ᐊᒃᓱᑕᔅ 7:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᑭᔭ ᒐ ᐎᑎᒧᐅᑦ, ‘ᑎᐸᔨᒋᒐᓱᐤ, ᐃᑉᕈᐤ ᐅᒋᓴᒪᓂᑐᒧᐛᐛ, ᓂᒋ ᐃᑎᓴᐅᒃ ᒐᒋ ᐃᑎᓱᒥᑕᓐ, ᐱᔅᑎᓇᐧᑯᒡ ᓂᑦ ᐃᔨᒥᒡ ᒐᒋ ᐊᔭᒥᐊᔅᑐᐅᒡ ᐊᓐᑕ ᐸᐧᑯᑎᔅᑭᒥᑲᒡ᙮ ᒥᒄ ᐊᔅᒄ ᐃᔭᐱᒡ ᐊᓄᒡ, ᓇᒪ ᒋ ᐅᒋ ᓂᑐᑐᐛᐤ᙮

ᐊᒃᓱᑕᔅ 7:16 Iomraidhean Croise

ᐊᒃᓱᑕᔅ 10:3

ᐊᑯ ᒧᓱᔅ ᑭᔭ ᐊᕋᓐ ᒂ ᓂᑐᐛᐱᒪᒡ ᒋᓴᐅᒋᒪᐛ᙮ ᒂ ᐃᑕᒡ, “ᒪᐤ ᐅᔭ ᐊᔅᒋᔄᑦ ᑎᐸᔨᒋᒐᓱᐤ, ᐃᑉᕈᐤ ᐃᔪᒡ ᐅᒋᓴᒪᓂᑐᒧᐛᐛ, ‘ᑕᐃᔅᐱ ᒐ ᐳᓂᔨᓐ ᐊᑲ ᑕᑈᑎᒥᓐ ? ᓇᐃᒥᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᑭᔭ ᒐᒋ ᐊᔭᒥᐊᔅᑐᐅᒡ᙮

ᐊᒃᓱᑕᔅ 13:15

ᐃᔅᐱ ᑲ ᒥᔅᑯᔅᑎᒂᓇᑦ ᒋᓴᐅᒋᒪᐤ ᐊᑲ ᐅᒋ ᐎ ᐱᔅᑎᓇᑦ ᐃᔪᐛ, ᐊᑯ ᑎᐸᔨᒋᒐᓱᐤ ᒂ ᓂᐸᐊᑦ ᒥᓯᐛ ᓂᔅᑎᒧᓴᓇ ᐊ ᓇᐸᓯᐎᔨᒋ ᐊᓐᑕ ᐃᒋᑉᑎᒡ, ᑕᐱᔅᑯᓐ ᓇᐸᐛ ᑭᔭ ᐊᐛᓯᓴ᙮ ᐊᐅᑯᓐ ᐛᒋ ᒥᑐᔅᑕᐊᒧᐛᐧᒄ ᑎᐸᔨᒋᒐᓱᐤ ᒥᓯᐛ ᓂᔅᑎᒻ ᐊ ᐃᔪᐎᔨᒋ ᐊᐛᓯᓴ, ᒥᒄ ᒐ ᐱᒪᒋᐊᐧᑯᒡ ᓂᔅᑎᒻ ᒋᑦ ᐊᐛᓯᒥᓄᐅᒡ ᐊ ᓇᐸᓯᐅᒡ᙮’

ᐊᒃᓱᑕᔅ 14:5

ᐃᔅᐱ ᑲ ᐎᑎᒧᐛᑭᓄᐅᑦ ᐃᒋᑉᑦ ᒋᓴᐅᒋᒪᐤ ᐊᒋ ᔅᑐᑕᔨᒋ ᐃᔅᕋᐃᓪ ᐃᔪᐛ, ᒋᓴᐅᒋᒪᐤ ᑭᔭ ᐅᑯᐸᓇᒪ ᒂ ᒂᔅᒐᔨᑕᒡ ᑭᔭ ᒂ ᐃᔅᒋᔄᒡ, “ᑕᓐ ᑲ ᐊᐃᑎᔭᐧᒃ ᐅ ? ᔅᒋ ᐱᔅᑎᓇᓄᐅᒡ ᐃᔅᕋᐃᓪ ᐃᔪᒡ ᑭᔭ ᓇᒪ ᒋᑭ ᒋ ᓴᔅ ᐅᑯᐸᓇᒥᑐᐛᓄᐅᒡ !”

