ᑲᓚᓯᔭᓇ 1:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᓂᔾ ᑈᓪ ᑲ ᒥᓯᓇᐊᒪᑎᑯᒡ᙮ ᐎᔾ ᒋᓴᔅ ᙭ ᐛᒋᒡ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᐃᑕᐱᒋᐃᑦ᙮ ᑭᔭ ᒋᓴᒪᓂᑐᐤ ᒍᑕᐎᓄᐤ ᓂᒋ ᐅᑎᓂᒄ, ᐊᓐ ᑲ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ᙮ ᓇᒪᐎᔾ ᐎ ᓇᐸᐤ ᑲ ᐅᑎᓂᑦ ᑭᔭ ᓇᒪᐎᔾ ᓇᐸᐤ ᑲ ᒥᔨᑦ ᐅᔭ ᒐᒋ ᐃᑕᐱᑎᓱᐅᒡ᙮

ᑲᓚᓯᔭᓇ 1:1 Iomraidhean Croise

ᒠᓐ 10:30

ᓂᔾ ᑭᔭ ᓄᑕᐎᔾ ᓂ ᐸᐃᑯᐅᓇᓐ᙮”

ᒠᓐ 20:21

ᒥᓐ ᒂ ᐃᔨᒪᐊᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᒋᔭᒪᔨᑎᒧᒄ᙮ ᒧᔭᒻ ᓄᑕᐎᔾ ᑲ ᐸᒋ ᐃᑎᓴᐅᑦ ᒋᔭᒪᔨᑎᒧᐅᓂᒡ ᐃᔅ, ᑭᔭ ᓂᔾ ᒋᑦ ᐃᑎᓴᐅᑎᓇᐛᐤ ᒋᔭᒪᔨᑎᒧᐅᓂᒡ ᐃᔅ᙮”

ᒠᓐ 5:19

ᒋᓴᔅ ᒪᒃ ᒋ ᐃᑕᐤ, “ᑯᐃᔅᒄ ᒋ ᐎᑎᒪᑎᓇᐛᐤ, ᐅᑯᓯᓯᒪᐤ ᓇᒪ ᒥᒄ ᐎᔾ ᒋᑭ ᒋ ᐃᑐᑎᒻ ᒐᒂᔪᐤ᙮ ᐅᑕᐎᒪᐛ ᑭᓄᐛᐱᒪᐤ ᒐᒂᔪᐤ ᐊ ᐃᑎᔨᒋ ᑭᔭ ᐎᔾ ᒪᒃ ᐊᐅᑯᓐ ᐊ ᐊᑎ ᐃᑎᑦ᙮ ᒥᒄ ᑕᓐ ᐊ ᐃᑎᔨᒋ ᐅᑕᐎᔭ ᐊᐅᑯᓐ ᐊ ᐃᑎᑦ ᑭᔭ ᐎᔾ ᐅᑯᓯᓯᒪᐤ᙮

ᐊᑈᔅᑕᓇᒡ 22:10

“ᐊᑯ ᒂ ᐃᑎᒃ, ‘ᐅᑎᐸᔨᒋᒐᐤ, ᑕᓐ ᐊ ᐃᓯ ᓂᑐᐛᔨᒥᔨᓐ ᒪᒃ ᒐ ᐃᑎᔭᓐ ?’ ᐊᑯ ᒂ ᐃᓯᑦ, ‘ᐱᓯᑯ ᒪᒃ, ᒐ ᐃᑐᑕᔨᓐ ᐊᓐᑕ ᑕᒪᔅᑲᓯᒡ᙮ ᐊᑯᑕ ᒪᒃ ᒐ ᐎᑎᒪᑯᔨᓐ ᒥᓯᐛ ᑕᓐ ᐊ ᐃᑎᓱᒥᔅᒃ ᒋᓴᒪᓂᑐᐤ ᒐ ᐃᑕᐱᑎᓯᐅᑦ᙮’

