ᑲᓚᓯᔭᓇ 1:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᑕᐸ ᑎᑯᓐ ᑯᑎᒡ ᒥᔽᒋᒧᐅᓐ᙮ ᒥᒄ ᒪᒃ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᒥᑯᔅᑲᑕᔨᑎᒥᐃᑕᑯᒡ, ᐊ ᐎ ᒂᔅᒋᓇᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ᙮

ᑲᓚᓯᔭᓇ 1:7 Iomraidhean Croise

ᒪᑎᔪᐤ 24:24

ᒋᑭ ᑕᐅᒡ ᐊᐛᓐᒋ ᐊ ᐎᔭᓯᐃᐛᒡ ᐊ ᐃᔅᒋᔄᒡ ᓂᔾ ᙭᙮ ᒋᑭ ᑕᐅᒡ ᑭᔭ ᒥᒋ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ᐛᐸᑎᔨᐛᒡ ᑭᔭ ᒋᑭ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ᐎᔭᓯᐊᒡ᙮

ᐊᑈᔅᑕᓇᒡ 13:10

ᐊᑯ ᒂ ᐃᑕᑦ, “ᒧᔭᒻ ᒥᒋᒥᓂᑐᐤ ᐅᑦ ᐊᐛᓯᒪ ᐊ ᐃᑕᔨᑕᑯᓯᔨᓐ, ᐊ ᐛᐧᑲᑎᒥᓐ ᒥᓯᐛ ᑯᐃᔅᑯᑕᑎᓯᐅᓐ᙮ ᐊᑯᓐ ᐊᑯ ᐃᔅᐱᔅ ᐎᔭᓯᐃᐛ ᑭᔭ ᐳᓂ ᐊᑯ ᐊ ᐎ ᓂᓱᐅᓇᒋᑕᐅᑦ ᐊᓂᔭ ᑕᓐ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ ᒐᒋ ᐃᑕᑎᓯᓇᓄᐎᒡ᙮

ᐊᑈᔅᑕᓇᒡ 15:24

ᓂ ᒋᔅᒐᔨᒪᓇᓂᒡ ᐱᔅᒐ ᓇᐸᐅᒡ ᐅᑕ ᐊ ᐅᒋᔭᒡ ᐊ ᐅᒋᒡ ᐊᒋ ᓂᑐᐛᐱᒥᑕᑯᒡ ᑭᔭ ᐊᒋ ᒋᔅᑯᑎᒪᑕᑯᒡ ᒐᒂᔪᐤ ᒐᒋ ᐅᒋ ᐊᔨᒪᔨᑎᒪᒄ᙮ ᓇᒪ ᒪᒃ ᓂᔭᓐ ᓂ ᐅᒋ ᐃᑎᓱᒪᓇᓂᒡ ᐊᓂᔭ ᑲ ᐃᑎᒡ᙮

ᐊᑈᔅᑕᓇᒡ 20:30

ᓂᐦᐃ, ᐛᐛᒡ ᑭᔭ ᐊᓐᑕ ᓇᓂᑎᒻ ᐊ ᑕᔭᒄ ᒋᑭ ᐅᒋ ᐎᔨᑲᐳᐅᒡ ᐊᐛᓐᒋ ᐊ ᑯᒂᔅᒋᐱᔨᑕᒡ ᑕᑈᐅᓂᔪᐤ ᑭᔭ ᐊ ᐎ ᐃᒐᐱᑕᒡ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐎᔨᐛᐤ ᒐᒋ ᓇᓴᐅᑯᒡ᙮

2 ᑯᕆᓐᑎᔭᓇ 11:13

ᓇᒪᔭᐅᒡ ᐅᒡ ᒋᒋᐛ ᐊᑈᔅᑕᓇᒡ᙮ ᒧᔭᒻ ᑕᑈ ᐊᑈᔅᑕᓇᒡ ᐊ ᐊᑐᔅᑯᐛᒡ ᒋᓴᔅ ᙭ᑕ ᐎ ᐃᑕᔨᑕᑯᐃᓱᒡ ᐅᒡ ᒥᒄ ᒪᒃ ᑭᑭᒋᔭᐅᒡ ᑭᔭ ᐎᔭᓯᐃᐛᐅᒡ᙮

