4 ᒋᑭ ᒂᔅᑯᑕᑯᒡ ᑭᔭ ᒋᑦ ᐃᔨᒪ ᑭᔭ ᒋᑯᐸᓇᒪ᙮’ ”
ᐊᑐᐛᔨᑎᒧᐅᓂᔪᐤ ᓯᒋᒥᒧᐛᐤ ᒋᓴᐅᒋᒪᐛ, ᑭᔭ ᑐᑐᐛᐤ ᒐᒋ ᐱᐸᒧᑕᔨᒋ ᐸᐧᑯᑎᔅᑭᒥᑲᒡ, ᐊᓐᑕ ᐊᑲ ᐊ ᑎᒂᓂᔨᒡ ᒪᔅᑭᓇᔪᐤ᙮
ᐛᐸᔨᑎᒧᐎᔾ ᓂᒥᒋᑐᑎᒧᐅᓐ ᒥᓐ ᐸᐃᒂᐤ, ᑭᔭ ᐊᔭᒥᐊᔅᑐᐤ ᑎᐸᔨᒋᒐᓱᐤ ᒋᒋᓴᒪᓂᑐᒻ ᒐᒋ ᐅᑎᓇᐧᒃ ᓂᐳᐅᓂᔪᐤ ᐅᑕ ᐃᒋᑉᑦ ᐊᔅᒋᒡ᙮”
ᑭᔭ ᑎᐸᔨᒋᒐᓱᐤ ᒂ ᐃᑐᑕᐧᒃ ᑲ ᐃᔅᒋᔄᑦ, ᐊᑯ ᒋᒋᐛ ᒋ ᒥᒐᑎᔪᐛ ᐅᒐᐛ ᐊᓐᑕ ᒋᓴᐅᒋᒪᐛ ᐎᒋᔨᒡ ᑭᔭ ᐊᓐᑕ ᒥᓯᐛ ᒥᒋᐛᐱᒡ ᐊᓐᑕ ᐃᒋᑉᑎᒡ᙮ ᒥᓯᐛ ᒋ ᐃᔭᔪᑕᐅᒡ ᐃᒋᑉᑦ ᐊᔅᒋᔪᐤ ᐊᓐᒡ ᐅᒐᐅᒡ᙮
ᒋᑭ ᓴᑭᔅᒋᓇᐅᒡ ᐃᔨᑭᒡ ᐊᓐᑕ ᓇᐃᔭᓪ ᓯᐱᒡ ᑭᔭ ᒋᒋᐛᐛᒡ ᒋᑭ ᑕᐅᒡ, ᒐ ᐊᑎ ᐱᒐᒡ ᐊᓐᑕ ᒋᑲᐱᔅᒋᒐᔭᒧᐛᒡ ᑭᔭ ᒋᓂᐸᐅᓄᐛᐛᒡ ᒋᑭ ᑕᐅᒡ ! ᓄᑎᒻ ᒥᒋᐛᐱᒡ ᐊᓐᑕ ᐃᒋᑉᑎᒡ ᒋᑭ ᑕᐅᒡ᙮ ᓄᑎᒻ ᐊᓐᑕ ᒋᑭ ᓴᑭᔅᒋᓇᐅᒡ ᒋᑲᐱᒥᓄᐛᐤ ᒋᓴᐱᔅᒐᐛᓄᐛᒡ ᑭᔭ ᒋᑦ ᐊᔅᒋᐧᑯᐛᐛᒡ᙮
ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒐ ᐃᑎᑦ ᐊᕋᓐ ᒐᒋ ᐃᔅᐱᔨᑕᑦ ᐅᓯᔅᑲᐅᓐ ᐊᓐᑕ ᓇᐃᔭᓪ ᓯᐱᒡ ᑭᔭ ᐊᓐᑕ ᒥᓯᐛ ᓴᑲᐃᑭᓂᒡ ᑭᔭ ᓯᐱᓯᒡ ᑭᔭ ᒐ ᑐᑐᐅᑥᐤ ᐃᔨᑭᒡ ᒐᒋ ᒧᔅᒋᐱᔨᒡ ᑭᔭ ᒐ ᐊᑯᓇᐊᒡ ᒥᓯᐛ ᐃᒋᑉᑦ ᐊᔅᒋᔪᐤ᙮”
ᓂᑐᑎᒧᐤ ᑎᐸᔨᒋᒐᓱᐤ᙮ ᓴᔅ ᓂᑦ ᐃᔅᐱᔨᓇᓐ ᓂᒥᔅᒍᐅᒡ ᑭᔭ ᐊ ᓯᓯᑯᓂᐱᔨᒡ᙮ ᑭᔭ ᒋᑭ ᐱᔅᑎᓂᑎᓇᐛᐤ᙮ ᓴᔅ ᐅᑕ ᓇᒪ ᒋᑭ ᐅᒋ ᑕᓇᐛᐤ᙮”
