ᐊᒃᓱᑕᔅ 7:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐊᑯ ᒐ ᐃᑐᑎᒪᓐ ᓂᓱᐧᑲᑎᓯᐅᓐ ᒪᔅᑕᔾ ᒐ ᒥᔅᑎ ᐊᓏᔨᒥᒂᐤ ᐊᓐ ᐃᒋᑉᑦ ᐃᔪᒡ, ᐊᑯ ᒐ ᒋᔅᒋᓄᑕᐃᒂᐤ ᓂᑦ ᐃᔨᒥᒡ ᐃᒋᑉᑎᒡ ᐅᒡ᙮

ᐊᒃᓱᑕᔅ 7:4 Iomraidhean Croise

ᐊᒃᓱᑕᔅ 10:1

ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒐ ᓇᑎᑦ ᒋᓴᐅᒋᒪᐤ, ᐛᔅ ᓂᒋ ᐃᑐᑐᐛᐅᒡ ᒐᒋ ᒥᔅᑯᔅᑎᒂᓇᒡ ᐎᔾ ᑭᔭ ᐅᑯᐸᓇᒪ, ᐊᑯ ᒪᒃ ᒐ ᐃᑐᑎᒧᒡ ᑲ ᓱᐧᑲᑎᓯᒥᑭᓂᔨᒋ ᒪᒥᔅᑲᒡ ᐃᑐᐅᓇ ᐊᓐᑕ ᐊ ᐃᑕᒡ᙮

ᐊᒃᓱᑕᔅ 11:9

ᑎᐸᔨᒋᒐᓱᐤ ᒋ ᐃᑕᐤ ᒧᓱᓴ, “ᓇᒪ ᒋᑭ ᑕᑈᑎᒻ ᒋᓴᐅᒋᒪᐤ ᒐᒋ ᓂᑐᑕᔅᒄ, ᐊᑯ ᒪᒃ ᐊᑎᑐᐤ ᐊ ᓱᐧᑲᑎᓯᒥᑲᒋ ᓂᒋᔅᒋᓄᐛᒡ ᐛᐸᑎᔨᐛᐅᓇ ᒐ ᐃᑐᑎᒪᓐ ᐊᓐᑕ ᐃᒋᑉᑎᒡ᙮”

ᐊᒃᓱᑕᔅ 12:51

ᑭᔭ ᓇᐊᐤ ᐊᓂᔭ ᒋᓯᑯᔪᐤ ᑎᐸᔨᒋᒐᓱᐤ ᒂ ᐎᐎᑕᐊᑦ ᐃᔅᕋᐃᓪ ᐃᔪᐛ ᐊᓐᑕ ᐃᒋᑉᑎᒡ ᐅᒡ᙮

ᐊᒃᓱᑕᔅ 13:3

ᒂ ᐃᑕᑦ ᒧᓱᔅ ᐃᔪᐛ, “ᒐ ᒋᔅᑕᔨᑎᒪᒃ ᐅ ᒋᓯᒄ, ᑲ ᐎᐎᔭᒄ ᐃᒋᑉᑎᒡ ᐅᒡ, ᑲ ᒪᑯᓂᑯᐅᔭᒄ, ᐛᔅ ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᒋ ᐊᐱᒋᑕᐤ ᒐᒋ ᐎᐎᑕᔨᑕᒄ ᐊᓐᑕ ᐃᒋᑉᑎᒡ᙮ ᒐ ᐊᑲ ᒥᒋᔭᒄ ᒐᒂᓐ ᓯᐅᔅᑎᒪᑭᓐ ᐊᔅᒋᐱᔨᑦ᙮

ᐊᒃᓱᑕᔅ 13:9

ᐅ ᐊ ᐃᓯ ᑭᓄᐛᐱᑕᑭᓄᐅᒡ ᒧᔭᒻ ᐊ ᒪᑯᐱᑎᒥᓂ ᒐᒂᓐ ᒋᑦ ᐅᐧᑯᓂᑎᒋᒡ ᑭᔭ ᒪᒃ ᐊᓐᑕ ᒋᔅᑲᑎᑯᒡ ᒐᒋ ᒋᔅᒋᔭᒄ ᒐᒋ ᒋᔅᑯᑎᒧᐛᑯᒡ ᐊᐛᓐᒋ ᑎᐸᔨᒋᒐᓱᐛ ᐅᑦ ᐃᑎᓱᐛᐅᓂᔪᐤ, ᐊᓂᔭ ᐅᓱᐧᑲᑎᓯᐅᓐ ᑲ ᐊᐱᒋᑕᑦ ᒐᒋ ᐎᐎᑕᔨᑕᒄ ᐃᒋᑉᑎᒡ᙮

