2 ᐊᑲ ᑕᑈᑎᒥᓇ ᑭᔭ ᐊ ᐊᑲ ᓇᐃᒥᑥᐛ ᒐᒋ ᔅᑐᑕᒡ,
ᒪᒃ ᒋᓴᒪᓂᑐᐤ ᒋᑭ ᒥᔄᑭᓂᐧᑲᑕᒺᐤ ᐅᔅᑎᒂᓂᔪᐤ ᑲ ᐛᐧᑲᑎᑯᑦ, ᑭᔭ ᐅᓴᑲᑎᐱ ᑲ ᐅᐱᐛᐎᒡ ᐊᓂᔭ ᐃᔭᐱᒡ ᑲ ᐱᒧᑕᔨᒋ ᐅᓂᑐᑎᒧᐅᓂᒡ᙮
ᐊᑲ ᑕᑈᑎᒥᓇ ᒐᒋ ᐱᔅᑎᓂᑥᐤ ᓂᑦ ᐃᔨᒥᒡ, ᐛᐸᒐ ᓂᑭ ᐃᑎᓴᐛᒡ ᒂᔅᑯᑎᓯᓯᒡ ᐊᓐᑕ ᒥᓯᐛ ᒋᑦ ᐊᔅᒋᐛᒡ᙮
ᐊᐅᑯᐤ ᑲ ᐃᑎᑕᓐ, “ᐱᔅᑎᓐ ᓂᑯᔅ ᐊᑯ ᒪᒃ ᒐᒋ ᐃᔭᒥᐊᔅᑐᐅᑦ᙮” ᐊᑯ ᒪᒃ ᐊᑲ ᑕᑈᑎᐎᓇ, ᐊᑯ ᒐ ᓂᐸᐃᒃ ᓂᔅᑎᒻ ᒋᑯᔅ᙮” ’ ”
ᐸᑐᔅ ᑲᒋ ᐛᐸᑎᔭᒡ ᐊᓂᔭ ᒋᓴᐃᔪᐛ ᒐᒂᔪᐤ, ᐊᐅᑯᔪᐤ ᒧᓱᔅ ᑭᔭ ᐊᕋᓐ ᒂ ᓂᑐᐛᐱᒪᒡ ᒋᓴᐅᒋᒪᐛ᙮ ᒂ ᐃᑕᒡ, “ᐊᐅᑯᔪᐤ ᑎᐸᔨᒋᒐᓱᐤ, ᐃᔅᕋᐃᓪ ᐅᒋᓴᒪᓂᑐᒧᐛᐛ ᑲ ᐃᔅᒋᔄᔨᒋ, ‘ᐱᔅᑎᓂᒡ ᓂᑦ ᐃᔨᒥᒡ ᒐᒋ ᔅᑐᑕᒡ, ᒋᑭ ᐃᑐᑕᐅᒡ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᒥᑯᓴᒡ ᑭᔭ ᒐᒋ ᐊᔭᒥᐊᔅᑐᐅᒡ᙮’ ”
ᑲ ᑕᑈᑎᒥᓇ, ᓂᑭ ᐃᑎᓴᐛᐅᒡ ᓇᔅᒡ ᐊ ᒥᒐᑎᒡ ᐃᔨᑭᒡ ᐊᓐᑕ ᒥᓯᐛ ᒋᑦ ᐊᔅᒋᒡ᙮
ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᐎᐱᒡ ᒐ ᐅᓂᔨᓐ ᒐᒋᓴᐸᔭᒐ᙮ ᒐ ᓂᑐᐛᐱᒥᑦ ᒋᓴᐅᒋᒪᐤ ᑭᔭ ᒐ ᐃᑎᑦ, ‘ᑎᐸᔨᒋᒐᓱᐤ ᐃᑉᕈᐤ ᐅᒋᓴᒪᓂᑐᒧᐛᐛ ᒂ ᐃᔅᒋᔄᔨᒋ: “ᐱᔅᑎᓇᐧᑯᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᑭᔭ ᒐᒋ ᐊᔭᒥᐊᔅᑐᐅᒡ᙮”
ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᐅᒡ ᒋᑭ ᐸᒋ ᐃᑎᓴᒻ ᒥᔅᑎ ᐊᐧᑯᓱᐅᓂᔪᐤ ᒐ ᐃᔭᒡ ᒋᑦ ᐊᐛᓯᓯᒧᐛᐅᒡ ᐊᓐᑕ ᑲ ᑕᒡ ᓂᑕᐅᒋᒋᑭᓂᒡ᙮ ᐊᓐᒡ ᑲᐸᐃᑭᔎᐅᒡ ᑭᔭ ᐅᐧᑲᓐᒡ ᑭᔭ ᑲ ᒥᔅᑎ ᐱᔎᐅᑯᓇᒡ ᐊᐛᓯᓯᒡ ᑭᔭ ᒥᔅᑐᓯᒡ, ᒪᔭᑕᓂᓯᒡ ᑭᔭ ᑲ ᐅᑦ ᐊᔅᑭᓂᓯᒡ᙮
ᐊᑯ ᐊᓂᔭ ᑯᑎᑲ ᐊᐛᔪᐛ ᒥᒄ ᐎᔨᐛᐤ ᑲ ᒪᒥᑐᓇᔨᒥᓱᔨᒋ ᐊᑲ ᓇᔅᒡ ᐊᐱᑕᔨᑎᒥᔨᒋ ᐊᓂᔭ ᑕᓐ ᐊ ᐃᓯ ᑯᐃᔅᑯᓇᑯᓂᔨᒡ ᒐᒋ ᐃᑐᑎᒥᔨᒋ, ᐱᓯᒄ ᑲ ᒥᒋᑐᑎᒥᔨᒋ, ᐊᐅᑯᓐ ᐅᔭ ᒪᐅᒡ ᐃᔭᒂᒡ ᒐ ᐃᓯ ᑎᐸᔅᑯᓇᑦ ᒋᓴᒪᓂᑐᐤ᙮
ᒋ ᐃᔎᓱᐅᒡ ᒪᒃ ᐊᐛᓐᒋ ᐊ ᐃᔅᐱᔅ ᐎᓯᑲᔅᑐᐛᔨᒋ ᐱᓯᒺ᙮ ᐊᑯ ᒂ ᐸᔅᑕᒪᒡ ᒋᓴᒪᓂᑐᐛ ᐊᓂᔭᔪᐛ ᑲ ᐊᔭᔨᒋ ᑎᐸᔨᒋᒐᐅᓂᔪᐤ ᐅᔭ ᒐᒋ ᐃᓯ ᓂᓇᐧᑲᑕᔨᒧᓇᓄᐎᒡ᙮ ᒥᒄ ᒪᒃ ᓇᒪ ᐊᐛᓐ ᐅᒋ ᒋᔅᑕᒋᒪᐤ ᒋᓴᒪᓂᑐᐛ ᑭᔭ ᓇᒪ ᐅᒋ ᒂᔅᑲᑎᓯᐤ᙮
