ᑲᓚᓯᔭᓇ 2:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐊᑯ ᒪᒃ ᐊᓐᒡ ᑯᑎᑭᒡ ᐃᔪᒡ ᒍᐤ ᑲ ᐃᑎᔅᑲᓇᓯᒡ ᐊᓐᑕ ᑲ ᑕᒡ ᐊᐅᑯᓐ ᒧᔭᒻ ᑲ ᐃᑎᒡ, ᐊ ᒋᔅᒋᓄᐛᐱᒪᒡ ᐱᑕᕋ ᑕᓐ ᐊ ᐃᑎᔨᒋ᙮ ᒋ ᒋᔅᒐᔨᑎᒧᒡ ᒪᒃ ᐊᑲ ᐅᔭ ᒋᐸ ᐅᒋ ᐃᑐᐅᒡ᙮ ᐛᐛᒡ ᐸᕐᓇᐸᔅ ᒋ ᐊᑎ ᐊᔅᒋᐱᔭᑭᓄᐤ ᑭᔭ ᐎᔾ ᐅᔭ ᒐᒋ ᐃᑎᑦ᙮

ᑲᓚᓯᔭᓇ 2:13 Iomraidhean Croise

ᒐᓂᓯᔅ 27:24

ᐊᑯ ᒥᓐ ᑲ ᑯᒂᒋᒪᑦ, “ᐊᐛᓐ ᐅ ᒋᔾ ?” ᒐᑭᑉ ᐃᑕᐤ ᐅᑕᐎᔭ, “ᓂᔾ ᐅ, ᐃᓴᐅ ᒋᑯᔅ᙮”

ᒪᑎᔪᐤ 23:28

ᐊᑯᓐ ᑕᑈ ᒧᔭᒻ ᐊ ᐃᓯᓇᑯᓯᔭᒄ᙮ ᓇᔅᒡ ᒋ ᒥᔪᓇᑯᓯᓇᐛᐤ ᐅᔅᒡ ᐊᓐᑕ ᐊ ᑭᓄᐛᐱᒥᑯᐅᔭᒄ ᒥᒄ ᐱᒡ ᐊᓐᑕ ᒋᔭᐛᒡ ᐱᓯᒄ ᐊᔭᒥᐊᐧᑲᓱᐅᓐ ᑭᔭ ᒥᒋᑐᑎᒧᐅᓐ ᒋᑦ ᐃᓯᓇᑯᓯᓇᐛᐤ᙮”

ᐊᑈᔅᑕᓇᒡ 4:36

ᐊᐅᑯᓐ ᑲ ᐃᑎᑦ ᒍᓯᑉ, ᐊᓐ ᓕᐸᐃ ᐃᔪᐤ ᑲ ᐃᑎᔅᑲᓇᓯᑦ, ᓴᐃᐳᕋᔅ ᒥᓂᔅᑎᑯᒡ ᒋ ᐱᒪᑎᓯᒐ ᐅ ᓇᐸᐤ᙮ ᐊᓐᒡ ᒪᒃ ᐊᑈᔅᑕᓇᒡ ᐸᕐᓇᐸᔅ ᒋ ᐃᓯᓂᐧᑲᑕᐅᒡ ᐅᔭ ᒍᓯᑉ᙮ ᐊᓐ ᒪᒃ ᐃᓯᓂᐧᑲᓱᐅᓐ ᑲ ᓯᒋᒪᑦ ᐊᐛᔪᐛ ᒐᒋ ᓱᒋᑲᐳᔨᒋ ᐃᓯ ᐱᔭᑭᔅᒋᑕᑯᑕᑭᓄᐤ᙮

1 ᑯᕆᓐᑎᔭᓇ 12:2

ᒋ ᒋᔅᒐᔨᑕᓇᐛᐤ ᐊᔅᒄ ᐊᑲ ᐅᒋ ᑕᑈᔭᔨᒪᒄ ᒋᓴᒪᓂᑐᐤ, ᔅᒋ ᓇᓴᐛᐛᐅᒡ ᒥᓂᑐᐧᑲᓐᒡ ᐊᑲ ᒋ ᐃᔨᒥᒡ᙮ ᒧᔅ ᒪᒃ ᔅᒋ ᐱᔅᒐᑕᐃᑯᐛᐅᒡ ᐊᓐᒡ ᒥᓂᑐᐧᑲᓐᒡ᙮

1 ᑯᕆᓐᑎᔭᓇ 15:33

ᐊᑲᐎᔾ ᒋᑭ ᐅᒋ ᐎᔭᓯᒥᑯᓇᐛᐤ᙮ ᑕᑈᒥᑭᓐ ᐊᓐ ᑲ ᐃᓇᓄᐅᒡ, “ᐊᓐᒡ ᑲ ᒥᒐᑎᓯᒡ ᐊᐛᓐᒋ ᐊ ᐱᐸᐎᒐᐛᑭᓄᐎᒡ ᐊᑯᑕ ᐛᒋᐱᔨᒡ ᓂᑎᒥᒄ ᐊ ᐃᑎᓇᓄᐅᒡ᙮”