ᐊᒃᓱᑕᔅ 3:12

ᒋᓴᒪᓂᑐᐤ ᒋ ᐃᑕᐤ, “ᒋᑭ ᐎᒐᐅᑎᓐ᙮ ᐊᐅᑯᐤ ᐅᒪ ᒪᒃ ᒐ ᐅᒋᔅᒋᓄᐛᒋᒋᑭᓂᔨᓐ ᐊᒋ ᐃᑎᓴᐅᑕᓐ᙮ ᐃᔅᐱ ᒋ ᐸᒋ ᐎᐎᑕᔨᑥᐛ ᐊᓐᒡ ᐃᔪᒡ ᐊᓐᑕ ᐃᒋᑉᑎᒡ ᐅᒡ, ᒋᑭ ᐊᔭᒥᐊᔅᑐᐅᓇᐛᐤ ᐅᑕ ᐱᔅᑯᑎᓇᒡ᙮”

ᐊᒃᓱᑕᔅ 3:13

ᒧᓱᔅ ᒪᒃ ᒋ ᑯᒂᒋᒪᐤ, “ᐃᔅᐱ ᓂᑐᐛᐱᒥᒂᐛ ᐃᔅᕋᐃᓪ ᐃᔪᒡ ᑭᔭ ᐎᑎᒧᐅᒂᐛ, ‘ᐊᓂᔭ ᐅᑕᐎᐛᐛ ᐅᒋᓴᒪᓂᑐᒥᔪᐛ ᓂᒋ ᐃᑎᓴᐅᑯᔨᐛ,’ ᑕᓐ ᒐ ᐃᑎᒂᐤ ᑯᒂᒋᒥᑥᐛ ᐊᓯᓂᐧᑲᓱᐅᑦ ?”

ᐊᒃᓱᑕᔅ 3:18

ᐃᔅᕋᐃᓪ ᐅᒋᒪᐅᒡ ᒋᑭ ᓂᑐᑕᑯᒡ ᒐᒂᓂᔪᐤ ᒐ ᐃᑎᑥᐤ᙮ ᐊᑯ ᒋᔾ ᑭᔭ ᐊᕋᓐ ᒐ ᓂᑐᐛᐱᒪᒄ ᐃᒋᑉᑦ ᒋᓴᐅᒋᒪᐤ ᑭᔭ ᒐ ᐃᑕᒄ, ‘ᑎᐸᔨᒋᒐᓱᐤ, ᐃᑉᕈᐤ ᐃᔪᒡ ᐅᒋᓴᒪᓂᑐᒧᐛᐛ ᓂᒋ ᓄᑯᓯᔅᑕᑯᓇᓐ᙮ ᓇᐃᒥᓇᓐ ᒐᒋ ᐱᒧᑕᔭᒡ ᓂᔅᑐᒋᓯᑲᐛ ᐃᔅᐱᔅ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᒥᑐᔅᑕᐊᒧᐅᒋᒡ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ᙮’

ᐊᒃᓱᑕᔅ 4:22

ᐊᑯ ᒐ ᐎᑎᒧᐅᑦ, ‘ᐊᐅᑯᐤ ᐅᔭ ᑲ ᐃᔅᒋᔄᑦ ᑎᐸᔨᒋᒐᓱᐤ, “ᐃᔅᕋᐃᓪ ᐊᐅᒃ ᐅ ᓂᔅᑎᒻ ᑲ ᐃᔪᐅᑦ ᓂᑯᔅ᙮

ᐊᒃᓱᑕᔅ 4:23

ᐊᐅᑯᐤ ᑲ ᐃᑎᑕᓐ, “ᐱᔅᑎᓐ ᓂᑯᔅ ᐊᑯ ᒪᒃ ᒐᒋ ᐃᔭᒥᐊᔅᑐᐅᑦ᙮” ᐊᑯ ᒪᒃ ᐊᑲ ᑕᑈᑎᐎᓇ, ᐊᑯ ᒐ ᓂᐸᐃᒃ ᓂᔅᑎᒻ ᒋᑯᔅ᙮” ’ ”

