ᑲᓚᓯᔭᓇ 1:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᒥᒄ ᑕᓐ ᑲ ᐃᓯ ᐊᔨᒧᒥᔨᒋ ᑯᑎᑲ ᐊᐛᔪᐛ ᐊᐅᑯᓐ ᒥᒄ ᑲ ᐃᓯ ᒋᔅᒐᔨᒥᒡ᙮ ᒋ ᐃᔅᒋᔄᔪᐛ ᒪᒃ, “ᐊᓐ ᑲᒋ ᓂᓇᐧᑲᒋᐃᑕᐧᒄ ᐊᐅᒄ ᐱᐸ ᐛᐎᑕᐧᒃ ᐊᓂᔭ ᐊ ᐃᓯ ᑕᑈᑕᑭᓄᐎᒡ ᐊᓂᔭ ᑲᒋ ᐎ ᓂᓱᐅᓇᒋᑕᑦ᙮”

ᑲᓚᓯᔭᓇ 1:23 Iomraidhean Croise

ᐊᑈᔅᑕᓇᒡ 19:13

ᐱᔅᒐ ᒪᒃ ᒍᐤ ᐃᔪᒡ ᑲᒋ ᐎᐎᑎᓴᐛᒡ ᒥᒋ ᐊᒐᒂ ᒋ ᐱᐸᒧᑕᐅᒡ ᐊ ᑯᒋᑕᒡ ᒐᒋ ᐎᐎᑎᓴᐛᒡ ᒥᒋ ᐊᒐᒂ ᐅᑎᐸᔨᒋᒐᐛ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮ ᒋ ᐃᑕᐅᒡ ᐊᓂᔭᔪᐛ ᒥᒋ ᐊᒐᒂ, “ᒋᓴᔅ, ᐊᓂᔭ ᑈᓪ ᑲ ᐊᔨᒧᒪᑦ ᐊ ᑭᒐᔅᒋᒧᑦ, ᐊᐅᑯᓐ ᐊᓐ ᐅᑦ ᐃᓯᓂᐧᑲᓱᐅᓐ ᐅᒋ ᒋᑦ ᐃᑎᓱᒥᑎᓇᐛᐤ ᒐᒋ ᐸᒋ ᐎᐎᔭᒄ᙮”

ᐊᑈᔅᑕᓇᒡ 6:7

ᒋᓴᒪᓂᑐᐤ ᒪᒃ ᐅᑦ ᐃᔨᒧᐅᓐ ᒋ ᒥᓯᑕᐱᔪᐤ᙮ ᐊᔭᔅᒃ ᒥᒐᑦ ᐃᔪᒡ ᐊᓐᑕ ᒋᕈᓯᓕᒥᒡ ᑲ ᑕᒡ ᒋ ᑕᑈᑎᒧᒡ, ᑭᔭ ᒥᒐᑦ ᐊᔭᒥᐊᐅᒋᒪᐅᒡ ᒋ ᑕᑈᑎᒧᒡ ᑭᔭ ᒋ ᓂᓇᐃᑎᒧᒡ ᒥᔽᒋᒧᐅᓂᔪᐤ᙮

ᐊᑈᔅᑕᓇᒡ 9:13

ᐊᑯ ᐊᓇᓇᔭᔅ ᒂ ᐎᑎᒧᐛᑦ ᐅᑎᐸᔨᒋᒐᐛ ᐊ ᐃᑕᑦ, “ᐅᑎᐸᔨᒋᒐᐤ, ᒥᒐᑦ ᐃᔪᒡ ᓂᒋ ᐎᑎᒪᑯᒡ ᐅᔭ ᓇᐸᐛ ᑕᓐ ᐊᔅᐱᔅ ᓂᓇᐧᑲᒋᐊᑦ ᐊᓂᔭ ᑲ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ᑕᔨᒋ᙮

