ᐊᒃᓱᑕᔅ 9:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᒥᒄ ᑎᐸᔨᒋᒐᓱᐤ ᒋᑭ ᑎᐸᓇᐅᒡ ᐊᓂᔭ ᐃᔅᕋᐃᓪ ᐃᔪᐛ ᐅᒥᔅᑐᓯᒥᔪᐛ ᑭᔭ ᐊᓂᔭ ᐃᒋᑉᑦ ᐃᔪᐛ ᐅᒥᔅᑐᓯᒥᔪᐛ, ᒐ ᐊᑲ ᓂᐱᔨᒋ ᒥᔅᑐᓴ ᐃᔅᕋᐃᓪ ᐃᔪᐛ ᑕᐸᔨᒪᔨᒋ᙮’ ”

ᐊᒃᓱᑕᔅ 9:4 Iomraidhean Croise

ᐊᒃᓱᑕᔅ 10:23

ᓇᒪ ᐅᒋ ᐛᐱᒥᑐᐅᒡ ᐃᒋᑉᑦ ᐃᔪᒡ, ᑭᔭ ᓇᒪ ᐅᒋ ᐎᐎᔪᐅᒡ ᐎᒋᐛᐛᒡ ᓂᔅᑐ ᒋᓯᑲᐛ ᐃᔅᐱᔅ᙮ ᒥᒄ ᒋ ᐛᔅᑕᔪᐤ ᐊᓐᑕ ᐛᒋᒡ ᐎᔨᐛᐤ ᐃᔅᕋᐃᓪ ᐃᔪᒡ᙮

ᐊᒃᓱᑕᔅ 12:13

ᐊᓐ ᒥᐧᒄ ᒪᒃ ᒋᑭ ᐅᒋᔅᒋᓄᐛᒋᒋᑭᓂᓇᐛᐤ ᒥᒋᐛᐱᒡ ᐊ ᑕᔭᒄ: ᐃᔅᐱ ᒪᒃ ᐛᐸᑎᒪᓇ ᒥᐧᒄ, ᒋᑭ ᐎᒪᔅᑲᑎᓇᐛᐤ, ᑭᔭ ᐊᐧᑯᐃᑕᔅᐱᓇᐅᓐ ᓇᒪᐎᔾ ᒋᑭ ᐅᑎᑎᑯᓇᐛᐤ ᒐᒋ ᓂᓱᐅᓇᒋᐃᑯᔭᒄ, ᐃᔅᐱ ᐅᑕᒪᐊᒪᓇ ᐃᒋᑉᑦ ᐊᔅᒋᔾ᙮

ᐊᒃᓱᑕᔅ 8:19

ᑭᔭ ᑲᒥᓂᑐᐅᓯᒡ ᒂ ᐃᑕᒡ ᒋᓴᐅᒋᒪᐛ, “ᐊᐅᑯᔪᐤ ᐅᔭ ᒋᓴᒪᓂᑐᐤ ᐅᑦ ᐃᑐᐅᓐ᙮” ᒥᒄ ᒋᓴᐅᒋᒪᐤ ᒋ ᒥᔅᑯᔅᑎᒂᓇᐤ, ᒧᔭᒻ ᑎᐸᔨᒋᒐᓱᐤ ᑲ ᐃᔅᒋᔄᑦ, ᓇᒪ ᐅᒋ ᐎ ᓂᑐᑐᐛᐤ ᒧᓱᓴ ᑭᔭ ᐊᕋᓇ᙮

ᐊᒃᓱᑕᔅ 8:22

ᒋᓴᒪᓂᑐᐤ ᐅᑦ ᐃᔨᒪ ᐊᓐᑕ ᑯᓯᓐ ᐊ ᑕᔨᒋ ᓇᒪ ᒋᑭ ᐛᐧᑲᐃᑯᐅᒡ ᐅᒐᐛ, ᒥᒄ ᒋᑦ ᐃᔨᒥᒡ ᐊᓐᑕ ᒥᓯᐛ ᐃᒋᑉᑦ ᐊᔅᒋᒡ ᓇᔅᒡ ᒋᑭ ᐛᐧᑲᐃᑯᐅᒡ᙮ ᐊᐅᑯᓐ ᒐ ᒋᔅᒐᔨᑎᒪᒃ ᑎᐸᔨᒋᒐᓱᐤ ᐊᑕᑦ ᐅᑕ ᐃᒋᑉᑦ ᐊᔅᒋᒡ᙮

ᐊᒃᓱᑕᔅ 9:26

ᒥᒄ ᐊᓐᑕ ᑯᓯᓐ ᐊᔅᒋᒡ ᐃᔅᕋᐃᓪ ᐃᔪᒡ ᐊᑕᒡ ᓇᒪ ᐅᒋ ᓯᓯᑯᓂᐱᔪᐤ᙮

ᐊᒃᓱᑕᔅ 9:5

ᑎᐸᔨᒋᒐᓱᐤ ᒋ ᐎᔨᔭᑎᒻ ᑕᐃᔅᐱ ᒐ ᐃᔅᐱᔨᒡ ᑭᔭ ᒂ ᐃᔅᒋᔄᑦ, “ᐛᐸᒐ ᑎᐸᔨᒋᒐᓱᐤ ᐅᔭ ᒋᑭ ᐃᑐᑎᒻ ᒐᒂᔪᐤ ᐅᑕ ᐃᒋᑉᑦ ᐊᔅᒋᒡ᙮”

ᐊᒃᓱᑕᔅ 9:6

ᑭᔭ ᐎᔭᐱᓂᔨᒡ ᐊᐅᑯᔪᐤ ᑲ ᐃᑎᑦ ᑎᐸᔨᒋᒐᓱᐤ: ᒥᓯᐛ ᐊᓂᔭ ᐅᑦ ᐊᐛᓯᓯᒥᔪᐛ ᐃᒋᑉᑦ ᐃᔪᐛ ᒋ ᐳᓂᐱᒪᑎᓯᔪᐛ, ᒥᒄ ᓇᒪ ᐛᐛᒡ ᐸᐃᒄ ᐃᔅᕋᐃᓪ ᐃᔪᐛ ᐅᑦ ᐊᐛᓯᓯᒥᔪᐛ ᐅᒋ ᐳᓂᐱᒪᑎᓯᔪᐛ᙮