ᐊᑈᔅᑕᓇᒡ 3:15

ᑭᔭ ᔅᒋ ᐃᑐᑐᐛᐛᐤ ᒋᓴᔅ ᒐᒋ ᓂᐸᐊᑭᓄᐅᑦ ᐊᓐ ᑲ ᒥᔭᑦ ᐊᐛᔪᐤ ᐱᒪᑎᓯᐅᓂᔪᐤ᙮ ᒥᒄ ᒪᒃ ᒋᓴᒪᓂᑐᐤ ᒋ ᐃᑐᑐᐛᐤ ᒥᓐ ᑲᐤ ᒐᒋ ᐱᒪᑎᓯᔨᒋ᙮ ᐛᔅ ᓂᒋ ᐛᐱᒥᓇᓐ ᒥᓐ ᑲᐤ ᑲ ᐅᓂᔅᑲᑦ ᒋᓴᔅ᙮ ᓂ ᒋᔅᒐᔨᑕᓇᓐ ᒪᒃ ᐊ ᑕᑈᒥᑲᒡ ᐅ᙮

ᐊᑈᔅᑕᓇᒡ 9:6

ᐱᓯᑯ ᒪᒃ, ᒐ ᐃᑐᑕᔨᓐ ᐊᓐᑕ ᐅᑕᓇᒡ ᐊᑯᑕ ᒐ ᐎᑎᒪᑯᐎᓐ ᑕᓐ ᒐ ᐃᑎᔨᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:1

ᓂᔾ ᑈᓪ, ᒋᓴᔅ ᙭ ᐅᑦ ᐊᐱᒋᐊᑭᓇ᙮ ᒋᓴᒪᓂᑐᐤ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᑕᐅᒡ ᑭᔭ ᐎᔾ ᓂᒋ ᑕᑈᑎᒄ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:9

ᐃᔅᒋᔄᔨᓇ ᙭ ᐊᐅᒄ ᐅᑎᐸᔨᒋᒐᐤ ᑭᔭ ᒋᑕᐃᒡ ᑕᑈᑎᒥᓇ ᑕᑈ ᐊᒋ ᐅᓂᔅᑲᓂᑯᑦ ᒋᓴᒪᓂᑐᐛ ᓂᐳᐅᓂᒡ ᐅᒋ ᒋᑭ ᐱᒪᒋᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:9

ᐛᔅ ᙭ ᒋ ᓂᐳᐤ ᑭᔭ ᑲᐤ ᒋ ᐱᒪᑎᓯᐤ ᒐᒋ ᐅᑎᐸᔨᒋᒐᓯᒥᑐᑕᑯᑦ ᑕᐱᔅᑯᓐ ᐊᓂᔭ ᑲ ᐱᒪᑎᓯᔨᒋ ᑭᔭ ᐊᓂᔭᔪᐛ ᓴᔅ ᑲ ᓂᐱᔨᒋ᙮

1 ᑯᕆᓐᑎᔭᓇ 1:1

ᓂᔾ ᑈᓪ, ᒋᓴᒪᓂᑐᐤ ᓂᒋ ᐅᑎᓂᒄ ᙭ ᒋᓴᔅ ᐅᑦ ᐊᑈᔅᑕᓂᒪ ᒐᒋ ᐃᑕᐱᒋᐃᑦ᙮ ᒋᐧᑲᓂᓯᓄᐤ ᓱᔅᑎᓂᔅ ᑭᔭ ᐎᔾ ᑕᐤ ᐅᑕ ᐊ ᑕᐅᒡ᙮

2 ᑯᕆᓐᑎᔭᓇ 1:1

ᓂᔾ ᑈᓪ, ᒋᓴᔅ ᙭ ᐅᑦ ᐊᑈᔅᑕᓂᒪ ᑲ ᒥᓯᓇᐃᒐᔭᓐ᙮ ᐎᔾ ᒋᓴᒪᓂᑐᐤ ᑲ ᐅᑎᓂᑦ ᐊᑈᔅᑕᓐ ᒐᒋ ᐃᑕᐱᑎᓯᐅᒡ᙮ ᓂᔾ ᑭᔭ ᒋᐧᑲᓂᓯᓄᐤ ᑎᒧᑎ ᑕᐱᔅᑯᓐ ᒋ ᒥᓯᓇᐊᒪᑎᓇᓐ᙮ ᒋᔨᐛᐤ ᒋᓴᒪᓂᑐᐤ ᐊ ᑕᑦ ᑲ ᐃᓯ ᒪᒧᐤ ᐊᔭᒥᐊᔭᒄ ᐊᓐᑕ ᑯᕆᓐᑦ ᐊ ᐃᓯᓂᐧᑲᑕᒡ ᐅᑕᓇᐤ ᐊ ᑕᔭᒄ ᒋ ᒥᓯᓇᐊᒪᑎᓇᓐ᙮ ᑭᔭ ᒥᓯᐛ ᐊᓐᒡ ᑲ ᑕᑈᑕᒡ ᐊᓐᑕ ᐊᑲᔭ ᐊ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ ᓂ ᒥᓯᓇᐊᒺᓇᓂᒡ᙮

