ᐅᔭ ᑲ ᒥᓯᓇᐃᑭᓄᐅᒋ ᒐᒋ ᑕᑈᑎᒪᒄ ᒋᓴᔅ ᑕᑈ ᐊ ᐊᐎᔨᒋ ᙭, ᒋᓴᒪᓂᑐᐤ ᐅᑯᓴ, ᑭᔭ ᑕᑈᔭᔨᒪᒂ ᐅᑦ ᐃᓯᓂᐧᑲᓱᐅᓐ ᒐ ᐊᔭᔭᒄ ᐱᒪᑎᓯᐅᓐ᙮

ᐊᑈᔅᑕᓇᒡ 4:12

ᓇᒪᐎᔾ ᑯᑎᒃ ᐊᐛᓐ ᐊᔭᐤ ᐱᒪᒋᐃᐛᐅᓂᔪᐤ, ᐛᔅ ᓇᒪ ᑎᑯᓐ ᑯᑎᒃ ᐃᓯᓂᐧᑲᓱᐅᓐ ᓯᐸ ᒋᓯᑯᒡ ᑲ ᒥᔭᑭᓄᐅᒡ ᐃᔪᒡ ᒐᒋ ᐅᒋ ᐱᒪᒋᐃᑯᔭᐧᒄ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:17

ᐊᑯᑕ ᑭᔭ ᒥᔽᒋᒧᐅᓂᒡ ᐛᒋ ᒋᔅᒐᔨᑎᒥᐃᑯᔭᐧᒄ ᑕᓐᑕ ᐛᒋ ᑯᐃᔅᑯᓇᑯᐊᑦ ᒋᓴᒪᓂᑐᐤ ᐊᐛᔪᐛ ᐎᔾ ᐃᔅ ᐊ ᑕᑦ᙮ ᐊ ᑕᑈᔭᔨᒪᑦ ᐊᐛᓐ ᒋᓴᓴ ᐊᑯᑕ ᒥᒄ ᐛᒋ ᑯᐃᔅᑯᓇᑯᐊᑭᓄᐅᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᑕᑈᑎᒧᐅᓂᔪᐤ ᐱᒪᒋᐃᑯᐤ ᐊᐛᓐ, ᑭᔭ ᐊᐅᒄ ᐅᔭ ᒐ ᒋᐛᑕᐃᑯᑦ᙮ ᒧᔭᒻ ᐊᑎᔅᑕᒡ ᒥᓯᓇᐃᑭᓂᒡ, ᐊᓐ ᑲ ᑯᐃᔅᑯᓇᑯᓯᑦ ᑕᑈᑎᒧᐅᓂᒡ ᐅᒡ ᐊᐅᒄ ᒐ ᐱᒪᑎᓯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:30

ᐛᔅ ᐸᐃᑯᓱᐤ ᒥᒄ ᒋᓴᒪᓂᑐᐤ, ᑕᐱᔅᑯᓐ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᑭᔭ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑯᐃᔅᑯᑕᑎᓯᐅᓂᒡ ᒋᑭ ᐃᓯ ᑭᓄᐛᐱᒪᐤ ᑕᑈᔭᔨᒪᑥᐛᓐᒋ ᒋᓴᓴ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:2

ᐛᔅ ᒧᔭᒻ ᑲ ᑯᐃᔅᑯᓇᑯᐊᑭᓄᐅᒂ ᒋᓴᒪᓂᑐᐛ ᐃᔅ ᐊ ᑕᔨᒋ ᐊ ᒥᔪᑐᑕᐧᒃ, ᒋᐸ ᑎᑯᓂᔪᐤ ᑕᓐ ᒋᐸ ᒋ ᐃᓯ ᒪᒥᒋᒧᐤ᙮ ᒥᒄ ᒪᒃ ᓇᒪ ᑎᑯᓂᔪᐤ ᒐᒂᔪᐤ ᐊᓐᑕ ᒐᒋ ᐅᒋ ᒪᒥᒋᒧᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:24

ᒋᑦ ᐊᔅᑕᐅᑯᓇᓄᐤ ᑭᔭ ᒋᔭᓄᐤ ᐅ ᑲ ᐃᑎᔅᑕᒡ, ᒋᔭᓄᐤ ᑲ ᑕᑈᔭᔨᒪᐧᒄ ᒋᓴᒪᓂᑐᐤ ᐊᓐ ᑲ ᐅᓂᔅᑲᓇᑦ ᒋᓴᓴ ᒋᑎᐸᔨᒋᒐᓯᒥᓄᐛ ᓂᐳᐅᓂᒡ ᐅᒋ᙮ ᑭᔭ ᒋᔭᓄᐤ ᑯᐃᔅᑯᑕᑎᓯᐅᓂᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:3