ᐊᒃᓱᑕᔅ 18:8

ᐊᑯᑕ ᐊᓐᑕ ᒧᓱᔅ ᑲ ᐛᐎᑎᒧᐛᑦ ᑎᐸᔨᒋᒐᓱᐛ ᑲ ᐃᑐᑎᒥᔨᒋ ᒐᒋ ᓇᑭᑐᐛᔨᒪᔨᒋ ᐃᔅᕋᐃᓪ ᐃᔪᐛ ᐊᓂᔭ ᑲ ᐃᑐᑐᐛᔨᒋ ᒋᓴᐅᒋᒪᐛ ᑭᔭ ᐃᒋᑉᑎᒡ ᐃᔪᐛ᙮ ᐃᔭᐱᒡ ᑲ ᐃᓯ ᐊᔨᒥᔪᐅᒡ ᑭᔭ ᑲ ᐃᓯ ᐱᒪᒋᐃᑯᒡ ᑎᐸᔨᒋᒐᓱᐛ᙮

ᐊᒃᓱᑕᔅ 3:19

ᓂ ᒋᔅᒐᔨᒪᐤ ᐃᒋᑉᑎᒡ ᒋᓴᐅᒋᒪᐤ ᒐ ᐊᑲ ᐱᔅᑎᓂᑕᒄ ᐸᑐᔅ ᓇᔅᒡ ᑐᑕᑯᒐ ᒐᒂᔪᐤ ᒐᒋ ᐱᔅᑎᓂᑕᒄ᙮

ᐊᒃᓱᑕᔅ 3:20

ᐊᑯ ᓂᓱᐧᑲᑎᓯᐅᓐ ᒐ ᐊᐱᒋᑕᔭᓐ ᒐᒋ ᑐᑐᐅᒂᐤ ᒪᒥᔅᑲᒡ ᒐᒂᔪᐤ, ᐊᑯ ᐸᑐᔅ ᑭᔭ ᒐ ᐱᔅᑎᓂᑕᒄ᙮”

ᐊᒃᓱᑕᔅ 6:1

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒋᑭ ᐛᐱᒪᐤ ᒐ ᐃᑐᑐᐅᒃ ᒋᓴᐅᒋᒪᐤ ᐊᔅᐱᔅ ᓱᐧᑲᑎᓯᔭᓐ᙮ ᒋᑭ ᐱᔅᑎᓇᐤ ᓂᑦ ᐃᔨᒪ, ᑭᔭ ᓇᔅᒡ ᒋᑭ ᐎ ᐃᑲᑎᓴᐛᐤ ᐅᑦ ᐊᔅᒋᒡ ᐅᒡ᙮”

ᐊᒃᓱᑕᔅ 6:26

ᐸᐃᑯᑕᐤ ᐊᓂᔭ ᐊᕋᓇ ᑭᔭ ᒧᓱᓴ ᑎᐸᔨᒋᒐᓱᐤ ᑲ ᐃᑕᑦ ᒐᒋ ᔅᑐᑕᐊᔨᒋ ᐃᔅᕋᐃᓪ ᐃᔪᐛ ᐊᓐᑕ ᐃᒋᑉᑦ ᐊᔅᒋᒡ ᐅᒡ᙮

ᐊᒃᓱᑕᔅ 6:6

“ᐊᐅᑯᐤ ᒐ ᐃᑎᑥᐤ ᐃᔅᕋᐃᓪ ᐃᔪᒡ, ‘ᓂᔾ ᐅ ᑎᐸᔨᒋᒐᓱᐤ᙮ ᑭᔭ ᓂᓱᐧᑲᑎᓯᐅᓐ ᐅᒡ ᓂᑭ ᐊᓏᔨᒪᐅᒡ ᐃᒋᑉᑦ ᐃᔪᒡ ᑭᔭ ᒋᑭ ᐱᐧᑯᐃᑎᓇᐛᐤ ᐊ ᓂᓇᐧᑲᒋᐃᑯᐅᔭᒄ ᐊᓐᑕ ᐃᒋᑉᑎᒡ᙮