ᑲᓚᓯᔭᓇ 1:15

ᐃᔭᐱᒡ ᒪᒃ ᓂᒋ ᐅᑎᓄᑯᑕᑯᐱᓐ ᒋᓴᒪᓂᑐᐤ ᐊᔅᒄ ᐊᑲ ᐅᒋ ᐱᒪᑎᓯᐅᒡ᙮ ᓇᔅᒡ ᑕᑈ ᓂᒋ ᒋᓴᐛᑐᑕᒄ ᑲ ᐅᑎᓂᑦ ᒐᒋ ᐊᑐᔅᑯᐅᒄ᙮ ᐃᔅᐱ ᒪᒃ ᐛᑎᒋᐱᔨᒡ ᐊᓐᑕ ᑲ ᐃᑕᔨᑕᐧᒃ ᒐ ᒋᔅᒐᔨᒥᒋ ᐅᑯᓴ

ᑲᓚᓯᔭᓇ 1:17

ᓇᒪ ᑭᔭ ᓂ ᐅᒋ ᐃᑐᑕᓐ ᒋᕈᓯᓕᒥᒡ ᒐᒋ ᓂᑐᐛᐱᒥᒂᐤ ᐊᓐᒡ ᑯᑎᑭᒡ ᐊᑈᔅᑕᓇᒡ, ᐊᓐᒡ ᓴᔅ ᑲ ᐎᔭᔨᒥᑯᒡ ᒋᓴᓴ᙮ ᐃᔭᐱᒡ ᑎᐛᒡ ᐊᕋᐱᔭ ᑲ ᐃᓯᓂᐧᑲᑕᒡ ᐊᔅᒋᔾ ᓂᒋ ᐃᑐᑕᓐ᙮ ᒐᒃ ᐸᑎᒪ ᑕᒪᔅᑲᔅ ᑲ ᐃᓯᓂᐧᑲᑕᒡ ᐅᑕᓇᐤ ᑲᐤ ᑲ ᐃᑐᑕᔭᓐ᙮

ᐃᐱᓯᔭᓇ 3:8

ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ᐃᑕᔨᑕᑯᓯᔭᓐ ᐊ ᐃᑕᔨᑕᑯᓯᒡ ᑲ ᑕᑈᑕᒡ, ᐃᔭᐱᒡ ᓂᔾ ᓂᒋ ᓱᐛᔨᒥᒄ ᒋᓴᒪᓂᑐᐤ ᐊᒋ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ᑕᔨᒋ ᐅᒋ᙮

2 ᑎᒧᑎ 1:1

ᓂᔾ ᑈᓪ, ᑲ ᒥᓯᓇᐊᒪᑕᓐ᙮ ᒋᓴᔅ ᙭ ᐅᑦ ᐊᑈᔅᑕᓂᒪ ᓂᔾ, ᐛᔅ ᐊᐅᒄ ᐅᔭ ᑲ ᐃᓯ ᐅᑎᓂᑦ ᒋᓴᒪᓂᑐᐤ᙮ ᐎᔾ ᒋᓴᒪᓂᑐᐤ ᓂᒋ ᐃᑎᓴᐅᒄ ᒐᒋ ᐊᔨᒧᑎᒧᒡ ᐊᓂᔭ ᐱᒪᑎᓯᐅᓂᔪᐤ ᑕᓐ ᑲ ᐃᓯ ᒐᔅᑎᓇᑎᔅᑕᑦ ᒐ ᐊᔭᔨᒋ ᐊᐛᔪᐛ ᑕᑈᔭᔨᒪᔨᒐ ᒋᓴᔅ ᙭ᑕ᙮