ᒥᓯᐛ ᐊᐛᓐ ᓇᒪ ᐅᒋ ᐃᑐᐤ ᓇᔅᒡ ᒐᒋ ᓂᓇᐃᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒐᒋ ᐅᒋ ᐱᒪᒋᐅᑦ᙮ ᐊᑯ ᒪᒃ ᒋᓴᒪᓂᑐᐤ ᒂ ᐸᒋ ᐃᑎᓴᐛᑦ ᐅᑯᓴ ᒧᔭᒻ ᒋᔭᓄᐤ ᐊ ᐃᓯᓇᑯᓱᐛᐧᒄ ᒐᒋ ᐃᓯᓇᑯᓯᔨᒋ᙮ ᒋ ᐸᒋ ᐃᑎᓴᐛᐤ ᒐᒋ ᓂᐱᔅᑎᒪᑎᑕᐧᑯ᙮ ᐊᑯᑕ ᐅ ᑲ ᐅᒋ ᓂᓱᐅᓇᒋᑕᑦ ᑕᓐ ᑲ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:30

ᒪᐅ ᐊ ᐃᓯ ᐎᑎᒪᒐᒥᑲᒡ ᒥᓯᐛ ᐅ ᑲ ᐃᓯ ᐊᔨᒧᑕᒡ, ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᓇᒪ ᐛᐛᒡ ᐅᒋ ᑯᒋᑕᐅᒡ ᒐᒋ ᑯᐃᔅᑯᓇᑯᐃᓱᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐊᐅᑯᓂ ᒪᒃ ᐅᔭ ᒋᓴᒪᓂᑐᐤ ᑲ ᑯᐃᔅᑯᓇᑯᐊᑦ ᐃᔅᐱ ᑲ ᑕᑈᑎᒥᔨᒋ᙮

1 ᑯᕆᓐᑎᔭᓇ 6:11

ᐱᔅᒐ ᐊᓐᑕ ᐊ ᑎᓯᔭᒄ ᐊᐅᑯᓐ ᑲᒋ ᐃᓯ ᐱᒪᑎᓯᔭᒄ᙮ ᒥᒄ ᒪᒃ ᓴᔅ ᔅᒋ ᒋᔅᑕᐸᐅᐎᑯᓇᐛᐤ, ᔅᒋ ᐸᔭᒋᐃᑯᓇᐛᐤ, ᑭᔭ ᔅᒋ ᑯᐃᔅᑯᓇᑯᐃᑯᓇᐛᐤ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᑭᔭ ᒋᓴᒪᓂᑐᐤ ᐅᑦ ᐊᒐᐧᑯᒡ ᐃᔅ᙮

ᑲᓚᓯᔭᓇ 4:5

ᒋ ᐸᒋ ᐃᑎᓴᐛᑭᓄᐤ ᐅᑕ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᒍᐤ ᐊᔭᒥᐊᐅ ᐎᓱᐛᐅᓂᔪᐤ ᑲ ᒪᒋᒂᐱᐧᑲᑎᑯᔨᒋ ᐊᓐᑕ ᒥᓯᐛ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯ ᑭᓄᐛᐱᒪᑭᓄᔨᒋ᙮

ᑲᓚᓯᔭᓇ 5:4

ᒋᔨᐛᐤ ᑲ ᐃᑕᔨᑎᒪᒄ ᑯᐃᔅᑯᑕᑎᓯᐅᓂᒡ ᒐ ᐃᓯ ᑭᓄᐛᐱᒥᑕᒄ ᒋᓴᒪᓂᑐᐤ ᐊ ᓂᓇᐃᑎᒪᒄ ᒍᐤ ᐊᔭᒥᐊᐅ ᐎᓱᐛᐅᓇ ᓇᒪᐎᔾ ᒋᓴᔅ ᙭ ᒋ ᐎᒐᐛᐛᐤ᙮ ᓇᒪ ᒋ ᐎ ᐅᑎᓂᒺᓇᐛᐤ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮

