ᐊᒃᓱᑕᔅ 9:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᒧᓱᔅ ᒂ ᐃᔅᐱᔨᑕᑦ ᐅᓯᔅᑲᐅᓐ ᐊᓐᑕ ᒋᓯᑯᒡ ᐃᔅ᙮ ᐊᑯ ᑎᐸᔨᒋᒐᓱᐤ ᒂ ᐃᑎᓴᐛᑦ ᓂᒥᔅᒋᐅᐛ ᑭᔭ ᐊ ᓯᓯᑯᓂᐱᔨᒡ᙮ ᑭᔭ ᓂᒥᔅᒋᐅᔅᑯᑕᐤ ᒂ ᐃᔅᐱᔨᒡ ᐊᓐᑕ ᒧᔅᑎᔅᑭᒥᒡ᙮ ᑎᐸᔨᒋᒐᓱᐤ ᒂ ᐃᑎᓴᐧᒃ ᐊ ᓯᓯᑯᓂᐱᔨᒡ ᐊᓐᑕ ᐃᒋᑉᑦ ᐊᔅᒋᒡ᙮

ᐊᒃᓱᑕᔅ 9:23 Iomraidhean Croise

ᒐᓂᓯᔅ 19:24

ᐊᑯ ᑎᐸᔨᒋᒐᓱᐤ ᒋ ᐃᑐᑎᒻ ᐃᔅᑯᑕᔪᐤ ᒐᒋ ᐸᒋᑎᓂᔨᒡ ᐊᓐᑕ ᓱᑕᒻ ᑭᔭ ᑯᒧᕋ, ᒋᒋᒋᓯᑯᒡ ᐅᒡ ᒋ ᐅᒋ ᐳᐅᓂᒻ᙮

ᑎᐱᑦ ᐅᓂᑭᒧᐅᓇ 147:17

ᐎᐎᑎᓴᐛᐤ ᐅ ᒥᔅᑯᒥᒪ ᒧᔭᒻ ᓯᔅᑲᒧᐅᓇ: ᐊᐛᓐ ᒐᒋ ᐅᑎᔅᑯᐎᑲᐳᔅᑎᒺᑦ ᐅᒋᓯᓂᒥᔪᐤ ?

ᑎᐱᑦ ᐅᓂᑭᒧᐅᓇ 148:8

ᐃᔅᑯᑕᐤ, ᑭᔭ ᐊ ᒂᑯᑲᐛᑕᒡ, ᑯᓐ ᑭᔭ ᐊ ᓂᐱᐛᐱᑕᒡ; ᐊ ᔪᑎᒡ ᐊ ᑎᐱᐸᔨᑕᒧᒥᑭᓂᔨᒡ ᐅᑦ ᐃᔨᒧᐅᓐ;

ᑎᐱᑦ ᐅᓂᑭᒧᐅᓇ 18:13

ᑎᐸᔨᒋᒐᓱᐤ ᑭᔭ ᒋ ᐅᓂᒥᔅᒋᒐᐤ ᒋᓯᑯᒡ, ᒪᐅᒡ ᒋᔅᑎᓯᑦ ᒋ ᐸᑕᑯᓱᐤ; ᓴᓴᑲᓯᓂᔭ ᑭᔭ ᐃᔅᑯᑕᐤ ᑲᔅᑕᐛ᙮

ᑎᐱᑦ ᐅᓂᑭᒧᐅᓇ 29:3

ᐅᐸᑕᑯᓯᐅᓐ ᑎᐸᔨᒋᒐᓱᐤ ᓂᐱᒡ ᑎᒂᓂᔪᐤ, ᒋᔅᑕᔨᑕᑯᓯᐤ ᒋᓴᒪᓂᑐᐤ ᐅᓂᒥᔅᒋᒐᐤ: ᑎᐸᔨᒋᒐᓱᐤ ᑕᐤ ᐊ ᓂᐱᐎᔨᒡ᙮

ᑎᐱᑦ ᐅᓂᑭᒧᐅᓇ 77:18

ᒋ ᐸᑕᑯᓯᐅᒡ ᒋᓂᒥᔅᒋᒥᒡ ᒋᓯᑯᒡ: ᐊ ᐛᔅᑕᐱᔨᒡ ᒋ ᐅᒋ ᐛᔅᑕᓂᑭᓄᐤ ᐊᔅᒋᔾ: ᐊᔅᒋᔾ ᒋᓇᓇᒥᐱᔪᐤ ᑭᔭ ᒋ ᑯᔅᑯᔅᑯᐱᔪᐤ᙮

ᐊᒃᓱᑕᔅ 19:16

ᑲᒋ ᓂᓱ ᒋᓯᑲᔨᒡ ᐊ ᒐᒋᓴᐸᔭᒡ ᒋ ᓂᒥᔅᒋᐅᔅᔎᔪᐤ, ᑭᔭ ᒋ ᑯᒋᓂᔪᐛ ᐊ ᐎᐱᓯᔨᒋ ᑭᔅᑯᐅᓇ ᐊᓐᑕ ᐱᔅᑯᑎᓇᒡ᙮ ᒂ ᐸᑕᑯᓂᔨᒡ ᐳᑕᒋᑭᓂᔪᐤ ᓇᔅᒡ ᐊ ᒋᔄᐱᔨᒡ, ᑭᔭ ᒥᓯᐛ ᐃᔅᕋᐃᓪ ᐃᔪᒡ ᒋᓴᒋᓱᐅᒡ᙮