ᐊᒃᓱᑕᔅ 7:13

ᒋᓴᐅᒋᒪᐤ ᐊᔅᒄ ᐃᔭᐱᒡ ᒋ ᒥᔅᑯᔅᑎᒂᓇᐤ ᑭᔭ ᓇᒪ ᐅᒋ ᐎᓂᑐᑎᒻ ᐃᔭᐱᒡ, ᒧᔭᒻ ᑎᐸᔨᒋᒐᓱᐛ ᑲ ᐃᔅᒋᔄᔨᒋ᙮

ᐊᒃᓱᑕᔅ 7:16

ᑭᔭ ᒐ ᐎᑎᒧᐅᑦ, ‘ᑎᐸᔨᒋᒐᓱᐤ, ᐃᑉᕈᐤ ᐅᒋᓴᒪᓂᑐᒧᐛᐛ, ᓂᒋ ᐃᑎᓴᐅᒃ ᒐᒋ ᐃᑎᓱᒥᑕᓐ, ᐱᔅᑎᓇᐧᑯᒡ ᓂᑦ ᐃᔨᒥᒡ ᒐᒋ ᐊᔭᒥᐊᔅᑐᐅᒡ ᐊᓐᑕ ᐸᐧᑯᑎᔅᑭᒥᑲᒡ᙮ ᒥᒄ ᐊᔅᒄ ᐃᔭᐱᒡ ᐊᓄᒡ, ᓇᒪ ᒋ ᐅᒋ ᓂᑐᑐᐛᐤ᙮

ᐊᒃᓱᑕᔅ 8:15

ᐊᑯ ᒋᓴᐅᒋᒪᐤ ᒂ ᐛᐱᒪᑦ ᐃᔨᑲ ᓇᐱᔨᒋ, ᑲᐤ ᒥᓐ ᒂ ᒥᔅᑯᔅᑎᒂᓇᑦ ᓇᒪ ᐅᒋ ᐎ ᑕᑈᑎᒻ ᒐᒋ ᐱᔅᑎᓇᑦ ᐃᔪᐛ, ᒧᔭᒻ ᑎᐸᔨᒋᒐᓱᐤ ᑲ ᐃᔅᒋᔄᑦ, ᓇᒪ ᐅᒋ ᐎ ᓂᑐᑐᐛᐤ ᒧᓱᓴ ᑭᔭ ᐊᕋᓇ᙮

ᐊᒃᓱᑕᔅ 8:19

ᑭᔭ ᑲᒥᓂᑐᐅᓯᒡ ᒂ ᐃᑕᒡ ᒋᓴᐅᒋᒪᐛ, “ᐊᐅᑯᔪᐤ ᐅᔭ ᒋᓴᒪᓂᑐᐤ ᐅᑦ ᐃᑐᐅᓐ᙮” ᒥᒄ ᒋᓴᐅᒋᒪᐤ ᒋ ᒥᔅᑯᔅᑎᒂᓇᐤ, ᒧᔭᒻ ᑎᐸᔨᒋᒐᓱᐤ ᑲ ᐃᔅᒋᔄᑦ, ᓇᒪ ᐅᒋ ᐎ ᓂᑐᑐᐛᐤ ᒧᓱᓴ ᑭᔭ ᐊᕋᓇ᙮

ᐊᒃᓱᑕᔅ 9:12

ᐊᑯ ᑎᐸᔨᒋᒐᓱᐤ ᒂ ᐃᑐᑐᐛᑦ ᒋᓴᐅᒋᒪᐛ ᒐᒋ ᒥᔅᑯᔅᑎᒂᓇᔨᒋ᙮ ᑭᔭ ᒋᓴᐅᒋᒪᐤ ᓇᒪ ᐅᒋ ᓂᑐᑐᐛᐤ ᒧᓱᓴ ᑭᔭ ᐊᕋᓇ, ᒧᔭᒻ ᑎᐸᔨᒋᒐᓱᐤ ᑲ ᐃᑕᑦ ᒧᓱᓴ᙮

ᐊᒃᓱᑕᔅ 9:3

ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᐅᒡ ᒋᑭ ᐸᒋ ᐃᑎᓴᒻ ᒥᔅᑎ ᐊᐧᑯᓱᐅᓂᔪᐤ ᒐ ᐃᔭᒡ ᒋᑦ ᐊᐛᓯᓯᒧᐛᐅᒡ ᐊᓐᑕ ᑲ ᑕᒡ ᓂᑕᐅᒋᒋᑭᓂᒡ᙮ ᐊᓐᒡ ᑲᐸᐃᑭᔎᐅᒡ ᑭᔭ ᐅᐧᑲᓐᒡ ᑭᔭ ᑲ ᒥᔅᑎ ᐱᔎᐅᑯᓇᒡ ᐊᐛᓯᓯᒡ ᑭᔭ ᒥᔅᑐᓯᒡ, ᒪᔭᑕᓂᓯᒡ ᑭᔭ ᑲ ᐅᑦ ᐊᔅᑭᓂᓯᒡ᙮