ᐊᒃᓱᑕᔅ 7:4

ᐊᑯ ᒐ ᐃᑐᑎᒪᓐ ᓂᓱᐧᑲᑎᓯᐅᓐ ᒪᔅᑕᔾ ᒐ ᒥᔅᑎ ᐊᓏᔨᒥᒂᐤ ᐊᓐ ᐃᒋᑉᑦ ᐃᔪᒡ, ᐊᑯ ᒐ ᒋᔅᒋᓄᑕᐃᒂᐤ ᓂᑦ ᐃᔨᒥᒡ ᐃᒋᑉᑎᒡ ᐅᒡ᙮

ᐊᒃᓱᑕᔅ 8:1

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, ᒐ ᓂᑐᐛᐱᒥᑦ ᒋᓴᐅᒋᒪᐤ ᑭᔭ ᒐ ᐃᑎᑦ, “ᐊᐅᑯᐤ ᐅᔭ ᑎᐸᔨᒋᒐᓱᐤ ᐊ ᐃᔅᒋᔄᑦ: ‘ᐱᔅᑎᓂᒡ ᓂᑦ ᐃᔨᒥᒡ ᒐᒋ ᐊᔭᒥᐊᔅᑐᐅᒡ᙮

ᐊᒃᓱᑕᔅ 8:20

ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᐎᐱᒡ ᒐᒋᓴᐸ ᒐ ᐅᓂᔨᓐ ᑭᔭ ᒐ ᓂᔅᑯᐅᑦ ᒋᓴᐅᒋᒪᐤ ᐊᓐᑕ ᓯᐱᒡ ᒪᒂᒡ ᒐ ᒋᔅᑕᐸᐅᐎᓱᑦ, ᑭᔭ ᒐ ᐃᑎᑦ, ‘ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᐊ ᐃᔅᒋᔄᑦ: ᐱᔅᑎᓂᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᑭᔭ ᒐᒋ ᐊᔭᒥᐊᔅᑐᐅᒡ᙮

ᐊᒃᓱᑕᔅ 9:1

ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᑲᐤ ᓂᑐᐛᐱᒪ ᒋᓴᐅᒋᒪᐤ ᑭᔭ ᒐ ᐃᑎᑦ, ‘ᑎᐸᔨᒋᒐᓱᐤ ᐃᑉᕈᐤ ᐅᒋᓴᒪᓂᑐᒧᐛᐛ ᒂ ᐃᔅᒋᔄᔨᒋ “ᐱᔅᑎᓇᐧᑯᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᐊᑯ ᒪᒃ ᒐᒋ ᐊᔭᒥᐊᔅᑐᐅᒡ᙮”

ᐊᒃᓱᑕᔅ 9:13

ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᐎᐱᒡ ᒐ ᐅᓂᔨᓐ ᒐᒋᓴᐸᔭᒐ᙮ ᒐ ᓂᑐᐛᐱᒥᑦ ᒋᓴᐅᒋᒪᐤ ᑭᔭ ᒐ ᐃᑎᑦ, ‘ᑎᐸᔨᒋᒐᓱᐤ ᐃᑉᕈᐤ ᐅᒋᓴᒪᓂᑐᒧᐛᐛ ᒂ ᐃᔅᒋᔄᔨᒋ: “ᐱᔅᑎᓇᐧᑯᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᑭᔭ ᒐᒋ ᐊᔭᒥᐊᔅᑐᐅᒡ᙮”