2 ᑯᕆᓐᑎᔭᓇ 2:17

ᐱᔅᒐ ᐊᐛᓐᒋ ᑲ ᐱᐸ ᑭᒐᔅᒋᒧᒡ ᒧᔭᒻ ᐊ ᐱᐸ ᐊᑕᐛᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᐅᑯᓐ ᐊ ᐃᓯᓇᑯᓯᒡ, ᐊ ᐎ ᐅᓯᑎᒪᓱᒡ ᓱᓇᔭᔪᐤ ᐊ ᐃᑎᒡ᙮ ᓇᒪ ᐎ ᓂᔭᓐ ᐅ ᓂᑦ ᐃᓯᓇᑯᓯᓇᓐ᙮ ᓂ ᑯᐃᔅᑯᑕᐊᓇᓐ ᑭᔭ ᒋᒋᐛ ᓂᑦ ᐃᑕᔨᑕᓇᓐ ᑕᓐ ᐊ ᐃᑎᓱᒥᔨᒥᑦ ᙭ ᒐᒋ ᐃᓯ ᐊᑐᔅᑯᐅᒋᑦ ᐛᔅ ᓂ ᒋᔅᒐᔨᒥᑯᓇᓐ ᑕᓐ ᐊ ᐃᑐᐅᒋᒡ᙮

2 ᑯᕆᓐᑎᔭᓇ 4:2

ᐊ ᐛᐎᑎᒪᒡ ᐅ ᒥᔽᒋᒧᐅᓐ ᓇᒪ ᒐᒂᓐ ᓂ ᒋᒧᒡ ᐃᑎᓇᓐ᙮ ᒧᔅ ᑯᐃᔅᒄ ᑭᔭ ᒧᓴ ᓂ ᐎᑕᓇᓐ ᒐᒂᓐ᙮ ᓇᒪ ᓂ ᐎ ᐎᔭᓯᒪᓇᓐ ᐊᐛᓐ ᒐᒋ ᐅᒋ ᑕᑈᑕᐧᒃ᙮ ᓇᒪ ᑭᔭ ᓂ ᒪᒧᐱᔨᑕᓇᓐ ᑯᑎᒡ ᒐᒂᓐ ᐊ ᐛᐎᑎᒪᒡ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑯᐃᔅᒄ ᓂ ᐎᑎᒧᐛᓇᓐ ᒥᓯᐛ ᐊᐛᓐ ᑕᑈᐅᓂᔪᐤ ᑭᔭ ᒐ ᒋᔅᒐᔨᑕᒡ ᑕᑈ ᒐᒋ ᑕᑈᑕᒡ ᑕᓐ ᐊ ᐃᓯ ᐛᐎᑎᒧᐅᒋᑦ᙮ ᓂ ᒋᔅᒐᔨᒥᑯᓇᓐ ᒪᒃ ᒋᓴᒪᓂᑐᐤ ᐊ ᑕᑈᐅᒋᑦ᙮

ᑲᓚᓯᔭᓇ 1:6

ᑕᑈ ᒋᒥᔅᑲᑕᔨᒥᑎᓇᐛᐤ ᑲ ᐃᔅᐱᔅ ᐎᐱᒡ ᒋ ᐊᑎ ᓂᑭᑕᒄ ᒋᓴᒪᓂᑐᐤ ᐊᓐ ᑲ ᑕᑈᑎᑕᒄ ᙭ ᐅᒋᓴᐛᑎᓯᐅᓂᔨᒡ ᐅᒡ᙮ ᑯᑎᒡ ᑎᐸᒋᒧᐅ ᒥᔽᒋᒧᐅᓐ ᐊ ᐃᓯᓂᐧᑲᑕᑭᓄᐅᒡ ᒋ ᓂᑐᑕᓇᐛᐤ ᐊᑯ᙮