ᐊᒃᓱᑕᔅ 20:18

ᐃᔅᐱ ᐱᔭᑐᐛᒡ ᐃᔪᒡ ᓂᒥᔅᒍᐛ ᑭᔭ ᐱᔭᑕᒡ ᐊ ᒋᔄᐛᒥᑭᓂᔨᒡ ᐳᑕᒋᑭᓂᔪᐤ ᑭᔭ ᐎᔭᐸᑕᒡ ᐊᐱᒋᑐᐛᔨᒡ ᐱᔅᑯᑎᓇᔪᐤ, ᒋ ᓇᓇᒥᐱᐅᒡ ᐊ ᑯᔅᑕᒋᒡ ᑭᔭ ᐛᔪᐤ ᒋ ᓂᐳᐅᐎᒡ᙮

ᐊᒃᓱᑕᔅ 9:18

ᐛᐸᒐ, ᓂᑭ ᐃᑎᓴᐊᓐ ᒐ ᓯᓯᑯᓂᐱᔨᒡ ᒥᓯᐛ ᐊᓐᑕ ᐃᒋᑉᑎᒡ ᑭᔭ ᐊᑲ ᓂᑕ ᐃᓯᓇᒂᒡ ᒋᑭ ᐃᓯᓇᑯᓐ ᐊᓐᑕ ᐃᒋᑉᑎᒡ᙮

ᐊᒃᓱᑕᔅ 9:24

ᐊᑯ ᒂ ᓯᓯᑯᓂᐱᔨᒡ ᑭᔭ ᓂᒥᔅᒋᐅᒡ ᒂ ᐸᑕᑯᓯᒡ᙮ ᒋᒋᐛ ᒋ ᐊᒂᑕᔨᑕᑯᓂᔪᐤ, ᓇᒪ ᓂᑕ ᐅᒋ ᐃᓯᓇᑯᓐ ᐊ ᒋᔎᔨᑕᒂᒡ ᐊᓐᑕ ᐃᒋᑉᑎᒡ᙮

ᒋᔅᒐᔨᑕᑯᑕᒐᐅᓐ 16:18

ᒋ ᐅᒋ ᐅᔄᔅᑕᐱᔪᐤ ᒪᒃ᙮ ᒋ ᐸᑕᑯᓂᔪᐛ ᐅᐸᑕᑯᓱᐅᓄᐛᐛ ᐊᐛᓐᒋ᙮ ᓂᒥᔅᒍᐅᒡ ᒋ ᐸᑕᑯᓱᐅᒡ᙮ ᑭᔭ ᒋ ᒥᔅᑎ ᑯᐃᐧᑯᓐ᙮ ᓇᒪ ᓂᑕ ᐅᒋ ᑎᑯᓐ ᐊ ᐃᑕᔨᑕᒂᒡ ᐊ ᑯᐃᒂᒡ ᑲ ᐃᔅᐱᔅ ᐸᒋ ᐱᒪᑎᓯᒡ ᐊᐛᓐᒋ᙮ ᐊᐅᒄ ᐅ ᒋᒋᐛ ᑲ ᑯᔅᑕᑎᒂᒡ ᐊ ᑯᐃᒂᒡ᙮

ᒋᔅᒐᔨᑕᑯᑕᒐᐅᓐ 16:21

ᐊᑯ ᒪᒃ ᑲ ᒥᔅᑎ ᒥᔅᑯᒥᐅᑎᒡ᙮ ᐊᓐᒡ ᒪᒃ ᒥᔅᑯᒥᔨᒡ ᑲ ᐸᐸᒋᓯᓂᒡ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᑎᐸᐸᑲᐃᑭᓇ ᒋ ᐃᔅᐱᔅ ᑯᓯᑯᑐᐅᒡ᙮ ᒋ ᐱᑎᑯᔅᑲᑯᐅᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᐊᓂᔭᔪᐛ ᒥᔅᑯᒥᔭ ᒋᓯᑯᒡ ᑲ ᐅᒋ ᐸᒋᓯᓂᔨᒋ᙮ ᐊᓐᒡ ᒪᒃ ᐊᐛᓐᒋ ᒋ ᐸᔅᑕᒪᐅᒡ ᐊ ᐃᔅᐱᔅ ᒥᔅᑎ ᒋᔄᐃᑯᒡ ᒋᓴᒪᓂᑐᐛ ᑕᓐ ᑲ ᐃᓯ ᓂᓇᐧᑲᑕᔨᒧᐃᑯᒡ ᐊᓂᔭ ᐊ ᒋᐧᑭᐧᑯᐱᔨᒡ, ᐛᔅ ᓇᔅᒡ ᑕᑈ ᒋ ᓂᓇᐧᑲᑕᔨᒧᒡ ᒪᒂᒡ ᐅᔭ ᑲ ᐃᔅᐱᔨᒡ᙮

ᒋᔅᒐᔨᑕᑯᑕᒐᐅᓐ 8:7

ᐊᑯ ᐊᓐ ᓂᔅᑎᒻ ᐊ ᑕᑦ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᒋ ᒥᔅᑯᒥᔪᑕᓐ ᑭᔭ ᐃᔅᑯᑕᐤ ᒋ ᐸᒋᑎᓐ ᐊ ᒪᒧᐱᔨᒡ ᒥᐧᒄ ᐊᓐᑕ ᐊᔅᒋᒡ ᐊ ᐃᓯ ᐸᒋᑎᒡ᙮ ᒐᑲᑦ ᐊᐱᑐᐤ ᐊ ᐃᔅᐱᑎᔅᑭᒥᑲᒡ ᐊᔅᒋᔾ ᒋ ᐃᔎᑕᐤ᙮ ᒐᑲᑦ ᒪᒃ ᐊᐱᑐᐤ ᒋ ᐃᔅᐱᔅ ᐃᔎᓱᐅᒡ ᒥᔅᑎᑯᒡ᙮ ᒥᓯᐛ ᑭᔭ ᒥᔅᑯᓱᐛ ᒋ ᐃᔎᑕᐛ᙮