ᐊᒃᓱᑕᔅ 8:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ ᐊᑯ ᒧᓱᔅ ᒂ ᐃᑕᑦ, “ᓇᒪ ᒥᔽᐤ ᒐᒋ ᐃᑐᑎᒪᓐ ᐅ᙮ ᒋᑭ ᐛᐧᑲᐃᑯᐅᒡ ᐃᒋᑉᑦ ᐃᔪᒡ ᐊ ᒥᑐᔅᑕᐊᒧᒥᒋᒋ ᐊᐛᓯᓴ ᑎᐸᔨᒋᒐᓱᐛ ᓂᒋᓴᒪᓂᑐᒥᓇᓇ᙮ ᒐᔅᑎᓇᔅ ᓂᐸ ᐎ ᓂᐸᐃᑯᓇᓐᒡ ᐊᓯᓂᔭ ᐊ ᐸᐱᒧᓯᓇᑕᐎᒥᒡ᙮

ᐊᒃᓱᑕᔅ 8:26 Iomraidhean Croise

ᒐᓂᓯᔅ 43:32

ᒍᓯᑉ ᒋ ᐸᐃᑯᒥᒋᓱᐤ, ᐎᐧᑲᓂᓴ ᑎᐸᓐ ᒥᒋᓱᐛᑭᓇᑎᑯᒡ ᒋ ᐊᐱᔪᐛ ᑭᔭ ᐃᒋᑉᑦ ᐃᔪᒡ ᑯᑎᒋᔪᐤ ᒥᒋᓱᐛᑭᓇᑎᑯᔪᐤ ᒋ ᐊᐳᐅᒡ᙮ ᐛᔅ ᐃᒋᑉᑦ ᐃᔪᒡ ᐅᑦ ᐃᑐᐅᓄᐛᒡ ᓇᒪ ᐅᒋ ᓇᐊᔨᒪᑭᓄᐎᒡ ᒐᒋ ᐎᒋᒥᒋᓱᒪᒡ ᐃᑉᕈᐤ ᐃᔪᐛ᙮

ᒐᓂᓯᔅ 46:34

ᐊᑯ ᒐ ᐃᑕᒄ, ‘ᒋᑦ ᐊᐱᒋᐊᑭᓐᒡ ᒋ ᓇᑭᑐᐛᔨᒪᐅᒡ ᐊᐛᓯᓴ ᐊ ᐅᔅᑎᓂᒋᐅᒡ ᐅᒡ ᐃᔅᐱᔅ ᐊᓄᒡ, ᑕᐱᔅᑯᓐ ᓂᔭᓐ ᑭᔭ ᓂᑦ ᐊᓂᔅᑯᑕᐸᓇᓐᒡ,’ ᐊᑯ ᒪᒃ ᒐ ᒥᔨᑕᒄ ᒐᒋ ᐎᒋᐛᒄ ᐊᓐᑕ ᑯᓯᓐ ᐊᔅᒋᒡ, ᐛᔅ ᐃᒋᑉᑦ ᐃᔪᒡ ᓇᒪ ᒥᔽᔨᑎᒧᒡ ᒐᒋ ᒥᒋᒪ ᑕᐛᒡ ᒪᔭᑕᓂᓯᐅ-ᐃᔪᐛ ᐊ ᑕᔨᒋ᙮”

ᐊᒃᓱᑕᔅ 3:18

ᐃᔅᕋᐃᓪ ᐅᒋᒪᐅᒡ ᒋᑭ ᓂᑐᑕᑯᒡ ᒐᒂᓂᔪᐤ ᒐ ᐃᑎᑥᐤ᙮ ᐊᑯ ᒋᔾ ᑭᔭ ᐊᕋᓐ ᒐ ᓂᑐᐛᐱᒪᒄ ᐃᒋᑉᑦ ᒋᓴᐅᒋᒪᐤ ᑭᔭ ᒐ ᐃᑕᒄ, ‘ᑎᐸᔨᒋᒐᓱᐤ, ᐃᑉᕈᐤ ᐃᔪᒡ ᐅᒋᓴᒪᓂᑐᒧᐛᐛ ᓂᒋ ᓄᑯᓯᔅᑕᑯᓇᓐ᙮ ᓇᐃᒥᓇᓐ ᒐᒋ ᐱᒧᑕᔭᒡ ᓂᔅᑐᒋᓯᑲᐛ ᐃᔅᐱᔅ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᒥᑐᔅᑕᐊᒧᐅᒋᒡ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ᙮’

ᐊᒃᓱᑕᔅ 8:8

ᐊᑯ ᒋᓴᐅᒋᒪᐤ ᒂ ᐎᓴᒪᑦ ᒧᓱᓴ ᑭᔭ ᐊᕋᓇ ᑭᔭ ᒂ ᐃᑕᑦ, “ᐊᔭᒥᐊᔅᑐᐛᐧᒄ ᒋ ᑎᐸᔨᒋᒐᓯᒧᐛᐤ ᒐᒋ ᐅᑎᓇᑦ ᐊᓂᔭᔪᐛ ᐃᔨᑲ ᐊᓐᑕ ᓂᑦ ᐃᔨᒪ ᑭᔭ ᓂᔾ ᐅᒡ, ᓂᑭ ᐱᔅᑎᓇᐅᒡ ᒋᑦ ᐃᔨᒧᐛᐅᒡ ᒐᒋ ᒥᔭᒡ ᒥᑐᔅᑕᐊᒪᒐᐅᓂᔪᐤ ᑎᐸᔨᒋᒐᓱᐛ᙮”