ᑲᓚᓯᔭᓇ 2:4

ᒥᒄ ᒪᒃ ᒋ ᑕᐅᒡ ᓇᐸᐅᒡ ᒋᒧᑦ ᐊᒋ ᐸᒋ ᐱᑕᐱᔪᐅᒡ ᐊᓐᑕ ᐊ ᐃᑕᐅᒋᑦ ᒧᔭᒻ ᐊ ᑕᑈᔭᔨᒪᒡ ᑭᔭ ᐎᔨᐛᐤ ᒋᓴᓴ ᐊ ᐃᑎᒡ᙮ ᓂᒋ ᐎ ᓇᓂᑐ ᒋᔅᒐᔨᒥᑯᓇᓂᒡ ᑕᓐ ᐊ ᐃᓯ ᑎᐸᒋᒥᒋᒋ ᒋᓴᔅ ᙭ᑕ ᐊ ᐎᒐᐅᒥᒋᒋ, ᐊᓐ ᑲ ᐊᐱᐧᑯᓂᔨᒥᑦ᙮ ᐊᔪᐅᒄ ᐅᔭ ᑲ ᐃᑎᒡ ᐊᒋ ᐎ ᐃᑐᑐᐎᒥᒡ ᑲᐤ ᒐᒋ ᒪᒋᒂᐱᐧᑲᑎᑯᔭᒡ ᐎᓱᐛᐅᓐ᙮

ᑲᓚᓯᔭᓇ 4:17

ᓇᔅᒡ ᑕᑈ ᒋ ᐎ ᓇᐊᔨᑎᒥᐃᑯᐛᐅᒡ ᐊᓐᒡ ᐃᔭᒡ ᑲ ᐃᓯ ᒋᔅᑯᑎᒪᒐᒡ᙮ ᒥᒄ ᒪᒃ ᑎᑯᓂᔪᐤ ᑕᓐ ᐊ ᐃᓯ ᐊᑲ ᒧᔭᒻ ᐃᑕᔨᑕᑯᓂᔨᒡ ᑕᓐ ᐛ ᐃᑎᒡ᙮ ᒋ ᐎ ᐃᑐᑕᑯᐛᐅᒡ ᒐ ᐊᑲ ᒋ ᐊᐱᑕᔨᒥᔭᒄ ᓂᔾ, ᐎᔨᐛᐤ ᐃᔭᐱᒡ ᒐᒋ ᓂᑐᑐᐛᑯᒡ᙮

ᑲᓚᓯᔭᓇ 5:10

ᐃᔭᐱᒡ ᒪᒃ ᒋ ᒐᔅᑎᓇᑕᔨᒥᑎᓇᐛᐤ ᐅᑎᐸᔨᒋᒐᐤ ᐅᒋ ᒧᔭᒻ ᓂᔾ ᐊ ᐃᓯ ᑭᓄᐛᐸᑎᒪᓐ ᒐᒋ ᐃᓯ ᑭᓄᐛᐸᑎᒪᒄ ᑭᔭ ᒋᔨᐛᐤ᙮ ᐊᓐ ᒪᒃ ᐊᐛᓐ ᑲ ᒥᑯᔅᑲᑕᔨᑎᒥᐃᑕᒄ ᓇᔅᒡ ᑲ ᑯᒋᑕᑦ ᐎᔾ ᒐᒋ ᓂᑐᑐᐛᒄ, ᒋᑭ ᐛᐛᓯᐊᑭᓄᐤ᙮