ᐱᓕᐱᔭᓇ 3:9

ᑭᔭ ᑕᑈ ᐎᔾ ᐊ ᑕᑦ ᒐᒋ ᐃᓯ ᑎᐸᔨᑕᑯᓯᔭᓐ᙮ ᓇᒪ ᐊᔅᒄ ᓂᑦ ᐃᑕᔨᑕᓐ ᐊ ᑯᐃᔅᑯᑕᑎᓯᔭᓐ ᒥᒄ ᐊᓐ ᐊ ᓂᓇᐃᑎᒪᓐ ᐎᓱᐛᐅᓐ᙮ ᐛᔅ ᐊ ᑕᑈᔭᔨᒥᒃ ᙭ ᐊᐅᑯᓐ ᐊᓐ ᐊ ᑯᐃᔅᑯᑕᑎᓯᐃᑯᔭᓐ᙮ ᐊᐅᑯᐤ ᑯᐃᔅᑯᑕᑎᓯᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᒥᒄ ᑕᑈᑎᒧᐅᓂᒡ ᐅᒋ ᐊᔭᐤ ᐊᐛᓐ ᐅᔭ ᑯᐃᔅᑯᑕᑎᓯᐅᓂᔪᐤ᙮

1 ᐱᑕᕐ 1:2

ᒋᓴᒪᓂᑐᐤ ᐅᑕᐎᒪᐤ ᔅᒋ ᐅᑎᓂᑯᐛᐤ ᐎᔾ ᑎᐱᔨᐛ ᒐᒋ ᐅᑦ ᐊᐛᓯᒥᑐᑕᑕᒄ᙮ ᑲ ᐸᔭᒋᓯᔨᒋ ᐊᒐᒂ ᐅᒋ ᐊᑯᑕ ᑲ ᐅᒋ ᑎᐸᓂᐃᑕᒄ ᒐᒋ ᓂᓇᐃᑐᒪᑯ ᒋᓴᔅ ᙭ᑕ ᑭᔭ ᒐᒋ ᐸᔭᒋᐃᑯᐛᒄ ᐅᒥᐧᒄ᙮ ᓂᑦ ᐊᔭᒥᐊᐤ ᒐᒋ ᐛᔪᒡ ᐊᔭᔭᒄ ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ᙮

1 ᐱᑕᕐ 2:24

ᐎᔾ ᑎᐱᔨᐛ ᐎᔭᒡ ᒋ ᐃᓯ ᐅᑎᓂᒻ ᒋᒥᒋᑥᐅᓄᐛ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒥᔅᑯᒡ ᒋᔭᓄᐤ ᒐ ᐊᑲ ᒋ ᐱᒋᔅᑲᑯᔭᐧᒄ ᒥᒋᑥᐅᓐ᙮ ᒋ ᐃᑐᑎᒻ ᒋᒥᒋᑥᐅᓄᐛ ᒐᒋ ᐊᑎ ᐃᓯᓇᑯᓱᐛᐧᒄ ᒧᔭᒻ ᐊ ᓂᐱᔭᐧᒄ ᒥᒋᑥᐅᓂᒡ ᐃᔅ ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒪᑎᓯᔭᐧᒄ᙮ ᐊᓂᔭ ᑕᓐ ᑲ ᐃᓯ ᐸᐱᓯᔅᑕᐛᑭᓄᐅᑦ, ᐊᑯᑕ ᑲ ᐅᒋ ᒥᓏᑎᓯᔭᒄ᙮

1 ᐱᑕᕐ 3:18

ᐛᔅ ᙭ ᐸᐃᒂᐤ ᔅᒋ ᓂᐱᔅᑎᒪᑭᓄᐤ ᒥᒋᑥᐅᓂᒡ ᐅᒡ ᒐᒋ ᐅᒋ ᐸᓱᐅᑕᐧᒄ ᒋᓴᒪᓂᑐᐛ ᐊ ᑕᔨᒋ᙮ ᐊᓐ ᑲ ᑯᐃᔅᑯᑕᑎᓯᑦ ᒋ ᓂᐱᔅᑎᒧᐛᐤ ᐊᓂᔭ ᐊᑲ ᑯᐃᔅᑯᑕᑎᓯᔨᒋ᙮ ᑕᑈ ᑭᑈ ᒋ ᓂᐸᑕᑭᓄᐅᔪᐤ ᐎᔪᐤ ᒥᒄ ᒪᒃ ᒋ ᐃᑐᑐᐛᑭᓄᐅᔪᐛ ᐅᑦ ᐊᒐᒂ ᐃᔭᐱᒡ ᒐᒋ ᐱᒪᑎᓯᔨᒋ᙮