ᑕᐃᑕᔅ 1:3

ᐊᐅᑯᐤ ᒪᒃ ᐛᑎᒋᐱᔨᒡ ᐊᓐᑕ ᐎᔾ ᒋᓴᒪᓂᑐᐤ ᑲ ᐃᑕᔨᑎᒥᐃᑯᑦ ᒐᒋ ᒋᔅᒐᔨᑕᑭᓄᐎᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᒥᓯᐛ ᐊᐛᓐ ᐎᔭᐎᑎᒧᐅᒃ ᐅᔭ ᒥᔽᒋᒧᐅᓂᔪᐤ᙮ ᓂᔾ ᓂᒋ ᒥᔨᒄ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ ᒐᒋ ᐊᑐᔅᒐᔅᑎᒪᓐ ᐅ᙮

ᐃᑉᕈᐛ 13:20

ᐊᑯ ᒪᒃ ᓂᑦ ᐊᔭᒥᐊᐤ ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᐛᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋ ᐅᓂᔅᑲᓇᐤ ᐊᓂᔭᔪᐛ ᒪᔭᑕᓂᓯᐅ-ᐃᔪᐛ ᑲ ᒋᔅᑕᔨᑕᑯᓯᔨᒋ ᓂᐳᐅᓂᒡ ᐅᒡ, ᐊᐅᒄ ᐅᔭ ᒋᓴᓴ᙮ ᒋ ᐃᑐᑐᐛᐤ ᒐᒋ ᒥᔪ ᑭᓄᐛᔨᒪᔨᒋ ᐅᑦ ᐃᔨᒥᔪᐛ ᒧᔭᒻ ᐊ ᐃᑎᔨᒋ ᒪᔭᑕᓂᓯᐅ-ᐃᔪᐛ ᐊ ᒥᔪ ᑭᓄᐛᔨᒪᔨᒋ ᒪᔭᑕᓂᓴ᙮ ᒋᓴᒪᓂᑐᐤ ᒋ ᐃᑐᑎᒻ ᒐᒋ ᐊᐱᑎᓂᔨᒡ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲᒋᒡ ᒐ ᑎᑯᓂᔨᒡ ᒋᓴᔅ ᐅᒥᐧᑯᒡ ᐅᒡ᙮

1 ᐱᑕᕐ 1:21

ᐊᑯ ᒪᒃ ᑎᔭᑈᔭᔨᒪᒄ ᒋᓴᒪᓂᑐᐤ ᐊᓂᔭᔪᐤ ᐅᒋ ᑕᓐ ᑲ ᐃᓯ ᐃᑐᑎᒪᑕᒄ ᙭, ᐛᔅ ᒋᓴᒪᓂᑐᐤ ᒋ ᐅᓂᔅᑲᓇᐤ ᙭ᑕ ᓂᐳᐅᓂᒡ ᐅᒋ ᑭᔭ ᒋ ᒋᔅᑕᔨᑕᑯᐊᐤ᙮ ᐊᐅᑯᓐ ᒪᒃ ᐛᒋ ᑕᑈᔭᔨᒪᒄ ᒋᓴᒪᓂᑐᐤ ᑭᔭ ᐊᐅᑯᓐ ᐛᒋ ᐊᔅᐸᔨᒧᑐᑐᐛᒄ᙮

ᒋᔅᒐᔨᑕᑯᑕᒐᐅᓐ 1:18

ᐊᐅᒄ ᓂᔾ ᑲ ᐱᒪᑎᓯᑦ᙮ ᓂᒋ ᓂᐱᓐ, ᒥᒄ ᒪᒃ ᐊᓄᒡ ᑲᒋᒡ ᓂ ᐱᒪᑎᓯᓐ᙮ ᓂᔾ ᓄᒋᒪᐧᑲᑕᓐ ᓂᐳᐅᓐ ᑭᔭ ᓂᔾ ᓄᒋᒪᐅᓐ ᐊᓐᑕ ᐊ ᑕᒡ ᐊᓐᒡ ᑲ ᓂᐱᒡ᙮”

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮

ᒋᔅᒐᔨᑕᑯᑕᒐᐅᓐ 2:8

“ᐊᐅᒄ ᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᓯᒥᕆᓇ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᓂᔅᑎᒻ ᑲ ᑕᑦ ᑭᔭ ᒪᔅᑕᔾ ᒐ ᑕᑦ, ᐊᓐ ᑲ ᓂᐱᑦ ᑭᔭ ᑲᐤ ᑲ ᐅᓂᔅᑲᑦ᙮