ᑲᓚᓯᔭᓇ 5:12

ᑭᒪ ᐊᑎᑐᐤ ᒪᑎᓱᓱᒡ ᐊᓐᒡ ᑲ ᒋᔅᒋᓄᐛᒋᔄᑭᓄᐎᒡ, ᐊᓐᒡ ᑲ ᒥᑯᔅᑲᑕᔨᑎᒥᐃᑕᑯᒡ᙮

ᑲᓚᓯᔭᓇ 6:17

ᐊᑲᐎᔾ ᐊᐛᓐ ᓂᑭ ᐎ ᓂᓇᐧᑲᒋᐃᒄ᙮ ᑎᑯᓐ ᑕᓐ ᑲ ᐃᓯ ᓂᒪᐃᑯᐅᔭᓐ ᓂᔭᒡ ᙭ ᐅᒋ ᐊ ᐊᑐᔅᑯᐅᒃ᙮

2 ᑎᒧᑎ 2:18

ᒋ ᓂᑭᑎᒧᒡ ᑕᑈᐅᓂᔪᐤ, ᐊᑯ ᑲ ᐃᑐᑐᐛᒡ ᐱᔅᒐ ᐊᓂᔭ ᑲ ᑕᑈᑎᒥᔨᒋ ᒐ ᐊᑲ ᒋ ᐊᑎ ᓴᐸᔨᑎᒥᔨᒋ ᐊ ᑕᑈᑎᒥᔨᒋ, ᐛᔅ ᒋ ᒋᔅᑯᑎᒪᒐᐅᒡ ᐊ ᐃᔅᒋᔄᒡ ᓴᔅ ᐊᒋ ᐅᓂᔅᑲᓇᑭᓄᔨᒋ ᑲ ᑕᑈᑎᒥᔨᒋ᙮

1 ᒠᓐ 2:26

ᒋ ᒥᓯᓇᐊᒪᑎᓇᐛᐤ ᐊ ᐊᔨᒧᑎᒪᑎᑯᒡ ᐊᓐᒡ ᑲ ᐎ ᐎᔭᓯᒥᑕᑯᒡ᙮

1 ᒠᓐ 4:1

ᓂᐧᑲᓂᓯᑐᒄ ᑲ ᓴᒋᐃᑎᑯᒡ ᐊᑲᐎᔾ ᒥᓯᐛ ᐊᐛᓐ ᒋᓴᒪᓂᑐᐛ ᑲ ᐊᔨᒧᑎᒪᑕᒄ ᒥᒄ ᒋᑭ ᐅᒋ ᐃᓯ ᑕᑈᑐᐛᐛᐤ᙮ ᐃᔭᒂ ᓂᑐ ᒋᔅᒐᔨᒪᐧᑯᒡ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᑕᑈ ᒋᓴᒪᓂᑐᐛ ᐊ ᑕᔨᒋ ᐛᒋᐱᔨᒂ ᑕᓐ ᐊ ᐃᓯ ᒋᔅᑯᑎᒪᒐᒡ᙮ ᐛᔅ ᒥᒐᑐᐅᒡ ᒥᓯᑕ ᐅᑕ ᐊᔅᒋᒡ ᐊᓐᒡ ᒥᒋ ᐅᒋᔅᒋᐛᐃᒐᓱᒡ᙮

2 ᒠᓐ 1:10

ᓂᑐᐛᐱᒥᔅᒐ ᒪᒃ ᐊᐛᓐ ᐊᑲ ᒋᔅᑯᑎᒪᒐᑦ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᙭ᑕ, ᐊᑲᐎᔾ ᐱᑎᑲᐃ ᒋᒋᒡ᙮ ᐊᑲᐎᔾ ᐛᐛᒡ ᒋᑭ ᐅᒋ ᐛᒋᔭᒪᐤ᙮

2 ᒠᓐ 1:7

ᒥᒐᑦ ᑲ ᐎᔭᓯᐃᐛᒡ ᓴᔅ ᐱᐸᒪᒋᒧᐅᒡ ᐅᑕ ᐊᔅᒋᒡ ᐊ ᐊᓏᑕᒡ ᑕᑈ ᐊᒋ ᑎᑯᓯᓂᔨᒋ ᒋᓴᓴ ᒧᒡ ᓇᐸᐛ ᐊᒋ ᐃᑕᔨᑕᑯᓯᔨᒋ᙮ ᐅᔭ ᒪᒃ ᐊ ᐃᑕᔨᑕᑯᓯᑦ ᐊᐛᓐ, ᐊᐅᒄ ᐅ ᑲ ᓱᒐᔨᒧᑐᑐᐛᑦ ᙭ᑕ ᑭᔭ ᒧᔅ ᑲ ᐎᔭᓯᐃᐛᑦ᙮

