ᑲᓚᓯᔭᓇ 1:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᓇᒪ ᑭᔭ ᓂ ᐅᒋ ᐃᑐᑕᓐ ᒋᕈᓯᓕᒥᒡ ᒐᒋ ᓂᑐᐛᐱᒥᒂᐤ ᐊᓐᒡ ᑯᑎᑭᒡ ᐊᑈᔅᑕᓇᒡ, ᐊᓐᒡ ᓴᔅ ᑲ ᐎᔭᔨᒥᑯᒡ ᒋᓴᓴ᙮ ᐃᔭᐱᒡ ᑎᐛᒡ ᐊᕋᐱᔭ ᑲ ᐃᓯᓂᐧᑲᑕᒡ ᐊᔅᒋᔾ ᓂᒋ ᐃᑐᑕᓐ᙮ ᒐᒃ ᐸᑎᒪ ᑕᒪᔅᑲᔅ ᑲ ᐃᓯᓂᐧᑲᑕᒡ ᐅᑕᓇᐤ ᑲᐤ ᑲ ᐃᑐᑕᔭᓐ᙮

ᑲᓚᓯᔭᓇ 1:17 Iomraidhean Croise

ᐊᑈᔅᑕᓇᒡ 9:10

ᐊᓐᑕ ᒪᒃ ᑕᒪᔅᑲᓯᒡ ᒋ ᑕᐤ ᓇᐸᐤ ᐊ ᑕᑈᔭᔨᒪᑦ ᒋᓴᓴ, ᐊᓇᓇᔭᔅ ᒋ ᐃᓯᓂᐧᑲᓱᐤ᙮ ᒋ ᐛᐸᑎᔭᑭᓄᐤ ᐛᐸᑎᔨᐛᐅᓂᔪᐤ, ᐊᑯᑕ ᒪᒃ ᑲ ᐃᔨᒥᐃᑯᑦ ᐅᑎᐸᔨᒋᒐᐛ ᐊ ᐃᑎᑯᑦ, “ᐊᓇᓇᔭᔅ᙮” ᐊᑯ ᒂ ᐃᑕᑦ, “ᒐᒂᓐ ᑎᐸᔨᒋᒐᓱᐤ ?”

ᐊᑈᔅᑕᓇᒡ 9:19

ᐃᔅᐱ ᒪᒃ ᑲᒋ ᒥᒋᓱᑦ, ᐊᑯ ᒥᓐ ᑲ ᐊᑎ ᒥᔪᐱᒪᑎᓯᑦ᙮ ᐛᐃᐱᔅᒋᔅ ᒋ ᐎᒋᒪᐤ ᓴᓪ ᐊᓂᔭ ᒋᔅᒋᓄᐊᒧᐛᑭᓇ ᐊᓐᑕ ᑕᒪᔅᑲᓯᒡ ᑲ ᑕᔨᒋ᙮

ᐊᑈᔅᑕᓇᒡ 9:2

ᒂ ᓂᑐᑎᒧᐛᑦ ᒐᒋ ᒥᔨᑯᑦ ᒥᓯᓇᐃᑭᓂᔪᐤ ᒐᒋ ᐛᐸᑎᔭᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᒍᐤ ᐊᔭᒥᐊᐅᒋᒪᐛ ᐊᓐᑕ ᑕᒪᔅᑲᓯᒡ ᑲ ᑕᔨᒋ ᐊ ᐎᑕᑭᓄᐎᒡ ᐊᓐᑕ ᐊ ᒥᔭᑭᓄᐅᑦ ᒐᒋ ᒪᑯᓇᑦ ᐃᔎᐛ ᑭᔭ ᓇᐸᐛ ᑲ ᑕᑈᔭᔨᒪᔨᒋ ᒋᓴᓴ, ᑭᔭ ᑲᐤ ᒐᒋ ᒋᐛᑕᐊᑦ ᐊᓐᑕ ᒋᕈᓯᓕᒥᒡ᙮

ᐊᑈᔅᑕᓇᒡ 9:8

ᐊᑯ ᓴᓪ ᒂ ᐱᓯᑯᑦ, ᐃᔅᐱ ᒪᒃ ᑲ ᑐᐧᑲᐱᑦ, ᓇᒪ ᐅᒋ ᐛᐸᑎᒻ᙮ ᐊᑯ ᐊᓐᒡ ᓇᐸᐅᒡ ᑲ ᓯᒋᓂᔅᒐᑕᐊᒡ ᐊ ᐃᑐᑕᐊᒡ ᐊᓐᑕ ᑕᒪᔅᑲᓯᒡ᙮

ᑲᓚᓯᔭᓇ 1:18

ᓂᔅᑐ ᐱᐳᓇ ᒥᓐ ᐸᑎᒪ ᐊᑯ ᒋᕈᓯᓕᒥᒡ ᑲ ᐃᑐᑕᔭᓐ ᒐᒋ ᓂᒋᐃᒃ ᐱᑕᕐ, ᐊᑐᐎᔅ ᒐᒋ ᐊᑎ ᒋᔅᒐᔨᒥᒃ᙮ ᓂᓱ ᒥᓇᔅᑕᑭᓇ ᒪᒃ ᓂᒋ ᐎᒋᒪᐤ᙮