ᐊᑈᔅᑕᓇᒡ 9:20

ᑎᐛᒡ ᒪᒃ ᒋ ᐃᑐᑕᐤ ᐊᓐᑕ ᓂᓇᐧᑯᐤ ᒍᐤ ᐊᔭᒥᐊᐅᒋᐛᐱᒡ, ᐊ ᑭᒐᔅᒋᒧᑦ ᐊ ᐃᔅᒋᔄᑦ, “ᒋᓴᔅ, ᐊᐅᒄ ᒋᓴᒪᓂᑐᐤ ᐅᑯᓴ᙮”

ᐊᑈᔅᑕᓇᒡ 9:21

ᐊᓐᒡ ᑲ ᐸᑐᐛᒡ, ᒋ ᒪᒥᔅᑲᑕᔨᑎᒥᐃᑯᐅᒡ ᐅᔭ ᐊ ᐃᔅᒋᔄᔨᒋ ᐊᑯ ᒂ ᐃᔅᒋᔄᒡ, “ᓇᒪᐎᔾ ᐊ ᐊᐅᒄ ᐅ ᓇᐸᐤ ᑲ ᓂᓱᐅᓇᒋᐊᑦ ᐊᓂᔭ ᑲ ᑕᑈᔭᔨᒪᔨᒋ ᒋᓴᓴ ᐊᓐᑕ ᒋᕈᓯᓕᒥᒡ ᑲ ᑕᔨᒋ ? ᓇᒪᐎᔾ ᐊ ᐊᐅᒄ ᐅ ᐛᒋ ᐸᒋ ᑎᑯᓯᐧᒃ ᐊ ᐎ ᐸᒋ ᓂᑐᐛᐱᒪᑦ ᐊᓂᔭ ᑲ ᑕᑈᔭᔨᒪᔨᒋ ᒋᓴᓴ, ᒐᒋ ᒪᑯᓇᑦ ᑭᔭ ᒐᒋ ᐃᑐᑕᐊᑦ ᐊᓐᑕ ᑲ ᓂᑲᓂᐱᔅᑐᐛᔨᒋ ᐊᔭᒥᐊᐅᒋᒪᐛ ᐊ ᑕᔨᒋ ?”

ᐊᑈᔅᑕᓇᒡ 9:26

ᓴᓪ ᒪᒃ ᑲᐤ ᒋ ᒋᐛᐤ ᐊᓐᑕ ᒋᕈᓯᓕᒥᒡ᙮ ᐊᑯ ᑲ ᐎ ᐸᐸᐎᒐᐛᑦ ᐊᓂᔭ ᒋᔅᒋᓄᐊᒧᐛᑭᓇ ᐊ ᓂᑐᐛᔨᒪᑦ ᒐᒋ ᑕᑈᑎᒥᔨᒋ ᑭᔭ ᐎᔾ ᐊ ᑕᑈᔭᔨᒪᑦ ᒋᓴᓴ᙮ ᒥᒄ ᒪᒃ ᓇᒪ ᐅᒋ ᑕᑈᑎᒥᔪᐛ ᐊ ᑕᑈᔭᔨᒪᑦ ᒋᓴᓴ, ᒥᓯᐛ ᒋ ᑯᔅᑎᑯᐤ᙮

ᑲᓚᓯᔭᓇ 6:10

ᒥᒄ ᒪᒃ ᒐ ᐃᔅᐱᔅ ᒥᔨᑯᐛᐅᒂ ᒐᒋ ᒥᔪᑐᑎᒪᐧᒄ ᐊᐅᑯᓐ ᒧᔅ ᐃᓯ ᑯᒋᑕᑕᐤ ᒐᒋ ᐃᓯ ᒥᔪᑐᑎᒪᐧᒄ, ᒧᔅ ᒥᓯᐛ ᐊᐛᓐ ᒐᒋ ᐛᐎᒋᐊᐧᒄ᙮ ᐊᑐᐎᔅ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᒋᐸ ᐎ ᒥᔪᑐᑐᐛᓄᐅᒡ᙮