ᒍᑦ 1:4

ᐛᔅ ᑕᐅᒡ ᐊᑲ ᓇᔅᒡ ᒐᓴᒪᓂᑐᐛᑎᓯᒡ ᓇᐸᐅᒡ ᒋᒧᑦ ᐊᒋ ᐅᒋ ᑕᒡ ᒪᒂᒡ ᐊᓐᑕ ᐊ ᑕᐛᒄ᙮ ᓂᑎᒥᒄ ᐃᓯ ᒋᔅᑯᑎᒪᒐᐅᒡ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐃᔅᒋᔄᐅᒡ ᐊᑲ ᒐᒂᓐ ᐃᑕᔨᑕᑯᓂᔨᒡ ᐊᐛᓐ ᐊᑎ ᓂᑎᒥᒄ ᐊ ᐃᑕᑎᓯᑦ ᐛᔅ ᐃᔭᐱᒡ ᒋᑭ ᐛᐸᔨᑎᒪᑯᐅᒡ ᒋᓴᒪᓂᑐᐛ᙮ ᓇᒪ ᐅᒋ ᐎ ᓂᓇᐃᑐᐛᐅᒡ ᐅᑎᐸᔨᒋᒐᐛ ᒋᓴᓴ ᐊᓂᔭ ᐛᒋᒪᒧᐛᐧᒄ᙮ ᐛᔅᑭᒡ ᒪᒃ ᐊᓐᑕ, ᒋᓴᒪᓂᑐᐤ ᐅᒥᓯᓇᐃᑭᓂᒡ ᒋ ᓂᑲᓐ ᐎᑕᑭᓄᐤ ᐊᓐᑕ ᐊᔅᒄ ᒐ ᐛᐛᓯᐊᑭᓄᐎᒡ ᐅᒡ᙮

ᒋᔅᒐᔨᑕᑯᑕᒐᐅᓐ 12:9

ᐊᑯ ᒂ ᓂᒋᐛᐱᓇᑭᓄᐅᑦ ᐊᓐ ᒥᔅᑎ ᒥᓐᑐᔅ ᒋᒋᒋᓯᑯᒡ ᐅᒡ᙮ ᐊᐅᒄ ᒪᒃ ᐊᓐ ᒋᓇᐱᒄ ᐛᔅᑭᒡ ᐊᓐᑕ ᑲ ᑕᑦ, ᒥᒋᒥᓂᑐᐤ ᒪᒃ ᓴᑎᓐ ᑲ ᐃᓯᓂᐧᑲᑕᑭᓄᐅᑦ᙮ ᐊᐅᒄ ᐅ ᑲᒋ ᐎᔭᓯᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ᙮ ᐊᓐᑕ ᒪᒃ ᐊᔅᒋᒡ ᒋ ᐃᓯ ᐛᐱᓇᑭᓄᐤ ᑭᔭ ᒥᓯᐛ ᐊᓂᔭ ᐅᑦ ᐊᓐᒋᓂᒪ᙮

ᒋᔅᒐᔨᑕᑯᑕᒐᐅᓐ 13:14

ᐊᓐᒡ ᒪᒃ ᐊᐛᓐᒋ ᐊᓐᑕ ᐊᔅᒋᒡ ᐊ ᑕᒡ ᒋ ᐎᔭᓯᐃᑯᐅᒡ ᐅᔭ ᑲ ᐃᓯ ᐱᔅᑎᓇᑭᓄᔨᒋ ᐅᔭ ᒥᒋ ᐊᐛᓯᓴ ᒐᒋ ᒪᒥᔅᑲᒡ ᑎᔨᒋ ᐊ ᑭᓄᐛᐱᒥᑯᔨᒋ ᐊᓂᔭ ᑯᑎᑲ ᒥᒋ ᐊᐛᓯᓴ᙮ ᐊᓐᒡ ᐊᐛᓐᒋ ᐊᔅᒋᒡ ᑲ ᑕᒡ ᒋ ᐃᑎᑯᐅᒡ ᐊᓂᔭ ᓂᓱ ᐊ ᑕᔨᒋ ᒥᒋ ᐊᐛᓯᓴ ᒐᒋ ᐅᓯᐊᒡ ᒥᓂᑐᐧᑲᓇ ᐊ ᒋᔅᑕᔨᑕᑯᐊᒡ ᐊᓂᔭ ᒥᒋ ᐊᐛᓯᓴ ᒋᒋᐛ ᑲ ᒥᓱᐛᑭᓂᐧᑲᑎᑯᔨᒋ ᓂᑐᐱᔪᐅ-ᒧᐧᑯᒪᓂᔪᐤ ᒥᒄ ᒪᒃ ᐃᔭᐱᒡ ᐊᒋ ᐱᒪᑎᓯᔨᒋ᙮