1 ᑯᕆᓐᑎᔭᓇ 5:6

ᓇᒪ ᓇᔅᒡ ᐃᓯᓇᑯᓐ ᒋᒋᐛ ᒐᒋ ᐃᑕᔨᒥᓱᔭᒄ᙮ ᒋ ᒋᔅᒐᔨᑕᓇᐛᐤ ᐊᐱᓯᔅ ᑲᐅᐱᔨᒡ ᐊ ᐱᔅᑎᓂᑭᓄᐅᒡ ᐸᒂᓯᑭᓂᒡ ᒥᓯᐛ ᐊ ᐃᔅᐱᑎᑦ ᐊᓐ ᐸᒂᓯᑭᓐ ᐅᐱᔪᐤ᙮

1 ᑯᕆᓐᑎᔭᓇ 8:9

ᐃᔭᒂᒥ ᒪᒃ᙮ ᐊᓐ ᐊ ᐃᓯᓇᒂᒡ ᒐᒋ ᐎᔭᔨᑎᒪᓱᔨᓐ ᒋᔾ ᑕᓐ ᒐ ᐃᑎᔨᓐ ᐊᑲᐎᔾ ᒋᑭ ᐅᒋ ᐃᑐᑕᑯᐤ ᑯᑎᒃ ᐊᐛᓐ ᐊᔅᒄ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ ᒐᒋ ᒥᒋᑐᑕᐧᒃ᙮

ᑲᓚᓯᔭᓇ 2:1

ᓇᐅᓴᑉ ᐱᐳᓇ ᐸᑎᒪ ᐊᑯ ᒥᓐ ᒋᕈᓯᓕᒥᒡ ᑲ ᐃᑐᑕᔭᓐ᙮ ᐸᕐᓇᐸᔅ ᑭᔭ ᑕᐃᑕᔅ ᓂᒋ ᐎᒐᐅᑯᒡ᙮

ᑲᓚᓯᔭᓇ 2:9

ᒋᒥᔅ, ᐱᑕᕐ ᑭᔭ ᒠᓐ, ᐊᓐᒡ ᑲ ᓂᑲᓂᐊᑭᓄᐎᒡ ᑭᔭ ᒪᐅᒡ ᑲ ᒋᔅᑕᔨᒪᑭᓄᐎᒡ ᒋ ᒋᔅᒐᔨᑎᒧᒡ ᒋᓴᒪᓂᑐᐛ ᐊᒋ ᒥᔨᒋ ᐅᔭ ᒐᒋ ᐃᑕᐱᑎᓯᐅᒡ᙮ ᐊᑯ ᒪᒃ ᐸᕐᓇᐸᔅ ᐊ ᓂᓯᔭᒡ ᑲ ᐊᑎᒥᔅᑯᐎᔨᒥᒡ ᐅᒡ ᐊ ᓂᔅᑎᒡ᙮ ᐊ ᓄᑯᑕᔭᒡ ᐸᐃᑯᓄᒡ ᐊ ᐃᓯᑲᐳᐅᔭᒡ᙮ ᒪᐅ ᒪᒃ ᑲ ᐃᓯ ᓂᔅᑯᒧᔭᒡ᙮ ᐸᕐᓇᐸᔅ ᐊ ᓂᓯᔭᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐ ᐛᐎᑎᒧᐅᒋᒡ ᒥᔽᒋᒧᐅᓂᔪᐤ ᑭᔭ ᐎᔨᐛᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒐ ᐛᐎᑎᒧᐛᒡ᙮

ᐃᐱᓯᔭᓇ 4:14

ᐊᑯ ᒪᒃ ᓇᒪ ᒋᑭ ᐅᒋ ᐊᐛᓯᐅᐛᔨᑕᑯᓯᓇᓄᐤ᙮ ᒧᔭᒻ ᐊ ᐱᐸᒧᐛᐸᐅᑯᔭᐧᒄ ᑕᓐ ᐊ ᐃᓯ ᒋᔅᑯᑎᒪᒐᒡ ᑲ ᐎᔭᓯᐃᐛᒡ ᒐᒋ ᐃᓯᓇᑯᓯᔭᐧᒄ, ᐊᐅᒄ ᐊᓐᒡ ᐅᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᒥᒋᑐᑎᒥᔨᒋ ᓂᓇᐧᑯᐤ ᐊ ᐃᓯ ᐎᔭᓴᐊᒡ᙮

ᐃᑉᕈᐛ 13:9

ᐃᔭᒂᒥᒄ ᒐ ᐊᑲ ᒋ ᐎᔭᓯᐃᑯᐅᔭᒄ ᒐᒋ ᐊᑎ ᑕᑈᑎᒪᒄ ᓂᓇᐧᑯᐤ ᓂᑎᒥᒄ ᒋᔅᑯᑎᒪᒐᐅᓇ᙮ ᐛᔅ ᒥᔽᓱᐤ ᒥᑕᐃ ᒐᒋ ᐊᔨᒋᑲᐳᐅᒡ ᓱᐛᔨᒋᒐᐅᓂᒡ, ᓇᒪ ᐎ ᒥᒋᒥᒡ᙮ ᐛᔅ ᓇᒪ ᐎᒋᐃᑯᐤ ᐊᐛᓐ ᒥᒋᒥᔪᐤ ᒐᒋ ᐊᔨᒋᑲᐳᐅᑦ ᑕᑈᑎᒧᐅᓂᒡ ᐃᔅ᙮