ᒋᔅᒐᔨᑕᑯᑕᒐᐅᓐ 15:4

ᐅᑎᐸᔨᒋᒐᐤ, ᐊᐛᓐ ᒐ ᐊᑲ ᓂᓇᒋᔅᑕᔅᒃ ᑭᔭ ᒐ ᐊᑲ ᒋᔅᑕᑐᑕᐧᒃ ᒋᑦ ᐃᓯᓂᐧᑲᓱᐅᓂᔪᐤ ? ᐛᔅ ᒥᒄ ᒋᔾ ᒋ ᐸᔭᒋᓯᓐ᙮ ᒥᓯᐛ ᐊᐛᓐᒋ ᐊ ᐃᑎᔅᑲᓇᓯᒡ ᒋᑭ ᐸᒋ ᓄᒋᔅᑕᑯᒡ ᐛᔅ ᔅᒋ ᐛᐸᑎᔨᐛᓐ ᐊᔅᐱᔅ ᑯᐃᔅᒄ ᐃᑎᔨᓐ᙮” ᐊᐅᒄ ᐅᔭ ᑲ ᐃᑕᐊᒪᓱᒡ ᐊ ᓂᑭᒧᒡ᙮

ᒋᔅᒐᔨᑕᑯᑕᒐᐅᓐ 16:7

ᐊᑯ ᐊᓐᑕ ᐱᔅᑎᓂᒐᐅᓇᐱᔅᒄ ᐊ ᑎᒂᒡ, ᐊᑯᑕ ᒂ ᐅᒋ ᐸᑐᐅᒃ ᐊᐛᓐ ᐊ ᐃᔅᒋᔄᑦ, “ᐅᑎᐸᔨᒋᒐᐤ ᒋᓴᒪᓂᑐᐤ, ᒋᔾ ᒪᐅᒡ ᑲ ᓱᐧᑲᑎᓯᔨᓐ᙮ ᑕᑈ ᑯᐃᔅᒄ ᒋ ᐊᑎ ᐃᓯ ᑎᐸᔅᑯᓇᐅᒡ ᐊᐛᓐᒋ ᐊ ᑎᐸᔅᑯᓂᑥᐤ᙮ ᑕᑈ ᐃᑕᔨᑕᑯᓂᔪᐤ ᑭᔭ ᒐᒋ ᑎᐸᔅᑯᓂᑥᐤ᙮”

ᒋᔅᒐᔨᑕᑯᑕᒐᐅᓐ 19:2

ᐛᔅ ᒥᓯᐛ ᑕᐱᑐᐤ ᐃᓯ ᑎᐸᔅᑯᓇᐤ ᐊᐛᔪᐛ ᑭᔭ ᐊᓐ ᐊ ᐃᑕᔨᑕᑯᓂᔨᒡ ᒐᒋ ᐃᓯ ᑎᐸᔅᑯᓇᑭᓄᔨᒋ, ᐊᐅᑯᓐ ᐊ ᐃᓯ ᑎᐸᔅᑯᓇᑦ᙮ ᒋ ᑎᐸᔅᑯᓇᐤ ᒪᒃ ᐊᓂᔭᔪᐛ ᑲ ᒥᔪ ᒋᔅᒐᔨᒪᑭᓄᔨᒋ ᐱᓯᒂᑎᓯᔎᐛ᙮ ᒥᒐᑦ ᐊᐛᔪᐛ ᐅᑕ ᐊᔅᒋᒡ ᒋ ᐎᔭᓯᐊᐤ ᐅ ᐃᔎᐤ ᑕᓐ ᑲ ᐃᑕᑎᓯᑦ᙮ ᒋᓴᒪᓂᑐᐤ ᒋ ᐛᐛᓯᐊᐤ ᐊᓂᔭ ᐱᓯᒂᑎᓯᔎᐛ ᐊᒋ ᓂᐸᐊᔨᒋ ᐊᓂᔭᔪᐛ ᒋᓴᒪᓂᑐᐛ ᑲ ᐊᑐᔅᑯᐛᔨᒋ᙮”