ᒋᔅᒐᔨᑕᑯᑕᒐᐅᓐ 19:20

ᐊᑯ ᒂ ᒪᑯᓇᑭᓄᐅᑦ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ᙮ ᐊᐅᒄ ᐅ ᒥᒋ ᐅᒋᔅᒋᐛᐃᒐᓱᐤ ᑲ ᒪᒥᔅᑲᒡ ᐃᑎᑦ ᐅᑎᔅᑯᐤ ᐊᓂᔭᔪᐛ ᒥᒋ ᐊᐛᓯᓴ ᐊ ᑕᔨᒋ᙮ ᐊᑯᑕ ᑲ ᐅᒋ ᐎᔭᓯᐊᑦ ᐊᓂᔭᔪᐛ ᐊᐛᔪᐛ ᑲ ᐅᑎᓂᒥᔨᒋ ᐊᓂᔭᔪᐛ ᒥᒋ ᐊᐛᓯᓴ ᐅᒋᔅᒋᓄᐛᒋᐃᐛᐅᓂᔪᐤ ᑭᔭ ᑲ ᐊᔭᒥᐊᔅᑐᐛᔨᒋ ᐊᓂᔭ ᒥᓂᑐᐧᑲᓇ ᒧᔭᒻ ᐊᓂᔭᔪᐛ ᒥᒋ ᐊᐛᓯᓴ ᐊ ᐃᓯᓇᑯᓯᔨᒋ ᑲ ᐃᓯᐊᑭᓄᔨᒋ᙮ ᑕᐱᔅᑯᓐ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ ᐊᐱᒪᑎᓯᒡ ᒋ ᐃᓯ ᐛᐱᓇᑭᓄᐎᒡ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᐊᓐᑕ ᐊ ᐃᔎᑕᔨᒡ ᐊ ᐎᔄᐛᐸᑕᔨᒡ ᒐᒂᔪᐤ ᓇᔅᒡ ᐊ ᐎᓂᒪᔅᑕᔨᒡ᙮

ᒋᔅᒐᔨᑕᑯᑕᒐᐅᓐ 2:2

ᒋ ᒋᔅᒐᔨᒥᑎᓇᐛᐤ ᒥᓯᐛ ᑕᓐ ᑲ ᐸᒋ ᐃᑎᔭᒄ᙮ ᒋ ᒋᔅᒐᔨᒥᑎᓇᐛᐤ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒄ᙮ ᒋ ᒋᔅᒐᔨᒥᑎᓇᐛᐤ ᑭᔭ ᒧᔅ ᐊᒋ ᓯᐱᔪᐛᓯᔭᒄ ᐊ ᓂᒋᔅᑭᒪᒄ ᒐᒂᓐ᙮ ᓂ ᒋᔅᒐᔨᑕᓐ ᐊᑲ ᓂᑐᐛᔨᒪᒄ ᐊᐛᓐ ᐊ ᒥᒐᑎᓯᑦ ᒐᒋ ᑕᑦ ᐊᓐᑕ ᐊ ᑕᐛᒄ᙮ ᑭᔭ ᔅᒋ ᓂᑐ ᒋᔅᒐᔨᒪᐛᐅᒡ ᐊᓐᒡ ᑲ ᐃᔅᒋᔄᒡ ᐊᑈᔅᑕᓇᒡ ᐊ ᐃᑕᐱᑎᓯᒡ᙮ ᐊᓐᒡ ᒪᒃ ᑲ ᒥᔅᑯᐛᑯᒡ ᐊ ᑭᑭᒋᔭᒡ, ᓇᒪ ᒋ ᐅᒋ ᐱᔅᑎᓇᐛᐅᒡ ᒐᒋ ᑕᒡ ᐊᓐᑕ ᒥᓯᑕ ᐊ ᑕᔭᒄ᙮