2 ᐱᑕᕐ 1:1

ᓂᔾ ᓴᐃᒥᓐ ᐱᑕᕐ, ᒋᓴᔅ ᙭ ᓂᑦ ᐊᑐᔅᑯᐛᐤ, ᐎᔾ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᐃᑕᐱᑎᓯᐅᒡ᙮ ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᑲ ᐊᔭᔭᒄ ᑕᑈᑎᒧᐅᓐ ᒧᔭᒻ ᐊᓐ ᐊ ᐃᑕᔨᑕᒂᒡ ᓂᔭᓐ ᑲ ᐊᔭᔭᒡ᙮ ᐊᔪᐅᒄ ᐅᔭ ᑕᑈᑎᒧᐅᓂᔪᐤ ᒋᐱᒪᒋᐃᐛᒥᓄᐤ ᑭᔭ ᒋᒋᓴᒪᓂᑐᒥᓄᐤ ᒋᓴᔅ ᙭ ᑲ ᒥᔨᑕᐧᒄ᙮ ᐎᔾ ᒋ ᐃᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮

1 ᒠᓐ 1:7

ᒧᔭᒻ ᐛᔅᑕᐅᓂᒡ ᐃᓯ ᐱᒪᑎᓯᔭᒂ ᒧᔭᒻ ᐎᔾ ᐛᔅᑕᐅᓂᒡ ᐊ ᐃᓯ ᑕᑦ, ᑕᑈ ᒋᑭ ᒥᔪ ᐎᒐᐅᑐᓇᓄᐤ, ᑭᔭ ᒋᓴᔅ, ᒋᓴᒪᓂᑐᐤ ᐅᑯᓴ, ᐅᒥᐧᒄ ᒋ ᐸᔭᒋᐃᑯᐛᓇᓄᐤ ᒥᓯᐛ ᒥᒋᑥᐅᓂᒡ ᐅᒡ᙮

ᒋᔅᒐᔨᑕᑯᑕᒐᐅᓐ 7:14

ᐊᑯ ᒂ ᐃᑎᒃ, “ᓇᒪ ᓂᔾ ᓂ ᒋᔅᒐᔨᒪᐅᒡ᙮ ᒋᔾ ᐊᐅᒄ ᒐᔅᒐᔨᒥᑥᐤ᙮” ᓂᒋ ᐃᑎᒄ ᒪᒃ, “ᐊᐅᑯᓐᒡ ᐅᒡ ᑲ ᓴᐳᔅᑲᒡ ᑕᓐ ᑲ ᐃᓯ ᓂᓇᐧᑲᒋᐊᑭᓄᐎᒡ᙮ ᒋ ᒋᔅᑕᐸᐅᑕᐅᒡ ᐅᑦ ᐊᑯᐳᐛᐛ ᐊᓂᔭ ᒪᔭᑕᓂᓴ ᐅᒥᐧᑯᐃᒡ ᑭᔭ ᒂ ᐛᐸᐃᔨᒋ ᐊᓂᔭᔪᐛ ᐅᑦ ᐊᑯᐳᐛᐛ᙮

ᒋᔅᒐᔨᑕᑯᑕᒐᐅᓐ 7:9

ᐃᔅᐱ ᑲ ᐃᔅᐱᔨᒡ ᐅ ᒪᔅᑕᔾ ᑲ ᐃᓯ ᐛᐸᑎᔨᑯᐅᔭᓐ, ᐊᑯ ᒂ ᐛᐱᒥᒂᐤ ᐊ ᒥᔅᑎ ᒥᒐᑎᒡ ᐊᐛᓐᒋ, ᐊᑲ ᐛᐛᒡ ᒋ ᐊᒋᒪᑭᓄᐎᒡ ᑲ ᐃᔅᐱᔅ ᒋ ᒥᒐᑎᒡ᙮ ᒥᓯᐛ ᐊ ᐃᑎᔅᑲᓇᓯᓇᓄᐎᒡ ᐊ ᐅᒋᒡ, ᒥᓯᐛ ᐊ ᐃᓯ ᒪᒧᑕᐅᓯᓇᓄᐎᒡ, ᑭᔭ ᒥᓯᐛ ᐊ ᐃᓯ ᐃᔨᒥᓇᓄᐎᒡ, ᒥᓯᐛ ᒋ ᐅᑎᔅᑯᑲᐳᔅᑎᒺᐅᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓂᔭᔪᐛ ᒪᔭᑕᓂᓴ᙮ ᒥᓯᐛ ᐊ ᑎᓯᒡ ᒋ ᐛᐸᔅᐱᓱᐅᒡ ᑭᔭ ᒋ ᑕᐧᑯᓂᒧᒡ ᓂᐱᓯᔭᑎᒂ ᐅᑎᒋᐛᒡ ᐊ ᒧᒋᒐᔨᑕᒡ᙮