ᒋᔅᒐᔨᑕᑯᑕᒐᐅᓐ 2:20

ᒥᒄ ᒪᒃ ᒋ ᐎ ᐎᑎᒪᑎᓇᐛᐤ ᒐᒂᓐ ᐊᑲ ᒥᔽᔨᑎᒥᐃᑯᔭᓐ᙮ ᒋᓂᑐᑐᐛᐛᐤ ᐊᓐ ᐃᔎᐤ ᒐᓯᐸᓪ ᑲ ᐃᓯᓂᐧᑲᓱᑦ ᒧᔭᒻ ᐅᒋᔅᒋᐛᐃᒐᓱᐤ ᑲ ᐃᑕᐃᓱᑦ᙮ ᐎᔭᓯᐊᐤ ᓂᑦ ᐊᐱᒋᐊᑭᓇ ᐊ ᒋᔅᑯᑎᒧᐛᑦ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔨᒋ ᑭᔭ ᐊ ᐃᑐᑐᐛᑦ ᒐᒋ ᒥᒋᔨᒋ ᒐᒂᔪᐤ ᒥᓂᑐᐧᑲᓇ ᐊᒋ ᒥᑐᔅᑕᐊᒧᐛᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 2:6

ᒥᒄ ᒪᒃ ᐸᐃᒄ ᒐᒂᓐ ᐊ ᒥᔽᒡ ᐊ ᐃᑎᔭᒄ, ᐊᐅᒄ ᐅ ᐊ ᐛᐧᑲᑕᒺᒄ ᑕᓐ ᐊ ᐃᑎᒡ ᐊᓐᒡ ᓂᑯᓚᐃᑕᓐ ᑲ ᐃᓯᓂᐧᑲᑕᑭᓄᐎᒡ, ᒧᔭᒻ ᓂᔾ ᐊ ᐃᓯ ᐛᐧᑲᑕᒧᒡ᙮”

ᒋᔅᒐᔨᑕᑯᑕᒐᐅᓐ 20:3

ᐃᔅᐱ ᒪᒃ ᑲ ᒪᑯᐱᑕᑦ ᐊᓂᔭᔪᐛ ᒥᔅᑎ ᒥᓐᑐᓴ, ᐊᑯ ᒂ ᐳᒐᐛᐱᓇᑦ ᐊᓐᑕ ᐊᓂᔭ ᑲ ᒥᔅᑎ ᐱᑯᓇᔭᔨᒡ᙮ ᒂ ᐊᑎ ᐊᑎᓴᑲᐛᑦ ᐊᓐᑕ ᑭᔭ ᒋ ᒋᔅᒋᓄᐛᒋᑕᐤ ᐊᓐᑕ ᐊ ᑕᔨᒋ ᒐ ᐊᑲ ᒋ ᐊᐸᐛᑭᓄᔨᒋ ᐸᑐᔅ ᒋ ᒥᔭᐅᐱᔨᒂᐛ ᐊᓂᔭᔪᐛ ᐸᐃᒂᐤ ᒐᓯᐱᔪᐛ ᐱᐳᓇ᙮ ᐊᐅᒄ ᐅᔭ ᑲ ᐃᑐᑐᐛᑦ ᐊᑲ ᒥᓐ ᒐᒋ ᐎᔭᓯᒪᔨᒋ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ᙮ ᐃᔅᐱ ᒪᒃ ᐸᐃᒂᐤ ᒐᓯᐱᔪᐛ ᐱᐳᓇ ᐅᑎᒋᐱᔨᒐ, ᐊᑯ ᐛᐃᐱᔅᒋᔅ ᒐ ᐊᐱᐧᑯᓇᑭᓄᐅᑦ᙮